رواية أحبيني بلا عقد للكاتبة أديم الراشد ..

رواية احبيني بلا عقد للكاتبة أديم الراشد .. البارت الواحد والاربعون

ـ
*. #البارت_واحد_واربعون👇💙*

وقطع الصمت الصعب دق الباب وكان الوليد: بابا بنام عندك
تميم تكلم : ادخل ي بابا
دخل الوليد وقفل الباب ركض لتميم اللي رفع اللحاف وانسدح بحضنه وهو يضحك على ضي اللي عفست وجهها من المذاكره
تميم ضحك عليه شلون يحرها ولف وجهه عنها: نام ولاا تشاغب والا اخليك تروح تنام برا
الوليد : خلاص خلاص
مرت ساعتييين وضي ماهي قادره تحدد شي تقراه ولا تدري من وين تبتدي اما الوليد اللي نام وتميم بعد
وقفت بضيق وراحت لجهة تميم ونزلت وهي تناديه وهزت كتفه صحى تميم وهو مقطب حواجبه : وش فيك !
ضي وهي جالسه قبال وجهه : اسمع والله ما عرفت اذاكر ولا عمري ذاكرت ماعرفت من وين ابتدي ي تساعدني او كنسل اللي في راسك
تميم : كيف ما عمرك ذاكرتي
ضي : يعني 13 سنه غش بغش
انجلط تميم وهو يناظرها بذهول : انتي مزحه ي بنت انتي في كوكب ثاني
ضي : يوووه لا تسوي منصدم والولد المثالي هاذي حياتي عاد
جلس تميم بصعوبه وهو ماسك صدره : جيبي كتابك وتعالي
ضي : نحاسه ي ربي نحاسه تنازل وريحنا
تميم : شوفي مابي اتكلم كثير جيبي الكتاب او تعالي انتي
ارتجفت ضي بفجعه وراحت تجيب الكتاب ومدته وجلست ناظرها تميم :تذاكرين بالكتاب كذا
ضي : ليه من وين اذاكر
ضربها تميم بالكتاب بشويش :قومي جيبي دفتر وقلم
قامت وجات اعطته اخذها تميم وجلس يلخص المهم وبعدها ابتداء مع ضي في معاناة الحفظ وبالقوه خلص فصل معها
رمى الورقه بتعب : تدرين اني كنت اخلص الكتاب كله بهالوقت اللي اخذتيه عشان فصل
ضي صفقت بضيق : ماشاء الله انت مافيه مثلك بسم لله حولك وحواليك لكن بقولك شي انا لو نفسيه مثلك بخلص مجلدات مو كتاب
رفسها تميم بمزح وطاحت ورمى كتابها عليها : اجل ذاكري بلحالك ي الواو يالفله
ضي وقفت وهي ترقع: امزح معك بس مليت وتعبت خله بكره نكمل
تميم : انخمدي عليتي قلبي
نطت ضي بفرح : بنخمد جعل ما ينخمد غيري
ضحك تميم بتعب وعلى طول نام وضي بعد ••••€
عندد خالد اللي كان جالس بخوف وهو يراقب سعود : احس تميم رجع له تعبه
سعود : بس ي خالد جبت لي العله قلت لك مافيه شي انا فتشت ملفه زين
خالد: طيب ليه كلمه الدكتور لحاله
سعود : قالك يبي واسطه
خالد: قلبي مو مطمن
سعود : طيب عشان ترتاح لخلي تولين تفتش غرفته اذا حصلت ادويه تقولي
لف خالد بصدمه: تكلمها وهي بييت تميم
سعود : شسوي ياخي مقدر ما اكلمها
خالد بعصبيه: شفت ناس وقحه مثلك ما شفت انت ما تستحي ما تنتخي
سعود : انا ماغلطت بشي
خالد: اقولك اسمعني زين اقسم بالله لو ما تترك هالهبل لقول لتميم
سعود : بتفشي سري
خالد: ايييه اذا بتخون بفشيه
سعود : وش اخون وش تقول انت
خالد: تكلم اخت صاحبك وتقول مو خيانه يكفي انك كسرت ثقته
سعود : خلااص عاد
خالد : انا ما امزح ي سعود
وقف سعود بضيق وطلع وطنشه اما خالد اللي ارتمى بخوف وهو يدعي ان تميم مافيه شي
••••€
ومن في بيت تميم كان تميم جالس بالصاله هو والوليد ويتابعون افلام كرتون لف على صوت هند : تميم كيفك اليوم
ابتسم تميم بسماحه: حمدلله انا بخير ما دمتوا بخير
هند : فطرت
تميم بدون ما يناظرها: ايه ايه فطرنا
هند : ما قالوا لك زياد متى بيجي
تميم :قال اليوم بس مدري متى بالظبط
قطعت عليهم ضي اللي كانت لابسه العبايه وجايه : انا رايحه لاهلي
لف تميم لها : نعم
ضي: بروح لامي ساعه وارجع فيه مانع
ابتسم تميم : ربع ساعه
ضي : لا والله
تميم : براحتك انتي ابخص
ضي فهمت اشارته وتهديده لها وانتبهت لهند ابتسمت بكبرياء وقربت وهي تجي بجنبه : افا ي تميمي ربع ساعه ما تسوي شي
تميم رفع حواجبه باعجاب : لا تنسين وراك اختبار وكل شي من وقتك والتسميع المغرب
ضي قربت وهي تهمس في اذنه : هيه بلا نذاله كلها ربع ساعه وبرجع باخذ باقي ملخصاتي واتقهوى مع امي واجي ترا بدت تضيق عشان ما اجيهم
ابتعدت وهي تضحك بخجل متصنع وتميم ابتسم وهو يناظرها : زين خلصي وتعالي لاني بنشغل اذا جو الضيوف
وقفت ضي وهي تقرص خده وكل هذا لعانه في هند وتميم شايف انفجرت هند اللي عجزت تتحمل : تمييييم فيه طفل
ضحك تميم وهو يبوس الوليد: اوووه ي ماما الوليد صار رجال والا ي الوليد
الوليد : اللي كان مركز مع التي ڤي قال بتسليك : ايوه ايوه
طلعت ضي وهي تتمخطر وتحركت هند بغضب وهي تصرخ : كرييييمه
طلعت تولين على صراخها: وش فيك
طنشتها هند وكملت طريقها للمطبخ تولين : وش فيها
تميم : ضراير
ضحكت تولين وجت تجلس جنبه : وش صار
لف تميم لها بتمعن : ذاكرتي
زفرت تولين بضيق : يعني نص الكتاب
تميم : افطري وارجعي كمليه يلا
تولين : نحييييس
ضربها تميم بخفه : خلصيني
وقفت تولين لكن الباب دق ووقف تميم بفتحه ومعاه الوليد وكان سحر وزياد
تميم : يا هلا والله
الوليد صرخ بحماس : عمو زياد
حضن زياد اللي رفعه وهو يبوسه بشووق وبعدها نط لسحر اللي حضنته هي بعدها قرب زياد يسلم على تميم اللي استقبلهم بكل بشاشه تدل على روحه الطيبه والمسالمه
دخلو واتجهت سحر لهند وهي تحضنها بشوق اما تولين اللي على طول انسحبت لغرفتها ولا حبت تتواجه مع سحر
••••€
عند ضي اللي اول ما طلعت شافت سحر وزياد ومرت وهي حايمه كبدها منهم ودخلت للبيت اهلها وهي تصرخ: يا اهل البييييييت
نوره : هلا ي قاطعه تزوجت ونستنا
ضي :هههههههههههههه
ام سعود :هلا يمه هلا وينك عاطه
سلمت ضي ولفت على سعود اللي سحبها من طرحتها وهو يسلم عليها : اهلا اهلا بالمجرمه
بلعت ضي ريقها بخوف : هلا سعود
ام سعود : ليش وش مسويه بعد
سعود : لا بس تميم معاد نشوفه !
ضحكت امه: وهي بعد ما نشوفها
ضي جلست بترقيع: جالسه اذاكر يمه للاختبارات
شهقوا كلهم وهو يناظرونها: تذاكرين
ضي تكتف بأستهزاء : بركات تميم
سعود انفجر ضحككك وهو يخبطها على كتفها: افاااااااا ي زقرت صرت ترضى بالامر الواقع
ضي دفت يده بعربجه وهي تسوي دلوعه : لا تخبطني كذا توجعني وبعدين وش ذا الكلام السوقي
طارت عيون سعود وجلست نوره بصدمه: ليتني دااااااااريه كان من زمان مزوجينك
ام سعود بصدمه: الله الله يعطي تميم العافيه دامه غيرك
ضي (والله لو تدرون اني مهدده منه الكلب بس) : ماعلينا يمه ليش ما تجين عندي
ام سعود : والله يمه ما ودي اضيق على تميم واخته وزوجته
ضي : ما معك حق يمه حرام والله عليك وش بيقولون علي اهلها مايدرون عنها
نوره: ي بنتي البيت مو لك لحالك ونخاف نسبب لك مشاكل مع زوجة تميم
ضي : اوووف زوجة تميم وزرجة تميم بالطقاق شسوي لها انا البيت بيتي بعد تجون باي وقت وتروحون وقت ما تبون والله لو ما تزوروني لزعل تبون تشمتونها فيني
سعود ناظرها بشك: لا يكون قايمه حرب بينكم
ضي ابتسمت بتسليك : حبيبي سعود وش رايك يعني
سعود: بنت انتي صاحيه هاذي مسكينه ومعاقه لا تجرحينها حرام
ضي : وش اللي لا تجرحينها انا ما تكلمت في اعاقتها وبعدين انت المسكين ي حبيبي هاذي حييييييييييييييه بسبع روس
كلهم ناظروا في بعض بأستغراب من كرهها لهند وحقدها وعليها لكن ارتاحوا لان هذا يدل انها حابه تميم وتغار عليه
•••€
عند هند وسحر اللي كانوا جالسين وبعد مده سلام كفيله بشرح الشوق
سحر: قولي لي كيفك كيف تميم معك وهالزفت زوجته
هند تنهدت : تمييييم ااااه ي تميم اااااه
سحر : وش فيييك
هند : تصرفاته بارده بس وش تبين وش تامرين وكيفك بس ولا كأني زوجته
سحر : وكيف زوجته
هند : اسكتي حيييه حييييييه لسانها بسبع اشبار واللي يقهر ان تميم معطيها على جوها ورايح معها مويييييييييييه تخيلي اول مايجي على طول لغرفه ولا يطلع اذا طلعت او طلع يتشمى بالبيت ورجع وكل شي تبيه بهمسه اذن يتم ولا امس تخيلي طاح علينا وانا متاكده ان هي السبب واخذوه المستشفى وكلنا على اعصابنا ووهي ما فكرت جالسه بغرفتها ولما جاء يادوب عطانا اجابات مختصره ودخل عندها وهيرما كلفت نفسها تقول كيفك شخبارك ولا مخليته يذاكر لها ساحرته ي بنت ساحرته
سحر: اهئئئ حسبي الله عليها
هند : لا كله كوم ولما تجلس تتلصق فيه قدامنا وهو شاق الكشره وحتى ناسي ان وليد فيه ..

#رواية_أحبيني_بلا_عقد..
لاتنسوووا التصوويت والتعليق على الرواية ...
تفاعلكم مع الرواية يهمنا ...