رواية أحبيني بلا عقد للكاتبة أديم الراشد ..

البارت الرابع والعشرون من رواية أحبيني بلا عقد للكاتبة أديم الراشد

ـ
*. #البارت_رابع_وعشرون👇💙*

تميم ابتسم : لا تخاف للان امورنا تمام
ابتسم سعود : زين يلا
سكر تميم الباب وراح نزل الفطور وهو بيموت على ريحته طلت ضي وماشافت الا تميم ركضت : مين جاء
تميم : سعود جاء جايب فطور ويقول نحي للغداء
جلست ضي :يووووه
تميم :خير !
ضي :والله مالي خلق احضر
تميم : كلها كم ساعه
ماردت ضي اللي فتحت الفطور وابتدت تاكل ولا كلفت على نفسها تنتظر تميم
هز تميم راسه بأسى وابتداء حتى هو يفطر وبعد الفطور قامت ضي ترتب نفسها وتميم اخذ جواله وهو يدور على رقم زياد اتصل فيه وجاه صوت زياد : هلا تميم
تميم : صباح الخير كيفك زياد
زياد : صباح النور تمام وانت
تميم :حمدلله شخبار هند ما صحت
زياد : لا والله وجالسين نستنا
تميم: كيفه الوليد
زياد :حمدلله هذا هو عندي تبي تكلمه
تميم : ايوه
الوليد : الووو
تميم : وليد حبيبي كيفك
استغرب الوليد: مين
زياد من وراء: هذا بابا وليد
الوليد بفرح : بابا جبت اللعبه
ضحك تميم : اوووه بكره اجي لك ونروح نجيب الالعاب اللي تبغاها كلها
الوليد : تعال اليوم
تميم : اليوم ما يمديني بكره طيب
الوليد: طيب
تميم :زين اعطيني عمو زياد
زياد اخذ الجوال : ايه تميم
تميم : زياد انا بكره ان شاء الله بجي لكم اذا حصل اي شي قولي طيب
زياد : زين
سكر تميم وراح يجهز هو بعد اما زياد اللي سكر وجات له سحر: مين تكلمون
زياد: تميم
سحر: وش يبي ذا بعد
زياد : يكلم ولده
سحر: ما كفاه اللي سواه بهند
زياد : يالله ي سحر تميم ما سوى شي غير انه طلب ياخذ ولده ولا هو مسئول عن حادثها هذا شي ربي كاتبه وبعدين الله يعطيه العافيه اللي متصل على ولده في صباحية زواجه ومانساه
سحر: ايييش ؟متزوووج ! اييييه ي حبيبي بيعيش حياته ويترك اختي مرميه
زياد: سحر انتي وش صاير لك وش غير رايك الرجال من قبل لا يعرف اختك كان خاطب وطبيعي ما بيترك بنت الناس عشان حصل زوجته
سحر: عشان خاطر اختي يأجل شوي
زياد : بالله عليك خلاص هاذي حياته وهو حر
تركهم وطلع وهو زهقان من حقد سحر على تميم اللي كل يوم يكبر •••€
في بيت ابو سعود اللي كان االكل مشغول وحايس جاء سعد يركض : سعود سعود سوي لي غترتي
سعود : سعد ماني فاضي انا بلشان بعمري
ابو سعود : ي نووووره وين القهوه
نوره : يلا يبه جهزت سعود تعال خذها
سعود ركض واخذها وطلع للمجلس :خالد خالد
خالد اللي كان مشخص ونايم بنفس الوقت فز وهو يناظره: وش فيك
سعود :خذ مني الدله
خالد:اصبعي مكسور
نزل سعود الدله وهو يرفسه : عساك الكسر من راسك لاخر اصبع برجلك اعنبوك انت ما تستحي ما تنتخي
خالد: لا ما استحي وانقلع خلني انام شوي قبل يجي ابوك
سعود : مالت عليييييييك الرجال جو قوم فضحتنا
تو سعود انتهى كلامه الا ابتداء الضيوف يجون واحد واحد •••€
عند تميم اللي طلع وهو يظبط غترته لف لما سمع ضي طالعه وهي تغني رفع حواجبه وهو يناظرها من فوق لتحت وفي نفسه كان يقول ( والله ياهي تقطع القلب لكن قشراء )
ضي تخصرت وبدون تحسب لكلامها : وش فيك تناظر كذا لا يكون مو عاجبينك ي حبيبي
ابتسم تميم ابتسامه مايله ورمى طرف شماغه على كتفه وقرب وهو يقول بهمس في اذنها : ولله اذا وقف الموضوع على الاعجاب اشياء كثيره بتصير من وراه لكن خلينا نتسهل احسن ما نتاخر
ابتعدت ضي برعب وهي تسحب العبايه : وجع الواحد ما يقول عنده شي
ضحك تميم وهو يياخذ اغراضه ورقف ينتظرها وطلعوا متجهين لبيت ابو سعود ودخلوا على الترحيب وافترقوا وكل واحد راح بمجلس
طبعا ضي اللي دخلت وجلست وهي تضحك وتسولف وعادي ولا كأنها عروسه جات لها نجوى اللي جلست وهي تقول : سلاام كيفك
ضي : تمام وانتي
نجوى: حمدلله فاكرتني صح !
ضي: نجوى صح؟
نجوى: ايييه عليك نور
سكتوا شوي بعدها قالت بهدوء : ضي معليش يمكن كلامي غبي بس بقولك هو وافهميه طيب
ضي استغربت: وشو
نجوى بهمس: انا مدري كيف عرفتي خالي بس واضح ام بينكم ميانه عشان كذا بقولك تكفين حطي بالك حاولي انك تنسينه ماضي كسره ابنيه من جديد وخليك قوته ترا والله دنياه ما قصرت فيه تكفين لا تضيقين خاطره قد ما تقدرين
انصدمت ضي وكانت بتموت وتسألها عن ماضيه بس سكتت وهي تقول : ابشري لا تخافين
ابتسمت نجوى وقامت وراحت وضي بتموت وتعرف وش الاسرار تكتفت وهي تفكر كيف تعرف وش قصة تميم
•••€
اما سلطان اللي رجع البيييت وهو يحس انه مخنووووق مو قادر يتحمل خلااااص صار كل شي يقيده رمى شماغه وهو يصرخ : سماااااااح ( زوجته )
سماح: خييير وش فيك تصارخ
سلطان : جمعي كل شي لك ولعيالك بسرعه بنطلع من هنا
سماح: ليش
سلطان : روحي سوي للط قلت لك لا تخليني انجن علييك
خافت سماح وراحت تنادي الخدم وهي مو فاهمه شي اما سلطان اللي نزل وهو ابليس بين عيونه نادى لعيالع يقولهم يجهزون
ام سلطان: سلطان وش فيك
مارد سلطان اللي كان نادر ما يعصب ودايم مسالم ولا يخالف راي احد نزلت تولين: سلطان فيك شي !! ليش تصارخ
قطع صوت تولين ابو سلطان: سلطان ووجعه وينك عن الدوام من سمح لك تطلع
لف سلطان وهو يصرخ: انا سمحت لنفسي عندك مانع ي ابوووي  ي وزير ي كبيييير ي قدوتي
ابو سلطان انصدم من كلامه : تكلمني كذا ي سلطان !! تكلمني كذا ياللي ما تربية
ضحك سلطان بقهر: والله التربية لك عليها
قرب ابو سلطان وهو يهز سلطان ويصرخ فيه ويهدده بعد سلطان وصرخ وهو يقول : سمعت كل شي قاله مرجان لك وانا اقولك من اليوم ابعد عن حياتنا ابعععد عن حياتنا وصدقني لو ما تصلح للي سويته اروح لتميم واحكي له واترك لك التعليق على اللي بيسويه تميم
تجمد ابو سلطان وهو يناظر سلطان بصدمه لكن سلطان ابتعد وهو ينادي لسماح اللي نزلت هي وعيالها مفجوعين اخذهم سلطان وطلع بسرعه عاليه وهو مايدري وين يروح
اما ابو سلطان اللي تفاجئ وانصدم وخاف فعلا ان تميم يعرف وحزتها ما بيبخل بالسجن عليه ••••€
وبعد الغداء افترقوا كلهم واخذ تميم ضي وراح لبيته وسط استغرابه من صمتها وضي اللي تفكر كيف تعرف قصته دخلوا البيت وراحت ضي تبدل وجلست بهدوء وفزت لما سمعت دق الباب ناظرة بقوه في الباب وهي تسمع تميم يقول : ضي اذا صاحيه اطلعي بكلمك بشي
ضي طلعت بهدوء وهي تفكر تحاول تعرف وين مكان اغراضه اللي كان كاتبها ناظرته بنظرة استغربها تميم بس فسرها انها ممكن تكون خوف وخجل  رغم ان عذره ما دخل راسه بس توقع قال : اا تعالي نجلس بالصاله
تقدمت ضي وجلست جلس تميم قبالها وهو ماهو متطمن لهدوئها : فيك شي صار معك شي
ضي : لا
تميم : اكيد
ضي : اكيد
تميم : زين اسمعيني كويس طيب ... شوفي احنا بكره رايحين لحايل منها تمشيه ومنها اشوف هند والوليد يعني اتمنى ان هذا الشي ما يضايقك
ضي : عادي براحتك
تميم : زين اللي بيحصل بعد خروج هند من المستشفى انها بتعيش هنا معانا بالغرفه اللي انا فيها حاليا طبعا مالك فيها شغل وهي بعد مالها فيك شغل
ضي : زين
تميم : ضي وش فيك
ضي زهقت : يوووووه عااد وش اسوي لها تجي ولا تروح ما تعنيني وما تهمني عساها تسكن فوق البيت
ابتسم تميم : زين  زين لكن فيه تنويه قبالها بنكون زوجييين عاقلين وعلاقتنا معروفه بيني وبينك بس
ضي : ليش مجبوره امثل قبالها
تميم :لا تمثلين بس كأنا زوجين ويكون بعلمك اني بستقر معك بغرفتك طيب
ضي تخصرت: نعم نعععم نعععععم وش قلت معصي
تميم نزل راسه وهو مبتسم : انتي ليش مطفوقه انتظري انتظري خليني اكمل
ضي : وش تكمل بعد...
تميم مد يده وهو يسكر فمها : اوووف اسكتي شوي اسكتي .. قلت لك بستقر عندك اوك لكن كل اللي في راسك ما رح يصير منه شي هذا تحت شرط واحد اذا جلستي عاقله
ضي ناظرته وهي ماهي مصدقه: تستهبل شكلك
طنش تميم ووقف وهو يقول : انا ما همني هند تعرف عن وضعنا لكني جالس احفظ لك خصوصيتك ولا ابي احد يتشمت فيييك او يقلل من احترامك
ضي جلست تفكر لو هند عرفت اكيد يتنشر الخبر وحزتها وش تسوي سكتت وهي تتكتف ضحك تميم واتجهه لغرفته
#رواية_أحبيني_بلا_عقد

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
متابعة + تصويت للفصل + تعليق