رواية أحبيني بلا عقد للكاتبة أديم الراشد ..

رواية أحبيني بلا عقد للكاتبة أديم الراشد .. البارت التاسع والثلاثون

ـ
*. #البارت_تسع_وثلاثون👇💙*

مكالمات زياد استغرب بس دق وهو ينتظره
جاء له صوت زياد: الووو
تميم :هلا زياد كيفك
زياد : تمام وانتم
تميم :حمدلله ..حصلت اتصالك امر وش بغيت
زياد : اسف اذا ازعجتك بس سحر اقلقتني تقول بتشوف هند وقلت اخذ موعد منك
تميم : افا ي زياد ولا تاخذ موعد ولا شي البيت بيتك تشرف فيه وقت اللي تبي
زياد : والله انا محرج منك بيتك مليان ولا اقدر اجي بدون اذن
تميم : الله يسامحك بس وش ذا الكلام احنا اخوان تشرف بااللي تبي والوقت اللي تبي
زياد : الله يسعدك تميم اذا ماعندك مانع بكره بنجي
تميم: تشرفون ي حبيبي
زياد : اجل ما اطول  عليك
تميم : فمان الله ي حبيبي
طلعت ضي وهي تناظر بأستغراب : خييير من ذي حبيبك والا الثالثه
تميم ناظرها بطرف عين : وش يهمك الثالثه والا الرابعه
ضي جلست وهي تاخذ جوالها: والله لو تسوي خيير وتدور لك عذر تطلقني فيه وتفضى لك خانه تحط فيها لللي تبي
تميم ناظرها بهدوء : اقول قومي خذي كتابك الاحد عندك اختبار ولا ناسيه
ضي : والله انا ما افكر اذاكر
تميم : وش بتسوين يعني اذا ما ذاكرتي
ضي : ببرشم
تميم: نعم
ضي لفت : ب ب ر ش م وش اللي ماهو مفهوم
تميم : اسمعيني زين عاد برشمه وغش وحركات  عيال ماهي عندي يا اما تاخذين كتابك وتذاكرين زي الناس والا
ضي : والا وشو
تميم : اسحبك من الجامعه وتنثبرين بالبيت وتعيشين على كرف وطبخ
ضي : يوووه مره صراحه اثرت فيني انا ابوي ما خلاني اطبخ وانظف تخليني انت
ناظرها تميم بنظرات عميقه وسحبها بهدوووء وهو يناظرها من فوق لتحت : والله في بيت ابوك شي وفي بيتي شي ثاني وحطي في بالك بعد اني بطلب حقوقي كلها من دون نقص
ضي سحبت نفسها وهي خايفه : اقولك ابعد بعد على بالك بتجبرني انت على شي مابيه والله اروح بيت ابوي وطز فيك
ضحك تميم وهو يقول : روحي لبيت ابوك وقولي له عذرك وانا اقول ولله بنتك ماهي معطتني حقوقي ولا دايره بيتي وانا ادرى في ابوك ما يحتاج اكمل وانا والله ماقصرت يكفي اني مريحك من كل هذا
ضي على طول انرسم قدامها ردة فعل ابوها وسعود طنشت وهي ترجع لجوالها
وقف تميم وهو يمسح شعره: معك 10 دقايق ي ضي انتي تحددين فيها موقفك يا تذاكريين وبكره اسمع لك المنهج واحصلك حافظته او ارجع وحزتها نقول مبروك ي عروسه
طلع وتركها وهو بالقوه ماسك نفسه على ملامح وجهها وهو اصلا مستحيل يجبرها لكنه يبي يخوفها ••€
اما ضي اللي ما صدقته وسحبت جوالها وهي تكمل ولا هي طاقه خبر ••€
عند تولين اللي كانت تكلم سعود : يعني ما قالك شي مفهوم
سعود : لا قال بتنحل ان شاء الله
تولين : انا اعلن اني واثقه تمام الثقه انه بيساعدنا
سعود : وانا بعد بس تدري ما كلمت اهلي للحين
تولين : يعني ممكن يصير عندهم ومانع
قطع الكلام تميم اللي يدق الباب :تولييين
انفجعت تولين وهي تسكر الجوال :هلا تميم
تميم :ادخل
تولين رتبت نفسها وجلست : ايه تعال
دخل تميم : وش تسوين
تولين : كنت اكلم صاحباتي فالجامعه عشان الاختبار وكذا
تميم : اها .. زين هنا الجهاز والطابعه اطبعي كل شي تحتاجينه وذاكري عشان رح تختبرين عن بعد
تولين : والله ي تميم وافقوا
تميم: ايه تو شفت رساله المهم ذاكري زييين عشان اقدر اجيبك لجامعة هنا
تولين : هو من بعد يعني عادي مداني اشوف الكتاب و
تميم لف : نعم انتي الثانيه
تولين انخرشت من نظرته: يعني عادي اشوف الكتاب واحل منه
تميم: انهبلتوا انتم ما عاد فيه امانه عندكم خلاص ما تخافين ربك
تولين : بسم لله تميم وش  فيك يعني اصلا مافيها شي
تميم : وش الي مافيها شي تولين وش الي مافيها شي كيف تهاونه كذا ترضين على نفسك تاخذين درجات حرام كيف تبين ربي يوفقك وانتي ناويه الغش
تولين: خلاص اسفه
تميم : قفلي جوالك وجيبيه وامسكي ملازمك وذاكري وهالغش شيليه من بالك واذا مخططه تغشين اجلسي بالبيت احسن
تولين : ليش جوالي !!
تميم : هاتيه عشان تذاكرين زي الناس بسرعه
تولين خافت : طيب اكلم صاحباتي اخذ منهم اسامي الاساتذه عشان اطلعها
تميم بأستغراب : ولا انك عارفه مين يدرسك صح !
تولين: تميم لا تكبرها
وقف تميم وهو يمسح جبينه: خلصي بسرعه وياليت ي تولين تحطين ربي نصب عيونك وتحاسبين افعالك قبل تتحاسبين عليها
تولين ناظرته بصدمه ( متى صار مطوع ذا ؟) فهم تميم عليها: ماهو لازم تكون لحيتي لبطني عشان امر بالمعروف وانهى عن المنكر
تولين انفجعت: خلاص اسفه والله اسفه
وقفت وهي تاخذ جوالها ودقت على رقم سعود وقالت : نور الله يخليك عطيني اسماء الاساتذه عشان اطبع المنهج واذاكر واقفل الجوال واعطيه اخوي
سعود فهم ان تميم عندها وبياخذ جوالها ألف له كم اسم اكتبتها تولين برجفه وقفلت الجوال نهائي وعطته لتميم اللي طلع
وزفرت تولين بضييق هي تدري ان تميم حريص بس ما توقعت كذا انتبهت لاحد يدق الشباك انفجعت وقفلت الباب وركضت لبست فتحت شافت سعود : وش جايبك
سعود : وش صاير
تولين: توه تميم طلع تبيه يفضحنا
سعود : تاكدت انه طلع
تولين : كيف
سعود أشر لفتحه صغيره بطرف المكيف ضحكت تولين لكنها جمدت وهي تناظر : شفتني !!
سعود ضحك ضحكه غبيييه : يعني انا من زمان شايفك بس الضروره لها احكام قلت اتاكد ان تميم مو فيه
عصبت تولين: سعود انا حلفتك
سعود : الله يهديك ي تولين وربي كانت لضروره وانا محافظ قد ما اقدر عليك لكن اضطريت وبعدين بأذن لله بتصيرين زوجتي
تولين ضربته على كتفه وهي معصبه سعود : خلاص عاد ماصار شي
تولين : طيب وش تبي
سعود : وش عنده تميم اخذ الجوال
تولين : عشان اذاكر
سعود : متى اختبارك
تولين: اختباري عن بعد
سعود : وبيخليك تذاكرين رزي الكتاب وخلاص
تولين:ههههههههه ضحكتني تميم عنده امانه فايقه انا بعد قلت زيك بس غسلني ونشرني نشر
سعود :هههههههههههههههههه مو من جده
تولين : والله يسويها
سعود : ان شاء لله اخذ ضي معك بعد
تولين : ولله ما سمعت لها صوت شكله حجر عليها
ضحك سعود :الله يقويه المهم كيف لقيتي ضي
تولين :ي شييييخ وش ذا الاخت اللي عندك ماشاء الله قوية راس بشكل ....كملت تحكي لسعود •••€
اما عند ضي اللي كانت داخله جو وهي تطقطق بجوالها رفعت راسها لما حست بتميم اللي رجع بعد عشر دقايق
تميم : زين ي ضي اللي تبينه
سكر الباب وقفله وهو يسحب تيشريته ونزله رماه في الارض وقرب وهو مستغرب انها ما تحركت
اما ضي اللي كانت ماهي مستوعبه ان تميم ممكن يسويها كانت مصدومه بشكل ملجمها قربت تميم وهو ينزل لها حملها بخفه وضي متجمده برعب وخاف لما شافها ساكته خاف يفرض نفسه عليها وانصدم اما شاف انها مفضلته على دراستها نزل على السرير وقبل ارتفع لكن بحركه غييييييير متوقعه رفسته ضي على صدره رفسه من كل قلبها وهي خايفه لكن ما حسبت حساب لمكان الرفسه وجت في مكان تميم يتألم منه من فتره وحس بدووخه وانقطع نفسه ورجع لورى بقوه وطاح على الكرسي لكن ما قدر يتمالك نفسه حس الموت فجاءه داهمه ودارت الدنيا وهو ماسك صدره وطاح بأرضه وهو يشهق ويحاول يدور نفس مو قادر شهق وهو يحاول يستنجد بضي لكن قبل لاينطق اغمى علييييه
اما ضي اللي ارتفعت برعب وهي ماهي مستوعبه انها ضربته ولا توقعت ان خوفها بيخليها تضربه بقوه ويطيح طلت وشهقت لما شافته طايح ووجهه اسود نزلت برعب وقربت وهي تهزه :هيييه قوووم هييييييييه تمييييم تميييم تميييييم
لكن تميم ما صدر منه اي صوت الا ان عروقه برزت وشفايفه انقلبت للون الابيض وهنا ايقنت ضي انه ما يمزح بعدت وبرعب وهي تصقع بالجدار فتحت الباب بخوف وهي تصرخ : توليييييييين توليييييين
اما تولين اللي فزت هي وسعود برعب كان سعود بيركض بس مسكته تولين: وين رايح
سعود : بشوف وش فيها
تولين: مجنون انت اطلع خليني اروح لها اسرع
سعود كان يسمع صراخها وهو خايف بس طلع وانطلقت

#رواية_أحبيني_بلا_عقد..

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
توقعتكم
متابعة + تصويت للفصل + تعليق