رواية أحبيني بلا عقد للكاتبة أديم الراشد ..

البارت احادي عشر من رواية أحبيني بلا عقد للكاتبة أديم الراشد

ـ
*. #البارت_الحادي_عشر👇💙*

وكمل تميم بصوت متقطع : كم مشكله عدينا سوا كم مصيبه تجاوزنا كم رأي وحدنا لهدرجة ماكان لي خاطر حتى تقوليين تدرين وين المشكله اني ماقدرت اشوف شخصيتك كان المفروض اني ما اللوم اهلي على اللي حصل
هند اول ما سمعت كلامه نفجرت وهي تصرخ وتبكي : اي اهل تتكلم عنهم قولي اي اهل اللي تركوني طايحه بدمي محد ساعدني والا اللي هددوني انهم يدمرونك اذا كا اخذت ولدي وانسحبت والا بموت ولدي لو قلت لك اني ولدته اي ي اهل هذوول والا انتم ي عيال الاكابر تعودتوا على التهديد وصار اسلوب حياتكم
في هاللحظه انقطعت انفاس الكل واولهم تميم اللي استند على الطاوله : ووشو وش تقولين انتي ي مجنونه وش تقوليين
جلست هند وهي تبكي بحرقه وابتدت تشرح لتميم اللي عمره ما اخذ صدمه قد هاذي .............(قبل 5 سنين ) ........
بعد ثلاث ايام من روحة تميم للكشته طلعت هند اللي زهقت من جلست الجناح قررت تنزل تحت وتأكل لانها ما اكلت ومحد طلع لها اكل من راح تميم حتى تولين ماجات لها وزين انها كان عندها شوي معلبات مشت فيهم حالها لكن بمنتصف الدرج داهمتها دوخه قووويه بسبب الجوع وضغط الحمل وطاحت بدون ماتحس واعتلى صراخها بالبيت وانقطع لما ارتطم جسمها بالارض
تحت والكل كانوا مجتمعين يتغدون ماعدا سلطان وساميه وقفت تميم بخوف :هننند
وقفها صوت ابوها: وقفي بمحلك
تولين وهي تبكي : يبه هند طاحت تنزف  يبه بتموت
سميه وقفت وهي تتكتف : سبحان للله يكتب النصر من سابع سماء
ابو سلطان : اتركوها لا احد يروح لها
تولين لفت وهي تصرخ: مافي قلوبكم رحمه اقل شي عشان تميم
وقفت ام سلطان بخوف : اقل شي نسويه لتميم نبعد هالنائيه عن حياته
مسك ابو سلطان تولين اللي تبكي بقهر على حال هند اللي كانت مرميه على الارض بما يقارب نص ساعه وبعدها نقولها للمستشفى لكن مع الاسف وصلو لاخر لحظه وقرروا انها تولد الطفل
وبعد ما ولدت واستقرت هددها ابو سلطان انها تاخذ الولد وتختفي والا يتدمر تميييم واذا عرف تميم بأمر الولد بيموت الولد
وما كان من هند الا انها تخاف فالنهايه اللي شافته منهم مو بسيييط واختفت عن الانظار وتركت رساله مجبره تتركها لتميم انها ما تبيه ولا يدور عليها وهو شخص مو كفوها ) ✋🏻
تميم اللي كانت صدمته فضيعه جدا اختل توازنه وطاح على الارض ووهو ماسك راسه ركض زياد له : تمميييم انت بخييير تميم تمييييييم
تميم اللي ابدا ما كان بخيييير كانت احداث هذاك اليوم تتصارع براسه كل شي انهار في ذاكرته ششهق بقوه كأن روحه بتطلع غمض وهو يحاول يتماسك وبعد فتره قدر انه يستوعب ناظر لهند وهو منهار وعيونه صار مايشوف فيها ..
تميم اللي كانت صدمته فضيعه جدا اختل توازنه وطاح على الارض ووهو ماسك راسه ركض زياد له : تمميييم انت بخييير تميم تمييييييم
تميم اللي ابدا ما كان بخيييير كانت احداث هذاك اليوم تتصارع براسه كل شي انهار في ذاكرته ششهق بقوه كأن روحه بتطلع غمض وهو يحاول يتماسك وبعد فتره قدر انه يستوعب ناظر لهند وهو منهار وعيونه صار مايشوف فيها : كنتي تقدرين تقولين لي ي هند كنت بقدر انقذ كل شي ي هند الحين وش بسوي قولي لي وش بسوي
زياد : تمميم تعوذ من ابليس وهدي خلنا نحل الموضوع بهدوء
دفه تميم بقوه وهو يصرخ : وش نححححححل وش نحل قولي وش بنحل اي مصيبه بنحل
وقف وهو يترنح ويمسح دموعه اتجهه للباب وركض له زياد : انا اوصلك لا تروح بلحالك
دفه تميم وهو يشد على راسه : اتركوننننني بحالي مابي احد فيييييكم ابعدو عني خلللاااااااص خلاااااااص مابي منكم شي اتركوووني باقي بس اموت عشان ترتاحووون
طلع وهو يركض ودموعه تسابق خطاه كان ضايع فعلا ضايييع طاح على الرصيف بأنهيار وهو يشد على راسه .....( قبل 5 سنين بعد يومين من اللي صار بهند رجع تميم بحماسه البيت وهو اكثر شي مشتاق له هند وطفله اللي بطنها لكن اخذ صدمته من سلطان اللي بلغه بوجودها بالمستشفى ونزل بسرعه وخوف ورفع سلطان جواله بحزن وضيق : يبه تميم عرف وهذا هو جاي المستشفى
ابو سلطان ضحك بمكر: زييين زين
وصل تميم للمستشفى لكن شاف ابوه طالع ومعاه اوراق ركض له : يبه وينها هند وش صار لها وينها
نزل راسه ابو سلطان: طاحت من الدرج
شد تميم بخوف على يده وكمل ابو سلطان : وولدت لكن مات الولد وهي خرجت على مسؤليتها ولا ندري وينها دورنا عليها ما حصلناها
صرخ تميم : يبه تمزح تمزح
ركض بسرعه وهي يركض للاستقبال وقالو له نفس الكلام وبعدها انهار تميم ولا صدق الا لما شاف الاوراق ( وطبعا مزوره )
دخل بصدمه شهر كامل وكل يوم يدور لهند بس ما حصلها •••€
اما عند سعود اللي وقف واتجهه لطاولت تولين اللي تناظره بصدمه جلس قبالها :ليش ما قلتي لي لييش
تولين : سعود الي يخليك قوم مابي احد يشوفني
سعود : تولين انتي مستوعبه وش المصيبه اللي احنا فيها
تولين وهي تتلفت بخوف : اكبر مصيبه جلوسك معي
سعود وهو مازال بصدمته : توليين تميم اخوك صاحبي وجاري مستوعبه ي تولين
لفت تولين برعب وهي تصرخ :وشووووو ؟!
سعود : تميم ماجد المشرف وتولين ماجد المشرف ياربي وش اللي يصيييير
وقفت تولين برعب وهي تبكي : تعرف تميم تعرفه  وقف سعود : اعرفه واشد المعرفه اعرفه واعرف كل شي
سحبتها تولين شنطتها وركضت وهي تبكي يخوف ورعب وضيق وسعود واقف في مكانه بصدمته •••€
•
• عند تميم اللي وقف وهو يستجمع نفسه مسح دموعه وهو ياخذ نفس اخذ طريقه لاقرب تاكسي ركب وهو يقوله يتجهه للمطار اخذ له تذكره للقصيم وجلس وهو مو حاس بالناس اللي حوله صحى على صوت نداء الطياره واستقل فيها وهو يحاول يرتب كل اللي صار بباله غفى بتعب ولاصحى الا على صوت المضيفه اللي تقوله انهم وصلو نزل وهو يسحب نفسه سححب
اخذ تاكسي واتجهه للبيت وصل بهدووء وقابله خالد اللي كان توه واصل من الدوام ركض له : تميم متى جيت !
تميم استند على خالد: من شوي
خالد: وش بك طيب وش صار شفت ولدك ؟
تميم دخل : اصبر ي خالد اصبر باخذ نفس
جلس وراح خالد يجيب مويه ورجع جلس بجنب تميم وبعدها تكلم تميم وهو يسرد على خالد كل شي خالد اللي كان مصدوم مصدوووم ابتعد وهو يناظر تميم : تتكلم جد انت ولا تستهبل !
تميم : ليه لي حال اني استهبل
خالد : وشلوون وشلون  تميم الله يخليك حدثني بما يعقل
تميم :اووه قاعد اقولك صار كذا خالد تكفى لا تصير انت بعد علي
خالد مسك راسه بصدمه وبعدها قال : وش بتسوي ي تميم
وقف تميم وهو يمسح جبينه : مدري مدري
بعد فتره من الصمت اللي مايشغلها الا فحيح تميم من القهر اللي جواته تكلم خالد بهدوء: لا تسوي شي اجلس يومين وفكر واستهدي بالله وحلهاا من جميع الاتجاهات
تميم بتعب : انا بدخل اريييح شوي احس مخي اتصلب
خالد وقف واتجهه له وهو يحضنه: الله يعينك ي تميم على هالعيشه والله اني صوت احمد ربي ان ماعندي اهل
تنهدت تميم وهو يشد على خالد: احيانا يكونون نقمه ي خالد
تركه ودخل انسدح بتعب وهو يبي يسوي اي شي ينسيه نفسه غمض عيونه وما طول ونام بتعب
•••£
عند هند اللي جلست وهي تضم الوليد اللي كان يبكي بفجعه دق زياد الباب  بهدوء : هند بدخل ممكن
سحبت هند الجلال وتلبست فيه وهي باقي تبكي دخل زياد وبجنبه سحر
زياد: انا اسف ما توقعت الامور بتتعقد كذا ما توقعت ان كل هذا مخبى
هند : ليش ي زياد ما كلمتني ليييش عجبك اللي صار
زياد: ي هند تعرفيين انك انتي والوليد غالين علي ولا حبيت انه جالس كذا بدون شي انا اسف
هند : وش ينفع الاسف قولي وش بينفع تدري عاد خلك تناظر اللي بيصير وبنفسك بتعرف مخاوفي كلها
وقفت وهي تاخذ الولييد اللي نام لسريره وطلع زياد
سحر: شفت شسويت شفت !
زياد : خلاص ي سحر اللي صار صار
سحر: ليش تعاند ليش ماتسمع الكلام ليش قولي وش بتستفيد اذا اخذوا الوليد
زياد :متأكد انه بيعيش عيشه كريمه مع ابوه
سحر: وبأي حق بتحكم !
زياد: لاني عرفت تميم في ساعه واضح وطيييب مو مثل ما سمعنا مو مثل ما تخيلنا
سحر جلست : الله يسامحك وبس
جلس زياد وهو مصر يحل كل هالمشاكل وزاد اصراره بعد ماعرف القصه ...
#رواية_أحبيني_بلا_عقد

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
توقعتكم
متابعة + تصويت للفصل + تعليق