رواية أحبيني بلا عقد للكاتبة أديم الراشد ..

رواية احبيني بلا عقد للكاتبة أديم الراشد .. البارت الثالث والاربعون

ـ
*. #البارت_ثلاثة_واربعون👇💙*

ضي رفعت يدها وهي تناظر تميم : ماعلي ذنب انت سمعتها اننننت سمعتها
تميم سحبها وهو يوقفها: حشى ما انتي صاحيه تتهجمين على انسانه معاقه ما تقدر تدافع عن نفسها
ضي وهي تتفلت : اقول ليت ربي حط الاعاقه بفمها وريحنا
تميم : ضييييييييي انكتمي
ضي اللي تفلتت منه وطلعت بالقوه :خيييير انتي خييييييييير وش هي راسك بعد
هند : اقول انقلعي من قدامي احسن لك
تميم : هند خير وش فيك تصارخيييين
هند : من عطاك الحق تطرد اختي
تميم بصراخ: اختك من عطاها الحق تغلط علي في بيتي
هند : الله واكبر الحين صارت اختي وين اللي كان يوعد ويقسم أنها بمثابة اخته
تولين طلعت بفجعه: تميم وش فيييكم وش صاير
تميم : هذااااااااك اول ي مدام هذاااااك اوووول تبين اقولك قبل ايش قبل لا تتخذين طريقك وتقطعين كل شي هذاك اول قبل لا اختك ترفع صوتها بوجهي قدام الله وخلقه وتقول :انت سبب كل شي هذاك اوول
هند : والله حلو صرنا الحين مذنبيييين قبل تقول كلامك تذكر ان كل هذا بسبب اهلللللك
تميم صرخ وهو يخبط الطاوله : لا انتي ولا اهلي فيكم خييييير لذلك لمي نفسك وارجعي غرفتك قبل تشوفين شي ما يعجبك
الوليد اللي جاء يركض وهو يناظر امه وابوه اللي يصارخون على بعض
سكت تميم اول ماشافه وقال : كل وحده على غرفتها وانتي تووولين جيبي كتابك وتعالي سمعي
كانت تولين واقفه بصدمه وهي ما تدري وش صاير صرخ تميم : اتكلم انا
وقي ظرف ثواني اختفو كل اللي بالصاله ولا جلس الا الوليد اللي قرب منه تميم وهو ياخذه يجلس
الوليد: ليش تصارخ على ماما
تميم : ما اصارخ عليها نتكلم
الوليد : بس انا شفتك تصارخ
تميم : ايه عشام صوتي تعبان كأني اصارخ
ناظره الوليد بشك وحضنه تميم : وين سعد ليه ما جاء اليوم
تميم : سعد عنده مدرسه انا بعد بروح المدرسه
تميم: ابشر السنه الجايه تروح
تولين جت بملخصاتها : تميم
لفت تميم واخذ الملخصات وجلس وجلست تولين ولانها اصر متعوده تلخص وتذاكر فصار الموضوع سهل  وذاكرت وختمت وراحعت مع تميم وبعد ما انتهى منها نادى: ضضضي ضييي
طلعت ضي : نعم
تميم : جيبي كتابك وتعالي
ضي : بس ما خلصت
تميم : ليه ان شاء الله
ضي : انت وقفت
تميم : من اللي بيختبر انا ولا انتي
ضي : تميم لا تستهبل انت تدري بالوضع
تنهد تميم بتعب : جيبي الكتاب وتعالي سمعي اللي ذاكرناه
ضي جابت الكتاب وجلست وابتداء تميم يسمع لكن  ويييييييييين ضي ناسيه كل شي ناظرها تميم بصدمه: انتي صاحيه كم مره حفظتك
ضي : نسيته ما طارت الدنيا
تميم : ضي لا تستهبلييييييييييييييين
ضي: طيب اسألني مره ثانيه
تميم : استغفر لله العظيم
رجع يسأل لكن  ما كانت حافظه مره رمى تميم الكتاب : وش اسوي لك الحين المفروض انك بهالوقت صميتي الكتاب وراجعتيه
ضي: قلت لك ما احب ولا اعرف اذاكر
تميم: ايييه بس فالحه بالغش
تولين : تميم وش فيك بالراحه البنت منهجها صعب
تميم هداء وهو يتنفس : اسمعيني مافي وقت بالكاد تذاكرين ركزي معي كويييس ما بشرح مره ثانيه
ضي بملل : زين
وقف تميم وهو ياخذ الكتاب : تعالي فالغرفه هدوء
وقفت ضي وهي تمشي بضيق وتولين والوليد يضحكون عليها  عدا الوقت وتميم ماسك خط مع ضي ويذاكر لها بكل حرف حتى انه حفظ سكر الكتاب بتعب وهو يشوف الساعه :اوووف 3
ضي شهقت: ما تعشيت
تميم لا شعوريا خبطها بالكتاب على راسها: خييييييييير ما اهتميتي الا فالاكل  اختبارك بعد 4 ساعات وتقول اكل
ضي وهي ترجع له الضربه : وجععع 4 ساعات لو بلف القصيم كله خلصته في ساعه
تميم : انثبري بس خلينا نراجع وبعدها ابلعي كل اللي فالبيت
ضي: خلااااص حفظت والله
تميم : يلا بس كلها كم سؤال 5 دقايق
ابتداء تميم يسألها وترد وبعد ما خلص ابتسم : حمدلله لازم ارروح اعتمر حمدا وشكرا
ضي ناظرته بطرف عين: هههههههه مره تضحك الله يقطع ابليسك بس
تميم: المهم روحي جيبي شي ناكله
ضي : لا يكون اشتغل عندك
تميم : ضي ي قليلة الخاتمه خافي الله من صبح الله مسنتر معك لا اكلت ولا ارتحت
ضي ناظرته بهدوء: بس انا ما اعرف اطبخ وكريمه نايمه
تميم : لا تطبخين اقرب شي يسد الجوع جيبيه
ضي راحت وتفتش وما لقت شي جاهز لازم ينطبخ رجعت له وشافته بين نايم وصاحي :هيييه
تميم ناظرها: تميم اسمي تميم
ضي : مو وقت ظرافتك مالقيت شي
تميم: شلون ما لقيتي
ضي : مالقيت
وقف تميم وراح معها وفعلا ما حصل شي لف لها : اقل شي اسلقي بيض
ضي : قلت ما اعرف
تميم انصدم: ما تعرفين تسلقين بيض
ضي : ايه جالك سبب تتريق عليه
ما رد تميم اللي كان فعلا مستغرب وابتدا يحضر اي شي يناكل وضي جلست تنتظره بعد ماخلص جلس وهو يقول : اقل شي تعلمي عشان نفسك
ضي : ما احتاج كريمه موجوده واذا تطلقنا امي فيه
ناظرها تميم بصمت : ماشاء الله علييك تفكيرك ناري
ضي : ليش عندك مانع
تميم: اقول كلي بس وقومي نامي شىي قبل الاختبار
سكتت ضي واكلت وبعدها قامت تنام اما تميم اللي جلس يدور بالبيت وهو مايبي ينام وتروح عليه الصلاة ويروح اختبار ضي وتولين
اذن الفجر وراح يصحيهم يصلون والكل صحى ما عدا ضي اتجهه لها وهو يهزها: ضي قومي صليييي
ضي : انت وش تبي روح من هنا
تميم : قومي صلي وبعدها اجهزي عندك اختبار
ضي : يوووووه اختباري ولا اختبارك وش تبي انت
تميم سحبها وهو يوقفها: يلا
قامت ضي وهي معصبه وصلت ولبست وجلست بالصاله ونامت طلعت تولين : تميم الجهاز اوك عشان الاختبار
تميم : ايه سويته لك بس اجلي انتظري متى ينزلونه
تولين: ضي وش فيها
تميم : ما نامت الا متاخر
تولين ابتسمت : والله عجيبه
ناظر تميم ضي وهو يفكر لو فعلا تطلقوا وش بيصير دق المنبه حقه ووقف واتجهه لها .: ضي يلا قومي اوصلك اختبارك
ضي : حسبي الله عليك ي تميم سبعة تحاسيب
تميم ضحك:  والله انتي ما فيك معروف فوق كل شي تحسبين
ضي : ترا ذليتنا محد اجبرك
تميم سكر فمها: يلا بس
وقفت وهي تطلع ولفت تميم : تولين انتبهي لاختبارك
تولين: طيب
طلعوا وهند تراقبهم بضيق ( والله ما باقي الا يداوم عنها ) •••€€
عند سعود اللي صحى وهو باله مع تولين واختبارها ولبس بسرعه ونزل وقابلته نوره: وييين افطر
سعود : مستعجل
نوره: بدري على دوامك
سعود : مشغول ي نوره
ابو سعود : وش هالشغل !!
سعود : عندي اوراق اخلصها واروح لدوامي
ام سعود : افطر طيب وروح
سعود : يمه متاخر
ام سعود : زين لا تجلس جوعان
سعود : زين
طلع وبسرعه اخذ اللفه وراح لطرف الثاني من بيت تميم دق الشباك وهو يدري ان تميم مو موجود فتحت تولين بعد ما لبست : ي هلا ي صباح الخير
ابتسم سعود : صباح الخيير والنوييير
ضحكت تولين: وش جايبك مع الصبح
سعود : بصبح على الوجه الصبوح
تولين : وقتك غلط عندي اختبار
سعود : اني جاي اجلس معك في اختبارك واساعدك
تولين : واذا جاء تميم
سعود : لا ما اتوقع يجي لانه اكيييد بيطلع للمستشفى في حاله مجتمعين عليها
تولين : زين ادخل ولا تزعجني
دق منبهها وركضت لما بدا الاختبار وجاء سعود وجلس بعيد شوي بعد ما قفل الغرفه ابتدت تولين تحل بسرعه بسرعه وسعود يراقبها ببتسامه لكنها وقفت بخوف : سعود ما ذاكرت السؤال الاخير
نطر سعود : وين كتابك
تولين : لا حرام تميم حلفني
سعود : خلي تميم ينثبر مو وقته المهم تنجحين ولا ترا بيدقر في زواجنا
شهقت تولين: من قال
سعود اخذ الكتاب وهو يدور الصفحات بسرعه ولقاها بعدها وجلس مكانها وههو يكتب بسرعه هايله وعلى اخر حرف كتبه قفل الاختبار زفر براحهه : حمدلله لحقنا
تولين : خايفه من ربي
سعود : هو حرام ادري لكن غصب علينا
تولين : من قالك انه بيوقف في زواجنا
سعود ضحك : قلت كذا عشان اساعدك
تولين : حرام عليييك
ضحك سعود وهو يبعدها : بما انه تم اختبارك بخليك
تولين : اجلس بدري
سعود : لا ولله تأخرت ساعه كامله بس فداك
ابتسمت تولين وهي تودعه وبعدها سكرت جهازها وارتمت على سريرها ونامت بتعب ••••€
عند ضي اللي وصلو للجامعه وقبل تنزل مسك ذراعها تميم : ضي
ضي : نعم خييير بتسمع لي بعد ..

#رواية_أحبيني_بلا_عقد..
لاتنسوووا التصوويت والتعليق على الرواية ...
تفاعلكم مع الرواية يهمنا ...