رواية أحبيني بلا عقد للكاتبة أديم الراشد ..

رواية احبيني بلا عقد للكاتبة أديم الراشد .. البارت اثنان وثمانين

ـ
*. #البارت_اثنان_وثمانيون👇💙*

تميم ابتسم :  ايه انا احبك واحبك كثييير بعد بس اصبري ... وكمل : اللي حصل انه قرر يتزوجها وفي يوم زواجه ما تتم ربي تفاجأ ان ابوه مريض القلب معاه اوراق تكشف ان هالبنتت عقيم وكان هو الولد الكبير والكل يبي يشوف عياله
ابتعدت ضي وهي تناظره بشك مسك يدها تميم : واجبروه يتركها ويتزوج بنت عمه ومن هنا ابتداء حزنه الابدي اللي ما قدر يبعده للحين
ضي سحبت يدها : من قال نوره عقيم !؟؟ تميم ناظره ببتسامه: وش عرفك انها نوره
ضي : تميم لا تستهبل
تميم قرب وهو يحاوط وجهها بيدينه : ضي انتي عاجبك حال نوره !!؟ حزينه وضايقه وتعبانه !؟؟؟
ضي : تميييييم وش تبي تقول !
تميم : انا محتاج مساعدتك
ضي : في ايش
تميم : اول اسمعيني ... ابتداء يحكي لها قصة راشد وقفت ضي وهي تبتعد : لا تحاول تطلع اخوك بريء
وقف تميم وهو يقول : ضي راشد مجبووور مو بيده ما قدر يعيش بعيد عن نوره مو قادر هو طاع ابوه عشان مريض قلب ولا قدروا يخاطرون بحياتته .. كنتوا تدرون ان ابوه صاحب مرض  قلب ؟؟
ضي بعدت عيونها بخوف :ندري بس مو عذر
تميم : طيب اتركي راشد .. لو جاء عمي ابو سعود وخيرك بيني وبينه مع العلم انه مريض لا سمح للله من بتختارين
ضي بإنفعال : اكيد ابوي
تميم : راشد بعد سواء كذا !! على بالك استسلم لا !!؟ حاول وحاول بس ابوه ما عطاه فرصه وانتم ردة فعلكم قاسيه
ضي : قاااسيه ؟؟! تميم : معكم حق بس كان سمعتوا لتبريره
ضي صرخت : انتظرنا سننننننه كل يوم نوقف على الباب عشان حضرته يجي ويبرر بس اختفى
تميم : ضي هدي
ضي بعدت تميم وهي تنسدح : تميم قفل الموضوع احسن ماله داعي واترك الجروح لا تنبشها
تميم سكت شوي وقرب : ضي نوره ما تعيش الا مع راشد وراشد ما يقدر بدونها صح متزوج بس حاله ما يسر تعبان ومتعب بنت الناس معه حتى العيال اللي ابوه اللي سوا هذا كله عشانهم ما جاب راشد ولا طفل ويلا يبي يكون ام لعياله الا نوره ولا مايبي .. ضي انتي بعد تعرفين قد ايييش نوره ما تبي الا راشد والا ما كانت وقفت ضد الكل وحرمت الزواج من بعد راشد
ضي اللي كانت تدري بس ما تبيها تنجرح مره ثانيه كمل تميم: ادري خايفه عليها بس صدقيني هي في وجهي مستحيل اسمح لراشد يأذيها نهائيا
ضي ناظرته وهي تشوف الصدق بعيونه: بس ابوي بيرفض وسعود
تميم : اول شي ساعديني عشان نثبت براءة راشد
ضي : شلون
تميم : اقنعي نوره تروح تسوي تحاليل وفحوصات جديده
ضي : ليش
تميم : اقنعيها محتاج اتاكد من شي في بالي
ضي : عن ايش !!
تميم : ضي ممكن تثقين فيني
ناظرته ضي بحيره وطول سكوتها وقالت : امانه تميم امانه ما تأذي نوره
سحبها تميم وهو يحضنها: احد يقدر يأذيكم انتم !! انتم اهلي بعد لا تقولين كذا
سكتت ضي وهي تدعي ان ربي يصلح الامور ابتعد تميم وهو يقول : بكره انا رايح من بدري عشان كذا روحي من بدري واقنعيها
ضي : طيب بس ترا من جد انت تعبت عمرررك كثييييير شوف وجهك كيف صاير مهدود حيلك مو قادر حتى تسند نفسك
تميم نزل راسه بحزن  وهو يبتسم : يلا هانت انتهى كل شي خلاص يعني انا انسان تأثر علي الظروف بس اتوقع انه اخيرا بننتهي
ضي : بعد ما تدفن ابوووك نبي نرووح لذاك المكان تتذكره نبي ننبسط ونلعب لين نقول بس
تميم ابتسم وهو يحضنها : ابشري ومن عيوني
شدت عليه ضي وهي ما تدري وش المصير كان تميم يصارع نفسه وده يقولها بس ما يدري كيف بيقول مرت ساعه ونامت ضي ووقف تميم وهو يطلع جلس قبال الباب وهو حزييين وخايف من ان ابوه يكون مخبي شي كبير
رفع يده يشوف الساعه اللي كانت :1:40
وقف و يتجهه لبيت خالد دق الباب وهو ينتظر وفتح وشاف خالد جالس وسعود موجود : سلام
الكل : وعليكم السلام
سعود : وش جايبك !!؟ فيك شي
تميم : ممكن معاد تسألني هالسؤال خلوني انسى التعب شوي
سعود : زين وش جايبك
تميم : ما جاني نوم خايف واحس مكبوت
سعود : بسم لله وش فيه
تميم لف يناظر خالد : خالد وش فيك
خالد : ولا شي موجوع من يدي شوي
ضحك تميم ومسح على كتفه : لا تخاف فتره وتاخذ حقك
ضحك خالد بألم واسرع سعود : قول وش فيك انت
تميم قالهم سالفة ابوه وسميه وهو يناظر وجيهم المصدومه
سعود : والله يا تميم انا استسلم مستحيل تكون تبلدت لذا الدرجه فوق اللي سووه ناسي نفسك وتركض وراهم
تميم : انتم تدرون اني مو قادر انسى انهم اهلي ومحتاجيني
خالد: تميم ما اختلفنا بس انت تذبح عمرك بدون ما تحس كذا كثير يا تميم
تميم لف يناظرهم : انا احس انها نهاية المشاكل اتوقع اني اخيييرا بعيش بسلام
ما عرفوا وش يقولون بعد كلامه سعود تنهد : طيب ترا احنا معك بكره
تميم : ايه ضي شهدت لكم
سعود : وش دخل ضي الحين ولا خلاص انهبلت معها
تميم ابتسم : لا بس اليوم لما سلطان تخلى وقفت وهي تقول انكم بتجون اكيد
خالد ضحك : ايييه يحق لها كانت صديقتنا في كل مشكله
سعود : الله يسعدها
تميم ناظرهم وقرر انه يفجر قنبلته : اجد يفهمني وش وضعكم
سعود وخالد جمدوا وخافوا لا يكون عرف بسالفة نجوى
خالد توتر مسح جبينه : اي وضع
سعود ناظر خالد بخوف : وش فيك
تميم باستغراب : وضعكم مع راشد
زفر خالد براحه : فجعتني
تميم : ليش فيه وضع لازم ادري به
سعود : لا لا بس خفنا انك تعبان
تميم ناظرهم بشك : اشرحوا ذا السالفه وبعدها نشوف وس مخبيييييييييين
سعود : مافيه وضع
خالد: اي
تميم : راشد قالي نص السالفه بس ابي اسمع منكم
اتسعت عيون سعود بغضب : وش قال لك ال ....... قال اللي قالوه الناس صح
خالد : والله عجيب شين وقوي عييييين
تميم : هدو هدووو وفهموني
سعود صد بغضب وناظر خالد تميم المصر وقاله السالفه اللي قالتها ضي بس الزياده كانت : رحنا ندور عليه بس ما حصلنا الا عمه اللي قال ان راشد شايف على نوره ... تميم : شايف ايش
سعود بغضب اتجهه لتميم وهو يصرخ بهدوء : اخوك مشكك في شرفنا يا تميم والله والله لو اني مابي نوره تدري بوجوده اني ما اخليه حي
تميم انصدم : بس
خالد: تميم تكفى اكيد راشد شارح شي غيير
تميم : ايييه لانه فعلا غير
سعود اخذ اغراضه : انا اقول اهتم في نفسك يا تميم واتركك من تنبيش الجروح والمصايب واذا تبي اخوك يجلس حي لا تطري له طاري
طلع وترك تميم في صدمه لف يناظر خالد اللي قال : انا وسعود موقفنا واحد
تميم : خالد لا تستهبل اسمعني
خالد : تمييم انا كنت معهم انا بعيوني شفت وش عانو شمعت كثيير اشياء عن راشد بس انصدمت
تميم: طيب اسمعني
خالد ناظر تميم بضيق وكمل تميم وهو يحكي اللي صار مع راشد وهو مستعد يحلف باي شي عشان خالد يصدق
خالد : تميم انت من جدك مصدق انسان ماعرفته الا من شهور ومكذبنا
تميم : خالد خالد ركز انا ما اكذبكم انا اقول عمه كذب
خالد: وش يجبرنا نصدق
تميم كمل لخالد باقي خطته اللي يبي يكشف فيها ان راشد بريء وانه فعلا يحب نوره ناظر خالد بشك في تميم وكمل تميم : عمه يقول كلام وابوه يقول كلام وراشد ما شاف ذا الاوراق زين من صدمته واختفت الاوراق وفجاءه يطلع عمه مخبيها ؟؟؟ تتوقع لايش !؟
خالد : يعني احتمال راشد مظلوم !؟
تميم : اكيد مظلوم خالد فتح عيونك كويس وبتشوف
خالد :واذا طلع صدق نوره عقيم
تميم : ان شاء الله مافيها شي وبعدين محد يقدر يسوي اها فحص عقم اذا هي او راشد ما طلبوا وراشد متاكد انه هو كان معها ولا طلبواا شي كذا
خالد : تميم تراك تخاطر
تميم : لاني متاكد بخاطر ، بس قولي انك معي ولو صار لي شي لا سمح الله بتكمل عني
ابتعد خالد برعب : تميم لا تستهبل مابيصير لك شي ان شاء الله
تميم ابتسم وهو يضم خالد : ما عليه مصيرنا بنموت
خالد: تميم لا تضيق صدري تكفى
تميم ابتعد : زين زين بس الفجر تعال عشان نروح
خالد: زين
طلع تميم واتجهه لبيته وهو يتمنى فعلا يجمع الكل •••€

#رواية_أحبيني_بلا_عقد..
انتهاء البـــــــــارت
..
لاتنسوووا التصوويت والتعليق على الرواية ...
تفاعلكم مع الرواية يهمنا ...