رواية أحبيني بلا عقد للكاتبة أديم الراشد ..

رواية احبيني بلا عقد للكاتبة أديم الراشد .. البارت التاسع والسبعون

ـ
*. #البارت_تسع_وسبعون👇💙*

مد يده وهو يبعد شعرها عن وجهها غمض وهو يدعي ربي يصبره ويوقف معهم انسحب بهدوء وهو يتجهه للحمام اخذ شور ولبس وطلع وهو ياخذ ادويته وجواله واتصل في راكان يجيب الوليد ولا هي الا نص ساعه ودق الباب وقف تميم وهو يتجهه للباب فتح الباب بهدوء وكان راكان ونجوى اخذ الوليد منه وهو يسلم عليه وعلى نجوى دخلوا وتميم مستغرب وش جاب نجوى : نجوى غريبه جايه من الصباح
نجوى : ابد جيت اشوفك
تميم : زين .. راكان بثقل عليك واطلبك طلب
راكان: افا يا خالي انت تأمر
تميم : مايأمر عليك ظالم بس ابيك تروح هنا البقاله اللي بجنبها تركت عندهم امس قايمه يجهزونها عشان البيت ابيك تجيبها
راكان : ابشر
تميم : فطرتوا ولا لا
راكان : اي الحمدلله
اتجهه راكان للباب وطلع ودق جوال تميم اللي اخذه وهو يبتسم لنجوى وراح المجلس : الووو هلا يا دكتور
دكتور احمد : صباح الخير ي تميم
تميم : صباح النور
دكتور احمد : اتمنى اني ما ازعجتك بس يا تميم انت مجبووور تجي اليوم عشان تستلم بعض المسكنات اللي تهيئك للعلاج
تمين اخذ نفس : بس انا قلت لكم ابي يومين انا عندي مسكناتي يعني ادبر اموري فيها
دكتور احمد : يا تميم ليش ما تبي تقتنع ان مسكناتك لللي عندك معادت تنفع انت محتاج اشياء اقوى تقاوم السرطان
تميم غمض : السرطان انتشر وانتهى ما اتوقع انه بيتركني وهاذي محاولته الثانيه
احمد : لا تيأس ربي معك
تميم : بعد يومين بمر عليك ونبداء
سكر احمد بيإس من عناد تميم اللي بغير وقته ومحله
••€
اما عند نجوى اللي اول ما دق جوال تميم وشافته راح حسبته خال وركضت وهي تتسمع بس اول ما سمعت تميم  وكلامه رجعت وراء وهي ماهي مستوعبه اللي سمعته على طوووول انهلت دموعها وهي تحاول توقف نفسها رفعت راسها لما سمعت تميم : نجوى اسف تركتك بلحالك بس اتصلو ... نجوى وش فيييك صار شي
نجوى ناظرته بتمعن وشافت شلون منحني ( كيف ما انتبهت كييييف ) مسحت دموعها : ولا شي متضايقه من البيت وجوه الكل زعلان على جدي وانا مدري ازعل او لا ضايقه فيني الدنيا ي خالي
قرب تميم اللي ما حط اي احتمال انها تكون سامعته جلس وهو يحضنها : ما عليه ي خالي ما عليه مهما صار بنزعل ما نقدر نرمي الفطره اللي بقلوبنا الله يسامحه بس
نجوى: كيف تسامحه وهو ما ترك شي ما سواه فيك
تميم : يبقى ابوي ي نجوى وانا عندي ولد مابيه ربي ينتقم مني فيه
نجوى بعدت لما حست انها بتنهار وهي تمسح دموعها : اسفه ضايقتك وازعجتك
تميم : وش تقولين انتي بلا عبط
دق الباب وراحت نجوى تفتح وكان راكان اللي ترك الاغراض فالمطبخ واخذ نجوى وطلعوا جلس تميم بضيق فالصاله وهو يشوف الوليد اللي صحى وهو يناظر حوله
وقام وهو يحضن تميم : بابا وين ماما وحشتني
تميم شد عليه : عند ربي ي بابا عند ربي
ناظر الوليد تميم : كيف يعني
تميم : يعني اذا اشتقت لها ادعي لها
لف تميم على اليد اللي انحطت على كتفه ابتسم وهو يسحبها :صح النوووووم فوتي الضيوف ي كسلانه
ضي جلست وهي تبوس الوليد : احد يقولي من هو سبب الكسل
ضحك تميم وهو يقول : نفسي ارد عليك بس الوليد موجود
ضي : كريمه ما جات
تميم : لا اليوم ما بتجي عندها ظروف لكن اتوقع ان المسؤوليه طاحت علي
ضي ناظرته بإستغراب : اي مسؤوليه
قرب تميم وهو يحمس بعينها: ضي العزيزه ما تبي فطور
ضي ناظرته بهدوء وهي تهمس له : ودي ارد بس الوليد موجود
ضحككك تميم وهو يسحبها معه المطبخ اما الوليد اللي كان يناظر وهو ماهو فاهم السالفه وقام ولحقهم
تميم : الوليد شفيك يا بابا روح غسل وجهك وبدل ملابسك
الوليد : تعال معايه
ضي : ايه روح معاه
تميم : يلا ما بطول
ضي : استناك تصلح الفطور
راح تميم وبسرعه سكرت ضي الباب وصارت تحضر فطور خفيف ورتبته وجلست وهي تنتظرهم وبعد عشر دقايق جاء تميم وهو يرفع كمومه : والله انتي لا.... اوف اوف من حضر هالسفره ضي لا لا ما اصدق
ضي ضحكت : يعني عشان تعرف اني ماني انسانه فارغه
ضحك تميم : والله انجاز دامك عرفتي تصلحين بيض
الوليد ركض لسفره : هذا زي اللي امي تسويه
ضي : بالعافيه حبيبي
جلس تميم واقف وهو يناظرها ضي : شفيك تعال
تميم : بجي بس ابي دعوه حلوه
ضي لفت وهي تدور شي وتميم يناظرها باستغراب جابت قلم وهي تروح لتميم سحبت يدها وهي تكتب ( تفضل ع الفطور تميم العزيز )
ضحك تميم وهو يسحب يدها ويحاوط كتفها : والله انا قلت الحين بتكتب معروض فالاخير هالكلمتين الخاليه
ضي : لاحظ ان فيه انسان لطيف جالس هنا
سحبها تميم برا غمض وهو يحضنها : طيب ؟ الحين قولي
ضي شدة عليه وهي هي تقول بهمس : تميم ... وفجاءه صرخت في اذنه : الددددددب تعال افطر
اسحبت لما شافته مسكو عيونه بقوه وهي تضحك وراحت جلست وقف تميم وهو ماسك اذنه مبتسم : كنت بتفاجأ اذا ما سوي حركه عكسيه
اتجهه لهم وهو يجلس وضي والوليد يضحكون
اما عند خالد وسعود اللي كانو جالسين في مدخل الحاره وشافوا سيارة راكان طالعه فز خالد وهو يقول : سعووود شوف
سعود : نجوى معه الله يستر لا يكون قالت لتميم شي
خالد سكت وهو يفرك يده لما شاف راكان وقف ونزل للبقاله بدون ما يشوفهم لف بسرعه وهو يدف سعود : روح اشغله
سعود ما استوعب : وشو وش تقوووووول انت
خالد دفه : قلت لك روح قله اي شي اشغله بسرعه لا يطلع لين اجي لكم
راح سعود اللي مو فاهم شي وهو يحاول يشغل راكان اما خالد اللي ركض وهو يركب في مكان راكان ولف لنجوى اللي شهقت وهي عيونها متسعه بصدمه وحمرا ومليانه دموع
دق قلب خالد او ماشاف دموعها وانكسر خاطره وحط اللوم على نفسه انه سبب دموعها ولا عرف وش يقول وتلخبط وما عرف ينطق لسانه غير ( انا اسف ي نجوى انا اسف يا فرصة خالد الحلوه الله لا يعطيني العافيه لما كنت السبب في دموعك )
نزل وهو ماهو مستوعب اللي قاله ولا مستوعب كيف طلع هالكلام منه ولا هو مستوعب متى حبها وتعلق فيها اييييه حبها وكان الوقف كفيل انه يكسر كل الحواجز ويوضح لخالد قد ايش حب نجوى )
اما نجوى اللي انحبس كل شي فيها ولا صدقت اللي مر كله ولا الكلام ما حست بنفسها الا لما ركب راكان وهو يضحك : يا حليله خالد من ألم اسنانه ما شاف الحجر وطاح
لفت نجوى بسرعه وهي تشوف خالد جالس بجنب باب البقاله وسعود يشوف رجله المجروحه بس عيون خالد عليها
حست بخنقه صرخت وهي تقول : راكان ارفع المكيف فك الشبابيك سوي شي انخنقت
راكان تحرك بسرعه وهو يفتح الشباك والمكيف : وش فيك بنت
بكت نجوى اللي استوعبت وش صار بس ماهي فاهمه السبب : مافيني شي مخنوقه بس
راكان : اوديك المستشفى
نجوى : لا ابي اروح للبيت بس
سكت راكان وهو حاط في باله انها ضايقه من الوضع اللي صاير
•••€€$
عند سعود اللي كان يناظر خالد التايهه اللي يناظر في فراغ ويده ترجف : خالد وش صار وش سويت
خالد ناظره سعود وهو يرمش بسرعه :مدري
سعود : خالد لا تفجعني قولي وش صار
خالد وقف وهو غمض بقوه من الم رجله : انا ضيعت نفسي على الاغلب
مشى وترك سعود مفجوع وراه ويناظره بصدمه •€€
اما عند راشد اللي وقف قبال بيت عمه وهو يناظر وجدان اللي ترجف مد يده وهو يشد على يدها : تذكري انك بتنقذين نفسك قبل كل شي تنقذيني وتنقذين نوره وتنقذين حياة ناس تعبوا حزن وفراق
ناظره وجدان وعيونها ترجف الدمعه فيها : على بالك اني ما تعبت يا راشد انا (والله بذلت ألين ذبلت)
نزلت وتركت راشد اللي انفجع من نبرة صوتها الغريب اللي اول مره يحس انه حزين وعيونها اللي اول مره يشوف قد ايش هي تعبانه تحرك وهو مايبي يفكر الا بالامل اللي بيرجعه لنوره ...

#رواية_أحبيني_بلا_عقد..
انتهاء البـــــــــارت
..
لاتنسوووا التصوويت والتعليق على الرواية ...
تفاعلكم مع الرواية يهمنا ...