رواية أحبيني بلا عقد للكاتبة أديم الراشد ..

رواية أحبيني بلا عقد للكاتبة أديم الراشد .. البارت الخامس والثلاثون

ـ
*. #البارت_الخامس_والثلاثون👇💙*

ناظره ابوه بجمود؛ تهديدك هذا مو هامني
ضحك تميم : زين دامه مو هامك ي ليت تتشرف وتختار اي بلوه ببتدي فيها تحب احكي عن شهادة ميلادي المزوره وعن وفاتي ولا عن تهديدك ل حصه ولا عند حادث هند ولا عن تزوير اوراق الوليد والا عن ايش بالظبط
لف ابو سلطان يناظر ام سلطان بحده تميم : لا تنكر قالت لي كل شي وصدقني كل شي ماخوذ حقه
تركه وانسحب وهو يصرخ : تووليين توللين
ابو سلطان : ما رح تاخذ تولين
تميم : بأخذها وغصب على الكل وخلك بعيد عني احسن لك والا واللله والله والله ما اتتراجع واخذ اوراقي واروح المحكمه واخليك تختخ بالسجون
ابو سلطان : تهددني
تميم : احسبها زي ما تبي وبكره ابي احصل اوراق هند عندي..... تولييييين
انفتح الباب وكانت تولين جايه من عند ساميه وانصدمت اول ماشافت تميم صرخت وركضت وهي تحضنه: تميييييييم
حضنها تميم وبعدها ابتعد وهو يقول : جيبي جواز سفرك وكم غرض بنطلع
تولين لفت تناظر ابوها الساكت وامها وتميم : ليش وين بنروح
تميم : تولين خلصيني
تولين ناظرت ابوها اللي مارد وقالت: يبه
صرخ تميم : اتكلم انااااا
فزعت تولين برعب وركضت وهي مو فاهمه شي بس تميم اكييد تصرف وبسرعها جمعت لها كم غرض ونزلت مسك يدها تميم وطلع وهو ملامحه منقبضه ووقف اول ما سمع صوت سميه : انت هيييه وين اخذها وانتي وين طاسه مع هالبيئي
بدون ما يرد تميم اي رد رفع يده وطبع كف من جوا قلبه طلع فيه قهر سنين وسنين وسنييين شهقت تولين وهي مصدومه وما اكتفى تميم وعطاها الثاني وسمع صوت زوجها:كسرررر ي متخلف ي عاق
ترك تميم يد تولين واتجهه له وهو قلبه مليان علييييهم سحبه من ياقته وابتداء هواش عنيف بينهم انتهى بأنتصار تميم اللي ابتعد وهو يتفل عليه وتحرك وهو ينتفس بسرعه وتولين معاه اخذ اقرب تاكسي وركب رفع جواله ودق على احد معارفه بالطيران وقاله يحجز اقرب رحله وزاد عصب لما شافها بعد اربع ساعات ناظر ساعته وكانت :12:30 الليل نزل جواله وعينه على الطريق
وتولين كانت تراقبه ولا قدرت تقول اي شي وماحست بنفسها الا تبكي اول ماشافته يمد يده بعنف ومسح دمعه تسربت على خده ••••€
اما عند سميه اللي دخلت وهي تبكي : يبببببه يبه وينك تعال شوف الزفت وش سوا فيني انا وزوجي
سكتت لما شافت امها تبكي وهي حاطه يدها على خدها واااضح انه ضربه وهو طالع بعصبيه : يمه وش فيكم ييممه
دفتها امها وطلعت وتركتها وقفت بحسره وهي تناظر يمين ويسار وركضت لزوجها وهي تسنده لسواق وطلعوا لبيتهم •••$
اما عند خالد اللي كان من الزهق اللي فيه يحس بينفجر طلع برا يتمشى ويلف ويدور جلس وهو يناظر اصبعه اللي انكسر وفجاءة تذكر الموقف كيف كان يضحك لكنه ما انتبه له الا الحييين انفجر يضحك بلحاله ووقفت حالة ضحكه لما تذكر صوتها كأنه مألوف :ايييييييه هي اي والله هي هاذي اللي نشبت على التيلفون تبي تميم والله يالدفاشه فيها من زمان حسبي لله بس تستاهل طاحت وعساها تعورت
جاء سعود من وراء وهو مستغرب يسولف مع من لكن قرب وصرخ : خااالد
صرخ خالد هو الثاني ولف : بسم للله ي غبي ي متخلف
سعود:ههههههههههههههههه خير تكلم نفسك
خالد: ايييه بكلم نفسي دام اصحابي الله يخلف بس
سعود حضنه وهو يبوسه : افا هذا حنا فيه
خالد: بسم لله عليكم ايه انا ما عرفكم الا فالليل كأنكم خفافيش
ضحك سعود وهو يقول : اترك بس عندي لك خبر
خالد: خيير وشو
سعود: تميم اقتنع وقال بيحل مسألتي انا وتولين
خالد: في ذممتك
سعود : والله
خالد: ايوووه هاذي الاخبار بس غريبه كيف اقتنع تعرفه حمار
سعود : عاد هالمره صار ادمي
ضحك خالد: هههههههههههه يلا الله يوفقك ويكملها معك بس انت قلت لابوك
سعود: لا ابي لما يحلها تميم عشان ما تفشل قباله
خالد : كويس
سعود : وانت!
خالد: وش فيني !
سعود : مابتتزوج
خالد:هههههههههههههههههه لا دخيلك خليني كذا مره مستانس
سعود: وين الوناسه وانت تكلم نفسك
خالد: وش فيها اذا كلمت نفسي والله اني احب نفسي اكثر من كل الناس وعايش معها احسن عييشه اصلا لو ربي محلل كان تزوجتني الله لا يحرمني مني بس
ناظره سعود بصدمه لكن بعدها انتشر ضحك بكل ممرات الحاره وخالد يناظره بأستحقار
•••€€
اما عند تميم اللي وصلوا المطار ودخل تميم وخلص اجراأته وبعدها راح لصالات  الانتظار وجلس و جلست تولين بصمت وبعدها لف تميم لما هدى : تعشيتي
تولين :ايه وانت
تميم : حمدلله ..تبين شي اشتري لك شي
تولين : لو نشرب قهوه تروق شوي
تميم وقف وقامت معاه تولين طلب قهوه وجلسوا بأقرب جلسه وكانت تراقبه وهو يحرك قهوته وواضح ضايق قالت بتردد : وش صار
تميم ترك الملعقه ورجع وراء وهو يمسح على ألم صدره : ولا شي
تولين بخوف : يوجعك شي
تميم تنهد : لا اتركيك مني لكن اسمعيني ي تولين
تولين : امر
تميم : مايأمر عليك ظالم لكن تذكرين سعود صح
تولين: تميم وش قصته معك
تميم: قصته معك مو معي
دق قلبها برعب : مافهمت
تميم : شوفي سعود صاحبي من زمان وبغض الطرف عن طريقة عرفه لك لكن الرجال شاريك وطالبك ووقف قدام ابوي كثير وارسل له ناس واخر مره قبل يومين ولكنه رفض لكن بسألك انا لو تقدم لك توافقين عليه
ما صدقت تولين وهي تناظره بصدمه واتسعت عيونها وهي تناظره : وشو
تميم : تولين سمعتيني صح
تولين شرقت وكحت وهي ماهي مستوعبه قرب تميم لها المويه اخذتها
وهي مصدومه وماهي مستوعبه كانت متوقعه تعقيد كثير على ما يوصلون هالمرحله
تميم: وش قلتي
تولين : وش اقول
تميم : بتوافقين
تولين بتمثيل : بس انا ما اعرفه
تميم : اذا هاذي مشكلتك انا احكي لك كل شي وانتي تفكيرين
ابتدا تميم يحكي لها عن سععود بالمختصر وكان كل شي يقوله فعلا ينطبق على سعود ابتسمت تولين بفرح وهي تحس انها نفسها تقوم تضم كل اللي بالمطار لكنها قالت : اذا انت ي تميم تشوفه مناسب لي انا ماعندي مشكله
تميم : انتي استخيري يومين وفكري وبعدها نتكلم وللمعلوميه صح ترا بتروحين معي للبيت وبتواجهين هناك زوجاتي ..قالها ببتسامه متصنعه
تولين : ايه قالت لي نجوى
تميم: هند انتي اصلا تعرفينها اما ضي انا متاكد بتحبينها لانها تقريبا على مودك
تولين: طيب وش اسوي بدراستي
تميم: احلها لك لا تخافين
سكتت تولين وهي من الفرح مو قادره تنظبط لكن تميم اللي اجتاحه هدوء غريييب من كل شي ارتخى بجسمه على الكرسي وهو يتذكر كلام ام سلطان بالحرف غمض عيونه وهو يمسح على صدره ماكان يدري وش يسوي بس للامانه فرح ان ام سلطان مو امه لان اكثر شي كان يعذبه ( كيف ام ترضى لولدها الاذى)
مرت الاربع ساعات ببطء لكن عند تميم كانت كئيبه لدرجه شنيعه اما تولين كانت قمه فالفرح
استقلوا على الطياره واقلعت وساعه وربع كانوا بالقصيم اخذ تميم تاكسي وراحوا البييت وكانت الساعه 4:00 دخل بهدوء وتولين تراقب الحي بأستغراب وتذكرت كلام نجوى عنه
واول ما دخلوا نزل تميم ياخذ مفتاحه اللي طاح لكن ما حس الا بضربه على راسه وبعدها ما شاف شي ولا سمع الا صرخة تولين :تمييييييم
صرخت ضي بفجعه : تمييييييم
كان تميم طايح وهم واقفين وركضت له وهي تهزه : تميييم ليش ما قلت انك جيت ي خبل كنت احسبك حرااامي تمييييم تمييييييم افتح عيونك تميييييييييم
نزلت تولين وهي تبكي : تميم تكفى لا يصير لك شي تميييم
وقفت ضي وركضت وهي تجيب سطل مويه وكبته عليه شهق تميم وابتداء يفتح عيونه رمت ضي السطل وركضت ضي وهي تضربه على خده : تميييم تمييييم
تميم: اااااخ رااااسي راسي
ضي : ما كنت اعرف انه انت انجرحت اشوووف
بعدها تميم وهو يستند للجدار مد يده يتأكد من راسه اذا فيه دم او لا
تولين : تميم انت بخيير
تميم : ايه ايييه .. ضي انهبلتي وش ذا لللي سويتيه
ضي : كنت احسبك حرامي قلت اضربه ولا يذبحنا
تميم : ماشاء الله عليييك صراحه وفقتي بضربتك
ضي جلست قباله وتربعت : وش جابك هالوقت وش صار معك ابو...
سكر تميم فمها وهو يقول : سلمي على تولين
لفت ضي وتذكرت تولين :اوووه مييين هاذي ..
#رواية_أحبيني_بلا_عقد..

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
توقعتكم
متابعة + تصويت للفصل + تعليق