رواية أحبيني بلا عقد للكاتبة أديم الراشد ..

رواية احبيني بلا عقد للكاتبة أديم الراشد .. البارت الثامن والاربعون

ـ
*. #البارت_ثمان_واربعون👇💙*

ناظرته ضي وهي تدفه بقوه : بعد عني
انسحب تميم وهو يسكر الباب ورجع لها : كيف السبرايز
ضي وقفت واتجهت له وهي تضربه بعصبيه: تستهبل وش تقول انت صااااحي الله ياخذك وش سويت وش سويييييييييت
تميم ثبتها وهو يقول : ابد نلعب لعبه
ضي: من قالك باللعب معك من قال
بكت وهي تبعد : حسبي لله علييييك حسبي لله علييييك
تميم: انتي ليش زعلانه ممكن  هذا تمهيد للجاي
لفت ضي بغضب وهي تركض بجهته لكن مسكها تميم صرخت وهي ترفس فيه: اي جاي ي متخلف الله ياخذك وياخذني وياخذ الساعه اللي عرفتك فيها
تميم جلس وهو يتكتف : اجلسي وفكري وش فايدتك من هاللعبه
ضي : لا تستفزني لا اقسم بالله اطلع وافضحك
تميم: تأكدي انك تفضحين نفسك قبلي
ضي: اسمعني ي متخلف تروح تقول لامي انه غلط وتفكني من ذا البلا
تميم : اروح بس بشرط
ضي : باقي تتشرط بااااقي فوق اللي سويته
تميم : اتوقع جاء دوري اني اخذ حقي
ضي : حق ايييييييش
تميم : اول شرط لسانك ذا تمسكينه وتحترميني ثاني شرط تصيرين انسانه سنعه وتتركين هند في حالها
ضي : بدري عليك من قالك بنتظرك تقول انا اروح واقول
تميم :الله معك
وصلت ضي الباب ورجعت بعد ما فكرت: وش الفايده من هاللعبه
تميم : فكري انتي
ضي : لا بفكر ولا شي الحين تروح تقول لامي
تميم : قلت لك شروط اول شي
ضي : اسمع اقسم بالله تندم ي تميم
تميم : براحتك انا مو هامني
ضي اناظرتها بطرف عين : وش مقصدك من هالكذبه
تميم : ابد بتسلى
ضي: شسويت لك عشان تسلى فيني
تميم: ما خليتي شي ما سويتيه
ضي :تميييم
ابتسم تميم : عيوونه
ضي: اقسم بالله اذبحك ي تميم
تميم : معك وقت ادق على امك واقولها الخبر مو صحيح او اسكت والله يجيب الطفل على خييير
ضي : متوقع مني اخضع لك
تميم: براحتك
رجعت ضي له : تميم لا تخرب كل شي
تميم : وش اللي ما اخربه
ضي : ياخي افهم انا ابي اي شي عشان اطلق وانت كذا تمنعني
تميم : امنعك ليش ؟!روحي وتطلقي
ضي جلست وهي تدري لو عاندت ما بيسمع لها : تميم الله يخليك اسمعني
تميم : اسمع
ضي: شوف لو جلسنا سنه وانا عندهم ما حملت الكل بيدا يتكلم ويتكلم عشان كذا اقول لو نقول يعني ان جيناتنا ما توافقت وان لو مدري وش يصير ما رح نجيب عيال وان جبنا معاقين وكل واحد يشوف طريقه
ضحك تميم وهو يصفق لها: خطه ذكيه ومحتمله لكن اذا وعدتيني تنفذين شروطي ابشري
ضي ناظرته بضيق :حرام عليك ياخي
تميم :من وقتك قبل ينتشر الخبر فالحاره
ضي من دون ماتحس : وعد خلاص
تمييم : وحلف
ضي : والله خلاص والله اسوي لللي تبي بس دق على امي
تميم : دام هاذي خطتك عندي لك حل اضمن
ضي : وشو
تميم : انتظري اسبوع
ضي: نععم
تميم : اصبري انتظري اسبوووع وبعدها نقول سقطتي ونسبة حملك بعدين ضعيفه ومنها تكمل بخطتك
ابتسمت ضي وهي تناظره : توعدني انك تمشي معي السالفه
تميم ( ما حب يظغط عليها بس بيمشيها معها ممكن احاولهم تتعدل قبل ): وعد
رجعت ضي لمكانها وهي مبسوووطه طلع تميم : كريمه جيبي لضي غداها هنا
تولين اللي كانت مره فرحانه: ايه ايه لا تتحرك
هند كانت تناظرهم بحقد واخذ تميم الصينيه من كريمه ودخل عند ضي
ضي: مالي نفس والله
تميم: بنت وش مالي نفس انتي تعبانه لازم تاكلين
ضي : وش قالوا لك في النتايج صدق
تميم : نزله معويه
ضي : ييووووه مالي نفس والله
تميم : ضي كلي
ضي: مابي اصلا امي اذا جت بتجيب اكل ومالي خلق ارفض
تميم : بكيفك اجل
ضي : بنام لا احد يزعجني
تميم : خذي راحتك بس هاه انتبهي لتصرفاتك لا تجيبين العيد
ضي : لا معليك وانت انتبه
طلع تميم وهو الموضوع عنده عادي مافرقت هند : خير وش فيها ضي ما اكلت
تميم جلس وهو يحط رجل على رجل : سلامتك مالها نفس تحس بغثيان ماتبي تاكل
هند : ما تشوف شر بس ياليت تنتبه على ولدها مثل الوليد يعني مايصير تجلس جوعانه
ضي اللي سمعتها ووقفت وطلعت مشت بشويش وجلست جنب تميم اللي ابتسم لها تميم : والله عاد حقها بيكون اكثر مثلك عارفه اني عطيتك من روحي روح ولكن النتيجه انك حرمتيني منها
ضي : ما عليه تميم مافي شي خساره على الوليد
تولين ناظرت تميم بصدمه وهي تأشر له يسكت طنش تميم : قلت لك مالك شغل الا في ولدك ما تطيعين وقلت لك خليك في نفسك مو من شغلك
تولين : تمييييم خلاص وش ذا
هند : لا براڤو ي تميم براڤو يجي منك اكثر
تميم : على الرحب والسعه
ضي اللي كانت بتنفجر ودهاا تتكلم بس وعدها وحلفها مخليها ساكته
تولين : تمييييم ما معك حق ابدا وتراكم مره زودتوها عليها ولا تنسى ان ابوي هو اللي ضغط عليها
تميم بهدوء : ضغط علي قبلها  4 سنين وما تركتها بالعكس داريتها
تولين : هي مالها سند
تميم : واوو على اساس انا اللي كان لي نصييير هند كنت انا اكبر سند وماهتمت لي كان فيها تنتظرني تدق علي تبلغني وانا ما غيرت رقمي عشانها مع ذلك ما طاعت
تولين : انت خلاص نسيت اللي راح وعشت ليش ترجع تقسى وتكرر اللي صار
وقف تميم وصرخ : انا ما نسييت ما نسيييت بس تناسسييت عشان اعيييش لاني لو ما تناسيييت ما تقبلت ولا واحد فييييكم ولا واحد ولا لكم اي حق ولا اي سُلطه عشان تحاسبوني على كلامي وافعالي مهما كنتوا مظلوميييين محد فيكم انظلم مثلي ولا تألم مثلي ولا عاش جسد بس لا انتي ولا هند ولا هالدنيا تقدر تحاسبني ولا بعتذر من اي احد الا نفسي شي واحد مخليني متقبل هالعيشه شي واحد هو الوليد احاول قد ما اقدر ارتب له حياه افضل من حياتي واعتذر له
جمدوا الكل ولا احد قدر يتكلم او حتى يبرر انسحبت تولين وهي تبكي اما هند سكرت غرفتها وهي تبكي بعد ولا بقى الا ضي وتميم
ضي وقفت بخوف : تميم هدي ما ....
لف تميم بغضب وهو يهمس : ولا كلمه ماني محتاج مواساة احد وتبين تروحين هذا الباب توكلي على الله الحين ادق على امك وانفي الخبر ونقول انه غلط ونتطلق وانتهى .
طلع وتركها واقفه بصدمه في مكانها انقهرت من ان هاوشها وهي مالها دخل بس قررت انها تصبر عشان تروح بعذر مقنع ولا يرجعها ابوها دخلت نهي تصفق باب الغرفه بغضب
اما تميم اللي طلع وهو مايدري وين يروووح فعلا اختنق ولا عاد يبي اي احد راح لمكان بعييد وجلس وهو كل ذكرى سيئه تمر على باله •€€
اليوم الثاني رجع تميم للبيت العصر وما شاف احد كان متوقع ان الكل زعلان ومتأكد ان ضي راحت لبيت ابوها دخل وهو يفك ازرار ثوبه بضيق لف بسرعه لما انتبه لوجود احد شاف ضي جالسه كعادتها على الجوال واول ماشافته وقفت : تميم انشغلنا عليك
ناظرها بتمعن وانسحب وتركها وهو ماهو مستوعب كيف جلست بس عرف من يوم قالت : ترا ما قلت لامي شي وبروح لهم العصر
مارد تميم وهو ينزل ثوبه ودخل الحمام وضي تناظره بقهر رجعت لجوالها وهي تتكمل رسالتها مع صاحب الرقم المجهول ( وش تعرف عن امي على قولتك)
الشخص ( امك عايشه وهي تدور لك من زمان قالوا لها انك ممت بس احساسها يقول انك حي ومن فتره عرفنا انك حي تميم الله يخليك لازم تشوفها مسكينه انهد حيلها عليك )
ضي بتفكير ( اذا هي امي فعلا تجيني )
الشخص ( لبيتك؟! )
ضي( ايه وتجيب معها اللي يثبت كلامها)
الشخص ( بس انت تعرف ان ابوووك ما ترك لها دليل)
ضي( ماهي مشكلتي )
قفلت الجوال وهي ما تردي وش تسوي بس انها تبي تجمع تميم بأمه طلع تميم وراح لسرير وهو ينسدح بتعب وهو ماسك صدره
ضي : تميم يوجعك شي
تميم : ممكن تسكتين
ضي : طيب انا ما قلت شي معك حق بكل اللي قلته بس انا مالي ذنب
تميم : خلصنا !
ضي : براحتك بس ما قلت لي كيف بندبر كذبت التسقيط
تميم لف يناظرها: هذا اللي همك يعني
ضي : وش بيهمني غيره
تميم : لا تشوشرين عقلي وخليك بحالك حزتها انا اقولك وش تسوين وحطي في بالك انك طول هالاسبوع تعبانه ومعاك نزيف
ضي نطت عنده: شلون يعني فهمني
تميم سحب جوالها وضي وقف قلبها دخل قوقل وهو يبحث لها وعاطها : اقري هنا ولا تزعجيني
صد وهو يتلحف وضي زفرت براحه واخذت الجوال وراحت تقراء وش بتسوي •••€
وبعد اسببوع مر بسرعة البوق تحديدا الساعه 9:00 بعد ما الدنيا هدت وافترق كل اللي في بيت تميم ..

#رواية_أحبيني_بلا_عقد..
لاتنسوووا التصوويت والتعليق على الرواية ...
تفاعلكم مع الرواية يهمنا ...