رواية أحبيني بلا عقد للكاتبة أديم الراشد ..

رواية #احبيني_بلا_عقد للكاتبة أديم الراشد .. البارت الواحد والخمسون

ـ
*. #البارت_واحد_وخمسون👇💙*

سعود :مو كأنه بدري خلها ترتاح شوي
ضي ببشهقات متتاليه: مابي بروح من هنا ماااااابي
ابو سعود : زين زين خلاص اللي تبين
اخذ تميم اوراقها وراح يكتب لها خروج مزيف ورجع بسرعه وقرب وهو يبي يساعد ضي عشان محد يكشف كذبتهم اخذ عبايتها وقال ؛ خليني اساعدها ي عمه
ام سعود : لا يمه عطيني انا
تميم : لا والله ارتاحي
جلست ضي وقرب تميم بسرعه وهو يساعدها وساعدها تجلس على العربيه
وخذ اغراضها وهو طلعوا وتميم قلبه يدق بخوف ويحس انه بيغمى عليه من التوتر وركب الكل واتجهو لبيت ابو سعود اللي اصرت ضي تروح عن امها
ساعدها تميم لما تركها في غرفتها ناظرها نظره فهمتها ضي بأنه ندم بس اشور له انه مابيدهم شي
طلع تميم وهو مرهق وبسرعه طار للبيت •••€
عند تولين اللي كانت تحس بضيق وفراغ من بعد ما ابتعدت عن سعود لفت على فتحت للباب وشافت تميم جاي وارتمى بتعب على الكنبه ناظرته بأستغراب : تميم فيك شي تعبان
تميم: ابي مويه
فزت تولين وجابت مويه ورجعت اعطته وهي تقول : صاير شي وش فيك
تميم جلس وهو يمسح دموعه: ضي سقطت
شهقت تولين بصدمه : متى!
تميم : امس اللي اخذتها المستشفى والحين هي عند امها
انصدمت تولين وهي تقول : بسلامتكم
تميم : الله يسلمك
جات هند اللي ما سمعت وش صار: تميم ممكن اكلمك بموضوع
تميم وقف وهو تعبان ومرهق : بعدين ي هند مالي خلق ولا لي حيل
دخل الغرفه وسكر الباب
هند لفت على تولين: وش فيكم
وقفت تولين بحزن: ضي سقطت
انصدمت هند وهي تراقب تولين لما دخلت غرفتها ما فرحت ابدا وحست بحزن على تميم •••€
اما عند اللي من بعد ما طلع تميم وشافت لين ابوها حست ان الموضوع جد انهارت تبكي وسعود ونوره يهدون فيها وبعد ضيق نامت من التعب
طلع سعود ونوره
سعود : نسيت حتى اسأل تميم عن التفاصيل
نوره: اكيد تعبانين انتظر لما ضي تريح وتقول لنا
سعود : زين انتي روحي خليك مع امي وانا بروح لشغلي
افترقوا وكل واحد راح يهتم بشغله

عند تميم اللي دخل وهو ضاييييق خلاص احساسه بالذنب موجعه عمره ما تجراء يكذب ويخدع احد كبرت في خاطره انه يخدع سعود وابوه اللي ساعدوه بكل استطاعتهم رمى مفتاحه وهو يرتمي بضيق : الله يسامحك ي ضي الللله يسامحك بس
تنهد وهو تعبان وقف وهو ينزل ثوبه ودخل بفراشه وهو يبي ينام ووده لو ينام سنيين ويصحى وكل شي منتهي من حوله وبصعوبه قدر انه يدخل بنومته لكن فز بسرعه على صوت الجوال ناظر بتعب وعيونه حمرا شاف نفس الرقم اللي مزعجه يتصل بأصرار قفل الجوال ورماه بعيد وارتمى بتعب ومرت 5 دقايق ورجع يسكر عينه بتعب بس فز للمره الثانيه على فتحة الباب شاف الوليد  اللي دخل وهو يركض ونط عنده : بابا بابا
تميم: نعم ي وليد نعم
الوليد: بابا من جد ضي تعبانه ومات البيبي اللي عندها
تميم ناظره بهدوء: من قال هالكلام
الوليد : سعد قال انهم كانوا فالمستشفى وضي تعبانه
تميم : ايوه ي بابا
الوليد : يعني جد عندها بيبي
تميم: كان ي بابا
الوليد ارتخى : يوووهه كان بيصير فيه بيبي اللعب معاه
غمض تميم : يعوضك ربي ي بابا بس روح ابي انام تعبان
الوليد : كيف تنام ! ضي ماهي فيه
تميم قطب حواجبه : كيف يعني
الوليد : ضي دايم تنام معك الحين كيف تنام بلحالك ما تخاف
تميم ابتسم: نمت سنين بلحالي وقفت يعني على شهر
الوليد: ايش!؟
تميم : مافيه شي روح انت عند ماما وخليني انام
قام الوليد وطلع وسكر الباب ورجع تميم بينام لكن رجع في باله كلام الوليد وكلام ضي انقلب لجهته الثانيه بضيق وهو مايبي يفكر ارهق نفسه كثير بالتفكير لما نام وهو مو حاس بنفسه ••••€
ومر اليوم وكان هادي للكل بدون استثناء والساعه 9:00 اليوم الثاني صحى تميم بعجز وكسل بالقوه قام وانصدم لما شاف الساعه كيف نام كل هالوقت قام بتعب للحمام اخذ له دش ينعشه وطلع وهو يلبس بهدوء زايد عن اي يوم كانت حركته بطيئه وكإنه يبي يتاخر حتى على الساعه اللي بيده طلع وهو متجهه للباب وقفته هند : تميم انت بخير
لف بهدوء: حمدلله ؛ تبين شي
هند : بكلمك بموضوع
ناظرها بتعب وقرب وجلس : وش فيه
هند : انت قلت ان موعد علاجي بعد 4 ايام
تميم: ايوه
هند بتردد وحزن : انا مابي اروح معاك
رفع راسه تميم بذهول: كيف ؟!
هند : انا ابيك تطلقني ، خلاص مقدر اكمل معك زياده ، انا بروح مع زياد وسحر يعالجوني والوليد بيجلس عندك وانا متطمنه انه عندك وكلها فتره وتجي ضي وتكملون ححياتكم بالوليد بس اوعدني انك تخليني اشوفه كل اسبوع
كان تميم ساكت وهو يناظرها وبعدها قال بهمس : يالله قد ايش سهل عليكم تديرون ظهركم وتمشون وتتركون كل شي وراكم  سبحان لله
قام وطلع وتركها وراه بدون اي رد غير هالرد طلع وصفق بالباب وضيقه باين في وجهه تحرك وهو ضايق كان يمشي بهدوء مخلوط بغضب مر من بين اهل الحاره لكن الغريب انه ما يسمع من كلامهم شي ولا حتى حس بوجود احد حوله انتبه لما وقف قباله احد الشياب : تميم ي ولدي
ناظره بشرود : هلا عمي امرني
ابو سيف : فيك شي نكلمك ماترد
لف تميم وشاف الناس حوله مد يده لصدره يدلكه : معلييش ما انتبهت
ابو محمد : سلامة راسك يقولون ان زوجتك سقطت امس
تميم ناظر فيه بضيق: الله يسلمك
الكل : سلامة راسك
تميم : الله يسلمكم ، استاذن تأخرت على الدوام
انسحب بسرعه وهو يسرعه بخطواته ركب سيارته وتحرك قبل لا احد ثاني يوقفه •••€
اما ضي اللي كانت على شباكها وتناظر تميم اللي طلع  وهو حتى ما كلف نفسه يناظر الشباك او يجي تطمن انسحبت ورجعت لسريرها انفتح الباب وكانت ام سعود : ضي حبيبتي صاحيه
ضي : اي يمهه
ام سعود : تعالي ي حبيبتي كلي لك لقمه تنفعك
ناظرت ضي الاكل بهدوء وقامت جلست وهي تاكل
ام سعود : وش صار معك يمه متى رحتي المستشفى
وقفت ضي  برعب وتغيرت ملامحها بسرعه وقالت بتردد : حسيت بألم ونزيف واخذني تميم المستشفى وصحيت وانا كذا طبعا سمعتي كلام الدكتور
ام سعود وهي تمسح على ظهرها : مو مشكله يمه الطب تطور وان شاء للله بتحصلون علاج
لفت ضي بقوه تناظرها وقالت: بس هذا مالها يمه علاج
ام سعود : ليه يمه تميم اكيد يعرف علاج هو استشاري كبير ويعرف
ضي نزلت الملعقه : ما حصل تميم حل شهر وهو يدور علاج ما حصل وكلهم اجمعوا مافيه علاج
ام سعود : لا تشائمين يمكن يحصل خلي املك بالله كبير
رجعت ضي لسريرها وهي تتلحف وما تدري كيف بتقول انها بتطلق
طلعت ام سعود بضيق وقابلها ابو سعود : كيفها ضي
ام سعود :تعبانه الله يشفيها
ابو سعود دخل وشافها متغطيه بهدوء وطلع وتركها
•••€
انا عند نجوى اللي نزلت وهي تسمع انها تكلم ولفت انتباهها شهقت امها : لا تقولين ي عمري مسكينه وش صار فيها
تولين : والله ما اعرف التفاصيل جاء تميم امس ورمى الخبر ودخل غرفته ولا طلع الا من شوي وراح ولا حتى كلمته
ساميه : متأثر تميم مره !؟
تولين: ايه مره حتى هند كانت تبيه بسالفه ولا رد لها ومعصب وضايق
ساميه : والله يبي لنا نزورها ونكلم تميم
تولين : اي تكفون تعالوا والله البيت مره كئيب
نجوى: وش فيكم
ساميه : ضي سقطت
نجوى شهقت : لا دخيلك
ساميه: يلا ي تولين انز بكلم ابو راكان ونجي لكم
نجوى: يمه وش السبب
ساميه : مدري ي نجوى
نجوى انسحبت وهي تاخذ جوالها ودقت على تميم مارد ودقت على تليفون البيت ..

#رواية_أحبيني_بلا_عقد..
لاتنسوووا التصوويت والتعليق على الرواية ...
تفاعلكم مع الرواية يهمنا ...