رواية أحبيني بلا عقد للكاتبة أديم الراشد ..

رواية احبيني بلا عقد للكاتبة أديم الراشد .. البارت ثمانية وثمانين

ـ
*. #البارت_ثمانية_وثمانيون👇💙*

تميم : لا يا عمي شوية سخونه
ابو راشد : ما تشوف شر
تميم : ما يجيك
دخل الشيخ ووقفوا الكل يسلمون وبعدها ابتداء في المراسيم المعتاده والكل ملاحظ فرحة راشد وبعد ماخلصوا وقف راشد بحماس لشوفة نوره بس وقفه صوت سعود : اجلس يا راشد
انقلب وجهه راشد وهو يناظر حوله : ليش
سعود : مالك نصيب في شوفة نوره الا بعد زواجكم
الكل ناظر سعود باستغراب وكمل ابو سعود : اذا اخذتها لبيتك براحتك
الكل انصدم من الكلام وقال تميم بسرعه : بس يا عم هي زوجته
سعود : معليش يا تميم بس ابوي حلف من بعد اللي صار هذا الشي ممنوع على الكل
راشد بصدمه : محشوم يا عم بس انا ماني غريب
ابو سعود : لا تزعل يا ولدي لكن الايام كان لها درسها
كان الكلام قوي على راشد اللي جلس بهدوء لكن تميم ما رضى بكسر خاطره ووقف وهو يحاول يوقف بثبات واتجهه لابو سعود وهو يبوس راسه : يا عم انت محشوم ويمينك محشوم لكن الله يسعدك هذا شي موجبه ربي وكلنا ندري وش صار فالماضي واللي صار صار وانتهى بس هذا مهو حق ويعتبر ظلم للاثنين انت ما تحب الظلم بس اتوقع انه في مثل ظرف راشد ونوره شوفتهم لبعض ضروريه واحنا ما ندري وش مخبى فالصدور من العتاب اترك الامور تجري بمجاريها ويطيح الحطب ويمينك انا بكفره لك بس طلبتك لا ترده وتردنا الكل تعب بما فيه الكفايه
ابو سعود غمض وهو يقول : ياتميم ال..
قاطعه تميم : انا طلبتك ياعم
ابو سعود : تم يا تميم تم
ابتسم راشد بفرح والكل ابتسم ورجع تميم جلس ووقف سعود : تفضل يا راشد
تقدم راشد بفرح و يناظر امه اللي جات وحضنته بفرح وهي تعطيه الشبكه والهدايا
وسعود راح يشوف نوره ورجع سعود : تعال يا راشد
اسرع راشد لكن وقفه سعود اللي مسك ذراعه : برجع اقولك ان اذيت نوره
قاطعه راشد : لا تخاف يا راشد اذبح نفسي قبلها
ابتسم سعود وهو يفتح الباب لراشد اللي دخل وهو يدور على نوره بس جمدت ملامحه اول ماشافها ما توقع انها تغيرت اذا الدرجه كانت صدمته قويه للحين جميله بس القهر واضح عليها تقدم بخطوات ثقيله وقال بصوت فيه مم الفرح والحزن :نوره !
رفعت راسها نوره لكن كانت تبكي وهنا رمى راشد كل شي بيده وركض لها حضنها وهو يداريها خاف لا يكسرها من زود شوقه لها وهنا انهارت نوووره تبكي بعتب : توقعت الكل يخليني الا انت
ضاق صدر راشد وابتعد وهم يمسح دموعها : والله يا نوره مو بيدي والله ما اخترته والله ما عشت من بعد والله خمس سنين مرت ايه لكن والله اني ما ضحكت ولا استانست فيها تزوجت ايه لكن من بيدي وما كان لي اي دور فيه الا الاسم تكفين يا نوره سامحيني وصدقيني اني من بعدك ما قدرت احس باي شي انا انهارت حياتي والله انهارت
نوره رجعت تحضنه وهي تبكي : قالوا ان ابوك اجبرك
راشد وهو يمسح دموعه: صدقوا
نوره : قالوا عني عقيم
راشد : قالوا وكذبوا
نوره : تركتني والكل يشوف ويتكلم علي
راشد : تركتك وقلبي معك والكل يدري به
انقطع كل الكلام وعم الصمت وبعد سكوت قال راشد بهدوء: للحين احبك يانوره وطول عمري بحبك ولا تخيلت راشد بدون نوره
نوره وهي تشد عليه : انت تدري برد نوره
ابعدها راشد بهدوء وهو يمسح دموعها : بس خلاص كفايتنا دموع وضيق اليوم بنضحك وبنعيش وبنسوي كل اللي نبي اليوم انا فعلا احس بنفسي
نوره :اوعدني ياراشد ما تبعد عني مره ثانيه
راشد : ما يبعدني الا الموت
ابتسمت نوره وهي تناظره : تغيرت يا راشد
راشد : شفت الموت في غيابك
نوره : ما اقول اني احسن منك حال
راشد سحب يدها وهو يحط الدبله فيها :انتهى خلاص معاد بقى لنا الا السعاده ان شاء الله
لبسته نوره الدبله :ان شاء الله
حضنها راشد وهو مو مصدق دق الباب وابتعد وهو يقول :زين اني قدرت اشوفك
ابتسمت نوره بهدوء ودخل سعود : راشد عطيناك وجهه
راشد رفع يده بإستسلام : قد قلتها لك من قبل واعيدها عطيتوني دره والله
ابتسم سعود : يلا ينتظرونك برا
طلع راشد وهو كل شوي يلف لنوره واول ما طلع حضن تميم اللي ابتسم وهو يقول : عساك ارتحت
راشد :انا لو اعطيك قلبي ما يجي جزءمن اللي انت سويته
تميم : اششش خلاص ماله داعي هالكلام خل قلبك معك ينفع نوره
ضحك راشد ولف يسلم على خالد اللي كان مبسوط له
خالد: اجل الحين قضينا من راشد وجاء دوري ملكوا لي بسرعه
تميم ابتسم : كلم عمك وقله
ابو راشد : عطوني رقم ابو راكان وانا اللي بكلمه لك يا ولدي
تميم : هااه الحين عاد شف نفسك علينا
ابتسم خالد : الحين اعطيك ويا ليت يا عم تدور تقري فرصه
سعود : بتحجز فندق انت وجهك
خالد ناظره بطرف عين : اذا جيت لين عندك بكسر راسك
سعود :ههههههههههههههه كوووويس صار عندك متلازمة تكسييير
تميم مسك خالد: خلك بشغله واتركه تكفى امسحها في وجهي
خالد : ايوه يا عمي تكفى
ابو راشد: اول شي شيلي عمي هاذي وحط بدالها يبه ازين
سعود صفر بفرح : شعلييييييك
راشد : يبدو وكأنه احد بيشوتني من العايله
ريان : يعني
خالد ابتسم بفرح : على راسي
تميم :قولوا لي اذا اتفقتوا انا بروح اريح
الكل : الله معك
اتجهه تميم للبيت وهو يدري ان ضي تنتظره دخل بهدوء وهو مبتسم وسمعها تركض : بشويش بشويش
ضي : تعبت صح
تميم وهو يحضنها: لا تعبت ولا شي بس اشتقت لك  ضي : تميم اذا يوجعك شي قولي
تميم لللي كان يتقطع من الالم : ضي والله بخير خلاص اتركينا من ذا كله وتعالي خليني اجلس معك
ضي : ترا الوليد ينتظرك
تميم : خليني اشوفه وانتي صلحي شي يناكل لاني ميت جوع
ضي : طيب
تقدم تميم للوليد اللي كان يلعب وحضنه وهو يقول : شتسوي
الوليد: بابا وحشتني
تميم : انت وحشتني قد الدنيا
الوليد: بابا اللعب معي
تميم : نلعب ليش ما نلعب بس ليش ما تلعب مع سعد
الوليد : سعد عند ابوه
تميم ابتسم وهو يسمع سوالف الوليد عن لعبه هو وسعد وضي ضحك وهو يقول ( الله يا ضي كل مره اكتشف انك ما انتي صاحيه )
ضي اللي جات من وراء : وشو سمعت اسمي
تميم ترك اللعبه ولف : ابد يحكي الوليد عن اللعابكم
ضي : اها طيب تعال عشان تاكل وليد تبغى اكل
الوليد : لا اكلت مع جده
تميم ضرب جبينه بضيق: يوووه نسيت سميه
ضي : اترك لي سميه الحين وتعال اكل وبعدين انت تعبان وسميه بخير
تميم : لازم ازورها حتى هالزفت زوجها مدري وين اختفى
ضي ساعدته يقوم وهي تتجه معاه للمطبخ : تميم ممكن تترك كل هالناس وتركز على نفسك تراك اذا اهملت نفسك بتتعب زياده
تميم: انا بخير لا تخافين
ضي : ان شاء لله انا بس اتمنى يجي بس يوم واحد بدووون مشاكل
جلس تميم وهو يسحبها تجلس بجنبه : تدرين انا وش اتمنى
ضي وهي تناظر عيونه : وشو ؟؟!
تميم : إنا نقدر نعيش بدون عُقد وليتنا عشنا بدون عُقد وليتنا حبينا بدون عُقد وليتني اول ما عرفت الحب عرفته بدون عقد وانا بطلبك شي
ضي مسكت يده بخوف : ابشر
تميم ترك اللي بيده وهو يحضنها : احبيني بلا عُقد... يا ضي انسي كل شي انا بخير وانا طيب والدنيا بخييير وانتهت كل مشاكلنا انسي كل شي وتذكري شي واحد انك تحبيني بلا عقد مهما كبرت معنا العقد انا فعلا تمنيتك عرفتيني بدون عقد وحبيتيني بدون كل هالعقد
ضي حضنته بقوووووه : ما كنت محتاجه اي عقد عشان احبك كنت تجذبني بدون شي لكن انا اللي فتشت عن هالعقد
تميم : ابي ننساها
ضي رجعت لوراء: انا اصلا نسيت كل شي ما عدا اني احبك
ابتسم تميم وهو يرجع ياكل بهدوء وقلبه يدق بفرح فعلا
•••€
اما عند ابو راكان لللي دق عليه ابو راشد وطلب منه يوم انه يحدد موعد لملكة خالد على نجوى ولانها بتكون بسيطه تقديراً لظروفهم ووافق ابو راكان وحدد معاه موعد بكره
سكر ابو راكان ولف يناظر الكل وهم ينتظرونه
ساميه : مين ذا يا ابو راكان
ناظر ابو راكان نجوى : هذا ابو راشد
الكل ناظروه باستغراب راكان : وشو يبي يبه
ابو راكان : يطلب موعد عشان يملك خالد على نجوى يعين نقدر نقول انهم مستعجلين
الكل ناظروا نجوى اللي تناظر ابوها راكان : وش دخله في خالد
ابو راكان : عاده مثل ولده وخالد يستاهل
ساميه : بس مستعجلين ...

#رواية_أحبيني_بلا_عقد..
انتهاء البـــــــــارت
..
لاتنسوووا التصوويت والتعليق على الرواية ...
تفاعلكم مع الرواية يهمنا ...