رواية أحبيني بلا عقد للكاتبة أديم الراشد ..

البارت الثلاثون من رواية أحبيني بلا عقد للكاتبة أديم الراشد

ـ
*. #البارت_الثلاثون👇💙*

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

.
وضي اختل كل توازنها وقامت وهي تسب في تميم وخافت منه وراحت تجهز لها لبس عشان بكره ••••€
اما تولين اللي انهارت بكل ما تعنيه الكلمه كانت تدق على سعود وتبكي ومحد يرد عليها وما حست الا هي تلبس عبايتها وطلعت ركض اتجهت لبيت ساميه بضيق دقت وهي وتبكي فتح راكان بخوف : توليين وش فيك
طاحت تولين وهي خلاص كفاييه مشاكل صرخ راكان : تولييين يممممه اللحقي تولين
ركضت ساميه ونجوى ورويده : تولين توليييين تولين
حملها راكان وركض فيها لصاله سدحها وهو يرش عليها مويه ويهويها وساميه تخبط خدها : تولييين اصحي ي حبيبتي تكفيييييييييين
صحت تولين وهي تشهق ساميه : تولين وش فيك احد صاير له شي
ارتمت تولين بحضنها وهي تبكي : خذيني لك ي ساميه مخنوووقه مخنوووووووقه تعبت والله تعبت من هالمشاكل وابوي وتصرفاته
نجوى بخوف : تولين بسم للله عليك وش صار ردي علينا
ما ردت وهي تبكي بنبرة قهر واضحع بصوتها وحزن والكل ضاق عليها حتى ابو راكان ولا فهموا منها الا انها مخنوقه من ابوها وبعد تعب نامت وطلعوا وتركوها
راكان : نجوى هي قالت شي من قبل لك
نجوى: لا والله هي بس قالت ان خالي سلطان تهاوش مع جدي وبعدها ما عدت كلمتها
ساميه : ي ويلي عليها هالتولين الكل نجى بحياته الا هي  راكان: يمه خليها تعيش عندنا
ساميه بحزن : حزتها من يفكنا من مشاكل ابوي
سكتوا الكل بضيق وهم ماهم قادرين يحلون هالمشاكل اللي يرتكبها ابو سلطان كل يوم بحقهم
••••€
ومن بكره الصبح عند ضي اللي صحت على صوت تميم : ضي ضي ضيييييييييييي يلا قومي
ضي فتحت عيونها تناظره: وش فيك وش تبي
تميم: يلا عشان تروحين الجامعه
ضي على طول عفست وجهها : تكفى تميم الله يخليك مابي ارووح تكفى تكفى
تميم : ضي انتهى النقاش امس قومي وريحيني ولا تخليني اتصرف تصرف ما يعجبك فزي يلا
ضي : ما رح اررووح وبكيفك
وقبل لا تتلحف ما حست الا نفسها بالهوى صرخت وهي تشد على تميييم: هييييييييييه نزلي ي خبل نزلني ماني رايحه
مارد تميم اللي دخلها الحمام وحطها بالبانيو وفتح المويه عليها وطلع وسكر الباب صرخت ضي وهي تهاوش وتصارخ اما تميم اللي طلع وهو مبتسم لكن شاف هند قباله: تميم خير صاير شي اسمع صراخ
ضحك تميم وهو ياخذ الكوب من الطاوله : ابد سلامتك
جلس على الطاوله يفطر وينتظر ضي اللي طلعت وهي شياطينها قايمه مرت من عند تميم وضربته بقوه بالشنطه في ظهره وكأنها ماشافته وجلست انكب الشاهي على تميم ووقف وهو مغمض ويحاول يسيطر على اعصابه
هند شافت الموقف وكانت متأكده ان تميم بيقضي على ضي لكن فاجأها تميم اللي ابتسم وسحب المنديل وهو يمسح ثوبه واخذ الشاهي وصب لضي وحطه قبالها وجلس طبعا ضي انجلطت وتكتفت راح تميم يبدل ورجع :يلا
وقفت ضي وطلعت قباله وهي معصببه وطلعت وهي مقهوره كيف رايق وهي معصبه شافته وقف ياخذ قهوه وطنشته استغربت اكثر انه حاطها قبال المكيف لما بردت طنشته ولما وصلوا الجامعه وجمعت اغراضها ونزلت
تميم : ضي دقيقه  مد يده تميم وكب القهوه عليها من عبايتها لملابس الجامعه صرخت ضي وتميم يضحك وراح وتركها طبعا ضي انجلطت وبكت من القهر ولا تدري وين تروح مدت يدها بسرعه لشنطه تدور جوالها ولا حصلته صرخت زياده وهي تلعن تميم وتسبه ماكان قدامها حل الا انها تدخل دخلت وسيدع للحمامات وهي تحاول تنظف اقل شي ملابسها لكن بدون فايده سمعت صوت شوق : ضضييييي
ركضت لها تضمها وضي تبعدها بهمس : ابعدي لا تنعدم ملابسك بعد
شوق بعدت وشهقت اول ما شافت ملابسها : وش ذا
ضي بعصبيه: تميم الله يصيبه ويكسر يدينه
شوق : وشوووو وش صار وليش يكب عليك هذا وانتي عروس
ضي : الله لا يوفقك ي تميم حسبي عليك سبعة تحاسيب
شوق : وش بتسوين
ضي : عطيني عبايتك بقدم اعذاري وادق على سعود ياخذني
شوق : هيييه انجنيتي سعود بيقول :ليش ماجابك تميم
ضي : بلعنته هو وتميم ولا تدرين بروح مع كريم ونشوف وش يسوي الدكتور تميم عساه الضرس
ضحكت شوق من دعواتها وطلعت عبايتها وركضت ضي تقدم اعذارها وبعدها طلبت كريمم وطلعت وهي خايفه من اللي تسويه بس عناد فييييييه وصلت البيت وحاسبتهم ودخلت شافت هند جالسه ناظرتها بأستغراب / ضي وش رجعك ..تميم  رجعك
ضي فصخت عبايتها بحده : مو شغلك خليك بنفسك
نادت كريمه واعطتها عبايتها وملابسها وبدلت ودخلت تنام وهي مطنشه كل شي صار اليوم •••€
اما عند تميم اللي وصل مكتبه وهو رايق شاف سعود جالس : اووه سعود بيصبح علينا
سعود ابتسم : وش ذا الروقان ي شيخ
تميم : هههههههههههههه بفضائل اختك
سعود : وشو وش مسويه بعد
تميم حكى له اللي صار وهو يضحك لكن سعود كان جامد وهو يناظره: انت تسوي ذا الحركات
تميم:ليش ! وش فيني
سعود ضحك : لا بس يعني ماشاء الله عليك عاقل
تميم: ممكن الشخصيه الداخليه
ضحك سعود : بس صراحه براڤو علييييك عليك فيها ربيييييها خلها تعتدل
تميم ضحك : لا تخاف عندي ...الا وش عندك هنا
سعود تردد وبعدها قال : تميم في موضوع بكلمك فيه لكن قبل مابيك تفهمني غلط
تميم : خير امر
سعود : انا بقولك سالفتي كلها لكن احذرك ي تميم من انك تفهم غلط
تميم : زيين قول نطفت قلبي
سعود : الموضوع هو اني قبل سنتين كنت رايح لرياض تتذكر المؤتمر اللي كان 3 شهور
تميم: اييييييه
سعود : فيه يوم جاتني حالة مريضه اشرفت عليها انا وكانت هي مريضتي الوحيده لكنها ما كانت مثل اي مريضه للامانه تعلقت فالبنت توقعت انها مجرد اعجاب لكن كان لها مراجعات ووطوول هالشهر كانت هي حالتي لكني بعد فتره اكتشفت اني تعلقت  فيها رحت وبحثت في سجلها لين طلعت كل شي يخصها وعرفت اهلها وكل شي ورقمها المهم اني صوت احاول اكلمها ويعلم الله اني فعلا حبيتها وبغيتها على سنة الله ورسوله واللي خلاني ازيد اتعلق انها رفضت كل شي ولا ردت علي وحضرتني من كل شي لكنها قالت لي كلمه وانتهى بعدها كل شي ( اذا تبيني وصادق تدل الباب )
وانا طبعا حاولت اكلم ابوها لكنه ما كان سهل جلست سنتين وانا تردد عليه بالمراسيل والناس بس محد عطاني رد إيجاب وامس كانت اخر محاولاتي لكن ابوها اهاني واستحقرني وفقدت نفسي ولا حسيت الا اني غلطت معه بالكلام وحلفت لتزوجها
تميم كان ساكت وقلبه يدق وكأنه حااااس : ومن هاذي
سعود بترقب : تولين ماجد مشرف المشرف
ضرب تميم الطاوله بهدوء لكن اسرع سعود : قلت لك لا تفهم غلط والله ان اختك  مالها ذنب ي تميم
وقف تميم وهو معصب : وليييييييييييييش جاي تقولي ليييش
سعود : ابيك تساعدني
صرخ تميم وهو يسكر اذنه: بسسس اطلع برا ي سعود اطلع
سعود : تميم افهم ي تميم ال...
تميم لف له : اطلللللللللللع برا
طلع سعود بضييق  وهو يدري انه من حقه يزعل
اما تميم اللي جلس وهو يحاول يهداء لكن سحب جواله وهو يدق على نجوى : الو نجوى
نجوى بصوت نايم: خالي وش فيك
تميم : نجوى عطيني رقم تولين
نجوى: خير خالي فيه شي
تميم: نجوى خلصيني الله يرضى عليك
نجوى: بس تولين عندنا ونايمه تحب  اقولها شي
تميم : ما تقدر تصحى تكلمني
نجوى: يعني هي شوي تعبانه
تميم بشك: وش تعبها
نجوى: مشاكل جدي وخالي سلطان
تميم : خلاص خلاص المهم اول ما تصحى اتصلي علي بسرعه سامعه
نجوى: زيييييين
سكر تميم وهو معصب وخااايف كثيييييير من احتمال ان سعود وتولين بينهم علاقه اخذ البالطوا ولبسه وطلع يكمل دوامه مع ان اعصابه مشدوده ••••€
اما سعود اللي طلع وبوجهه لشغل خالد دق عليه وهو مرتبك وخايف : خالد تعال برا
خالد وهو يبعد عن طلابه: خييير وش فيك
سعود : انا في ورطه اللحق
سكر خالد واستأذن وطلع بسرعه شاف سياره سعود وركض وهو يركب : تميم صح
سعود : اييييه
ضرب خالد رجله : قلت ي سعود قلت لك لكن ما تطيييييييييع
سعود : تميم واضح انه ما صدق وعصب وطردني ..
#رواية_أحبيني_بلا_عقد ...
......

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

.
لاتنسوا طرح تعليقكم والتصويت للرواية ..
تعليقكم واضغط ع النجمة للتصويت