رواية أحبيني بلا عقد للكاتبة أديم الراشد ..

البارت الواحد والعشرون من رواية أحبيني بلا عقد للكاتبة أديم الراشد

ـ
*. #البارت_واحد_وعشرون👇💙*

ابو راكان : تميم انت الوحيد اللي تقدر تحسن من حالها اذا جلست كذا بنخسرها
انصدم تميم وحول نظره لنجوى يحتريها تصدق له الكلام
نجوى : عشان خاطر هالسنين لللي كانت فيها تداريك الله يخليك خالي اذا تحبها سو شي عشانها
مسك تميم راسه بخوف : وش فيها وش صار لها
قطع عليهم خالد اللي قال من بعيد : تميم خذ مفتاح للبيت وادخلوا احسن من الوقفه بالشارع
رمى المفتاح واخذه تميم بسرعه ودخلوا شرحوا لتميم حال ساميه اللي يرثى له استند تميم على الجدار وهو ياخذ نفس عمييق يقدر فيه يكمل مصايبه الجايه طلع بوكه وهو يحوس فيه وبعدها طلع رقم راكان وساميه اللي كتبه راكان رفع جواله بيد ترجف وهو هالفتره صارت الرجفه ما تفارق محيطه ما قدر يشوف الجوال من دموعه وصداعه والالم اللي يحس فيه بصدره مد الورقه لنجوى وهو يقول : لا هنتي اتصلي لي عليها بجوالي
وقفت نجوى اللي كانت تبكي على حال تميم اللي كانه بعمر 50 عام اخذت الورقه والجوال ودقت الرقم وجاها صوت رويده : الووو مين
نجوى : رويده اعطي امي الجوال
رويده : ليش داقه من رقم غريب
نجوى: اعطي امي الجوال وقولي لها خالي بيكلمك
صرخت رويده بفرح : يمممه خالي تميم بيكلمك يممممه
سحبت ساميه الجوال وهي تبكي : الو الو تمييم ي اخوي تمييم
عض تميم على يده ووقف وهو ياخذ الجوال وبصوت متردد ومشتاق : ما تشوفين شر ساميه ما تشوفين شر ي غاليه
ارتفع صوت بكى ساميه وصد تميم وهو يمسح دموعه ما قدر يتكلم اكثر كانت تمتم ساميه وكلامها من الفرحه مو مفهوم وبعد بكى وحوسه قدر تميم انه ينطق كلمه مفهومه : ساميه كيفك
ساميه: بخيير دامي سمعت صوتك
ابتسم تميم : ليش متعبه نفسك ومضايقتها تكفين ساميه انتبهي لنفسك
ساميه : تعبت ي تميم تعبت من تصرفات ابوي معاد ابي اي شي غير انه يوقف عن اللي يسويه فيك
تميم : ساميه انا لا تخافين علي بقدر اتصرف لكن انتي انتبهي لعيالك وبيتك ونفسك
ساميه : تميم انا بطلع من الرياض وانت جيب زوجتك وتعال عيش معي الله يخليك
تميم نزل راسه بضيق : صعب ي ساميه صعب
ساميه : قولي وش اخبارك وش سوت فيك الغربه
ابتسم تميم بحزن وهو يمثل فرح مزيف : ابد انا بخير وهذاني احهز لزواجي بعد 3 ايام وانتظر هند تصحى من غيبوبتها اجيبها عندي هي والوليد
شهقت ساميه ونجوى وبرعب : زوااج !!
تميم : يعني كنت على وشك الزواج لكن عرفت بوجود هند والوليد وجالس ارتب حياتي على هالنمط
ما قدرت ساميه تعارضه بأي شي ولا قال غير : تعال زورني خلني اشوفك واشبع منك
تميم : انا مابي اجي الرياض باي وسيله لكن اوعدك اتصل فيك كل فتره
ساميه للي كانت ما ودها تسكر لكنها قالت : اجل خلني ما اطول عليك

ابتسم تميم : لا اسمع انك تعبتي طييب
ساميه : ان شاء لله
سكر تميم ولف وهو مبتسم من كل قلبه ابو راكان : عساها ارتاحت
تميم : صار صوتها بخير
نجوى: كلنا بنصير بخير اذا رجعت لنا
تميم قرب وهو يحضنها : معليه ي خالي معليه الدنيا كذا محد لحد
ابو راكان : تميم تقدر تجي تعيش معنا اذا خرجنا من الرياض
تميم : لا لا ي ابو راكان انتم ارتاحوا وكل فتره تجون عندي
راكان : طيب انا بجلس عندك
تميم : انا مدري انت ليش تحب تعاند
ابو راكان : من شابهه خاله ما ظلم
تميم ابتسم : لا ما يحتاج خلك مع ابوك وانا اصلا يومين ويزدحم عندي المكان
نجوى: خالي جد بتتزوج
ابتسم تميم : ايه وبتحضرون زواجي ان شاء الله
ابو راكان : وزوجتك وولدك
تميم : بيعيشون معي عادي
ابو راكان : لله يكتب لك الخييير ي تميم
تميم : تعشيتوا
راكان : لا والله جوعانين
تميم :زين زين اجلسوا ريحوا وانا بطلع اجيبه واجي خذوا راحتكم
طلع تميم وجلسوا وهم مرتاحين ومبسوطيييييييييييين ان تميم رجع لهم نوعاا ما ••••€
عند خالد اللي كان بيموت من النووووم ودااايخ ومايدري وين يروح قرر انه يروح يدق الباب يخلي تميم يعطيه بطانيه وينام بالسياره لانه مو قادر يكمل صاحي اتجهه للباب ودق الباب وجلس يستنى الباب ينفتح لكن هالمره انفتح الباب بطريقه هاديه : خالي وش نس....
رجعت نجوى وصفقت الباب بوجهه خالد اللي صرخ لما انصفق الباب على صبعه وصتر يرفس بالباب وبعد صراخ فتحوا بو راكان وراكان وهم مرعوبييين : من انت من انت
سحب خالد اصبعه اللي اوجعه حيل وانكسر ابتعد وجهه احمر راكان قرب : انت صاحب خالي
دفه خالد الس قفلت منه من الباب واصبعه: انقلع انت وخالك
ابو راكان : صار لك شي
اتورم اصبع خالد اللي  انجن من الوجع طلع سعود على الصراخ : خالد وش فييييييييك
شاف خالد جالس وهو حاضن اصبعه وهو بيبكي خلاص ركض وهو مستغرب الناس اول ماشاف اصبع خالد صرخ: اصبعك وش كسره
صرخ خالد معه:مكسووووووور
سعود اللي يعرف خالد خواف : وش صار وينه تميييم متى جيتوا اصلا
خالد اللي قفلت معه وصار يخبط ويلعن اخذه سعود للمستشفى ورجعوا ابو راكان وراكان وشافوا نجوى واقفه بخوف وهي تبكي : وش صار
راكان : انتي وش لقفك على الباب هاه وش لقفك
نجوى: حسبالي خالي تميم ناسي قلت اشوف دامكم مشغولين لكن
ابو راكان : زين كذا من اول وا وصلنا كسرنا اصبع الرجال
شهقت نجوى وهي تبكي : انكسر
راكان : ايييه بارك الله فيييك صراحه ماينخاف عليك
رجعت نجوى وجلست وهي تبكي اما هم جلسو وهم شايلين هم خالد

•••$
عند تولين اللي كانت تدق باب الغرفت وهي تنادي ولكن محد رد عليها رجعت ورا وهي وطفشانه اتصلت على سلطان لللي جاوبها بسرعه: تولين
تولين: سلطان وينك تعال افتح لي الباب
سلطان بضيق : ماني بالبيت ي تولين وابوي حالف ما ينفتح
تولين : بس انا مخنوقه
سلطان:وش بيدينا خليني اكلمه واشوف
تولين : استعجل تكفى
سلطان: زين
قفل سلطان ودق على ابوه لكنه طنشه ولا رد عليه راح له للمكتب وقبل يدخل سمع مرجان يشرح لابو سلطان طريقة الحادث جلس سلطان بصدمه وتراجع بسرعه وهو ماهو مصدق ان ابوه سوا كذا رجع لمكتبه وجلس وهو يرجف من صدمه ولا يدري وش يسوي يقول لتميم او يسكت
•••€
عند تميم اللي كان راجع وبيده العشاء كان مبسوط رغم مصايبه وقبل ياخذ لفت البيت حس بأحد سحب ذراعه التفت بقوه وانفجع او ماشاف بنت سحب ذراعه: من انتي وش تبين !!
ضي: لا تستهبل انا ضي
انجلط تميم : وش تسوين هنا ي مجنونه
همست ضي بغضب وهي داخله بخرابه :اذا تحب تنفضح خلك واقف محلك
تقدم تميم بحذر ودخل معها الخرابه: وش تبين وشوله طالعه هالحزه من البيت
ضي:مو شغلك ولا تعيش دور الزوج على طول واسمعني بقول كلمتين وامشي
تميم : لمي لسانك احسن لك
ضي طنشته وهي تقول : تروح لابوي وتدور اي حجه وتفركش الزواج لو مدري وش تسوي المهم تفركش
تميم تكتف بعد ما نزل العشاء :وبأي صفه تتكلمين وتحت اي حجه
ضي:بصفة اني مابيك ولا ابي شوفة وجهك
تميم :كأني مييييييت عليك تذكري ان كل هذا بسببك
ضي : لا تسوي طالع منها المهم دبر نفسك
تميم : ضي لمي لسانك وارجعي لبيتكم ولا تفكرين اني بدور عذر اذا فيه احد يدور عذر هو انتي اما انا مستحيل ابدل كلامي
ضي :اجل خليني اقولك انك جبت شرك لنفسك وتحمل اللي بيجيك
طنش تميم ورجعت ضي ركض وتميم يراقبها لما دخلت وكمل طريقه وهو يقول : ي ربي المجنون ما يتركني والعاقل ما يلقاني ..
#رواية_أحبيني_بلا_عٌقد

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
متابعة + تصويت للفصل + تعليق