رواية أحبيني بلا عقد للكاتبة أديم الراشد ..

البارت الثاني والثلاثون أحبيني بلا عقد أديم الراشد

ـ
*. #البارت_الثاني_والثلاثون👇💙*
دق قلب تولين :وش تقول ي تميم وش اقول
تميم : تعرفين سعود صح ؟! حست تولين بدوخه بس قالت وهي تتمالك نفسها: سعود !! مين سعود
تميم : لا تستهبلين سعووود تعرفينه وترا انا عارف كل القصه
تولين : تميم اي قصه وش تقول انت من سعود
تميم : سعود الدكتور الزفت اللي عاينك لا تقولين ما تعرفينه عشان ما اطق تذكره لرياض واغسل شراعك هناك
توليين بتمثيل ماتدري كيف جاها : تميييم خييير وش ذا الكلام بجلس اتذكر كل دكتور عايني وبعدين هذا شوقك لي ي اخوي بعد كل هالسنين فعلا تغيرت والله يسامحك
تميم : سعود من قبل سنتين عرفك وحاول يكلمك وانتي رديتيه وقلتي تدل الباب صح !
تولين : تميم سنتين وش يذكرن... اييييييه هذاك الدكتور وش علته وش فيه بعد شوف ترا طفشني بس انت من قالك عنه انا ناسيته من زمان ليه
تميم حس انها ما تعرف اي شي وقال: احلفي ان مابينكم شي
خافت تولين لكنها غمضت وهي تقول : والله ماصار بينا شي وش فيك تميم لهدرجه ما تثق فيني وبعدين هذا الدكتور انتهت سالفته من زمان لاني من يوم قلت له تدل الباب معاد سمعت منه شي
تميم سكت شوي بعدها قال : زين ارجع اكلمك باي
سكر تميم بعد ماستنزفت تولين كل طاقتها وارتمت على نجوى وهي تبكي وحضنتها نجوى وهي ما تدري وش وصلها لهالدرجه بس فالنهايه  تولين مسكينه ولا تنلام على اي شي تسويه •••€
اما تميم اللي وقف وهو محتار وش يسوي بهالمصيبه الجديده جلس وهو يمسج راسه وقف وطلع اتجهه لبيت ابو سعود دق الباب طلع له سعود : تميم امر
تميم : تعال ابيك
تقدم تميم ولحقه سعود اللي سكر الباب : وش فيه
دخل تميم بيته ودخل المجلس وجلسوا سكر الباب ولف لسعود : تحلف بالله ان مابينك وبين تولين شي
سعود بلع ريقه بهدوء وقال وهو يحلف على شي ثاني : والله ماصار شي
تميم : وش اللي اخذك هناك بذات خلصوا الناس يعني
سعود:انا اصلا ما كنت انك ولد ماجد المشرف وسألتك وقلت تطابق اسماء بس وارتحت لكن بعد فتره عرفت ومن وقتها ماني مرتاح ورحت لابوك لكن انت اعرف فيه
تميم : ااااخ بس ي سعود وش ورطنا فيه  الحييين
سعود : تميم حاول تساعدني
تميم سكت وتذكر وضع تولين في بيت ابوه اللي كله مشاكل ونجوى حكت له عن معاناتها ورجع يناظر سعود سعود بعد محترم ورجال كفو وهو الوحيد اللي كفو تولين مد يده وهو يخبط كتف سعود : بحاول اشوف وش اسوي كم سعود عندي
نط سعود من الفرحه وحضن تميم اللي بعده وهو يقول : وبعدين حط بالك من جرأتك اللي مالها سنع
سعود : هذا اذا دل دل اني شاري اختك
تميم : الله يسعدك
سعود : مادام جيت بشوف ضي واسلم عليها اكيد بتسوي سالفه لو عرفت اني جيت ما سلمت
تميم تورط وقال: زين اشوفها لك
طلع تميم وهو يدعي انها ماتسوي فضيحه قدام سعود دق الباب وجاء صوت ضي :
تميم فتح الباب ودخل وسكره وهو يقول : اششش سعود هنا بيسلم عليك ودك تروحين تسلمين تفضلي واذا تحبين قولي له وش صار يعني خلينا نعيش اكشن زياده
ضي ناظرته بأستحقار: حقييييير
وقفت ومرت من جنبه وهي ترتب شكلها على السرير تركت شعرها على وجهها وهي ما تبي يبان كف تميم انتبه تميم انها تخبيه بس سكت وطلع وطلعت ضي وراح المجلس وركضت لسعود وهي تحضنه : ماشاء الله يومين وانا هنا ما شفت وجهك تسلم علي
سعود : يوووه توني امس جيت من الرياض
ضي : اعذار اعذار لكن عقاب لك تغديني برا
سعود : يااالله انا مالي شغل شوفي تميم يغديك لو فالمريخ انا برا لموضوع
ضي طنشت وجلست: وش عندك بالرياض مؤتمر بعد
سعود : اييييه ي ام لسان اعقلي واحترمي المكان الناس
ضي : وش سويت
سعود : يعني اقل شي انتظرينا نجلس واجلسي
ضي رفعت حواجبها : عشتوا لايكون تبوني اعبدكم بعد اقول استريح
سعود بحده: ضيييييي
ضي اختبصت : ياخي انت جاي تسلم ولا تهزءً
سعود : اذا لزم اهزء بهزء
ضي : خلاص عاد
تميم رجع ومعه قهوه ولف سعود : ضييي قومي اخذي القهوه من زوجك خيييو تبينه يخدمك
ضي : ليش على راسه ريشه خل يشتغل طول الوقت منسدح يتحرك شوي تروح الكرش
سعود عطاها نظره فزت ضي واخذت الصينيه لكن تميم ابعدها وهو يقول :ههههههههههه ي زينها تحب المزح اجلسي قابلي ضيفك انا بصبها طبعا ما على يديني نقش الحناء
ضحكت ضي بتسليك وهي تضرب كتف تميم بقوه : والله ياخي ي سعود انت لو من زمان قايل ان عندك صاحب ظريف كذا كان من زمان تزوجته
سعود : انا اقول ابلعي لسانك
صب تميم القهوه وبعدها جلس بهدوء يراقبهم وهم يسولفون فعلاا حن لخواته واخوانه  وسعود يسولف مع ضي وبعدها وقف سعود : يلا انا رايح بيت عامر
ضي : اجلس تكفى
سعود : انا تعبان والله .. وبعدين غريبه مصحصحه مع انك مداومه اليييوم بالعاده تموتين نوم
تورطت ضي ووقف تميم وهو يضحك : ايييه البركه بدش القهوه
تذكر سعود وانفجر يضحك : هههههههههههههههههههههههههههههههههههههههههههههههههههههـ والله ي ضي جاء اللي يعدلك صح عالعموم نعيما
طارت عيون ضي : انت عارف وساكت
سعود : وش اسوي يعني
ضي طقته بخفه: اقل شي افزع
سعود: والله مناسبني اخذ حقي
ضي : هيين مردوده ي سعود
طلع سعود وهو يضحك واخذت ضي القهوه وراحت الصاله وجلست وهي تتقهوى وتميم يراقبهت بهدوء جاء وجلس لكن ضي وقفت وراحت للغرفه ولحقها تميم وهو يمسك ذراعها : ضي انتظري
ضي سحبت يدها: نعععم وش تبي
تميم : اسمعيني بغض البصر عن كل شي صار اليوم فيه شي ماكان لازم يصير
ضي : يووووه مابي اسمع شي خلاص يكفى كل اللي صار و...
تميم سكر فمها وهو يقول :ولو مره خليني اكمل كلامي
ضي بعدت يده بقوه: وش تبي خلصني بنام
تميم : انت مالك شغل الا النوم
ضي : م و ش غ ل ك
تميم هز راسه بأسى : المهم .. ماكان ودي امد يدي عليك ولا هي من عادتي بس استفزيتيني
ضي : اوووه ماشاء الله كيف زبطتك معك وجاء هالعذر صراحه ابدعت مشكور على التذكير
تميم : ضي هالطريقه لو تضلين تتكلمي فيها بينعاد هالموقف كثير غصب عني وعنك فخلينا بعيد عنه ماله داعي الاحراج
ضي مادرت وراحت لسرير وهي تتلحف : اذا خلصت فلسفتك ي دكتور سكر النور والباب بنام
ابتسم تميم بحزن ولف يسكر الباب ودخل يبدل وهو يبي يرتاح بعد جاء لطرف الثاني انسدح بتعب لكنه لف يقول : ماداام رجعتي مع كريم ليش ما قلتي لي ما روح للجامعه
ضي لفت : رحت !
تميم : ايييه وصلخني الحر والشمس
ضي : احسن
لفت تلحفت وانقهر تميم واعتدل وهو يدفها برجله: وش احسن وش احسن
ضي : كسر ي متخلف احسن واحسن واحسن وش تبي
تميم : شكلك تبين كف ثاني صح
ضي : جرب وشوف اذا ما قلبتها علي وعلييييك
اكتشف تميم انها ما فكرت بالضرب ولا يهمها وبسرعه سحبها وهو يلف ذراعه حولها وصارت بحضنه وهو محاوطها قرب و يحرك ذقنه على خدها اللي انضربت عليه وهمس بأذنها : طيب ي ضي وش الحل مع طولة لسانك
انقطع نفس ضي وتجمدت وهي تحاول تبعد واحترت ولا قدرت تقول شي غير انها قالت بصوت ضعيف : تميم الله يخليك ابعد
ابتسم تميم وابتعد لف لطرفه وهو يتلحف حس فيها تتحرك وطلعت سكرت الباب بدون صوت
ضحك وهو كشف نقطة ضعها : زين ي ضي انا اربيك طيب
اما ضي اللي حست بدوخه وهي ماهي خايفه من شي الا ان تميم يستغلها ويرميها ودها انها يضربها بس مايسوي كذا جلست وهي تمسح جبينها وجهها الاحمر
ما انتبهت لهند اللي تراقبها من بعيد : حشى توهم متكافخين امداهم تصالحوا ومن يلومها اللي معه تميم كيف يزعل منه
انسدحت ضي بالصاله وهي فيها النوم وناممت وهي ما بتي تجتمع مع تميم بغرفه •••€
اما سعود اللي اول ما طلع سحب جواله وهو يدق على تولين بس ماردت رجع دق على اخر رقم وجاه صوت وحده : الوو
سعود : تولين
نجوى: لا تولين نايمه
سعود : زين
سكر سعود وهو ما خايف على تولين لانها كانت منهاره اما نجوى اللي نزلت الجوال وهي تراقب تولين النايمه لفت على صوت الباب
ساميه : نجوى ما صحت تولين
نجوى: صحت ورجعت نامت
ساميه : حبيبتي مدري وش فيها امي تسأل عنهاوما قلت لها
نجوى: لو هي مهتمه سألت عنها من زمان
ساميه: بس هاذي جدتك اححترميها
نجوى صدت وهي ساكته وطلعت ساميه وهي تسكر الباب ..

#رواية_أحبيني_بلا_عقد

لاتنسوووا التصوويت والتعليق على الرواية ...
تفاعلكم مع الرواية يهمنا ...