رواية أحبيني بلا عقد للكاتبة أديم الراشد ..

رواية احبيني بلا عقد للكاتبة أديم الراشد .. البارت الخامس والتسعون

ـ
*. #البارت_خمسة_وتسعون👇💙*

مر شهر وكانت الاوضاع كالاتي
تميم كان مستمر في علاج للي كان يتعبه حيييل ومع ذلك كان يحاول يبين انه بخيييير ويروح مع سعود وخالد وراشد ويساعدهم ومبسوط بحياته لدرجة هو ما توقعهاا
اما ضي كانت فرحانه بحياتها مع تميم بس التعب اللي هاد حيله منكد عليها ومخليها تخاف وطبعا حبها للوليد كل فتره يكبر لما صارت تعتبره ولدها
راشد ونوره رجعوا يمثلون اقوى ثنائي وبحبهم اللي في ايام بسيطه رجع اقوى من قبل وفرحتهم في بعض كانت كبييييره ويجهزون لزواجهم
اما سعود وتولين من غير شي خاقين على بعض وعايشين حياتهم وسعادتهم بالحرف ويجهزون لزواجهم
اما خالد اللي كان مبسووووط بكل شي حولن ومازال يحاول في نجوى ويحببها فيه وقدر في ظرف اسبوعين انه يلين معاملتها له
اما نجوى اللي بدت تقتنع بخالد وكلامه وبدت تفكر كويس ومازالت خايفه من مرض تميم
اما سميه اللي رجعت لاهلها بحب كبير وتغيرت وصارت انسانه جدا طيبه والكل يحبها
اما سلطان اللي كان عايش مع عياله وامه ومبسوط الى حد ما من حياته
والباقين كلهم مستقرين والشعور المتفق عليه الكل الفرح والحماااااس لزواج الثلاثي العاشقين ••€€$
في يوم زواجهم ما اوصف لكم الشعور الجميل  العشاء
في بيييت حصه كان راشد وخالد قالبين الدنيا اتجهه خالد بغضب لريان وهو يسحبه من شعره : طلع الكبك لللي اخذته
ريان وهو يحاول يفك نفسه : ياخي ما اخذت شي
خالد سحب يده : هذا وشور ياخي انا وش سويت لكم عشان تسرقوني
ريان عطاه : ياخي نمزح
خالد : شايف الوقت مناسب انك تمزح فيه يا سامج
تركه وراح يجمع اغراضه بس استوقفه شي في رجول راشد ناظره بقوه وشاف جزمته على راشد
خالد صرخ: رااااااااااااااااشد
راشد فز بخوف : شفييييييييييك
خالد : يمممممممممممممه
حصه جات تركض : خالد وش فيك
خالد : يمه انا تعبت من عيالك
حصه : وش فيك يمه
خالد اشر على رجول خالد : واحد سارق جزمتي اللي بحضر فيها الزواج وواحد سارق الكبك
راشد نزل الجزمه ورماها عليه : خلاص لا تبكي غلطت فيها
حصه اخذت الجزمه وهي تضحك: روق يا خالد يا حبيبي غلطوا ما دروا
اخذها خالد وراح وهم يضحكون عليه •••€
اما عند تميم اللي كان جالس ينتظر ضي تلبس ومعاه الوليد لللي يسولف كعادته وقطع عليه ريحة العطر اللي هاجمته رفع راسه تميم وشاف ضي واقفه وهي بكااااامل اناقتها وكأنها تتحدى بجمالها وقف تميم اللي حس انه انعزل عن كل شي حوله معاد يشوف شي
تقدمت ضي ببتسامه: من عيونك عرفت اني حطمت الرقم القياسي
ضحك تميم وهو يصفق : براڤو علييييك في كل الاحوال
الوليد: الله يا ضي مررره حلوه انتي
نزلت ضي تحضنه : عيونك الحلوه يا حبيبي ...

#رواية_أحبيني_بلا_عٌقد..
انتهاء البـــــــــارت
..
لاتنسوووا التصوويت والتعليق على الرواية ...
تفاعلكم مع الرواية يهمنا ...