رواية أحبيني بلا عقد للكاتبة أديم الراشد ..

البارت الخامس والعشرون من رواية أحبيني بلا عقد للكاتبة أديم الراشد

ـ
*. #البارت_الخامس_والعشرون👇💙*

ضي جلست تفكر لو هند عرفت اكيد يتنشر الخبر وحزتها وش تسوي سكتت وهي تتكتف ضحك تميم واتجهه لغرفته  وضي تراقبه ركضت بسرعه وهي تفتش البيت مزبوط بتحصل هذا الدولاب لكن ما حصل ولا باقي الا الغرفه اللي فيها تميم راحت وهي تحاول تلاقي عذر دقت الباب ما سمعت رد فتحت الباب وطلت شافته نايم بهدوء دخلت وسكرت الباب وهي مبتسمه اتجهت لدولاب فتحت وشافت ملابسه وراحت تفتش وتفتش وفجاءه اشتغل النور
تميم : ضي وش تسوين
ضي لفت بسرعه : سمعت صوت وخفت وجيت هنا
ناظرها تميم بأستغراب : والصوت بالدولاب
ضي سحبت يدها بقوه : ا ..
تميم : لحظه لحظه لحظه انا ابي افهم وش مشكلتك مع هالدولاب وش اللي تدورين علييه
ضي ببتسامه غبيه : ولا شي
تميم اتجهه لها وفتح كل الدولايب : وين اللي تبينه وش بتشوفين وش تدورين عليه ولا خليني اريحك
سحبها واخذها معه وهي مفجوعه اتجهه للمستودع وسحب الدولاب : هذا هو صح
ضي انصدمت رمى تميم لها المفتاح : خذي راحتك
طلع وتركها وهو معصب من فضولها اللي يقتل رجع لغرفته وصفق البب بضيق •••€
اما عند خالد وسعود اللي كانو واقفين قريب من الباب ويسولفون بعد ما ودعوا ابو راكان وراكان اللي كانو واقفين ينتظرون اهلهم وطلعت ساميه ورويده وباقي نجوى اللي كانت كاشخه بالكعب وبدون ما تحس اتعرقلت رجولها ودببببج وطاحت بنص الشارع التفتوا خالد وسعود بصدمه وركض راكان وهو يساعدها وركبها للسياره وهي تبكي وكلهم يضحكون عليها
اما خالد اللي انفجر ضحك وهو يقول : ي ربي انها اللي كسرت اصبعي ي رب ي ربي اذا هي عساها تتكسر ضروسها
ضربه سعود وهو يضحك: حرام عليييييك
خالد : يااارب انصرني انا مظلوم يرب
جلس سعود وهو يضحك وكل ما تذكروا شكلها زادوا ضحكوا
اما نجوى اللي من الفشيله تبكي ورويده وراكان يضحكون عليها
ابو راكان: بس عاد بسس  كل شي الا نجوى
راكان : ههههههههههههههه حكت الزفلت حك بوجهها احسن احسن هاذي الكشخه لللي على غير سنع ومله
نجوى وهي متحسفه على  انها طاحت قدام خالد وسعود وكانت تجزم انه فرحان لطيحتها نزلت راسها وهي تكمل صياحها من الضيق والفشله
•••€
اما عند ضي اللي اخترعت من ضيق تميم على الدولاب وندمت انها تدخلت بحياته اخذت المفتاح وطلعت اتجهت للغرفه بضيق تفحتها وشافته منسدح وواضح انه معصب نزلت المفتاح : تميم انا اسفه ما كان قصدي بس نجوى اليوم وصتني كثير عليك وقالت انك ماكان لك ماضي زين ولا قالت لي السالفه وقلت اعرفها من دون ما احرجك هاذي مفاتيحك وانا اعودك ما عاد افتش اغراضك
طلعت بسرعه وهي ماهي منتظره رده غمض تميم اللي انقهر من نجوى اكثر من ضي رمى المفتاح بعييد وهو كارهه كل شي حوله
ومن بكره  عند زياد وسحر اللي دقوا عليهم المستشفى وقالوا لهم ان هند صحت
لبست سحر عبايتها وهي تبكي بفرح وزياد يحاول يشتت انتباه الوليد عن بكى سحر المجنون ركضوا للمستشفى وزياد عاجز يسبق خطاها وصلو العنايه ودخلت سحر وهي تبكي شافت هند اللي ناظرتها بحزن وهي تمد يدها لها حضنتها سحر وبكت هند وهي تمتم : وين الوليد وين ولددي وييينه
سحر : حمد لله على السلامه ي حبيبتي الوليد معي معي محد يقدر ياخذه
انهارت هند تبكي وهي تترجى سحر ما تعطيه لتميم وكانت سحر توعدها ما ياخذه
وزياد اللي عند الباب يسمع صراخهم مو عارف وش يسوي ولا يقدر يخلي الوليد يدخل بينصدم في حالهم جلس وهو مشغول باله ما لقى حل الازانه يدق على تميم ويبلغه ان هند صحت عشان يجي يحل الوضع •••€
اما تميم اللي بالقوه نام من هالمشكله اللي تسببت فيها ضي وخربت عليه وقف وهو يناظر الساعه وشافها 9:40 تنهد واتجهه لدولاب واخذ كرتون فضى كل شي فيه وطلع وهو شايله اتجهه لخرابه بعيييده ونزلها طلع الكبريت وهو متردد بس غمض وهو يقول ( لازم تتحرر ي تميم لازم تتحرر ) رمى عود الكبريت وابتدت النيران تاكل بالكرتون يراقبعا لما تحولت رماد وطلع وهو يمسع اخر دموع عينه على هند وماضيه بكبره رجع لببيت ودخل يتروش ويبدل عن ريحة النار طلع بعد فتره وهو جاهز وقفت عينه على غرفة ضي تنهد وقرب وهو يدق الباب دقات متكرره سمع صوت ضي اللي تصرخ: وجععع كسرتوا الباب
فتح تميم الباب وهو صاد : رتبي نفسك وألفاظك عشان بعد ساعه طيارتنا وياليت ما تزيدين الطيين بله
طلع وصفق الباب وراح يجلس بالصاله قطع عليه جواله ورد بعجل : هلا زياد
زياد : تميم شلونك
تميم: تمام وانتم
زياد : احنا بخير نوعا ما هند صحت وحالتها النفسيه جدا سيئه وخوفها انك تاخذ الوليد مأثر عليها
تميم : لا حول ولا قوة الا بالله العظيم خلاص خلاص انها طيارتي بعد ساعه اصلا لما اوصل اكلمك ولذلك الوقت الله يخليك حط بالك عليهم
زياد: ابشر يلا فمان الله
تميم : في امان الكريم
سكر وهو مشغول باله وضايق رجع يدق جواله بس هالمره كانت ساميه رد وهو يحاول يبين صوته طبيعي : هلا ساميه
ساميه: تميم حبيبي شخبارك
تميم :الحمدلله انتي كيفك
ساميه: الحمدلله الا بسألك انت جد بتسافر يقولي راكان بيسافر
تميم: اي والله اليوم هند صحت من غيبوبتها وبروح ازورها واشوف الوليد بعد
ساميه بحزن: زين الله يسهل لك سلم على ضي احنا بنمشي الرياض بعد
تميم : تمام يوصل الله معكم
سكر تميم ولف لما حس بأحد وراه شاف ضي اللي واقفه وهي هاديه شاف شنطتها وهي جاهزه راح يطفي كل شي فالبيت ورجع لها : روحي سلمي على اهلك
ضي: ما بتروح معي
غمض تميم : ضي روحي مو شغلك
لفت ضضي وراحت وهي تسب في نفسها لقافتها سلمت على اهلها بسرعه وقالت انهم متاخرين ورجعت وشافت تميم جالس مع خالد وسعود اللي بعدوا اول ما جت ضي واتجهوا للمطار وسط صمت وضي ما تدري كيف اصلا تعتذر وصلوا المطار واسرعوا لطياره ولما استقروا اعتدل تميم بعد ما سكر حزامه تكتف وهو يسكر عيونه وضي اللي استقرت وهي هاديه وبعد ما اقلعت الطياره مدت يدها بشويش وهي تبي تتاكد اذا تميم صاحي اشرت وشافته هاذي طلت براسها في وجهه وفجاءه فتح تميم عيونه وصرخت ضي وهي ترجع لوراء وعض تميم على شفته وهو متفشل منها ابتسم لناس اللي حوله يرقع اللي صار ولف بهدوء وهو يهمس: انتي صاحيه وش حركات البزران هاذي مجنونه
ضي : انت فجعتني
تميم : وانا اللي قلت لك نطي في وجهي وش تبين ابي افهم تبين تذبحيني قولي
ضي دفته بشويش : من زينك عشان اذبحك بس يعني قلت اعتذر منك على اللي صار امس بس ما تنعطى وجهه خلاص ارجع نام
طارت عيون تميم فيها وهو مو مصدق : ضي اسمعي عاااد مو انا اللي تكلميني كذا سامعه ولو تعيدينها صدقيني لتندمين
ضي حست انها ثقلتها رجعت وراء : خلاص طيب
رجع تميم وهو يستغفر ورجع يسكر عيونه لكن سرعان ما فتحها وهو منزعج من ضي اللي تدقه بكتفه : نعم نعم نعععععععععععععم
ضي سكرت عيونها : وش فيك عصبت
تميم : وش تنتظريني اسوي اقوم ارقص
ضحكت ضي : الله لو تقوم ترقص توسع خواطرنا شوي
صفق تميم بيده بمعنى ( ماهي صاحيه ): لا والله ابتلشنا
ضي : وش ابتلشت فيه ي سيد ترا انت ..
تميم اللي فقد اعصابه من كثر ما تحن وهو شايل هموم ولاهو فايق لها مد يده يسكر فمها وهو يهمس بغضب : تأكدي انك انتي سبب كل شي احنا فيها لذلك سدي فمك وخلينا نساير بعض
ضي سحبت يدها بضيق ورجعت لكرسيها وتكتف وهي تصد الطرف الثاني
رجع تميم يسكر عيونه لكنه حس انه ضايقها وما يدري لو هي محتاجه شي اعتدل وهو ياخذ نفس لف بهدوء : وش بغيتي !
ضي : ولا شي
تميم : ضي انا في راسي مليون مصيبه كل هم بجبل ماني قادر اجمع اي جهه واحط لها عنوان عشان كذا اعذريني لو تصرفت بوقاحه وانا فتره طويله عشت بلحالي ما تعودت على الجو اللي انا فيه الحين ... قولي وش بغيتي
ضي : عادي لا تهتم كنت ابي اعتذر يعني
ابتسم تميم : مو مشكله موضوع ناكت وانتهى ولا تهتمين لاي شي ينقالك ماقلته انا لك بس هذا اللي بغيتي
ضي كانت بتموت من الجوع لكن ما قدرت تقول : ايه خلاص
ابتسم تميم ورجع يسكر عيونه وضي تحاول انها تمشي الوقت بأي شي
•••€
عند سحر وهند لللي بالقوه هدوا وزياد جالس برا بتعب
سحر : هند لا تعطين تميم اي قييييمه خليه يولي مايستاهلك ..

#رواية_أحبيني_بلا_عقد

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
متابعة + تصويت للفصل + تعليق