رواية أحبيني بلا عقد للكاتبة أديم الراشد ..

البارت العاشر من رواية أحبيني بلا عقد للكاتبة أديم الراشد

ـ
*. #البارت_العاشر👇💙*

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

.
تولين ( زين مسافة الطريق وانا جايه )
سعود ( ي احلى من حضر والله )
ضحكت تولين وهي تسكر الجوال وتنهدت وهي تقول ( يارب اذا  فيه شر لي اصرفه عني واصرفني عنه ) •••€
عند ضي اللي كانت جالسه على الفطور بسكون وتفكر هل ممكن تميم يفضحها عند سعود او عرفها اولا لا صحت على صوت ابوها: انتي وش بلاك وش بك كذا هاااه
ضي رفعت راسها بخوف : وش فيني يبه
ابو سعود : وش ذا الحال قومي لا تستسلمين للمرض
ضي : اي يبه
ابو سعود : ايه وشو
بلعت ريقها ضي: بقوم
ام سعود : ي ابن الحلال وش فيك على البنت
ابو سعود : انا محب الانسان الضعيف اللي يطيح لكل شي
ضي وقفت وهي تنزل اللي بيدها وطلعت دخلت الغرفه : يعني شسوي اموت اموت يالله بس
راحت لشباك وجلست وهي تشوف الاطفال متجمعين عند بيت تميم وشافت خالد واقف وهو متكتف : اقولكم سافر وش بكم
وائل : انت ددايم تكذب
خالد: ليش بكذب عليييكم يعني تميم سافر
مسعود : ندخل نشوف
ابتعد خالد :  ادخل ادخل
دخلوا وجلس خالد وهو يحرك كوب الشاهي بضحكه : هاه لقيتوا
وائل : ليش سافر
خالد: عنده شغل
مسعود : متى يجي
خالد: مدري
لفو بيروحون بس ضحك خالد :تعالوا تعالوا صح سافر بس مصروفكم فيه تعالو
طلع خالد من جيبه فلوس وابتداء يوزع للاطفال اللي سرعان ما تبدل ضيقهم بفرح وابتعدو وهم يضحكون ضحك خالد وهو يقول : الله يسعدك ي تميم مثل ما اسعدتهم
دخل وسكر الباب وضي تناظره بهدوء : هالتميم مدري ليش يسوي كذا نفسي اعرف نفسي ووف ناقصني انا وبعدين وين رايح الله يستر بس
•••€
عند سعود اللي كان جالس بالكوفي وهو يراقب اي وحده تجي وعيونه تدور لتولين بحمااس وحب وتوتر لف او ما حس بصوتها تقول :تدور علي
لف بقوه وهو فرحان : مو بس انا ادور قلبي بعد يدور عليك
ضحكت تولين وراحت جلست بعييد بالطاوله اللي قباله وتنح سعود : ليشش!!
تولين اخذت جوالها وهي تدق على جواله رد بسرعه: انهبلتي
تولين : اخاف احد يعرفني واروح فيها
ارتاح سعود : وش تشربين طيب
تولين : ولا شي بس بناظرك
ضحك سعود : كذا احسن يااااه ي تولين والله تغيرتي عن قبل
تولين : شلون يعني
سعود : مدري بس تغيرتي
تولين : انت كذاب اصلا ولا مره شفتني الا بعبايه وش التغير اللي صار
سعود:ههههههههههههههههه طيب اسمعيني فيه شي بقولك اياه
تولين :هههههههههه كالعاده بتقول احبك
سعود : ايه احبك بس فيه غيرها
ضحكت تولين : وشو طيب ؟
سعود : جاء الوقت اللي انا فعلا بقول فيه خلينا نتزوج ي تولين والله ماعدت قادر اصبر اكثر
انصدمت تولين من طلبه وتجمدت صحت على صوته : تولين معي
لفت عنه وهي تقول : وشو
سعود : تزوجيني !
تولين بخوف ( والله ماتعرف انا بنت مين ولا تقول انقلعي)
سعود : تولين وش فيك
تولين : ولا شي بس يعني
سعود : بس ايش
تولين : ابوي ما بيوافق
سعود :ليش ؟
تولين بتردد : لانه ... ماجد المشرف
سعود : اييييييييش ؟؟!
تولين توترت وخافت : ايه
سعود : تولين لا تستهبلييين
تولين : والله ما استهبل
نزل جواله سعود بصدمه وهو يناظرها ( شلون يعني اخت تميم شلوووورن شلوون وش ذا الصدف ي ربي وش ذا ) ••••€
عند نجوى اللي جلست وهي متردده رفعت الرقم وهي تناظره وقررت تبدا تجربتها ويمكن تصيب سجلت الرقم ودقت وهي مع كل دقه قلبها يضرب
وجاها الصوت : الوو
نجوى: خالي تميم !!
خالد: : هاه
نجوى: اقصد هذا رقم بيت تميم المشرف
خالد بهدوء : تميم مو موجود
نجوى: متى يرجع
خالد: مدري
نجوى: اسفه على الازعاج
خالد بهدوء: من اقوله
نجوى بحده : مجهوله
قفلت الجوال : وش ذا اللقافه وجع اااخ بس ي خالي تميم
خالد: وجععععععع ي همجيه الواحد يرد زيييين عمى بعينها اصلا شكل ما عاد لي شغل غيرهم •••€
عند تميم اللي اوجعه قلبه لما قال زياد: جهز نفسك نعتبر وصلنا باقي ربع ساعه
حط يده على قلبه وغمض ( ي رب ساعدني ي رب )
بعد نص ساعه وقفوا قبال البيت اللي كان بسسسييييط حس رجوله ثقيله ماقدر يتقدم حس بزياد اللي قرب وهو يخبط على كتفه: ان شاء الله بتكون بسيطه
تنهد تميم وتقدم برعب وهو كأنه رايح لموته فتح الباب زياد واول ما انفتح جاء الوليد يركض :عمو زياد
غمض تميم بقوووه وهو يتمنى انه بحلم  حضن زياد الوليد وهو يبوسه
زياد : الوليد سلم على بابا
الوليد ناظره بأستغراب :مييين !
تميم اللي اول ماسمع صوته تجمعت دموعه بعييينه اوجعه قلبه ولا عرف وش يقول وكأنه عمره ما عرف يتكلم جلس وهو مهدود حييييييله يناظر الوليد
زياد : الوليد حبيبي مو قلت لك بابا مسافر هذا هو
الوليد اللي خاف من حالة تميم وتخبى ورى زياد جلس زياد وهو يحاول انه يهدي تميم وبعد فتره هدى تميم وجلس على اقرب كرسي وهو يمسح دموعه رغم انه تعامل مع كل اعمار الاطفال اليوم ماقدر يتعامل مع ولده اخذ نفس وهو يقول بصعوبه : بابا تعال سلم عليي
انتهى كلامه لكن ألجمه دخول هند اللي جات وهي تقول : زياد وش فيكم للحين عند ال....... شهقت وهي تحط يدها على فمها برعب وهمست :تمي.... انقطع كلامها لما طاحت وهي مغمى عليها ركض زياد بخوف وهو يناديها : هننند هنننند
تميم اللي كانت صدماته ورى بعض وعجز يقوم يساعدها كان يسمعهم ينادونها ويسمع الوليد يبكي بس يحس نفسه مشلول
صحت هند بعد 10 دقايق وهي تبكي : وش جاابه ي زياد وش جابه
زياد : انا جبته انا
سحر: ليييش ي زيااااد لييييش
هند انهارت تبكي وهي تردد : بياخذ ولدي لا ياخذه ي زياد لا ياخذه
زياد : مابياخذه مابياخذه هدي خلينا نتفاهم
الوليد وهو يبكي :ماما الله يخليك لا تتعبين
عند حضنته وهي تراقب تميم اللي جالس وهو منزل راسه وواضح انه مصدوم
وقف زياد بعد ماتطمن على هند ولف وهو يقول : تميم ادخل المجلس
بالقوه وقف تميم واسرع له زياد وهو يسنده وجلس بالمجلس وهو يسمع كلامهم وعتبهم لزياد
هند : زيااد ليش رحت ما قلت لي ليييش
زياد : هند تميم مايدري بولده كيف قلتي انه هو اللي تركك
بكت هند : من عطاك الاذن تتصرف بحياتي وحياة ولدي
صرخ زياد: الوليد مسؤليتنا كلنا ومن اليوم مابيجلس كذا ضايع من دون اب صار الوقت اللي ابوه يهتم فيييه
هند كانت تبكي وسحر تبكي لف زياد واخذ الوليد اللي كان ميت بكى ودخل وهو ماسكه : تميم خذ ولدك اجلس معه وطمنه
تميم بتعب : زياد عطيني مويه لاهنت
راح زياد وجاب مويه وبعدها هدى تميم ووقف وهو يتجهه للوليد اللي كان جالس على الارض ويبكي مد يده وهي ترجف وقفه وهو يحضنه بهدوء وانهار يبكي ماكان يدري وش يقول غير انه قال: لا تخاف انا هنا لا تخاف
ابتعد الوليد من بين يده وهو يبكي وركض لهند جلس تميم بضعف وجاء زياد : معليش ي تميم هو بعد خاف
تميم مسك راسه بضيق : انا مو فاهم شي مو فاهم  زياد : لو تتكلم مع هند بيكون احسن
تميم ضرب صدره بقههههر :ااااااااخ من هند اااااخ
زياد راح لهند : هند محد فينا فاهم لو سمحتي اشرحي
هند وهي منهاره بكي : ما رح اشرح وطلعه من هنا
زياد :هند ضروري تشرحييين عشان ولدك اقل شي ي هند تميم ططيب لا تخسرين كل شي واشرحي يمكن فيه حل
سحر : هند وش السالفه
وقفت هند لما اصر زياد على جيتها واتجهت للمجلس وهي تبكي وقفت وهي تناظر تميم اللي جالس وكان هزييييل الجسم ومتغير وواضح عليه الصدمه والذهول رفع راسه لما حس فيه احد وقف يناظرها بصدمه : ليش كل هذا ي هند ليييييش وش ذا اللي صاير
زياد : تميم اجلس وافهم
هند جلست بتعب : تميم اطلع من حياتي !!
رفع راسه تميم بصدمه وصرخ وهو يقول : على اي اساس اطلع على اي اساس قولي لي الحييين بتشرحيييين كل شي
هند هي تشهق: اقولك اطلع لا تهدم حييييياتي وحياتك
ضحك تميم يضعف: ماهي انهدمت من خمس سنين وانتهت ابي بس عذر واحد واااحد عن كل هذا من عطاك الحق تكذبييين وتقولين اني ولدي مات كنتي تقدرين تقولين ي زفت ي تميم مابييييك ما كان له  داعي كل هذا
هند وهي تبكي بصوت مرتفع

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

.
#رواية_أحبيني_بلا_عقد