رواية أحبيني بلا عقد للكاتبة أديم الراشد ..

البارت السادس والعشرون من رواية أحبيني بلا عقد للكاتبة أديم الراشد

ـ
*. #البارت_سادس_وعشرون👇💙*
سحر: انا وعدتك ما تفترقين عنه وبعدين زياد بعد وعدني
هند : بياخذ شللي حجه ي سحر
سحر: لا صدقيني
ما ردت هند وهي تحضن الوليد اللي نايم بجنبها طلعت هند لزياد اللي رقف اول ماشافها: كيف هند
سحر: مو بخير شايله هم وليد
زياد : مو مشكله بيجي تميم خلال ساعتين وتتفاهم معه
سحر: ايييش تميم مره ثانيه زياد خاف الله فيها
زياد: ي سحر تميم زوجها وابو ولدها وهمها حله عنده خليهم يتفاهمون احسن لانه لو تصير مشاكل مو من صالح احد
سحر:واذا اخذ الوليد وراح
زياد: ما بياخذه انتي بس اركدي واتركي الباقي علي ••••€
اما عند تميم اللي وصلو القصيم واخذ تميم ضي للهوتيل دخلت ضي وهي تسرع ورمت نفسها على السرير ونزل تميم الاغراض وهو يناظرها
تميم : انا طلبت لك شوية اكل كلي ونامي
ضي : وانت
تميم :انا بطلع لهند المستشفى ويمكن اتأخر شوي
ضي جلست وهي تفرك يدها : وهي وش فيها المستشفى
تميم : حادث المهم يلا انتبهي لنفسك واي شي يصير معك كلميني
ضي : ما معي رقمك طيب !
تميم كتب لها رقمه وطلع وهو متجهه للمستشفى وصل وشاف سحر وزياد ارتخى اول ما شاف سحر وتقدم بخطوات ثقيله: سلام
سحر وزياد : وعليكم السلام
تميم : حمدلله على سلامة هند ي سحر طالعه من الشر
سحر : مشكور
تميم لف لزياد : صاحيه ادخل لها
سحر: اذا بتغثها لا تدخل احسن ولا أأيد انك تدخل لها
زياد : بس ي سحر
تميم لف لها : لا لا توقفيييين قولي وشرفي قلبك طلعي كل شي عندك تكلمي قوووووولي
صدت سحر ولا تكلمت ناظرها تميم بعتب : وش اللي انا غلطت فيه من عرفتكم للحين عشان تقولين كذا ي سحر وش ذا الحقد اللي ماله اي مبرر اذا فيه احد غلط ف هو هند هي اللي نكرت وخبت وحتى لو هي مجبوره كان فيها اقولي اقل شي كانت تقول عن ولدي اقل شي كانت تعرف انها اذا قالت لي بوقف معها وبقلب الدنيا راس على عقب لكن مع هذا اختارت انها تخبي وهذا اذا رجع يرجع لها بأنها تتحمل ذنبها وهذا اقل شي بسويه ... لكن مشكوره فعلا ي سحر نسيتي كل شي ووقفتي على هالحادث فعلا مشكوره
انسحب ودخل الغرفه بعد ما دق الباب
ندمت سحر على كلامها وناظرها زياد بقلة حيله ولف وتركها اما عند تميم اللي دخل شاف هند صاحيه تقدم بهدوء : حمدلله على السلامه هند
ناظرته هند بدموووع مليانه بعيونها وتحرك وليد وصحى : بابا
ركض لتميم اللي نزل وهو يحضنه ويسلم علييييه : جببت اللعبه بابا
تميم : جيت اخذك عشان نروح  نجيب اللعبه اللي تبي بس بعد ما اكلم ماما
ضحك الوليد وقال تميم : روح عند عمو زياد
طلع الوليد وتقدم تميم وجلس قبالها : كيفك يوجعك شي
هند ما كانت ترد وهي تبكي مد يده تميم وهو يمسح على راسها : هند الله يخليك لا تبكين وتعبين نفسك ان شاء لله اني بساعدك لما ترجعين وتمشين
هند : بس بتاخذ وليد مني
تميم : لا تخافين مابأخذه ولدك عندك وبيعيش معك لكن انتوا بتعيشون معي
اتسعت عيون هند بصدمه: ايييش
تميم :هند انا مابي الوليد يعيش مع ابو في ديره وام في ديره ولا ابيه تتعب نفسيته من ذا الشي عشان كذا بتجين تعيشين معي انتي والوليد معززين مكرمين ولا تنسين انك ما زلتي زوجتي وام الوليد ورح تكون لك مساعده وانا بشرف على كل شي
ما صدقت هند اللي قالته وشهقت وهي تحاول تستوعب اذا صدق او لا ابتسم تميم وهو يمد يده ويمسح دموعها : عشاني لا تبكين وانا ما اجبرك اذا حبيتي ترجعين واذا ما حبيتي براحتك
نزلت هند راسها وهي باقي تبكي حاول تميم انه يهديها قد ما يقدر وبعد ما هدت قال: انتي لا تهتمين الا بنفسك وصحتك ووليد باخذه معي للهوتيل واهتم فيه لا تخافين عليه وتقدرين تتصلين تطمنين عليه
هند : وين بتاخذه تميم حلفتتك بالله ما تاخذه مني
تميم : هند انا ما اخلف وعدي يلا انتي ارتاحي وانا برجع لك
طلع تميم وهو قلبه موجعه على البعد اللي صاير بينهم واتجهه للوليد وزياد : انا باخذ الوليد معي كلمت هند وعندها خبر
زياد برعب : وين تاخذه
ابتسم تميم : لا تخاف بيكون مني في هوتيل ..... تقدر تجي تاخذه بأي وقت
زياد: زين
اخذ تميم الوليد وطلع فيه وهو متجهه لسوق ويسمع لسوالف الوليد اللذيذه
•••€
اما عند تولين اللي من بعد طلعت سلطان وهي بغرفتها عجزت تطلع ومخنوقه من مشاكلهم اللي كل يوم تكبر سمعت صوت جوالها سحبت وهي مو قادره توقف دموعها: هلا سعود
سعود : تولين وش فيك وش فيه صوتك صاير شي
تولين : مخنوقه ي سعود مخنوووقه
انفجع سعود : تولين لا تخوفيني وش فيه
تولين : ياخي معاد ابي اجلس بييتنا مليت مليييت انخنقت مشاكل ومؤامرات وهواش والله طقت روحي
سعود بهدو: زين وش اللي صار معك قولي لي
تولين : ابوي تهاوش مع سلطان وسلطان يهدده بشي ولا اني عارفه اش هو كل اللي اعرفه ان فيه مصيبه تخص تميم اش هي ما ادري سلطان ساميه كلهم بعدو وهجوا بحياتهم بس انا باقي باااقي
سعود : تولين والله لو في يدي شي ماقصرت بس ابوك وانتي تعرفينه ارسلت له كثير ناس لكن ما سمح لاحد وانا احاول اكلم تميم
تولين سكتت وهي ضايقه وزعلانه : ربي يسهلها قولي اخبار تميم وضي
سعود : شلون عرفتي اسمها
تولين : قالت لي نجوى
سعود: مين نجوى!
تولين: بنت اختي حضرت الزواج ههههههههههههه حتى انها بالغلط كسرت اصبع واحد
سعود ضحك : بالله علييييك هي اللي كسرت اصبع خالد
تولين: مسكينه والله ندمانه بشكل
سعود: شكلها ما قالت لك عن طيحتها هي او اختها
تولين: طيييحه !
ابتسم سعود وهو يشرح لها الموقف ويبي يضحكها بأي طريقه انفجرت تولييين ضحك يا رب انها نجوى ي رب
سعود : ليش
تولين: بضحك عليها اليييين ما اقول بس ياما ضحكت علي
سعود : بس بتسألك وشلون عرفتي
تولين : ما رح اتكلم لما تقول واكيد راكان بيفضحها
سعود : ههههههههههههههههه عاد كانه برد قلب خالد
تولين : ههههههههه
كملو سوالف وسعود يحاول قد ما يقدر انه يوسع خاطرها ••€
اما عند سلطان اللي كان يلف يدور له بيت يستقر فيه  وقف اول ما حس انه ضايق مايدري وش يسوي رجع بطريقه للهوتيل واول ما دخل واجهته سماح : سلطان احتاج مربيه تساعدني بالعيال مو قادره عليهم
صرخ سلطان : على اي اساس اجيب مرربييييه من امهم مييييين هاااااه اسمعيني زين الدلع ذا شيليه من بالك عيالك تراعينهم انتي وبيتك تنضفينه انتي وانتي المسؤوله عن كل شي فيه مسألة الخدم والمربيات شيليها من بالك
سماح : لا تنسى انهم عيالك بعد وانت مسؤول
سلطان دفها : اكبر غلط سويته اني رضيت اجيب عيال من وحده مثلك واسمعني زيين والله وبالله وتالله لو ما تعدلين حالك لارميك ببيت اهلك وتنحرمين شوفة عيالك
دخل اقرب غرفة وصفق والباب وترك وراه سماح المصدومه •••€
اما عند خالد اللي كان جالس يسولف مع سعد دخل عليهم سعود وهو يضحك : خويلد شخبار اصبعك
خالد: وشوله تضحك يعني مره شي يضحك
سعود :ههههههههههههههههههههههه ولو قلت لك ان اللي طاحت امس هي اللي كسرت اصبعك وش تقول
نط خالد بحماس : قول والله
سعود :ههههههههههههه والله واسمها نجوى بعد
خالد: وش دراك
سعود : الله يخلي الحب وسيرة الحب
سعد : وش تقولون ما فهمت
خالد لف له: انت اصلا وش تبي روح قولهم يسوون قهوه
سعود ضربه: خييير انت ترا تمون
ضحك خالد : اص لا تخرب هيبتي
سعود ضحك وهو مستعد لاستجواب خالد ••••€
اما عند تميم اللي اخذ للوليد كل شي يبيه وحتى اشياء زايده ملابس ، اللعاب ووووو اخذه معاه للهوتيل دخل وهو يشوف الجناح ظلام شغل النور : ضي
طلعت ضي من الغرفه :جييييييت طولت بزياده
تميم : قلت يمكن اتاخر
ماردت ضي اللي جت ركض اول ماشافت الوليد: تميم من ذاا ي زييييينه
ابتسم تميم : هذا الوليد
#رواية_أحبيني_بلا_عٌقد

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
توقعتكم
متابعة + تصويت للفصل + تعليق