رواية أحبيني بلا عقد للكاتبة أديم الراشد ..

البارت الثالث والثلاثون أحبيني بلا عقد أديم الراشد

ـ
*. #البارت_ثالث_وثلاثون👇💙*

عند سلطان اللي اخذ اقرب تذكره للقصيم وهو ناوي يكلم تميم ويتفاهم معاه وصل القصيم لكنه قرر انه ياخذ فندق ويريح وبعدها يروح لتميم •••€
العشاء عند تميم اللي صحى على صوت الوليد : بابا يلا قوووم بابا
مسح عيونه تميم وهو يحضنه: وش فيك ي بابا
الوليد زهقت ملييييت قوم معي يلا
تميم وقف : يلا خلني اتروش واجي
طلع وليد وتميم دخل الحمام وبعد عشر دقايق طلع ولبس وتعطر واتجهه لصاله شاف هند جالسه تتقهوى والوليد يلعب بالارض مازشاف ضي قرب بيسأل لكنه سكت اول ماشاف ضي منكمشه على نفسها ونايمه على الكنبه جلس بهدوء عند راسها : ضي ليش نايمه هنا !
هند : مدري لكن انت الله يهديك المفروض مهما صار ما تطلعها برا الغرفه
تميم رفع حواجبه : ومن قال طلعتها !
هند: واضح حياتكم مو مرتبه
تميم اعتدل وهو يقول : هند ي ترى لك شغل في حياتنا كانت مرتبه او لا
هند : انا ماقلت شي بس انصحك هي مسكينه شوف كيف نايمه
تميم : اسمعيني ي هند في ذا للبيت مالك شغل الا بنفسك وولدك بس طيب شيلي ضي من راسك وحركات النسوان هاذي اطلعي منها ترا ما تجيب فايده
رجع لورى وهو يسحب الغطاء الخفيف اللي على كنبه وهو يلحف ضي فيه
اما ضي اللي صحت من اول ماسمعت صوته وهي ماتدري ليه خايفه لكن استغربت من كلامهم وتوها بتتحرك بالا قالت هند : تميم ترا واضح ان زواجكم مزيف وحايسين ببعض فماله داعي التمثيل
تميم : والله اذا انتي تشوفين شي هذا مو همي طالما اني عارف وفي قرارة نفسي ان حياتي مع ضي هي الصح ويكفيني عن التفكير بالتوضيح لك جبي لها وحبها وما فرقت شفتي هالحب او ما شفتيه
هند انصدمت من كلامه وكيف يعلن حبه لضي قبالها : الله ي تميم اتذكر وعود وعود انك يحرم عليك الحريم من بعدي وش صار الحييين
تميم تنهد وهو يقول : ببساطه اكتشفت انك مو كفو
عجزت ضي تتحمل اكثر وتحركت وهي تجلس ناظرت تميم بهدوء وهي تدري انه فعلا متعلق بهند ولا تدري ليش يكلمها كذا
تميم : صح النوم وش جابك هنا
ضي بعدت شعرها : كنت انتظر سعد ونمت
تميم : زين .. كريييييييمه
جات كريمه : نعم
تميم : جيبي اي شي ينأكل
ضي لفت تناظر هند وشافتها تناظرها بحقد وحبت تقهرها : لا تميم مانبي من البيت
لف تميم اللي كان مايدري عن نية ضي بس حب يراضيها ومنها يقهر هند اللي قهرته بفعلها : ابد تامرين وش اللي نفسك فيه يحضر الحين
ضي تكت على كتفه بتفكير : وش تحب انت
تميم استغرب بس كمل : اللي تحبينه
ضي : زين اجل دام كذا فيه مطعم هنا فاللفه رهييب اكيد تعرفه
ضحك تميم : اي واحد
ضي : تبع الشاورما
تميم : اوووه علييييك نور عاد كنت مشتهيه
ضحك ضي بأستفزاز : ولا يجي بخاطرك يحضر لك الحين
تميم ( ليتني من زمان مسوي ذا الحركه يلا وش ورانا خلينا نتدلع شوي )
اخذ تميم جواله وهو يطلب من المطعم وهند تراقب بهدوء سكر وجواله ولف لضي اللي كانت جالسه جنبه قرب وهو يهمس : لو كنت ادري بيتسنع لسانك من زمان عطيتك جرعه
ابتسمت ضي وحمر وجهها من الموقف ولفت وهي تهمس له : لا تفرح ي روحي جالسه اجاريك لاني ماحبيت اخرب صورتك واكذب كلامك قبال هند
رجع تميم لورى وهو مقطب حواجبه بمعنى (سمعتيني ) اشرت ضي براسها وهي تضحك ووقفت واتجهت للغرفه وابتسم تميم وراح للوليد يلعب معاه •••€
عند تولين اللي صحت وهي ما تحس انها بخييير لفت وشافت نجوى جالسه :نجوى احد اتصل صار شي
نجوى بهدوء: اتصل سعود وقلت له انك نايمه
فزت تولين : عطيني جوالك
مدت نجوى الجوال بحزن :  تكفين تولين لا تعذبين نفسك
تولين : ليه فيه اكثر من ذا العذاب
دقت على رقم سعود وهي تنتظر جاها صوت سعود الملهوف ووراه صوت احد يتكلم :الو تولين
تولين : وش صار معك !
سعود : اخبار حلوه ي تولين ان شاء الله ربي بيجمعنا
شهقت تولين بفرح : وشو وشو قول
ابتدا سعود يحكي لها اللي صار وان تميم بيتصرف بكت تولين فرح وهي مو مصدقه ان تميم تفهم سعود : سعود مو مصدقه ي سعود
ابتسم سعود : اشش خلاص لا تبكين ان شاء لله من اليوم ورايح مافيه دموع بتكونين معي ان شاء الله
تولين : بس وش بيسوي تميم !
سعود : مدري بس بيتصرف المهم قولي لي ليش تعبانه وصوتك تعبان
مسحت دموعها تولين وهي تقول : كللله منك انت والله ي سعود على حركتك لتندم
سعود انصدم: اي حركه !
تولين : وناسي بعد وقفت قلبي وقلت كل واحد بطريقه والله يستر عليييك وبعدها تتصل وتخربط بسالفه عن تميم قسم بالله ان ماهمني شي غير انك تبيعني واقول لتميم
ضحك سعود :ههههههههههههههههههههههههههههههه انا قلت كذا لكن ندمت ما مرت دقيقه ورجعت لابوك وسويت سالفه ..كمل سعود كلامه وهو يحكي لها اللي صار بالظبط صح زعلت تولين من كلام ابوها لكنها استانست ان سعود خاطر عشانها وخافت ان ابوها يأذيه
اما سعود ما كان مهتم ابدا الا انه يتزوج تولين •••€
عند سلطان اللي وصل للعنوان اللي حصل عليه عنوان تميم وقف وهو يناظر الباب كان تميم ومعاه ولد صغير يستلمون طلب  من مطعم رجع لسيارته وهو يستناهم يخلصون اكل انتظر ربع ساعه وبعدها نزل دق الباب وسمع صوت تميم : مييين
سلطان : سلطان
فتح تميم الباب وهو مصدوم من جيته : خير وش اللي جابك
سلطان : تميم قبل كل شي الله يخليك اسمعني ضروري تسمعني الموضوع يخصك كثيييييير
سلطان : انت سمعني وبتعذرني تميم :سلطان وش تبون مني وش تبووون مني ماني فاهم فوق كل هالللي صار راجعين
سلطان : انت سمعني وبتعذرني
تنهد تميم وابتعد وهو يقول: ادخل
دخل سلطان واتجهووا للمجلس جلس سلطان وهو فعلا ضايق والحزن مبين عليه
تميم : قول اسمع
سلطان : تميم انت تدري اني كنت مناصر لك في جميع افعالك وعمري ما عارضتك وكنت مؤيد لك والللي صار فيك وفي هند ولله وبالله وتالله هاذي انا حلفت ثلاث ما كنت ادري ولا لي  علاقه نهائيا كل اللي سويته اني ابوي طلب اني اذا بلغتك اتصل فيه وبس سويت اللي طلب واقسم بالله ما كان لي علم بأي شي انا مثلك تفاجأت من القصه ولا كنت ادري وش صار والله
تميم : ولو افترضنا ان ماعندك علم باللي صار لهند انا ما كنت تدري بعد باللي صار لي
سلطان : تميم والله ما كنت ادري كل اللي عرفته انك ما تحملت صدمة فقد هند وولدك واغمى عليك وبعدها صحيت فاقد الذاكره والسبب مجهوول ما توقعت ان ابوي يكون السبب تميم انا جالس احلف لك ي تميم بالله
تيمم : اصدق  مين اذا الكل بيحلف قولي اصدق ميييين
سلطان : تميم من حلف بالله فصدقوه
تميم : وش اللي صار بينكم تولين مره متأزمه
سلطان : قبل اقولك لاز تسامحني والله ما كان لي علاقه والله ي تميم والمصحف الشريف
نزل راسه تميم : خلاص ي سلطان المووضوع انتهى وراح وهذا ولدي وهند فيه خلاص
سلطان : يعني سامحتني
تميم : الله يسامحنا كلنا
سكت سلطان شوي وبعدها قال : انا تعبت من العيشه مع ابوي كأني عبد سوي لا تسوي حط افعل قول لا تقول تعبت من كل شي رحت بكلمه في  موضوع تولين لما حبسها بطلعها لكن سكعت شي خلاني انفر ول افكر ارجع عنده بأي طريقه  تميم :حابس تولين!!! سلطان : مو موضوعنا اللي بقوله هو اهم
تميم سكت وهو يراقب سلطان اللي قال: ابوي سبب حادث هند وشللها
لف تميم بصدمه : نععم
سلطان: سمعت واحد من رجاله يتكلم معاه بالتفاصيل وكيف ترقب البيت وباقرب فرصه صدمها وراقبوها فالمستشفى لما تأكدو انها انشلت
تميم سحب سلطان من ياقته وهو يهزه: وش اقول انت سلطااااان وش تقووووول ليش تبون تكسرون كل شي حولي وتهدموني ليييييش
سلطان : تميم انا اول ما سمعت عجزت اجلس ضاق قلبي عشان كذا اخذت عيالي وطلعت وجيت بقولك وانت من حقك تعرف وتتصرف
دفه تميم وهو يمسك راسه جلس وهو يهمس : هدمتوا كل شي كسرتوا كل شي وش كان ذنبها تتهدد وتتنفى وتنشل وش كااااان ذنبها ي سلطان
قرب سلطان وهو يحضن تميم : تميم تماسك وانت اللي لازم تحاسب ابوي
تميم صرخ وهو يبعده : احااسبه على اييش بالظبط على اييش وش اللي باقي ما سواه فيني وشو
سلطان سكت وهو ضايق وجلس تميم وهو يدق راسه بيده وكان وجهه احمممر

#رواية_أحبيني_بلا_عقد
لاتنسوووا التصوويت والتعليق على الرواية ...
تفاعلكم مع الرواية يهمنا ...