رواية أحبيني بلا عقد للكاتبة أديم الراشد ..

#رواية_احبيني_بلا_عقد للكاتبة أديم الراشد .. البارت الثامن والستون

ـ
*. #البارت_ثمان_وستون👇💙*

تميم ابتسم : نجوى ما عقلتي للحين اركدي خليني ارد السلام على الاقل
نجوى: اسفه بس اني خفت عليك مطول عنا وكذا
تميم : زين اسمعي وش بقولك
نجوى: قول اسمعك
تميم : مدري اذا عرفتوا بموت هند او لا
نجوى بسرعه : ايه ايه بس انا ادري
تميم : كيف بس انتي ؟؟؟!
اتسعت عيون خالد بصدمه وابتدى قلبه يدق اكثر
نجوى تورطت وخافت وقالت : سعود ايييه سعود قال لتولين وقالت لي بس يعني اقصد انا بس اعرف امي ورويده مايعرفون
زفر خالد براحه ولف تميم يناظره : فيك شي
خالد على طول اتمغط وهو يتثاوب : لا بس تعبت تعرف ما نمنا
تميم : زين روح ارتاح مطوله الصلاة
خالد: لا لا بجلس معك
تميم : زين ...نجوى انتي معي ....نجوى ..نجوى
نجوى اللي كانت تسب في خالد وهي مبعده السماعه واكيد انه سمعها : هلا هلا معك
تميم : اسمعي ما معي وقت سحر اخت هند في البيت قولي لامك وروحوا لها مسكينه منهاره بعد مالها الا اختها
نجوى: ابشر بس خالي عندنا جدتي
تميم : وش جابها !!
نجوى: بتطلق من جدي
تميم : اووووووه بدينا بتصفية الحسابات زين تسوي المهم استعجلوا روحوا للادميه وبشوييش لا تفجعين الناس اعرفك مطفوقه
نجوى ضحكت : ابشر يا مهجدهم
سكر تميم وهو مبتسم رغم ان ماله مزاج بس نجوى لها نكهتها
رجع يدور رقم امه وهو يدق عليها وبسرعه ردت : يمه تميم انت بخير
تميم : هلا يمه اي بخير وهذاني هنا بالسعوديه كيفك كيف الوليد
حصه : حمدلله كلنا بخير دامك بخير
تميم : معليش يمه بثقل عليك بس ابي راشد يجيب الوليد للبيت خالته موجوه بتكون بخير لو شافته
حصه : زين يمه اقوله وانت مر علي بعد
تميم : ابشري يمه يلا مع السلامه
سسكر من امه ورجع يتصل في ضي اللي ردت بسرعه وهي تحاول تلقط انفاسها : تميم وينك جيت وش صار معك
تميم : انا الظاهر جمعت كل المجانين على راسي
ضي : وشوله ذا الكلام هذا جزاء اللي يقدر العشره ويهتم فيك
تميم : هوب هوب قبل تبدين الاسطوانه انتي وين؟!
ضي: في بيتنا
تميم: بيتنا ؟!
ضي : اقصد بيت ابوي
تميم : اها اساسا كنت بستغرب
ضي : تميم انتي ماينتسوى فيك خير صح !
ضحك تميم بهدوء: زين خلاص كيفك انتي وكيف نوره ابوك وسعد
ضي سكتت بضيق لما تذكرت نوره : الحمدلله كلنا بخير يعني عايشين
تميم: محلوله ان شاءالله فتره وتعدي
ضي : ان شاء الله
تميم : طيب ضي اسمعي سحر في بيتنا
ضي : نعم وش تسوي هناك
تميم: ضي مو وقت مشاكل الانسانه منهاره ومافيه وقت يحجزون عشان كذا بتجلس هناك يعني لين ينتهي الدفن ونخلص القضيه وتمشي
ضي: اي قضيه
تميم : سالفه طويله المهم اذا بتنزلين تعزين او لا تروحين لاي شي ثاني
ضي : زين غيره
تميم: ابدا بندفن هند الظهر ، بس بوصيك اذا نزلتي انتبهي للوليد
ضي : طيب
تميم : فمان الله
سكر وهو يسحب نفسه للكرسي انتبه لنظرات خالد : وش فيك
خالد : تميم يعني كل هالناس اللي يهمونك وكل هالحياه تبي تتجاهلها وتتجاهل علاجك والله حرام ي تميم تتركهم وتترك نفسك
تميم لف وهو يناظره : خالد اذا ربي بيكتب لي الحياه لو كل امراض العالم فيني بعيش ولو ربي يبي ياخذ عمري حتى لو انا سليم بياخذه، مابي اعذبهم معي ي خالد مابي ابدل ابتساماتهم بخوف مابي اشتت انتباه احد مابي اجلس بينهم بكمام ولا ابي اجلس وانا مهلوك من العلاج الكميائي مابي اجلس بينهم فاقد شعري مابي اعيشهم بهالعذاب مابي اخر صوره لي معه سيئه
خالد اللي كان حزييين اكثر من اي احد لف وهو يمسح  دموعه : تميم صدقني مو مهم اي شي قد ماهي صحتك مهمه
تميم : فات الاوان يا خالد معاد يمدي معاد يمدي
وقف تميم واتجهه للباب وهو يحاول يستنشق هوا يجدد احساسه
•••€
اما نجوى اللي نزلت وهي تتوجه لامها اللي مع ام سلطان وتولين : يمه
ساميه : وش فيك
راكان : وش يعني يمه اكيد طلعه جديده
نجوى بطرف عين :خلك في حالك
ساميه : قولي وش فيك
نجوى : يمه اتصل فيني خالي تميم
تولين : طيب
نجوى: تعرفون هند زوجته الاولى
الكل : ايييه
نجوى : مو انشلت
الكل :ايييييييه
نجوى: الحين ماتت
الكل :نععععععععععم
راكان : وش تقولين انتي تكلمي عدل
ساميه : نجوى تكلمي
نجوى: مدري راحت برا تتعالج وماتت هناك خالي امس سافر جابهم وجاء والحين بيدفنونها واختها في بيته مره حزينه وقال روحوا واسوها
تولين : تتكلمين جد ولا تستهبلين
نجوى : عشانه وقت استهبال ماشاء الله
راكان : وخالي وين بالظبط
نجوى : مدري اتصل فيه المهم قال اطلعو للبيت بسرعه
تولين : ضي فالبيت
نجوى: لا اكيد عند اخوانها
تولين : الوليد وش بيصير فيه
ساميه : ي قلبي عليه وش بيسوي الحييين
رويده:ضي تحبه اكيد انها بتهتم فيه هي وتميم
نجوى: واحنا موجودين
تولين : وجدته حصه موجوده
ناظرت ام سلطان بحزن وسكتت وقاطعتهم نجوى: يلا نرو
ركضوا الكل يلبسون وهم حزينين على حياة تميم لللي ماهي جميله ابدا €••€
اما ضي اللي كانت على الشباك تنتظر جيت سحر سمعت نوره من وراها : ضي تعالي كلي شي تعبتي كثير
ضي : دقيقه بشوف شي
نوره قربت : وشو
قاطعهم سياره وقفت ونزل الوليد وهو مبسوط ويدينه مليانه اكل وحلويات ونزل رجال وراح للوليد وهو يجلس فوق السياره ولكن صرخ الوليد وهو يقول : ضيييي
رفع راسه راشد لكن الصدمه كانت نوره اللي تجمدت على الشباك وهي تناظر فالملامح اللي ما نستها ابدا
ضي كانت راجعه لوراء تمسح عيونها اللي دخلت فيها الغبره ولا شافت راشد والوليد
ابتعدت نوره وهي تركض ووضي مافي فاهمه بس لما طلت وشافت الوليد وسمعته يقول : عمو راشد بروح لضي
حست ضي بدوخه اجتاحتها وجلست وبرعب وهي تناظر الباب وفزت وهي تركض ورا نوره اللي اختفت فجاءه لكن وقفت اول ما سمعت صوتها الباكي بالحمام قربت بتدق عليها بس خافت رجعت وهي مو مستوعبه وش تسوي كان موقف شنيع ما احد ينتظره •••€
اما سحر اللي وصلت هي وزياد ووقفت تناظر زياد : ليش جايبني هنا
زياد: سحر انا ما معي وقت استاجر ابدا بروح ادفن هند بيت تميم فاضي هذا المفتاح روحي ارتاحي بغرفة ... هند الله يرحمها لما اجي
ماكان من سحر الا تاخذ المفتاح وتنزل بحزن لكن شافت الوليد اللي ركض لها يحضنها وهنا انهارت اسرع زياد وهو يفتح الباب ودخلهم وجوا وكان يحاول  يهديها لما دخلت ساميه وبناتها اللي قالهم راشد ان فيه رجال
وقف زياد وهو يعتذر وطلع اما سحركامت منهاره حيل وتجمعوا حولها يواسونها ولا بيخوفون الوليد
اما زياد طلع وشاف راشد واقف وشكره لكن راشد اصر امه ياخذ زياد للمكان اللي بيروح له لان وضعه مره تعبان واتجههوا للمغسله
•••€
عند سعود اللي اتصل في خالد وجاء وقف وهو يشوف تميم المنحني ويوقع بعض الاوراق تقدم وهو واضح حزنه : تميم
ترك تميم اللي بيده ولف لسعود اللي قرب وحضنه كان تميم ما يدري وش بيقول سعود وش بيحتج لذلك شد عليه: مو وقته يا سعود
صد سعود وهو يحاول يستجمع نفسه لكن وقف كل شي اول ماشاف راشد وزياد جايين تقدم تميم لهم: راشد تركت الوليد
راشد : اخذتته خالته
تميم : زين بننتظر راكان وابوه بيجون وبعدها نطلع المسجد
كان الصمت سايد والكل جلس وسعود نظراته حاده على راشد اللي تهرب بنظراته ولا كان يدري انه بيحصل سعود ولا ماكان جاء
خالد كان يحس انه يعرف هذا الرجال بس ما يدري وين شايفه لف لسعود : سعود تعرفه احس اني اعرفه
سعود : حق المعرفه ي خالد حق المعرفه
انتبه خالد لنبرة سعود ولف له : وش صار
تميم تكلم : انتم ما تعرفون بعض صح خالد سعود هذا راشد اخوي من امي راشد هذولا اخواني اخوان دنيا
هنا ضرب اسم راشد في مسمع خالداللي تركزت عيونه على راشد وقال بيتاكد : راشد المصعب صح
راشد غمض بضيق وهو عارف خالد بعد : ايه يا خالد راشد المصعب
تميم : تعرفون بعض !؟؟ قطع عليهم راكان وابو راكان اللي سلموا عليهم وبعدها اخذوا هند المقبره
وراشد اللي ماقدر يرجع واضطر انه يكمل معهم كانت نظرات خالد وسعود تقتله ومحد حاس ...

#رواية_أحبيني_بلا_عقد..
..
انتهاء البـــــــــارت
..
لاتنسوووا التصوويت والتعليق على الرواية ...
تفاعلكم مع الرواية يهمنا ...