رواية أحبيني بلا عقد للكاتبة أديم الراشد ..

البارت الثالث من رواية أحبيني بلا عقد للكاتبة أديم الراشد

ـ
#البارت_الثالث👇💙

سكر سلطان وتنهد( ان شاء الله تكون بخير ي تميم ان شاء الله ) •••€
عند ضي اللي رجعت من الدوام وكعادتها جلست تفكر وشلون تكشف اسرار تميم سمعت صوت سياره وركضت لشباك وهي متاكده انه تميم ناظرت وشافته نازل ابتسمت وهي تناظره لكن شافته حزييين تنهدت وهي تتكي على الشباك بحزن: يوووه ي تميم حالك والله مو حال لكن طيب انا اللي بعرف وش وراك
فزت على سعد لما فتح الباب : ضيوووه امي تقول انزلي تغدي
ميلت فمها بكسل: يوه شينزلني الحين
سعد : يلا خلصي
وقفت ضي ونزلت معاه ولفت وهي تسمع امها تقول : ضي تعالي خذي من الغداء وحطيه بطبق وارسليه لجارنا تميم
تقدمت ببتسامه: من عيوووني
سوت الغداء لتميم وراحت لسعد: سعد قوم خذ الغداء لجارنا تميم
سعد فز بحماس : وينه
نوره : اوه جاك مناك الحييين ارجع بسرعه لا تتأخر
سعد : بتغداء معاه
ابو سعوود : وشو اقول خذ الغداء وارجع مابي اعد عشر دقايق ساامع
وقف سعد بضيق وهو يتحلطم وركضت وراه ضي : سعد
سعد: نعم
ضي : شوف قول لجارنا اذا عنده شي يحتاج نسويه له يقول
سعد: من متى صرتي ذربه وتهتمين
ضي توترت : مو انا امي تقول
طلع واتجهه لتميم وضي وقفت على الباب تبي تسمع رده وبعدت فتره فتح تميم الباب اللي كان واضح انه توه متروش  ابتسمت ضي وهي توايق من الباب
اعطاه سعد وقاله اذا عنده اي شي ابتسم تميم : لا حبيبي ماعندي اي شي مشكورين
سعد: زين بروح ابوي ينتظر
تميم : زين سلم علييه
رجع سعد وقبل لا يدخل جاء سعود وفتح الباب بقوه وصك في جبين ضي صرخت ضي وانفجعوا كلهم
سعود : شتسوين هنا انتي !
ضي وهي ماسكه جبينها : كنت انتظر سعد
سعد: ليش انا بزر تنتظريني
سعود : وش عدا ما بدا تنتظرينه بالعاده لو يغيب سنين مادريتي
ضي تورطت: امي قالت شوفيه
سعود : ماشاء الله ادخلي ولا اشوفك توقفين هنا ثاني مره
دخلت ضي بضيق وجلست دخل سعود وراها :سلااام عليكم
الكل : عليكم السلام
ابو سعود : وش بك تأخرت اليوم تميم جاء قبلك !!
سعود : تميم طلع من زمان ما داوم الا ساعه تقريبا وانا كملت
ام سعود : وليش وش فيه غريبه دايم حريص على دوامه
سعود : كان متضايق وطلع وانا ما سألته ماحبيت اضايقه
ابو سعود : وش تصايقه ي ابن الحلال هذا جارك وخويك المفروض تكون معه
سعود : ي يبه تميم ما يحب احد يسأله ولو يبي يتكلم تكلم من 5 سنين
ابو سعود : انا قلبي يقولي وراه مصايب وتشوف
دخل سعود يبدل وهو متضايق على تميم مايبي احد يتكلم عليه ••••€
اما تميم اللي اخذ الغداء ونزله قبال خالد : خالد يلا قوم تغداء
خالد جلس وهو دايخ نوم: من وين !!
تميم : يعني من وين من عند عايله ابو سعود
خالد: طيب وانت تعال
تميم : مالي نفس كل انت
خالد : وش اللي مالك نفس قوم بس ياخي ذبحت عمرك ترا محد درا بك الناس عايشه وانت جالس تاكل بنفسك
تميم : اوووف يا خالد ريحني خلاااص
خالد: شوف عاد وضعك هذا مره مو معجبتي تميم ضروري ترجع نفسك لااازم  تصحى من هالكوابيس
طنش تميم اللي انسدح وتغطى بضيق وخر خالد للغداء وهو بعد منضايق رجعت به الذاكره لقبل 5 سنين وهو اليوم اللي شاف فيه تميم وعرفه ( كان خالد جالس على الرصيف بضيقة الفقر وقلة الحيييله شاف واحد يمشي وهو كأنه ضااايع او فيه شيي وقف واتجهه له : يالاخو
لف تميم بشرود : تكلمني ؟! خالد: اييه فيك شي تحتاج مساعده اذ...
ما كمل خالد كلامه الا طاح تميم على الارض واغمى عليييه انفجع خالد وركض وهو يحاول يصحيه بس ما صحى سحب جواله ودق على الاسعاف اللي وصل واسعف تميم راح خالد معاه واستلم اغراضه ابتدا يفتش وشاف بطايق واسماء وفواتير ومن بينها اوراق مستشفى وهي عن وحده قطع عليه الدكتور اللي طلع : انت اخوه
تردد خالد شوي وقال: صاحبه وش صاير
الدكتور: مريضكم تعبان حيييل نفسيته مو طبيعيه يحتاج دكتور هو صار معاه مشاكل اخر فتره صح!!
خالد ما عرف وش يرد : ا ا والله هو كان مسافر يعني ماعندي خبر
الدكتور: مو مشكله الحين هو يرتاح وبعد شوي بيدخل الدكتور النفسي ي ليت تكون جنبه
خالد : اوك
دخل خالد عند تميم اللي كان ساااكن وواضح انه في مشاكل كثييره تنهد وجلس وكمل يفتش بأغراضه يبي يحصل اي شي يدله على اهله لكن ما حصل الا اوراق رسميه بتواقيع مناصب علياء  استغرب وحس فيه قصه نزل الاوراق وهو يسمع يهمس قرب وهو يبي يسمع وكان يهمس بأسم ( هند ) ويتكلم كلام مو مفهوم بس واضح ان القصه فيها غدر ابتعد وجلس وهو يفكر وش يسوي )
فز خالد من ذكراه على صرخت تميم لللي جلس وهو يتنفس بسرعه ركض خالد له : تمميم بسم الله عليييك فيك شي
حط يده تميم على راسه وهو يردد : ي ربيي حلم ي ربي حلم

حضنه خالد بفجعه: تمممييييييم فيك شي
لف تميم يناظر خالد وبهدووء وبعدها همس برعب : مو حلم مو حللللم  ي خالد مو حلم
حضننه خالد وهو يهديه وصار متعود على هالاشياء اللي تصير مع تميم انهار تميم وخالد يواسيه وبعد فتره نام تميم وبتعب ووقف خالد وطلع وهو مايدري وش يسوي عشان ينسي تميم الماضي ••••€
في الرياض في بيت ابو سلطان دخل سلطان بضيق : سلام عليكم
ام سلطان : عليكم للسلام
دخلت سميه بغضب: يممممه يممممه
لف سلطان : وش فيك تصارخييين
سميه : يممه بنتك هاذي لو ما تربينها ذبحتها وش قلت الحياء اللي عايشه فيها
سلطان: وش فييييك من مأذيك
سميه : هالزفت توليييين
نزلت تولين على الصراخ : احترمي نفسك ي سميه احسن لك
ام سلطان: وش فيكم تكلموا
سميه : قلة ادبها علي بنص الجامعه وتلفظت عليي
تولييين : ايه ايه بقل ادبي واتلفظ مو كل شي صار فينا بسببك وسبب وقاحتك تستاهلين مو انتي اللي طلعتي تميم من هالبيت تستاهلين
سكتها كف ام سلطان : سميه ما سوت شي اخوك اللي اختار طريقه وراح
طلعت تولين وهي تبكي وتصرخ: بتندمون صدقوني بتندمون
سلطان ركض وراها : توليين وقفي تولين
لف لسميه : لي معاك حساب خليني اخلص
ركض لغرفة تولين فتحها وشافها جالسه تبكي تقدم بتعب : تولييين وش صار ليش قلتي لها كذا وش اللي ذكرك
تولين لفت : عمري ما نسيت تميم عشان اتذكره كل ما شفتها يطري لي تميم مو قادره انسى الي سوته فيه وفي هند
سلطان قرب وهو يحضنها :معليش ربي بيسهلها كلها انتي لا تزعلين ولا تضيقين سامعتني لا تضيقين ان شاء لله بحصله وارجعه هنا
تولين لفت بفرح: صدق !
سلطان : ايييه بس ان شاء لله يرجع
تولين اترخت بضيق : بقولك شي
سلطان: وشو!؟
تولين بتردد: كلمت اليوم تميم وكان زعلان مره وقال انا مالي اهل لا تتصلين بي
انصدم سلطان: وشلون جبتي رقمه؟!
تولين : دورت عليه بالاتصالات لما حصلته ودقيت كنت مشتاقه له
تنهد سلطان وهو يمسح جبينه: عطيني طيب عشان اروح له
تولين سحبت جوالها واعطت سلطان الرقم وقف سلطان بهدوء وطلع وهو يراقب الرقم كثييير واتجهه لمكتبه ودخل دق على احد الحراس وقالهم يبحثون عن الموقع وطلع اتجهه لغرفه ودخل لجناحه وركضوا له عياله وهم يسلمون عليه لف يدور زوجته بس مع الاسف ما كان فيه الا المربيات تنهد ورجع يلعب معاهم •••€
عند سعود اللي طلع واتجهه لبيت تميم وشاف اطفال الحاره كالعاده متجمعين عند بيت تميم بس الغريب ان الباب مسكر تقدم : خير ي عيال ليش برا ؟!
عبد الصمد : ما ادري عمي تميم ما يفتح الباب
وائل: ندق بس محد فتح
قرب سعود وطلع مفتاحه: دقيقه بشوف اذا فيه او لا يعني غريبه مو فالبيت هالحزه
دخل سعود وهو يشوف البيت ظلاام اتجهه لغرفة تميم وخالد وفتحها وشافهم نايمين : غرييبه نايم تميم
توه بيلف الا فز خالد وهو يهمس :مين
لف سعود بأستغراب: خويلد وش فيكم نايمين هالوقت اقصد تميم والا انت ماعليك شرهه
زفر خالد بقهر وقام وهو يسحب سعود برا: تميم تعبان عشان كذا نايم
سعود : وش فيه
خالد: مسخن شوي وصدره تعبان
سعود : لا حوول من متى
خالد : من شوي كذا بالقوه نام
سعود : طيب هالبزران عند الباب شنسوي فيهم
خالد: يالليل الحين وش يفكنا الله يهدي تميم
سعود : بقولهم انه تعبان وبيروحون
خالد : اقول انثبر تبي الحاره كلها تجي

#رواية_أحبيني_بلا_عٌقد

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
توقعتكم
متابعة + تصويت للفصل + تعليق