رواية أحبيني بلا عقد للكاتبة أديم الراشد ..

البارت الخامس من رواية أحبيني بلا عقد للكاتبة أديم الراشد

ـ
#البارت_الخامــــس👇💙

اما عند تولين اللي نزلت واتجهت لبيت اختها ساميه نزلت وهي ضايقه وقابلها راكان : تولييين صباحو وش جابك
تولين :اهليين جيت ليه ماتبيني اجي
راكان: مو كذا بس اسمعي بسألك
تولين : وشو
راكان : تعرفين ليه خالي تميم مو فيه
اتجمعت دموع تولين وتركته وهي مسرعه ودخلت قابلتها ساميه: تولين وش فيك
تولين مسحت دموعها: ولا شي زهقانه وقلت اجي لكم
ساميه : وش فيم تبكين
تولين نزلت راسها: واحشني تميم
ساميه ضمتها وهي تبكي : كلنا اشتقنا له بس مابيدينا شي تعوذي من ابليس
رويده: يممممه شفيكم !!
ابعدت ساميه وهي تمسح دموعها: ولا شي بس تولين تعبانه جيبي لنا فيفادول واطلبي شاهي من الخدم
رويده لفت بهدوء وطلعت نزلت نجوى: تولييين جيتي
تولين : اييه
نجوى: اش صار مع خالي سلطان!؟
تولين :مدري
ساميه : وش صاير بسلطان!
تولين حكت لساميه اللي صار وقفت ساميه بخوف : قال مالي اهل؟
تولين : ايه سلطان قال بيكلمه بس مدري للحين
ساميه :عطيني رقمه
نجوى: يمه وش بتسوين
ساميه: بكلمه وحشني مرره وحشني
تولين : خخلينا ما نضغط علييييه خلي سلطان يتصرف
جلست ساميه وهي تبكي وقربت نجوى تواسيها •••€
عند ابو سلطان اللي اتجهه للمطار واستقل بالطياره وجلس وهو يفكر وش بيسوي مع تميم ماهي الا ساعات ووصل للقصيم نزل وهو يناظر حوووله وبعدها اتجهه للموقع بيت تميم وهو معصب من تصرفات تميم اللي باقي مثل ماهي وباقي عايش بهالاحياء ولا هو قادر يستوعب مكانته الاجتماعيه
•••€
عند سعود اللي دبر له اجازه وحجز للرياض بحماس وهو متحمس يشوف حبيبته اللي ملكت كل شي فيه اخذ الاوراق واتجهه لمكتب تميم دق الباب ودخل : الحلوين لهم وقت لنا ولا ننسحب
ضحك تميم وهو يبعد الاوراق : تعال تعال وش عندك
سعود : بقولك اني بروح الرياض يومين وارجع
تميم بطرف عين : وش عندك فالرياض صاير روحاتك له كثير
سعود : ولا شي كم شغله وارجع
تميم قرب وهو يضحك ويأشر على قلب سعود : انا متاكد ان الشغل كله هذا
سعود ارتبك : لا وش دعوه المهم تبي اجيب لك شي ولا شي
تنهد تميم وهى يرجع لوراء : يكفي انك ماتذكر اسم الرياض
سعود سكنىت بضيق : زين يلا انا بروح
تميم : خلاص اصلا حتى انا بطلع خلصت
سعود : زين خلني اروح معك عشان الخادمه هناك ومعهم اهلي اخذلك طريق
تميم: اووه صح الله يسامح خالد ماكان له داعي يكلف عليكم
سعود : قوم بس اهلي اهلك
ضحك تميم وطلع هو وسعود بأتجااه البيت
خالد اللي كان يلف في مكان دوامه ويتطقطق مع الكل سحب جواله وهو يدق على تميم بس مايرد عليه استغرب وخاف انه انتكس دق على سعود لكن سعود مغلق انفجع واتجه لاحد زملائه : محمد دخيلك امسك عني شوي صاير شي فالبيت لازم اللحق
محمد : خير وش فيك
خالد لف وهو يجمع اغراضه: تميم تعبان مرره ولازم اروح
طلع مسرع وركب السياره وطار للبيت وهو يدق ويدق ومحد يرد •••€
في مكااان ثااااني ومدينه ثانيه في بيت متوسط الحال كانت هند جالسه وهي تتصفح الجوال  قطع عليها دخول  الوليد وهو يركض : ماما ماما شوفي اللعبه اختربت
هند نزلت الجوال وهي تناظره : ليش ي ماما وش صار فيها
الوليد : خلاص ما ابغاها ابغى جديده
هند : حرام ي ماما ما يصير تكبها انا اسويها لك
الوليد رمى اللعبه بعصبيه وهو يبكي : مابغاها ما ابغاها
هند اخذتها وهي ضايقه : ي ماما وش اسوي انا من وين اجيب لك جديده
دخلت سحر : هند وش فيكم
هند : اختربت اللعبه وصار ما يبغاها
سحر : طيب خلاص انا اجيب له جديده
هند : ي بنتي لا تعبين نفسك بيصير فيها مثل هاذي وتنتهي فلوسنا على الخرابيط
سحر جلست: وش بنسوي اهم شي الوليد ينبسط مابه داعي يحس بالنقص
هند جلست وهي تبكي : حسبي الله على من كان السبب حسبي لله
سحر : اشششش لا يشوفوك ويزعل مثل كل مره
عند وقفت وهي تمسح دموعها: حبيبي تعال هنا لا تزعل بعد الصلاة بنروح الحديقه ولا تزعل طيب
الوليد: ابغى لعبه جديده بعد
سحر: ابشششر ي باشا كم الوليد عندنا
الوليد راح وجلس وهو معصب باقي ومتكتف جلست هند وهي تناظره بضيق : بعد عمري ي الوليد شبيهه ابوه بكل شي
سحر: لو تنسين ابوه كل حياتنا بتصير حلوه ونرتاح
هند : كيف انساه كيييف وهو قطعه من قلبي كييييييف
سحر نزلت راسها بزهق : انا مليت من هالدوامه بقوم اجهز انا والوليد وانتي جمعي نفسك ترا زهقنا
راحوا وجلست هند وهي تبكي ••••€
انا عند ضي اللي زفرت براحه وهي تشوف الخادمه داخله وهي تكلم غمضت وهي تاخذ نفس وصرخت: وش تبين هنا
الخادمه: بنظف هنا
ضي : هنا اخر شي اطلعي سوي اللي هناك
طلعت الخادمه وهي تتحلطم وبردت اعصاب ضي اللي جلست وهي تفرك جبينها بخوف لكن ما مداها ارتاحت الا سمعت صوت سعود : ضضضي ضيي
فزت بسرعه وسكرت الدولاب برعب وقفلت وخبت المفتاح بجيبها وفتح الباب سعود : ضيي ليش ماتردين
ضي : كنت  بطلع وش فيك راجع  سعود : لا بسس خلصنا ورجع تميم معاد لجلوسك داعي
ضي اللي ارتبكت: رجع تميم !!
سعود : وش فيك وش مسويه ؟!

ضي عجزت تتحرك: ايه ولا شي بس اخترعت من الخادمه اناظرها مريبه
سعود : زين يلا
ضي : يلا اللبس عبايتي واجي
طلع سعود وجلست ضي وهي ترجف برعب لبست بسرعه ونست المفتاح من الخرعه وطلعت لسعود اللي وصلها البيت دخلت غرفتها واول ماجلست حست بالمفتاح ضربت جبينها بخوف : وش سويتي ي ضي الحين بيفقد مفتاحه اوف وش اسوي الحين
وقفت واتجهت لشباك وشافت سعود وتميم جالسين برا ومعاهم القهوه ويسولفون ويضحكون دققت في تميم وهي تقول ( من تكون هالحرمه ) •••$
عند تميم وسعود اللي تركوا الخادمه اشتغل براحتها وطلعوا برا
سعود : تميم
تميم لف :همم
سعود : وش خططك المستقبليه ؟!
ناظره تميم بأستغراب : من وين طرا لك هالسؤال
سعود : كذا يعني
تميم : مالي اي خطه الا اعيش كذا بس
تردد سعود وبعدين قال بهمس : ما تبي تدور على هند ؟!!
لف تميم بسرعه وهو يناظره بحده : وش خلاك تدخل بهالموضوع
سعد خاف : لا بس يعني انت كنت تحبها
وقف تميم وهو مقطب حواجبه : سعود سعود انتبه معي زييين اوك هند اخر موضوع ممكن افكر فيه اخر شي سامعني
سعود : اي ليش!!!
قرب تميم وهو يناظر في عين سعود بقهر: لانها باعتني باعتني  في نفس اللحظه اللي حاربت فيها الدنيا عشانها
انقطع كلام تميم على اصوات السيارات اللي وقفت لف وجمد لما عرف الحراس والسيارات وبعدها نزل ابو سلطان اللي كان جيته بمثابة ضربه قويه على وجهه تميم اما سعود ما عرف مين هذولا ووقف بذهول من كمية الحرس لكن عرف انه انسان له علاقه بتميم
تقدم ابو سلطان بخطوات واثقه وغاضبه وقال: مهما بعدت لازم تعرف ان مردك لي
اشتدت ملامح تميم وطارت عيونه بغضب وتقدم وهو يرد بنفس النبره: ومن سمح لك تجي وتقتحم حياتي
ابو سلطان :ههههههههههههههههههه انت وحياتك ملك لي لا تنسى
سعود قرب : ومن انت ي هذا عشان تتكلم كذا ؟!
لف ابو سلطان وانفجر يضحك :ههههههههههههههه اوووه جمعت محيطك النائي ورجعت تلعب بمكانتك الاجتماعيه
تميم: مو شغلك اوووك مو شغلك خذ رجالك وتوكل على الله احسن وحط ببالك انه من خمس سنين ومن هذاك اليوم كان عندك ولد اسمه تميم ومات
انهى تميم كلامه تحت صدمة الكل سعود وضي اللي على الشباك وخالد اللي بالقوه دخل من بين الحرس
ابو سلطان : وهذا قرار مين ؟!
تميم : قراري انا قراري انا
ابو سلطان: اسمعني زييين اترك التخاريف عنك لم نفسك واركب السياره كفايه فضايح سمعتي بالارض والسبه انت وانسى كل هالتصرفات وانت مجبور تطيعني وتلتزم بالشغل اللي اعطيك اياه
تميم تكتف وهو يصرخ: وتحت اي تهديد رح تلزمني بهذا  كله
لف ابو سلطان وشاف الحي كله مجتمعين والحراس بالقوه يرجعونهم وتقدم

#رواية_أحبيني_بلا_عٌقد

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
توقعتكم
متابعة + تصويت للفصل + تعليق