رواية أحبيني بلا عقد للكاتبة أديم الراشد ..

البارت الثامن عشر من رواية أحبيني بلا عقد للكاتبة أديم الراشد

ـ
*. #البارت_الثامن_عشر👇💙*

سعود : اصلا من قعد صاحي بذا العايله
نوره: ما تدري يمكن ربي كاتب لها خير مع تميم
سعود : يارب مع اني ما اتوقع فيه امل بزواجهم
نوره : ليش تقول كذا
سعود : باقي معي محاوله اخيره
ابو سعود دخل :سلام
سعود اعتدل: يبه كنت انتظرك
ابو سعود بحده: اذا بتتكلم في نفس الموضوع من الحين وفر علي راحتي
سعود : يبه في شي لازم تدري به
ابو سعود : وشو
سعود ناظر نوره اللي فهمت وطلعت تقدم سعود وجلس وهو متردد يقول : يبه تميم ..... تميم عنده زوجه وولد
لف ابو سعود بقوه: وشو وش تقول انت
سعود : يعني هو صار شي فقدهم فيه ومن فتره عرف بموضوعهم وبعدها صارت هالحادثه
ابو سعود : سعووودوه هالتخطيط حقك انت وتميم ما بيفيدك وبيتزوجها غصب علييه وعلى اللي خلفوه والا موته مايهز شعره مني
سعود : والله ي يبه اقولك الحقيقه
ابعده ابوه بغضب وطلع وتركه وهو يخاصم جلس سعود وهو مايدري وش باقي بيسوي طلع واتجهه لبيت تميم دق الباب محد فتح استغرب ورجع يجلس وهو يتوقع انهم قريب ••••€
اما عند خالد اللي كان يدور لحجز بس ما حصل ركب السياره وهو مرتبك وطار وهو يدعي انه تميم ما سوى شي خطير طوى الطريق ب 3 ساعات من رعبه وخوفه وصل للموقع اللي ارسله تميم نزل بسرعه وركض وهو يسأل عنهم ودلوه ركض وقف بهدوء لما شاف تميم اللي كان جالس وهو والكرسي واحد كان وجهه اصفر ويده على صدره ركض وهو متجاهل زياد جلس عند رجول تميم :تمييم وش فيك تميم صار شي لهند صار شي
تميم اللي كان واصل لمرحله الانتهى ثلاث ساعات وهو متصلب وينتظر خبر ولا احد رد لهم
زياد شاف خالد مذعور : باقي ما طلع خبر
خالد: كيف صار الحادث
زياد نزل راسه :الله يسامح تميم
جمد خالد وتأكد ان تميم سوا شي جلس جنبه وهو خايف ومرعوووب مسك يد تميم البارده :تميم يوجعك شي
تميم مارد وهو يضغط على صدره وقف خالد بينادي ممرضه بس قطع عليه خروج الدكتور زياد ركض له وهو خايف :وش صار ي دكتور
الدكتور:مدري شقول لكم لكن
زياد :تكفى لا تقول ماتت ي دكتور تكفى لا
سكر تميم اذنه وهو مغمض ولا يبي يسمع اي خبر وقف خالد وهو ينتظر الدكتور ينطق : المريضه تعرضت لشلل الاطراف
ناظر خالد لزياد بقوه والتفتوا لتميم اللي نزل يده وهو مصدووم
زياد: كان الضرر كبير ي دكتور
الدكتور: احمدوا الله انها عاشت كانت نسبة وفاتها 80‎%‎ يعني الحمدلله قدرت تتجاوز بأقل الاضرار
زياد: ومتى راح تصحى
الدكتور: هي حاليا في غيبوبه اقل شي اسبوع وان شاء الله ما تطول
طلع الدكتور ونقلو هند للعنايه وتميم يراقبها بصمت لف زياد اللي مقدر وضع تميم : قلت لك ترفق
تميم جلس بتعب : مو وقته دخيلك مو وقته
خالد: تميم قوم تعال بنروح جوا يفحصونك
تميم : مابي انا بخير
خالد :تميم مو بخير قوم احسن ماله داعي العناد
تميم ما رد على خالد ابتعد زياد وهو يدق على سحر اللي ردت بسرعه وهي تبكي وقالها ان هند بخير بس بعد العمليه عجز يقولها انشلت
اما خالد قرب وهو خايف ان تميم يعصب : تمييم الله يخليك بلاش تتعب نفسك وتنتكس والله ماصدقت متى خفيت وصرت كويس تعال خلنا نفحصك
شد تميم على اسنانه: قلت لك بخير خلاص تكفى وبعدين حالتي ب....سكت اول ما شاف زياد مقبل عليهم
زياد : انا بتروح للبيت اتطمن عليهم معليش يعني تظلون لما ارجع
تميم : زين
راح زيااد ولف خالد وهو يقول بهدوء: جات لك فرصه تفتك من زواج ابو سعود
تميم لف وهو مقطب حواجبه : كيف !
خالد : قوله انك متزوج وعندك زوجه وولد وانشلت زوجتك ومجبور انك تعتني فيها ولا تبي تظلم بنته
ناظره تميم بعمق : تبيني اوعد الرجال واخلف ي خالد
خالد : والله عاد الرجال ابتلاك
تميم : هالرجال اللي ابتلاني على قولك وقفني على حيلي بعد الله هو وسعود وتبيني بكل بجاحه اسوي كذا
خالد: ييعني بتجازيهم بخير اذا اتزوجت بنتهم ونكدت على نفسك وعليها
تميم : اصلا خبر الزواج انتشر بالحاره والكل فرحان ومستانس مقدر اكسح وجهيهم كذا
خالد : زييين ي تميم كمل على رايك وبتشوف وش بيصير معك حزتها لا تقول ي ليت ي خالد
ممارد تميم اللي يدري ان المووضوع صعب بس مجبور انه يكمل •••€
عند تولين اللي من يومين وهي ماتدري وش صاير فالبييييييت اخذت جوالها وهي تدق على نجوى اللي بعد مختفيه جاها صوت نجوى اللي واضح انها تعبانه : هلا تولين
تولين : نجوى وينك مختفيه وتاركتني لحالي
نجوى: واللله يا تولين لاوضاع اصعب مما تتخيلين
تولين : وشو وش صار بعد
نجوى حكت لها راكان ولقاه مع تميم وتعب امها بسبب سالفه تميم والجد اللي مايهزه ريح
تولين : راكان كيف اللتقى بتميم وش وداه هناك
نجوى: مو هو سافر لصاحبه اللي صار له حادث حصل تميم مشرف على حالته وطبعا حصل اصتدام وتميم ما قصر
تولين : والله لو انا مكان تميم لاترك السعوديه بكبرها مو بس الرياض
نجوى: وللله خالي ما يستاهل شي
تولين :تتوقعين ابوي وش بيسوي فيه
نجوى: مدري بس راكان يقول خالي تميم مررررره معصب من جدي وواضح انه مهدده بشي وعشان كذا قاله اخذ امك وخواتك لا تتركهم لجدك
تولين : انا مدري ليش ابوي يسوي كذا واصلا امي ليش ساكته لسواياه في تميم
نجوى: جدتي تعبانه هاليومين ومدري وش السبب
تولين : احس فيه شي ورا استقعاد ابوي لتميم
نجوى: والله مدري اصلا بديت احس اني في فيلم
تولين :وانتي الصاد..قه اسمعي بسكر الحين طيب ..
ما مدى نجوى تكمل الا قفلت تولين وهي ترد على سعود بخوف :سعود وينك ماترد من فتره خفت وش صاير معك
سعود بهدوء: ولا شي مشكله بسيطه فالبيت
تولين بشك :ليش صوتك كذا اصلا ليش هادي
سعود :ولا شي قولي لي وش الاخبار عندك
تولين:اتركك مني وكلمني عنك ي سعود ليش صوتك كذا
سعود :توليين خلصنا مشكله ماتنذكر
تولين بخوف:تميم صاير له شي او درا بشي عنا
سعود تنهد :لا لا اقولك في بيتنا لا تخافين
ما ارتاحت تولين لكن قررت ما تظغط عليه :انا الوضع عندي صعب مره
سعود :ليش!
شرحت له تولين كل شي واستغربت انه مارد :سعود تسمعني
سعود :اسمعك لكن وش اعلق واضح ان هالمشكله ما بتنتهي على خييير مسألة لقاءات عايلتكم بس تميم الكثيير صارت تسبب مشاكل تميم وخالد مختفين والله يعلم وينهم
تولين : اخاف ابوي سوا لهم شي
سعود :جايز
تولين: تكفى انطمن عليهم وقولي
سعود : زين بتصل فيهم انتبهي انفسك انتي واذا عرفتي شي قولي لي
تولين :طيب ولا تضايق نفسك
ابتسم سعود بهدوء: اوك
سكر سعود وهو خايف من احتمال انه ابو سلطان سوا لهم شي
••••
اما ضي اللي كانت جالسه في غرفتها وهي حاقده حقد الدنيا على تميم وقفت تناظر باب بيته اللي من ايام صار ما يجي فيه خافت انه لما تورط هج وتركها رفعت حواجبها بغضب : كأنه هامني لكن غصب عليك بتحل هالموضوع اللي رميتني فيه ي تميم الزفت
دخلت نوره ولفت ضي برعب نوره : شتسوين هنا!!
ضي: اشم هوا ولا حرام
نوره تكتفت بغضب : اربع شبابيك بالغرفه وما حلا شم الهواء الا على الشباك اللي بجهت تميم
ضي جلست وهي ماسكه راسها: شوفي عاد مالي خلق ثقالة الطينه
نوره: انتي ما تستحين على وجهك هانو عليك امي وابوي وسعود على بالك ماني منتبهه لتصرفاتك وشغفك على تميم واخباره
ضي :نوووورووووووووووه احترمي نفسك وانقلعي لا اقسم ادخل فيك اعدام
نوره : شوفي زييين ي ضي ولا يكثر احترمي نفسك دام سعود رقع لك موقفك وانكتمي والا بتموتين على يد سعود
طلعت نوره وصفقت الباب ورمت ضي الجزمه على الباب وهي تصرخ:الله ياخذك انتي وهالتميم اللي صار كابوسي اغبيااااااء اغبيياء
جلست وهي تبكي وعينها على بابا تميم وتنتظره يجي وفي راسها شر ودامها خاربه خاربه بتخربها هي بعد
••••€ •
•
#رواية_أحبيني_بلا_عقد

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
توقعتكم
متابعة + تصويت للبارت + تعليق