رواية أحبيني بلا عقد للكاتبة أديم الراشد ..

رواية #احبيني_بلا_عقد للكاتبة أديم الراشد .. البارت الخمسون

ـ
*. #البارت_الخمسون👇💙*

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

.
ضي :ليش؟
تميم: ابيه
ضي:معي بطاقتي الهويه
تميم: عطيني
اعطته ضي ونزل تميم وهو يرتب شكله وطلع لرجال ابتسم وهو يمد له الاثباتات ووافق وهو يناظر شكل تميم بشك وهو مبهذل وبعدها اعطاه المفتاح وجاء تميم مبتسم: تعالي !
نزلت ضي ودخلوا الشاليه ابتسمت بفرح اول ما شافت الشاليه
سكر تميم الباب وهو يبتسم :وين وصلنا
ضي ابتسمت وهي تناظره وبعدها ركضت وهي تدفه وطاح تميم فالمسبح اللي كان وراه صرخت ضي بحماس وهي تضحك وبدا وتميم اللي كان يضحك  فالمسبح طلع بسرعه وهو يحمد ربه ان جواله كان بيده ورماه اول ما حس انه بيطيح طلع وهو يقول : جنيتي على نفسك ركضت ضي وهي تنزل عبايتها وونقابها وتميم يركض وراه لكن فجاءه تحلزق وطاااخ في نص الشاليه انقطع صوته وركضت ضي بس رجعت تهرب اول ما شافته يضحكً على الهزاز تمالك تميم نفسه وقام وهو يرجع يركض وبعد تعب مسكها وهو ماسك صدره اللي يحس انه اوجعه من كثر ما اركض
ضي : اسمع لا تستهببل انا ما اعرف اسبح
تميم ابتسم وهو يتنفس بصعوبه : لا ي انا مقطعتني السباحه
ضي : ااها هذاك قلتها يعني لو غرقت محد بينقذني واموت ويقصونك
تميم مارد وهو يسحبها وضي تترجاه ودفها بالمسبح بس تمسكت فيه وطاح معها وهي متمسكه فيه وتصرخ وهو يضحك كان تميم ما يعرف يسبح كثير يعني حاجه بسيطه تحرك وهو يمسك فالطرف وبسرعه بعدت ضي وهي تعض كتفه انفجر تميم وهو يضحك وقفت بعيد وهي تبعد شعرها وبعدها انفجرت ضحك معاه استمر اللعب بينهم والاستهبال وتميم منطلق وهو يحس ان هاليوم هو اليوم الوحيد المفتوح في حياته كان قدر مايقدر يضحك وقد مافيه يركض ويلعب اما ضي اللي كان جو الاستهبال مو غريب عليها بس فرق انه مع تميم اللي كان مختلف عن كل الاوقات وهذا كله ما وقفه الا اذان الفجر
ضي : يوووه راح الوقت
تميم : احسن خليه
ضي : ليش؟!
تميم :عشانك بتواصلين عشام يبان على وجهك التعب
ضي ضحكت بخبث وهي تضربه بخفه على كتفه: والله ما عرفتك طلعت راعي خطط وحركات
ابتسم تميم: خساره بتروحين ما اكتشفتي مهاراتي
ضي ضحكت وهي تمثل :ياااااه خساره
طلع تميم وهو يساعدها تطلع : تعالي نصلي ونغسل ملابسنا
ضي : انا معي ملابس
تميم: وانا ما معي اموت يعني
ضي : هو انت كذا ولا كذا بتموت من فراقي
لف تميم يناظرها ببتسامه: والله احتمال
ضحكت ضي اللي كانت اخذه الموضوع مزح ودخلت وتميم راح يبدل ملابسه ويغسلها
وبعد ساعه طلع تميم وهو لابس ملابسه بس بعد ما نشفها شاف ضي جالسه على وشبهه متخدره صرخ فيها وهو يضحك: هيييه لا تنامين
ضي :وجععع فجعتني
تميم:هههههههه قومي شوفي اي شي نسويه لين 8
ضي : ليش وين بنروح
تميم : بنروح نتغداء نتمشى شوي لين الظهر
ضي : تعرف تلعب بلوت؟!
تميم : لا
ضي : انت قلي وش الشي الوحيد اللي تعرفه في حياتك
تميم : والله انا انسان طبيعي لكن انتي المختله ما باقي شي ماعرفتيه حتى ألعاب العيال
ضي : اص اص بس تبي تبرر لجهلك هاذي يسمونها الادراك بجميع مافي الدنيا
صفق تميم وهو يجلس : اهنيك صراحه
قامت ضي وجابت بلوت وابتدت تعلم تميم البلوت لكن ماعرف لها بسرعه
ضي:يوووه ي تميم ترا مليييت
تميم: شفتي شعورك هذا نفس شعوري وانا اذاكر لك وانتي متنحه
ضي : اووه ماشاء الله لقيت لك عذر بسرعه اهنيك
تميم : وانا صادق
ضي : خلاص خلاص فكنا بس من محاضراتك بالمثالي
رجعت تعلمه وعرف اخيرا وابتدا الحماس والتصفيق وبعدها طلعوا يفطرون واتمشوا واصر تميم ان ضي تشتري بعض الاغراض مع ان ضي رفضت بس اجبرها وبعدها اتجهوا للمستشفى ودخل تميم ضي وابتدا يركب لها كل شي تحتاجه ولكا وصل عن السيروم (المغذي) ولما قرب يحطها صرخت ضي :خييير
تميم : وجع وش فيك
ضي: وش تبي بذا
تميم : بحطه لك
ضي : لا ما ابيه
تميم : ضييي وش ما تبيه عشان على كيفك هو
ضي : تميم فيه ابره
ناظرها تميم بهدوء وبعدها انفجر يضحك: لا تقولين ضي بجلالتها تخاف من الابره
ضي: والله هذا اللي صاير وش اعتراضك
قرب تميم وهو يضحك: ضي هذا ما يضر عادي ولا بتحسين وعشام يصدقون
ضي : لا ما ابيه
تميم : يعني ما تبين تطلقين
ضي: وش دخله
تميم: مافيه مريض فالعالم وخصوصا اللي مجهضه ما يحطونه وبدونه تفشل خطتك
ضي ناظرته بخوف تميم:ما بيوجعك صدقيني
ضي : لا تكفى ما احبه
تميم: شوفي ناظرني وانسيه والله ما تحسين فيه
ضي : توعدني
تميم: وعد
استخرت ضي وهي تناظر عيونه وبدقه واحترافية تميم كان مثبت عيونه بعيون ضي لكن بسرعه ينقلها للابره وبسرعه دخلها وضي ما حست الا بوخزه بسيطه ما تنذكر ابتعد تميم وهو يصفق : براڤو الشاطره ما بكت
سحبت ضي يدها وهي تلف خلص تميم كل شي وجلس :مستعده ادق
ضي : لا
ناظرها تميم بأستغراب : فيك شي
وقف ضي ونزلت من السرير وقربت لتميم وسحبته لما وقف وتميم يناظرها بأستغراب حضنته بهدوء وهو قلبها يدق خافت فعلا من فراق صديق عظيم مثل تميم شد تميم عليها وهو بعد ما هان عليه فراقها وبعد صمت ابتعدت ضي وهي مبتسمه : مشكور على كل شي تميم على صبرك وطولة بالك علي على مساعدتك على كل شي انت من جد حاجه محد يقدر يفرط فيها
ابتسم تميم : وانتي بعد يرجع لك شكر كثير تحملتي وان شاء الله ربي يكتب لك حياة افضل
رجعت ضي لسرير واخذ تميم جواله ودق على سعود وابو سعود وبلغهم
ورجع جلس جنب ضي وهو مقطب حواجبه بضيق ومتكتف بعد فتره دقته ضي بكتفها وهي مبتسه :ليش ضايق عشاني بروح
ابتسم تميم : لو قلت اجلسي بتجلسين ؟!
ضي ضحكت :لا
تميم ضحك : اجل من قال ضايق على فراقك
ضحكوا وهم اخذينها مزح لكن ضي اختلطت ضحكها بدموع ولفت وهي تحاول توقفها قبل ينتبه تميم وانفتح الباب وكانوا اهلها وقف تميم ولفت ضي وهي فيها البكيه واول ماشافت امها بكت بصوت عالي استغربه تميم بس توقعهه تمثيل ركضت ام سعود لها وهي تحضنها ونوره وسعد وسعود وابوها وهم يحاولون يهدونها ابتعد تميم وهو ما يبي يشوف ضيقهم وهي لعبة قرب ابو سعود: بسلامه ي ولدي
تميم : الله يسلمك ي عمي
قرب سعود : بالسلامه
تميم : الله يسلمك
سعود : وش صار
تو تميم بيقرب بس نادته السستر وطلع وكان يكلمها وبعد ما انتهى انتبه لسعود : فيه شي خطير في حالة ضي ؟
تميم ارتبك وخاف انه سمعه : لا
سعود: وش فيك طيب
تميم قرب : هو فيه شي بس
سعود : وش فيييه ي تميم
تميم : اول ما حملت ضي قال الدكتور ان نسبة اجهاض الطفل عاليه وممكن اصلا ما يعيش اي حمل من حملها
سعود انفجع: ليششش!
تميم : هو السبب ان جيناتي وجينات ضي ما توافقت واحتمالية الحمل ضعيفه وقال انه ممكن يجهض او يعيش للخامس وهنا يصير اجهاضه صعب ويمكن يكون خطر على ضي او انه يولد بس يكون فيه عيوب خلقيه او معاق
ناظره سعود بصدمه وقطع عليهم بو سعود : وش فيكم
تميم : مافيه شي ي عمي
ابو سعود : اقول وش فيكم سعود تكلم
سعود كان منصدم ومتحطم ناظر ابوه بهدوء وقرب يبلغ  ابوه باللي صاير
ناظر ابو سعود تميم بصدمه: وهذا ماله علاج !!
تميم : والله ي عمي ماله علاج والدكتور يقول ان ممكن يسبب لضي اذاء وكثرة الاجهاض فالمستقبل ممكن يسبب لها عقم
ابو سعود : وضي درت
تميم : هو الدكتور اتكلم قبالها وعشان كذا منهاره
ضاق ابو سعود وجلس بضييق وتميم حاس بالذنب وسعود كان حزين فعلا تحرك تميم بضيق : انا بشوف ضي لا تتعب اكثر
دخل وهو يتنحنح وابتعدت ام سعود اللي كانت تبكي ؛ يمه تعوذي من ابليس بيعوضك ربي
ضي اللي كانت تصرخ بدموع حقيقه لكن كلام تمثيلي بحت : خلاص يمه مقدر اجيب عيال خلااص مقدر
شهقت ام سعود : لا يمه لا تقولين كذا لا ي حبيبتي
عادت ضي كلامها وكأنها تأكد على امها اللي لفت على تميم اللي قرب يهدي ضي: وش تقول ي تميم وش تقول ؟!
تميم الاخر لحظه كان وده يقول انه لعبه بس ماسك نفسه كان الموقف صعب قبال حزنهم دخل سعود وانقذ تميم نهو ياخذ امه طلع وهو يفهمها الموضوع وسمع صوت بكاها قرب وهو يحضن ضي واللي بكت من بكى امها
وبعد ساعه من المعاناة هدوا الكل بس ضي باقي تشهق وتبكي ..

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

.
#رواية_أحبيني_بلا_عقد..
لاتنسوووا التصوويت والتعليق على الرواية ...
تفاعلكم مع الرواية يهمنا ...