رواية أحبيني بلا عقد للكاتبة أديم الراشد ..

البارت الثاني عشر من رواية أحبيني بلا عقد للكاتبة أديم الراشد

ــ
*. #البارت_الثاني_عشر👇💙*
عند سعود اللي رجع للفندق بهدوء الصدمه وجلس وهو يفكر كيف يسوي من غير مايضر تولين وتميم بنفس الوقت وكيف بيتزوج تولييين وكيف بيتجاوز ابوها رمى نفسه بضييييق وهو يقول : انا وش طحت فيه ي رب مالي الا خالد اقوله هو اللي بيساعدني
سحب جواله ودق على خالد اللي رد بسرعه : سعود دقيت بوقتك
سعود ارتعب : وش فيك وش صار!
خالد : مصايب مصااايب على قفى من يشيل
سعود وقف : خويلد قول وش فيه فجعتني
خالد قال كل السالفه لسعود اللي زادت صدمته وجلس وهو عينه بفراغ
خالد: شفت بالله عليك هذول اهل وربي كسر خاطري تميم اجل عنده ولد ولا يدري به وفوق هذا تطلع مؤامره من ابوه
سعود مسك راسه:خااالد  المصايب مو بس عندكم
خالد :وشو بعد !
سعود بتردد وبعد عناء الاسئله من خالد قال سعود السالفه له من سنتين لليوم وبعد الجوال من صراخ خالد: وشووووووووو ي خببل ي مجنون تركت كل بنات الخلق ومالقيت الا اخت تمييييييييييم ضاقت الرياض بكبرها ضااااقت وليتها بس اخت تميم لاااا بنت المشرررف
سعود : ادري ادري بس انا احب..
خالد قاطعه : حبتك الدووووووووووود والعقارب السووووود ي سعود
سعود : اوووف بدييينا
خالد: ولازم اليوم تنتهي هالمهزله انت تدري لو يدري تميم وش بيسوي فيييك وغير كذا قولي من انت عشان يقبل فيك ماجد مشرف المشرف قولي بس من انت
سعود : انا ابيك عون تصير فرعون
خالد : بصير فرعون وهارون لو تبي ي سعود ي سعود ماجد ما حن لولده تبيه يحن لك وبعدييين وش ذا زواج الحب ترا كله خرطي ويمكن البنت تتسلى بك
سعود : خااالد لم لسانك احسن لك طيييب
خالد : تدري عاد كمل كممممل وكلامي بتتذكره حرف حرف وتفهم روح روح
سكر الجواب وهو معصب : وش بلاهم الناس تشوف النار وتطب فيييها
سعود :وججججع ي الشايب ولا خلاني ابرر او اقترح او ارفض حتى عمى
رمى جواله وقال: لا والله بنكد خير دام هاذي سواياهم في تميم والله يعلم اذا تولين بالسالفه او لا ••••€
مر اليوم عليهم بهدددوء مبطن بعاصفة الافكار ولكل واحد تفكيره الخاص ومصيبته المنفرده ومن بكره صحى تميم على كوابيسه المعتاده وقف وهو يتجهه للحمام غسل ولبس وصحى وبعدها طلع بسرعه وهو ماله خلق يختلط كع اي احد او يقابل اي احد ركب سيارته وسيده المستشفى دخل وهو معتادين عليه من خمس سنين ساكت وفي حاله ولا له الا بشغله اتجهه لمكتبه ولبس البالطوا وابتداء يستقبل الحالات ومن ضمنها كانت حالات سعود اللي تركها له وكان تفكيره مع الوليد اللي ما فارق خياله من امس  وكثير اشياء براسه تعصف بذهنه دخل احد الغرف وشاف المريض سلم ودخل يعاينه لكن قطع عليه دخول الزوار
ابتعد تميم : وضعك كذا الحمدلله تمام احسن من اول بس بتضيق عندنا يومين زياده كملاحظه اخيره وبعدها تتقدر تتيسر
وقبل ماينطق المريض جاء صوت من ورا : خالي تميم ؟؟
لف تميم وهو يناظر الشخص اللي بالنسبه له مألوف وحن قلبه لصوته قطب حواجبه وهو يقول : تكلمني !!
راكان ركض وهو يوقف قباله: ايه انت انت خالي تميم ماعرفتني انا راكان عرفتني خالي
غمض تميم بقوه(ي ربي وش ذنبي اللي سويته عشان كل شي يصير وراء بعض ليه ي ربي لييه ) ابتعد تميم بهدوء لكن راكان فاجأه لما ضمه : وحشتنا  والله ي خالي وحشتنا والله ك امي وانا ونجوى وكلنا والله
ماقدر تميم يبعده وماقدر يقسى عليه فالنهايه هو وامه مالهم شغل حضنه بشويش وهو يهمس في اذنه: راكان دخيلكم تركوني بحالي خلاص انسوووني اعتبروني مت لكن اتركوني
انسحب وترك وراه راكان اللي كان مذهول من كلامه وبسرعه لف وهو يركض يدور لتميم لحقه لمكتبه وفتح الباب وكان تميم جالس وهو حاط يده على راسه
راكان : خالي الله يخليك قولي وش صار ليش  رحت وتركتنا والله محد راضي يقولي صدقني ياخالي انا نحبك ولله وامي يوميا تبكي عليك وانا مستعد اجلس معك ي خالي
وقف تميم وهو يحس انه متماسك غصب عليه راح لراكان : راكاان انا مدري وش جابك لهنا بس انا مابيك تختلط بأمور صعبه خلك بدراستك واهتم بأمك وخواتك وانتبه تتركهم لجدك والا بيصير فيهم اللي صار فيني وهذا خلاصة الكلام
تميم هالمره طلع مسرع واختفى من قدام راكان اللي طلع وهو يركض بالمستشفى ويدور لتميم ويسأل لكن بدون جدوى رجع بخيبة امل مخلوطه بفرح وجلس بضيق وهو مايبي غير انه يرجع لرياض وبس
•••€
اما سعود اللي من صحى وهو جهز عشام يسافر لكنرما هان عليييه ابد يروح وتولين ضايقه اخذ جواله وهو يدق عليها ويدق ويدق لما تعب ولا ردت ارسل لها ( تولين ترا ما صار شي ابد تبقين حبيبتي وروحي ولا اي حقيقه فالدنيا بتغير اللي بقلبي لك وتأكدي ان بيجي يوم وتكونين فيه زوجتي 💛 انا راجع لرياض ماودي ارجع قبل ما ترضين ولا تخافين )
سكر ولبس واتجهه للمطار وبعدها وصلته رساله من تولين ( حلفتك بربك ي سعود تميم لا يدري )
سعود ( والله اللي حط في قلبك حبك ما يطلع خبر له بشي افا ي تولين انتي في وجهي )
ابتسمت تولين من بين دموعها وهي اللي من امس ما نامت ولا غفت عينها ( الله يحفظك ي سعود ،سعود طمني على تميم !مره وحشني )
سعود احتار وش يقول لها ( حمدلله تميم بأحسن حال)
تولين( اطلبك طلب )
سعود( روحي لك اطلبي )
تولين(ابي صورته او انك تصوره لي)
سعود ( بس غالي والطلب رخيص )
تولين ضحكت بحب ( كيف عرفت تميم )
سعود ( يصير احكي لك باتصال)
ما هي الا دقايق ودقت تولين بلهفه لاخبار تميم
ضحك سعود :هههههههههههه ي حظه تميم بحبك له
تنهدت تولين: والله تميم اكثر انسانه احبه
سعود : يستاهل تميم وانا استاهل
ضحكت تولين:احكي طيب
ابتداء سعود يحكي لها كيف التقى بتميم وعالجه الين اليوم وتولين تبكي وتضحك بنفس الوقت ••€
اما عند خالد اللي صحى بضيييق من ازعاج التليفون رد بنفس خايسه وهو على باله المستشفى :نعععم نعععععم تميم طلع المستشفى مو موجود خلاص ترا فقعتوا مرارتي
نجوى بهدوء : اسفيين ي استاذ
صحصح خالد بصدمه: وش عرفك اني استاذ
ضحكت نجوى من غبائه وسكرت ناظر خالد السماعه بتناحه وهو يرجع ينسدح :ناس فاضيه تصحى من الصبح عشان تدق غلط
ما اشغله الموضوع كثير ونام اما نجوى اللي كانت تضحك فعلا على تناحته اللي كل يوم تزيد او انه بنظرها عبيط نزلت الجوال لما شافت تولين جايه
تولين بيتسامه:صباح الخيير
نجوى: واااااو ابتسمتي اخيرا
ضحكت تولين: حرام عليك دايم اضحك
نجوى: ايه شفناك فوق وشفناك تحت المهم عطينا السبب
تولين : عادي كذا روقت
نجوى: اتمنى انه ماله سبب كبير
سكتت تولين وهي متحمسه كل يوم تسمع اخبار تميم ونجوى االلي كانت عندها نفس الفرحه بس من طرف ضعيف ••••€
اما تميم اللي بعد ماطلع من المستشفى عجز انه يتحمل زووود حس انه لو صبر شوي بينفجر ويموت ما حصل نفسه الا عند المطار حجز اقرب رحله ومن حسن حظه كان بعد ساعه جلس وهو ياكل بنفسه اليييم هنا وبس خلاص مو قادر يتحمل فكرة اللي سووه ومرت الساعه عليييييه مثل حد السييف وماصدق نادو الا ركض لطياره استقل فيها بهدوء وهو داخله غييييير عند خارجه جلس وهو ينتظر الساعه بس اللي يوصل فيها •••€
في بيت ابو سعود دخل سعود وهو مبسوط: سلااااام
ركض لسعد وهو يسلم عليه وابتدوا الكل يسلمون عليه ما عدا ضي اللي جات متاخره شوي
سعود: وش فيييهم اخوانا الجن !!
ام سعود بعتب: سعووود حرام عليييك تكلم اختك كذا !
ضي: اتركيه يمه اتركيه ماعليه شرهه
ابو سعود بشده: بببببنت احترمي اخوك قلة حيا
ضي ميلت وجهها بضيق ( يالله ي ها عايله متى اتزوج وافتك والله ماعندي مانع اتزوج الهندي بس افتك) :اسفه يبه
سسعود :يبه احنا نمزح بس شفتها كمشره واسأل
سعد بسرعه: اصلا ضي تعبت وطاحت علينا وحالتها حاله
سعود لف بفجعه: متى هالكلام !؟
ابو سعود : لا تخاف كلها سخونه وعدت على خير
نوره :لا تخاف تعرف ضي جنيه تطيب بسرعه
ضي : كأنكم مره اخذتوا راحتكم
سعود قرب لها وهو يحط يده على جبينها :لا واضح انها مريضه جد
ضي :اي والله مريضه ويقولون لو تطلعين تغيرين جو نفسيتك بتصير حلوه وتشفيين

#رواية_أحبيني_بلا_عقد

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
توقعتكم
متابعة + تصويت للفصل + تعليق