رواية أحبيني بلا عقد للكاتبة أديم الراشد ..

البارت التاسع والعشرون من رواية أحبيني بلا عقد للكاتبة أديم الراشد

ـ
*. #البارت_تاسع_وعشرون👇💙*

لف يناظرها : لا حول الله لا والله كدينا خير دام هاذي النومه
وقف وهو يلحفها عن المكيف دخل الحمام واخذ شور ولبس وطلع راح لهند والوليد شافهم نايمين راح المطبخ وهو يقول : كريمه اذا صحت هند وضي قولي طيب
كريمه : طيب
طلع واتجهه لبيت خالد دق الباب وجاه صوت خالد : ادخل الباب مفتوح
دخل تميم مستغرب : وش فيك مخلي الباب مفتوح
خالد: هذا انت على بالي وائل ارسلته يجيب لي اغراض من البقاله
تميم : اييه الا على الطاري وش اخبارهم
خالد: اووه حمدلله من بعد هالجمعيه اللي صايره بالحاره والكل احوالهم تمام والله يكتب اجرك
تميم : الحمدلله .. الا تعال سعود وش عنده بالرياض
خالد تنح وبعدها قال: مؤتمر
تميم : ياخي مؤتمراته ما عمرها مرت علي وانا استشاري عاد مو دكتور
خالد تورط لكن تذكر وقال : مو انت حاظر من جدولك مؤتمرات الرياض
تميم : ايييييه ايييييه يلا الله يوفقه
خالد: وش صار معك انت كيف امورك
ضحك تميم: عادي واقل جدا من عادي تقدر تقول كل واحد عارف حدوده وجالس
خالد : اخبارك مع اخت سعود تراه مره شايل همكم
تميم: ليش
خالد : يعني يقول ان اختي طويلة لسانه وخبله
ضحك تميم : يعني شويتين بس مسيطرين على وضعنا
خالد:وهند متقبله زواجك
تميم رجع لورا وهو يمسح جبينه: هند اللي انا مدري وش نهايتنا
خالد: ياخي انا مو فاهم اي شي لاخر ييييوم كنت متعلق فيها لدرجة تشوفها فأحلامك وش اللي تغير الحيييين وصرت معاد تبيها
تميم : مدري ي خالد اشياء داخلي توجعني اذا تذكرت اللي هي سوته
خالد: لا تنسى انها مجبره من ابوك
تميم : ياخي ماعدت اعرف عدوي من صديقي لكن اللي متأكد منه ان هند ما صارت تعني لي الا شي واحد وهو انها ام الوليد وهذا هو الرابط
خالد : الله يعينك ياخي .. طيب ضي عارضت على وجودها
تميم : ابدا ولا اصلا فكرت وهذا هي مالها شغل الا بالوليد تلعب معاه وماخذه عليه حيل
خالد : زين هاذي نقطه مهمه تخدمك مستقبلا
تميم : ايه
قطع عليهم دخول سعود الهادي : سلا..تميم
ابتسم تميم وهو يقوم يسلم عليه : هلا هلا ب راعي المؤتمرات
تغيرت ملامح سعود وضاق كثير : هلا فيييك
تميم : فيك شي
سعود : لا بس تعب سفر
تميم :ماجور
سعود : متى جيت
تميم : الظهر
سعود : شخبار ضي اكيد فاقعة قلبك
تميم ضحك وهو يسكر عينه بخفه : شويات
سعود : ما اقول الا الله من سابع سما يعينك
تو تميم بيتكلم الا اتصلت فيه كريمه وقالت له ان الوليد صحى بلحاله
تميم : اجل انا رايح اشوفكم على خير
خالد: الله معك
طلع تميم وجلس سعود بضيق وقرب خالد : خير وش فيك وش صار ليش وجهك كذا
سعود ناظره بشرود وابتداء يشرح له السالفه انفجع خالد وصرخ فيه : انت غبي
سعود : خالد دور غير ذا الكلمه
خالد : الا والله غبييييي خييير تستهبل كان تركته ورجعت مره واثنين وثلاثه لكن لا تهدد
سعود صرخ فيه : تبيه يهيني واسكت ي خالدد معصي
خالد :ي انسان هذا ما رحم عياله اللي من لحمه ودمه يرحمك انت يا الغريب وبعدين على اي اساس تهدده تحت اي دليل قلي
سعود بهدوء : تميم
خالد بهمس : نعم وش تفضلت وش دخل تميم
سعود : بكلمه واشرح له كل شي وهو اللي بيساعدني وحسب ما سمعت انه يغلي تولين حيل
خالد : انت هيييه انخبلت فعقلك انجنيييت سعود ما هتميت لنفسك بالطقاق لكن تذكر وراك اهل هالزفت يقدر يلوي ذراعك فيهم اقل شي يسلط عليهم من لا يخاف الله فيهم
سعود :ما يقدر !
خالد: وش اللي يثبت لك انه ما يقدر وانه مايقدر بقرار واحد يطيرك من وظيفتك واجلس طر بالشوارع
سعود :قلت لك تميم بيساعدني
اختنق خالد ووقف وهو يهوي نفسه : سعود ناظرني زييين تميم اذا عرف كل اللي بيسويه لك انه يتوطى في بطنك ويدفنك حي انت وتولين مع بعض
سعود : من قالك اني بقوله الحقيقه بحاول ازيف شي من هنا ولا هنا
خالد : سعود لا تنسى ان تميم شاك بروحات لرياض وجياتك واذا كلمته صدقني بتصير مصايب
سعود :خلها علي
طلع سعود وترك خالد وراه مفجوع ومصدوم : حشى ي ربي انجن انجن حسبي لله عليهم
اما سعود اللي كان صامل على الفكره لكن ما يدري كيف يفتح مع تميم الموضوع ••••€
تميم اللي دخل البيت وشاف الوليد صاحي راح جلسس وهو يحضنه: صح النوم ي بابا
الوليد ماعرف وش يرد وجلس يناظر تميم لكن قبل يتكلم جاء صوت هند : قول صح بدنك ي بابا
الوليد : صح بدنك بابا
ابتسم تميم ولف لهند : كيفك
هند :حمدلله وين كنت
ناظرها تميم شوي وبعدها قال : قريب
جات ضي وارتمت بالكنبه وهي تنسدح : هي وحده من الاثنين ي اني صايره مفجوعه اكل يا اني فيني دوده مو قادره اشبع تميم شف لي حل
تميم : والله مو منك من الحرب اللي تسوينها بالسرير
تميم قال كلامه بسرعه وهو يقصد ان حركتها كثيره وترفس لكن هند وضي فهموا غلط وانحبست الانفاس والكل سكت انتبه تميم للهدوء ورفع راسه شاف ضي تناظره بصدمه رجع يدقق في كلامه وانتبه وقال بسرعه : وش ذا الترفيس كسرتيني الله يسامحك والله ولا خالد
زفروا الكل براحهه وعرق تميم وردت ضي تبي تغير الجو : لا تكذب انت اللي ترفس
تميم بصدمه:انا !
ضي: ايه
تميم : زين ي ضي زين انا اللي ارفس
ضي انتبهت لرساله بجوالها ورمته بضيقق : يوه
تميم : خير! وش فيك
ضي : ترا ابي عذر عشان الجامعه غياب اسبوع
تميم : زين خلاص اسوي لك عذر وتاخذينه بكره
ضي : من قالك بداوم بكره
تميم :ومتى تحبين تداومين ي برنسيسه
ضي : يعني يومين كذا
تميم : يومين وش سنعهم ذول
ضي : كذا ابي ارتاح
تميم : وش ترتاحين من ي ستي
ضي : برتاح انت وش تبي
تميم : اقولك اسمعيني كل شي الا مستقبلك ودراستك طيب ولا تفكرين انك تزوجتي بتسحبين على ام الدنيا بكره بتداومين والعذر بينطبع ولا تنسين ان الاختبارات باقي عليها اسبوع وهذا يبي شدة حيل
ضي ابتسمت بتسليك: ماشاء الله وانت من عطاك الضوء الاخضر في التحكم بمستقبلي
قطعت كلام تميم هند: تميم يبي مصلحتك ونصيحه مني انتبهي لدراستك
ضي ناظرتها بهدوء وبعدها قالت : مشكوره بس هذا مستقبلي وانا حره
هند : براحتك
ضي ( خييير وش دخلها الله من اللقافه ) تميم قال بيحسم الموضوع: عالعموم نتفاهم شوي
ضي تكتفت : ايه شوي
وقف تميم وراح للجهاز وجلس يطبع لها اعذار ويرتب لها وضي جالسه تتابع مسلسلها بالصاله  وجاء الوليد : وش تشوفين
ضي: مسلسل
الوليد : بشوف معك عادي
ضي : ايه تعال
هند : لاااا لا تخلينه يشوف هالمسلسلات السامجه الوليد تعال هنا
الوليد : ماما بشووووف
ضي: بعديها اذا صار شي ماتبينه يشوفه
هند : ضي لا  تخربينه علي
ضي :الوليد حبيبي روح
الوليد بكى : بس ي ماما بشوف انا طفشان
هند صرخت فيه : بس مافيه تشوف ويلا للغرفه
جاء تميم على صوته: الوليد وش فييك ي بابا
هند : تميم يا ليت تكلم ضي انها ما تخليه يشوف المسلسلات الضايعه وتخرب علي الولد
ضي : هو ماشافها !! وبعدين خربته بأيش
تميم : احد يفهمني اللي صار
تو ضي بتشرح بس قالت هند :ضي تاركه الوليد يشوف مسلسل معاها وهالمسلسل مايصير يشوفونه صغار
ضي طارت عيونه وبحركه عفويه مدت يدها ولفت وجهه تميم لها :وربي ما تركته يشوف شي جاء لي وقال بشوف معاك وقلت تعال بس ماشاف شي
تميم ناظرها بهدوء : المفروض من نفسك ما تنادينه
ضي : تميم بعقلك يعني لو جاء شي ما يصير يشوفه بتركه يشوفه
تميم نزل يدها من وجهه بهدوء وجلس ماسك يدها : وانتي هند ماله داعي تكبرين السالفه هو ماشاف شي
هند لفت بعربيتها واخذت الوليد ودخلت بعصبيه ولفت ضي لتميم : تميم والله ماشاف شي
تميم : طيب انتهى الموضوع خلاص
سحبت يدها ضي وراحت تجلس قرب تميم وهو يقول : ضي هاذي اعذارك وبكره بتداومين
ضي : يووه ي تميم والله مالي خلق اصلا ولا بنام لاني توني صحيت
تميم : ما عليه حاولي ونامي
ضي :يوووووووووووووه مابي خلاص
كانت بتوقف بس سحبها تميم بهدوء وجلسها وبهمس غاضب : رداً على هالنبره بتداومين وغصب عليييييك سامعتني والا
ضي : بتضربني
تميم قرب وهو يهمس : شي اسوى بكثيييير ولك حرية التفكير
تركها وترك معها الاعذار وراح يدور للوليد ويراضيه ..

#رواية_أحبيني_بلا_عقد

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
توقعتكم
متابعة + تصويت للفصل + تعليق