رواية أحبيني بلا عقد للكاتبة أديم الراشد ..

رواية احبيني بلا عقد للكاتبة أديم الراشد .. البارت الثالث والسبعون

ـ
*. #البارت_ثلاثة_وسبعون👇💙*

ولف الشرطي عليه : انت بتكون شاهد على افعال ابوك
تميم : ايه
الظابط : فيه شهود غيرك
تميم : فيه ودقيا عليهم جايين
دق الباب ودخل الشرطي : فيه ثلاثه برا يقولون شهود على الوزير
الظابط: دخلهم
دخل سعود وسلطان وخالد : سلام عليكم
الكل رد السلام وابتداء الظابط يسال ويجابون واخذ توقيعاتهم والادله وقالهم بكره بيحولون ابو سلطاان للمحكمه ويتوجب حضروهم طلعو والكل ساكت ولف سلطان : تميم وش صار ماني فاهم
تميم : لما قلت لي وقلت له اتصلت بحمد وهو الله يعطيه العافيه سوا كل شي
سلطان ناظر حمد : مشكور
حمد : ولو حنا بالخدمه
سعود : تميم فيك شي وجهك اصفر
تميم : لا بس قلة النوم
سلطان: انا بروح لعيالي تركتهم بلحالهم
تميم : سلطان امك عندي بالبيت تعال وجيب عيالك
سلطان: لا باخذ امي عندي
تميم: لا م....
سلطان: تميم لين هنا وخلاص يكفي تعبناك كثير لا تعترض صار وقت انك ترمي كل شي عن ظهرك لا تعترض
تحرك سلطان وطلع باتجاه سيارته وحمد استاذن وراح ولف سعود : مدري وش صار بس قررت قرار جدا صائب
تميم بحزن: ماكان ودي اني اترك ابوي في مثل هالوضع
خالد: ابوك سوا شي مايسويه اليهودي خله يولي بس
سعود بهدوء: تميم صار وقت انك تتعالج
تميم وهو يركب السياره: وقفوا السيره تكفون تعبان مالي خلق وبروح انام
خالد: اول ما تصحى حط في بالك المستشفى ينتظر
طنش تميم اللي سحب جواله وهو يرسل لراشد( راشد سلام ، وينك)
رد راشد اللي جالس يدور في شوارع القصيم بحزن ( موجود ، امرني)
تميم ( ما يأمر عليك ظالم بس ابيك بشغله تعال لمدخل الحاره )
راشد( صاير شي تميم )
تميم( لا بس تعال ابيك )
راشد( ابشر)
سكر تميم وهو مايدري كيف يكلم راشد : سعود وقف عند مدخل الحاره
سعود : ليش
تميم : بجيب لي اغراض محتاجها
خالد: انزل معك
تميم : لا لا انا اروح ما يحتاج
سعود : وش تروح بحالك بننزل كلنا
تميم : ياخي وش بلاكم بروح لحالي مافيني شي
خالد: لا
تميم بزهق : ابي لي اغراض خاصه اذا فهمتوا يعني
سكتوا كلهم ونزل تميم بهدوء واتجهه لصيدليه وتحرك سعود : مدري متى بيستوعب انه جالس يخاطر بروحه
خالد: والله اني خايف والله
سعود :لا تخاف ان شاء الله بيتغلب عليه مثل المره اللي فاتت
خالد : ان شاء الله •••€
عند راشد اللي جاء وشاف تميم طالع من الصيدليه ومتوجهه لسيارته ركب وهو يسلم : كيفك
راشد :تمام انت كيفك وجهك تعبان
تميم : يعني شوية مشاكل وعدت
راشد كان خايف ان تميم يفتح اي موضوع بخصوص نوره : امر
تميم : حرك بنتكلم فالطريق
راشد : تراك خوفتني
تميم : يعني تقدر تخاف
لف راشد له : تميم تكلم بوضوح
سكت تميم وبعدها قال : ليش تركت نوره في يوم زواجكم
راشد ناظر تميم بهدوء وصد : وش لك بتنبيش الجروح
تميم : ابي اريح ضميري التوتر لللي يصير بينكم انت وسعود وخالد مزعجني كلكم خواني ولا ابي اسوي صفوف واوقف مع احد ضد احد ايه صح انا ما عرفتك الا من كم شهر بس متأكد ان عندك سبب فيني شي يقولك انك ما تسويها
بهالكلام ضرب تميم الوتر الحساس عند راشد اللي هنا انهارت قواه استند لديركسون ولا عاد قدر يحافظ على جموده وصمته من 6 سنين
اتسعت عيون تميم بذهول من ردة فعله ماعرف وش يسوي لانه هو بعد عانا كثير من الفراق مد يده له :راشد هدي
راشد رفع راسه اخذ نفس يحاول يوقف فيها انهيار دموعه مسح عيونه : 6 سنين وانا اهدي 6 سنين وانا كل يوم اخذ نفس واقول بتنحل وبتقدر تجتازه ي راشد ما قدرت ما قدرت ما كان بيدي شي ايه رحت لكن مو بيدي الناس مستانسه وهم على بالهم راشد نسى وعاش وناس ثانيه محملتني ذنب فوق طاقتي
تميم نزل وهو يفتح باب راشد : انزل انا بسوق
نزل راشد وهو خلاص الين هنا وبس تحركوا وتميم ينتظر راشد يهدىء : وش اللي صار فهمني يمكن نرجع الامور لمجراها
ضحك راشد بحزن : وهو بقى لها مجرى ي تميم
تميم : طيب قولي وش صار معك
نزل راشد الشباك واخذ نفس : يوم زواجي اللي انتظرته كثير وكنت استكثر ساعة الانتظار ناداني ابوي ونزلت وانا متوقع اني تأخرت على نوره لكن فجأني لما ألغى كل شي وانهى كل شي وحدد مصيري بكل بساطه قال ( انسى نوره وزواجك على وجدان )
تميم : مين وجدان!؟
راشد : بنت واحد من اعمامي ما كان راضي عن زواجي اصلا وضرب ضربته يوم الزواج طبعاً ما استوعبت ورفضت لكن رمى في وجهي اوراق الفحص الطبي اللي انا تجاهلته واهتميت اني اشوف نتايجه والنتيجه كانت تقول ( إن نوره مستحيل تحمل بمسمى ثاني عقيم )
تميم وقف وهو يسحب فرامل : كيف؟؟؟؟؟
راشد غمض : ايه كانت عقيم مدري كيف طلعوا هالنتيجه بس فعلا كانت ما تقدر تجيب عيال لذلك رفض ابوي انا اكبر عياله يبي يشوف عيالي مستحيل يرضى مدري من لللي جاب النتيجه بس ان ابوي اصر وحلف حاولت اني اتدارك هالموضوع اقل شي لبعد الزواج ماقدرت اخاطر في حياة ابوي اللي كان مريض وما يتحمل الزعل وممكن في اي لحظه يتعرض لازمه قلبيه ماقدرت اقول لا كنت مجبور اني اختار كانت ثقيله علي المسأله ورفضت اني اتزوج وجدان لفتره يمكن اقدر احل موضوع ابوي بس ابوي تصرف وألغى اي خيار قدامي وطلعنا من الرياض ويعلم الله اني مارضيت كنت بكلم نوره كنت بفهمهم بس انتهى كل شي بتعب ابوي اللي خلاني بدون شعور انسى اي شي واهتم فيه بعد فتره ما قدرت اني اتحمل وجعي وصلتني قضية خلع وان نوره خلعتني ولا بلومها ابداً
من حقها تسوي اللي بتسويه لكن بعدها اختفت واختفوا ولا عاد عرفت عنها اي شي وانا تزوجت عشان ابوي لكن ماقدرت ابدا اتأقلم ماقدرت انسى كل اشوف فيه وجدان يجدد علي كل شي يادوب اني سليت ورجعت الدنيا تجمعنا ماني قادر اسوي شي ولا حتى قادر اطلق ولا اي شي محد يدري وش انا عايش ما قدرت حتى اني اعتبر وجدان زوجه ابداً ما قدرت حتى اجبر نفسي ماقدرت
تميم وقف في اقرب مكان وهو مايدري اصلا وش يرد لف يناظر راشد المنهار : نوره تدري انها عقيم !؟
راشد وهو يتنهد : مدري مدري اذا اصلا الاوراق حقيقه او لا اختفت بعد القصه مدري وين راحت
تميم : احتمال عمك مزور
راشد: ما اتوقع
تميم سكت وهو يسحب راشد ويحضنه : كل هالسنين كانت تحت سيطرتهم قولي الحين انت وش تبي
راشد ابتعد : وش يفرق ابي ولا ما ابي مقدر اتصرف
تميم ثبت وجهه وهو يقول : انت للحين تبي نوره الحين تحبها
راشد غمض وهو يقول : ما عمري تخليت عن هالشي
تميم مسح دموعه : اجل وقف دموعك وان شاء الله نوره لك
راشد: هي ما تزوجت صح
تميم : لا
راشد رجع لورى يحاول انه يزرع امل اندفن فيه من زمان
اما تميم كمل طريقه وهو يفكر في طريقه يجمعهم فيها ••••€
اما عند ضي اللي كانت على الشباك وهي تشوف ساميه رايحه ومعها ام سلطان وسلطان وانتبهت لجوالها لفت وشافت ساميه تتصل:هلا ساميه
ساميه : ضي الوليد عندك صح ضي : ايوه من شوي جاء مع سعد
ساميه :طيب معليش بتركه عندك لما يرجع تميم
ضي : افا عليك الوليد بعيوني
ساميه: تسلمين
سكرت ضي وهي ترجع لمكانها بعد تقريبا 10 دقايق شافت تميم جاي يمشي منحني وعلى طول رفع راسه لشباك وشافها واقفه ابتسم أشر لها تجي
ناظرت ضي بعبط وهي تأشر : وش تبي
تميم غمض بضحك وقال بصوت : كذا
ضي : اسفه ماني فاضيه
تميم : براحتك سحب مفتاحه ودخل وسكر الباب اتسعت عيون ضي بصدمه: عمى بعينه ما صدق
اخذت عبايتها ونزلت وهي تاخذ الوليد ركض سعد: ما لعبنا
ضي : بعدين تلعبون
سعد : من شوي جاء
ضي : سعد فارق
الوليد: ضي بجلس اللعب معاه
ضي : بعدين حبيبي بابا يبيك
اخذت بسرعه وهي تقول : سعد روح عند سعود فوق لين تجي نوره
سكرت الباب واتجهت للبيت بدون ما تنتبه لملامح الوليد الزعلانه دقت الباب بإزعاج وجاء تميم وهو منزعج :ميين
ماردت فتح تميم : وش فيه
ضي : جبت لك وليد
الوليد : بابا الله يخليك بلعب مع سعد والله ما لعبت ضي قالت انك تبيني
ضي اتسعت عيونها بفشيله : يعني توقعت انك اشتقت له وتبيه يجي دامك طول اليوم برا
ناظرها تميم وهو مبتسم وكاشفها ويدري انها بتجي اخذ الوليد وهو يحضنه : ايه من ناحية اشتقت اشتقت والله لكن مثل ما انتي شايفه يبي سعد ...

#رواية_أحبيني_بلا_عٌقد..
..
انتهاء البـــــــــارت
..
لاتنسوووا التصوويت والتعليق على الرواية ...
تفاعلكم مع الرواية يهمنا ...