رواية أحبيني بلا عقد للكاتبة أديم الراشد ..

رواية #احبيني_بلا_عقد للكاتبة أديم الراشد .. البارت الثاني والخمسون

ـ
*. #البارت_اثنين_وخمسون👇💙*

وجاها صوت غريب بس توقعت ان صوت تميم من التعب تغير: خالي تميم كيفك سلامة راسك توي دريت من امي كيفها ضي وكيف خاطرك لا تضيق ربي يعوضكم ان شاء للله
خالد اللي جمد ( خالد لما طلع اخذ التليفون معاه ) سكت وهو مايدري وشلون يرد او يقولها انه مو تميم
نجوى: خالي شفيك ما ترد الله يخليك لا تزعل نفسك كثير ادري انه يعني لك بس معليه تحمل
خالد تنحنح بإحراج: معليش بس هذا مو رقم خالك
شهقت نجوى وقفلت الخط برعب رجعت تتاكد من الرقم مكتوب(بيت خالي تميم )استغربت بس توقعته غيره دق قلبها بخوف ومسحت الرقم
ورجعت تدق على تولين بدون ما تقول السالفه لها ••€
اما خالد اللي سكر وهو مبتسم ناظر السماعه : يعني لو اني تميم واحصل اهل يسألون عني كذا والله ما اروح واخليهم بذااات هاذي
دخل سعود:خويلد تكلم نفسك حبيبي
وقف خالد : لا بس كنت انتظرك تاخرت
سعود: اسكت بس صارت سالفه كئيبه
خالد؛وشو
سعود : امس ضي سقطت
خالد لف بقوه : لا لا اعوذ بالله وش السبب
سعود : السبب والله كبير واحس انهم ما بيكملون
خالد ناظره بخوف : وش فيه ي رجل لا تخبصني
قاله سعود القصه وقطب خالد حواجبه بضيق : يالللللله وش السوات يعني مافيه علاج
سعود : لا وهذا لللي مخوفني
خالد :سعود لا تستهبل حصلوا للعقم علاج ما يحصلون لهذا
سعود : انت اللي لا تستهبل محد يقدر يغير جينات احد مهما كان
خالد: وش بيسوون
سعود : مدري بس احس احساس كبير انه الطلاق اول فكره
خالد: لا ي شيخ ىش تقول انت طلاق مره وحده
سعود : يعني هي فالنهايه محد متضرر الا ضي تميم عنده ولد وعنده زوجه وبيكمل حياته بس ضي بتجلس كذا
خالد نزل راسه بضيق : والله مشكله
سعود : والله مدري بس الاكيد الايام الجايه صعبه
ركبوا السياره بهدوء وهم ضايقين ونسى خالد سالفه نجوى
••€€
اما عند ابو سلطان اللي كان جالس وهو يدق اصبعه فالطاوله دخل مرجان : امر طال عمرك
ابو سلطان: تميم والزفت زوجته سافروا
مرجان: لا باقي 4 ايام
ابو سلطان: وسلطان
مرجان: سلطان جالس يستقر فالقصيم وقدم استقالته وانقبلت
ضرب ابو سلطان الطاوله : هالعيال ابي اعزهم ولا ينفع لكن انا اوريك كيف ترمي كل هذا وراك طيب طيب
مرجان: تأمرنا بشي
ابو سلطان : اي وظيفه يقدم عليها سلطان تنرفض ولا يحصل اي وظيفه سامع
مرجان : ابشر
ابو سلطان: وهالتميم اخلي عينك على موعد طيارته
مرجان: زين
جلس وهو يفكر كيف يقطع كل السبل عن سلطان ويرجعه له •••€
اما عند تولين اللي كانت جالسه تكلم نجوى بالصاله وتسولف سمعت صوت الباب وقفت وهي تسكر الجوال اتجهت للباب : مييين ...: افتحي الباب ي بنتي
فتحت تولين بحذر: مييين ...: تميم موجود ي بنتي
تولين : لا مين اقوله
...: قولي له حصه
تولين : بس ي حصه تميم مو هنا اذا رجع اقوله
حصه ( ام تميم ) : اقدر انتظره
تولين : زين تفضلي
دخلت ام تميم وهي في هندام بسيطة جدا دخلت بحذر وجلست بأول كرسي
تولين : اش تشربين
حصه( ام تميم ): سلامتك ي بنتي
تولين : كريمه جيبي القهوه
جلست تولين وهي تقول : من وين تعرفين تميم
حصه: انتي مين زوجته!!
تولين ابتسمت: لا اخته
حصه انصدم وجهها بخوف : ابوك هنا وامك
تولين : لا فالرياض
حصه : وانتي ليش هنا
تولين بترقيع : جايه اقدم مشروع بالقصيم ما قلتي لي من انتي
الوليد قطع عليهم وهو يركض : عمه تولين تعالي شوفي وش سويت انا وسعد
تولين: طيب ي حبيبي فيه ضيوف
الوليد ناظرها بهدوء: اسف ما شفتك
حصه وهي تناظره وعيونها مليانه دموع:مين هذا
تولين: هذا ولد تميم
لا شعوريا وقفت حصه وهي تقرب منه مسحت على شعره وهي تحضنه كان يشبهه تميم كثييير
استغربت تولين والوليد كان خايف بكت حصه بإنهيار وطلعت هند بخوف : تولين وش صاير
اسرعت بعربيتها وهي تسحب الوليد: مين هاذي مييين
تولين بخوف : هند هدي
قربت : خاله وش فيك فيك شي
وقفت حصه وهي تمسح دموعها: معليش اعذروني ي بناتي تأثرت شوي ولد تميم يشبهه كثير
هند : مين انتي وش عرفك تميم
حصه جلست بتعب: انتظر تميم افضل
هند لفت لتولين: تعرفيها
تولين: لا
هند صرخت: كيف تدخلين وحده ماتعرفينها انجنيتي
تولين :وش فيك تعرف تميم
هند اخذت الوليد وراحت لغرفتها وقفلت الباب وهي تسحب الجواب اتصلت على تميم لكنه مغلق سكرت بخوف وهي ماتدري مين برا
تولين: معليش ي خاله زوجة اخوي شوي عصبيه
حصه: هذي زوجته
تولين : ايه
حصه: ما عليه بحقها تخاف
تولين: انا اسفه بالنيابه عنها
حصه ناظرتها بهدوء : انتي بنت ام سلطان
تولين: ايه تعرفين امي
حصه: ايه اعرفهم كلهم حق المعرفه
تولين : من وين تعرفينهم
حصه :قصه قديمه
سكتت تولين وهي مستغربه نظرتها الحزينه اما حصه اللي كانت حزينه وهي تنتظر تميم بخوف من ردة فعلها
اما عند تميم اللي كان جالس بمكتبه بهدوء وهو ينتظر المراجعين وباله مو معاه ابداء ما صدق انه خلص اخر مريض وطلع اتجهه لعيادة دكتوره المعتاد دق الباب بهدوء : سلام
الدكتور: اهلين دكتور تميم تفضل
دخل تميم بهدوء : كيفك
الدكتور:انا بخير فالاصل انت اللي كيفك
تميم : والله يبدو اني صار المسكن هذا ما ينفع معي
الدكتور: قلت لك انك تضر نفسك اكثر بالمسكنات ي دكتور هذا ثالث مسكن تغيره وصار جسمك ما ينفعه المسكن
تميم : ما عليه مل شي مقدر ومكتوب المهم ابيك تغيره لي
الدكتور: اللله يخليك لا تعاند واترك هالمسكنات
تميم : يالله ي دكتور انت بتغيره لي او اشوف لي دكتور ثاني
الدكتور: براحتك انا ابي اساعدك بس
تميم: ساعدني بمسكن وبس
كتب الدكتور مسكن اقوى لتميم : اللله يهديك ويعينك
وقف تميم وهو يشكره وطلع اخذ المسكن واتجهه للبيت وقف ونزل وهو يمشي شاف بيت ابو سعود قرب وهو يدق الباب فتح سعد: تميم هلا
تميم: اهلين فيك ي بطل كيفك
سعد : تمام انت كيفك
تميم : الحمدلله ابوك هنا
سعد : ايه بس نايم وسعود بالدوام
تميم: زين شف لي الطريق لضي
سعد : طيب
ركض وبعد شوي رجع : تعال تميم
تقدم تميم وطلع ومعاه دخل الغرفه وشاف ضي جالسه وهي تو صاحيه من النوم ابتسم : ما اوسع قلبك نايمه
ضي ناظرت سعد بنظرها فهمها وطلع وسكر الباب ولفت وهي تكتفه : يعني كنت متوقع اني ارمي نفسي من الشباك عشانك
ابتسم تميم وهو يجلس على الكرسي بجنب الشباك : والله قلت يمكن العشره اثرت فيك
ضحكت ضي: اخيرا اعترفت بالعشره اللي على قولك شهرين
تميم : يعني فالنهايه وقت
ضي : لا ي حبيبي انا حمدلله مرتاحه جدا بس كلها وقت وارتاح طول عمري
تميم : الله يجعلها دايمه ، كلمتي ابوك ؟!
ضي وهي تفرك يدها: لا بس بكلمه
تميم: مو مشكله المهم من هنا لوقت الطلاق طلباتك لي واذا بغيتي شي اطلبيني انا
ضي ابتسمت: تستهبل تبي تكشفنا
تميم لف يناظره بيته ببتسامه: والله شباكم استراتيجي جدا
ضي وقفت وجت عنده: من جد اتكلم انا
تميم : ضي لا توقعين بتركك كذا اقل شي لين تطلقين
ضي : بس ابوي بيصر كذا
تميم:لا ما بيصر
ضي : اووووف منك
تميم وقف وهو يسكر الشباك : انا رايح تبين شي
ضي : وين بدري توك جيت
تميم: مابي اطول اكثر حاولي تتعودين على بعدي
رمت ضي نفسها على السرير بتمثيل : قلبي قلبي بيوقف لا تروح تكفى مقدر اعيش بدونك
ضحك تميم : والله ماكان الفراق اختياري
ضي ضحكت ؛ وانت تشبك على طول
تميم ابتسم :كنت عاقل بس من شهرين احس اني غريب
ضي ضحكت بأستهزاء : سحرتك توقع
تميم : اجل بروح بدور شيخ يقرا علي
ضي : اذا لقيت سحرك قولي ...

#رواية_أحبيني_بلا_عقدلاتنسوووا التصوويت والتعليق على الرواية ...
تفاعلكم مع الرواية يهمنا ...