رواية أحبيني بلا عقد للكاتبة أديم الراشد ..

البارت العشرون من رواية أحبيني بلا عقد للكاتبة أديم الراشد

ـ
*. #البارت_العشرون👇💙*

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

.
صحى تميم على صوت سحر : وش تسوي هنا ؟! ما كفاك انك سبب حادثها
وقف تميم وهو صاد وماله خلق يناقش شي طلع وتركها وهو يحس انه تعباان خلاص شاف زياد اتجه له وهو يحضن وليد واستقر على وضعه بما يقارب عشر دقايق ابتعد لما حس انه ارتخى وقف : زياد معليش ابي اكللف عليك لكن فيه موضوع بشرح لك اياه واحتاج مساعدتك انت بذذات
زياد : افا عليك ابشر باللي تبي وامر
خبط تميم على كتفه : ما يامر عليك ظالم تعال اجلس
جلس زياد واخذ تميم الوليد لحضنه وهو مايدري كيف يبدا : زياد للامانه انا مدري كيف ابدا لكن اختصار الموضوع انا زواجي بعد 3 ايام وانا مقدر ااجل او اتخذ اي قرار وفي نفس الوقت مابي اترك هند والوليد بهذا الوقت لكني مجبور اني اتركهم ماهي حلوه اترك بنت الناس وراي لذلك ابي اعتمد عليك عشان الوليد وهند وادري من دون بتحطهم بعيونك وانا مأمن فيك اكثر مني عليهم وابيك تساعدني وهو اسبوع واقدر ارتب اوضاعي وارجع
زياد بصدمه وهو يقول بنفسه ( وش سويت ي زياد هدمت حياة الرجال اللي توها بدت وهدمت حياة هند ومحد استفاد الحين وش بسوي وكيف بصلح غلطتي وارجع لهند اللي خسرته ياللله ياربي كون بعوني ) : ابد لا تخاف طالما اني معهم واصلا الدكتور يقول يمكن هند تتأخر بغيبوبتها
تميم : والله مدري كيف اشكرك
زياد : ولو مابينا لكن .. وش هي خطتك لمستقبل وليد يعني للامانه ما ودي اتلقف بس خايف من الجاي وخايف على وليد وهند
تنهد تميم وقال وهو يبي ييطمن زياد : لا تخاف هند بتبقى زوجتي وبتعيش معي بكل اوضاعها والوليد بأذن للله ان ربي يقدرني واكمل تربيته على اكمل وجهه
ابتسم زياد بفرح : الله يعينك ويعيننا
تميم : يعني لو انك ما تقول لسحر يعني تعرف انفعالها ومابي ازيد عليها
ابتسم زياد : لا تخاف ولا توصي ابرر لك عذر
ابتسم تميم بهدوء وهو تمر في باله ذكرياته مع سحر اللي كانت بمثابة خواته وهو اخو لها وبعد صمت قال: الله يهديها سحر طول عمرها ما تسمع ولا تعذر ومن شوي طردتني من الغرفه
انحرج زياد: يعني هي الحين متأزمه وخايفه والا وش حكت لي عنك وكيف كنت لهم اخو
تميم : الله يسقي هاذيك الايام
الوليد ناظر تميم : بابا بتروح
نزل تميم يبوس يده : عندي شوية شغل لكن برجع قريب واجيب لك اللي تبي وانا قول وش تبي
سكت الوليد بضيق وقام وراح لزياد: اصلا ما ابيك ولا احبك
تنهد تميم بضيق وهو ينقل نظرته الحزينه لزياد اللي بسرعه لف للوليد: افا عليك ي وليد وش تقول انت عيب هذا بابا للا تتكلم كذا وبعدين بابا رايح يجيب لك اللعاب من القمر
رفع راسه الوليد بقوه وهو مبتسم: من القمر
ابتسم زياد وهو يغمز لتميم : ايه من القهر والنجوم بعد
سكت الوليد بضيق وقام وراح لزياد: اصلا ما ابيك ولا احبك
تنهد تميم بضيق وهو ينقل نظرته الحزينه لزياد اللي بسرعه لف للوليد: افا عليك ي وليد وش تقول انت عيب هذا بابا للا تتكلم كذا وبعدين بابا رايح يجيب لك اللعاب من القمر
رفع راسه الوليد بقوه وهو مبتسم: من القمر
ابتسم زياد وهو يغمز لتميم : اييييه من القهر والنجوم بعد
استانس الوليد اللي كان يموت بالقمر والنجوم رجع يركض لتميم وباسه بقوه : اسف بابا
اتحجرت دموع تميم بعينه ومسحها وهو يقول : حبيبي ي الوليد
وقف تميم لما شاف خالد جاي: يلا انا رايح
ودع تميم بكل فرح وحب وهو يحاول يعرف وش يحب عشان يكسبه  وطلع هو وخالد متجهين للقصييييم ••€
المغرب في بيت ابو سعود اللي الكل استسلم لزواج تميم وضي ماعدا ضي اللي ناويه الشر ودامها بعين ابوها فضحته بتكمل هالفضيحه وتاخذ عقابها على شي يسوى وقفت وهي تناظر المرايه بغضب من حظها اللي كل ماله يميل لفت لما شاف نوره وراها واقفه وعيونها حزينه تكتفت ضي :باقي في قلبك شك بتطلعينه
قربت نوره بحزن : ضي اسفه على كل هالكلام لكن وربي ضقت لما عرفت يعني حركاتك كانت تشككني لكن مدري وش اقول
ضي لفت بعدم مبالاة : معاد يهم هو الفااس طاح بالراس
نوره نزلت راسها : ضي تميم متزوج وعنده ولد تدرين
لفت ضي برعب وبسرعه وصرخت: وشو ! وش تقولين عيدي
نوره بخوف عادت الكلام وجن جنون ضي ونزلت وهي تصارخ : يببببببببببببه سعوووووووووود يببببببببببببببببببببببببببببه سعوووووووووود
••••€
فالمطار وصلو نجوى وابو راكان وراكان اخذو تاكسي واعطى راكان عنوان تميم لتاكسي واستند وهو يلف لابوه: خايف انه يرفضنا بعد
نجوى: لو قلنا له امي بيحن
ابو راكان : والله مدري وشلون بقابله بعد كل هذاا
نجوى بأنفعال : وش سويت انت عشان تخجل المفروض جدي يخجل وهو ما زال يعذب فيييه كانه مو ولده
تنهد ابو راكان وهو يقول بنفسه( بلاكم ما تدرون وش قصته مع تميم )
راكان : يبه خالي تميم يحبك واكيد انه بيسمع كلامك كلمه الله يخليك
نجوى:  اصلا لو نبعد عن جدي احسن والله خايفه يجي يوم ويقلب علينا
راكان : واذا وافق خالي تميم بجلس عنده على طول
ابو راكان : بس بس خلوني ارتاح شوي راسي مصدع
نجوى رجعت لورى وهي مشتاقه لتميم وخايفه بنفس الوقت ••'
عند سعود اللي طلع على صراخ ضي :وش فييييك ي مجنوننه
ضي : ما تخافون ربي مزوجيني واحد متزوج وعنده ولد
ابو سعود : انتيييي ي بنتتت قصري صوتك لا اقطعه لك
لفت ضي : يبه حرااام عليييك اللي تسويه فيني انا ما غلطت ما غلطت
ابو سعود : اقصري صوتك ي بنت والموضوع انتهى وزواجك بعد اربع ايام
ضي : والله لو تنقلب الدنيا ما اتزوجته
ضربها ابو سعود وهو يصخ: سعوووود خذها قبل اذبحها
ركض سعود ونوره واخذوا ضي وطلعوها لغرفتها جلسها سعود بقوه على السرير : بنت بطلي هالجنان احسسسسسن لك وتأكدي انك كل شي صار بسبب لقافتك اللي مالها داعي وسنع
ضي : سعووود الله يخليك تصرف انا مستحيل اقبل كذا مستحيل
سعود بصراخ : بنت ابلعي لسانك واحمدي ربك على كل شي
ضي : بتخلوني خدامه عنده
سعود ثبت راس ضي بين يديه وهو يصرخ بوجهها : اكبر نعمه صابتك بحياتك هي زواجك من تميييييم وتمييم بيحطك بعيونه وهذا شي انا متاكد منه
لف وهو يقول : نوره عقلي هالمجنونه
طلع وترك ضي اللي تصرخ وتبكي ونوره مو قادره تتصرف معها تواسيها او تزعل معها
•••€
عند تميم وخالد اللي وقفت السياره والتفت خالد يصحي تميم : تميم وصلنا
مسح تميم عيونه وهو يتمغط : ااااخ ي ربي لو انام سنه مابرتاح
نزلوا ولكن وقف كل شي بشوفة ابو راكان وراكان قبال البيت ماصدق تميم عينه لف لخالد وهو يقول : خالد من هذا !
خالد ناظر تميم بصدمه:تميم وش فيك
تميم : اتوقع ان عيوني من النوم ما تشوف زين
خالد : هذا راكان واتوقع ابوه معه
تميم ضرب باب السياره بقوه واخذ نفس واتجهه لهم وهو مايدري اصلا وش بيقول لكن وقف اول ماشاف معاهم حرمه وخاف انها تكون ساميه تقدم بشويش وهو يقول ( لله يسامحك ي راكان )
تقدم ابو راكان : تميم
وقف تميم وهو مايدري يسلم او يوقف مد يده ابو راكان وابتسم تميم بضيق وهو يسلم عليه لف لراكان للي سلم وعيونه مليانه خوف
انتقلت نظرات تميم للحرمه وبعدها رجع يناظر راكان وفتح فمه بيسأله بس بكت نجوى وهي تقول : وحشتني خالي تميم
لف تميم بقوه وهو يناظر نجوى بصدمه كانت اغلى وحده عليه تقدم بدون شعور: نجوى
قربت نجوى وهي تسلم عليه لكن تميم حضنها بضيق وهو يكافح دموعه فتلا اشتاق لهم
وبعد دقيقتين ابتعد تميم اللي خاف ان احد يشوفهم ويفهمونه غلط رجع يناظر ابو راكان اللي قال: تميم انا اسف اذا ضايقناك لكن انت وحشت الكل وبالاخص ساميه
تميم بهدوء : وينها سامييه
راكان : امي من سمعت لللي صار معك وهي طايحه بفراشها وما على لسانها الا اسمك تكفى خالي اتصل فيها للله يخليك

#رواية_أحبيني_بلا_عٌقد

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

.