رواية أحبيني بلا عقد للكاتبة أديم الراشد ..

رواية احبيني بلا عقد للكاتبة أديم الراشد .. البارت التسعون

ـ
*. #البارت_التسعون👇💙*
ـ

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

.
سعود :هههههههههههههههههه شوف بيت العزابي دايما ميت نبي نحييه بحبنا
خالد : احلف
راشد : والله بداله
خالد : بكره نتفاهم !المهم انت وش عندك
راشد: ياخي انت ما تستحي على وجهك ! 25 سنه ماعندك اخووان وفجاءه رزقك ربي في اخو مثلي المفروض انك تشيلني على راسك وما تكسر خاطري وتحتويني
خالد : ماشاء الله احتويك شوف اذا جيت عندك بكسر ضلوعك اشيل ابو قلبك هذا اللي مزعجنا فيه وفي حبه واخلي الزباله تحتويك
سعود :اووووووه
راشد : قليل خاتمه يعني زين انك واضح من البدايه
سعود : هد اللعب يالحب متوتر ومعذور
راشد : خله ياخذ راحته جربنا حنا
سعود : جد وش عندك
راشد ببتسامه غبيه : اول شي جيت اخذ رقم نوره وثاني شي بسالك عن زواجك متى
خالد :  رقم نوره فهمناه بس زواجه وش تبي فيه !؟
راشد : ناوي اتزوج معه
الكل ناظره راشد: يعني اذا ماهو بعد يومين
سعود : لا بعد شهر
راشد: كويس اجل احجز لي معك
خالد: انت هيييه وش ذا العجله
راشد: ياخي 5 سنين انتظر
خالد: غثيتنا بخمسة سنينك
سعود : انت قررت من راسك لا سالت نوره ولا سالت ابوك ولا تدري
راشد : لحظه برد على اخوي الاستاذ خالد
خالد هز راسه بستهتار راشد: خالد حبيبي اخوي انت اذا ما جربت الحب لا تبتلش الحبيبه
اما انت يا سعود بقولك ان نوره اصلا موافقه يعني ما اتوقع انها بترفض عشان كذا بكلمها
سعود : اجل كملها يا خالد معنا
خالد ناظرهم بإستهزاء: والله انا مفهم بالحب يالحبيبه
راشد: من جد خالد تزوج معنا
خالد : خلوني اتملك ونتفاهم بعدين ،الا صدق سعود انت وين بتسكن
سعود : اكيد مع ابوي في غرفتي
خالد: كلمت تولين
سعود : ايه تدري وموافقه
خالد: ماشاء الله نفسي اسالك عن شي وتقول ما قلت لها
راشد : هذا الحب
خالد : شوفوا عاد كل واحد يلم نفسه ويطس خلوني اقدر اجمع افكاري
راشد : اخس يالافكار بتشرح درس انت بتملك بتملك يعني خلك مرتاح
خالد: شفنا راحتك اليوم ماشاء الله من قو ما انت مرتاح كنت شوي وتجلس بحضن الشيخ
ضحك سعود : مررررره مرتاح
راشد : مقبوله يا اخوي مقبوله
خالد: تيسروا بس
طلعوا يضحكون على خالد اللي رمى نفسه ويفكر كيف بيفهم نجوى مشاعره بكره
••••€€
ومن بكره كان انتشر خبر ملكة خالد والكل قام يحوس بنفسه وتميم للي كان فرحان لهم واسرع للمستشفى لانه يبي يطلع قبل المغرب عشان يحضر معاهم الملكه اما خالد اللي كان من صبح الله وهو يدور على الشبكه بمساعدة الحبيبه راشد وسعود
وفي بيت ابو راكان القيامه قايمه والكل فرحان ونجوى اللي كانت تحاول تجمع كل الكلام اللي تعرفه عشان تواجهه خالد فيه
وونوره وضي وحصه اللي كانوا متحمسين وفرحانين لخالد ويجهزون له •••€

#رواية_أحبيني_بلا_عقد..
انتهاء البـــــــــارت
..

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

.
..
انتهاء البـــــــــارت
..
لاتنسوووا التصوويت والتعليق على الرواية ...
تفاعلكم مع الرواية يهمنا ...