رواية أحبيني بلا عقد للكاتبة أديم الراشد ..

رواية أحبيني بلا عقد للكاتبة أديم الراشد .. البارت السابع والثلاثون

ـ
*. #البارت_سبع_وثلاثون👇💙*

سكرت ضي وماهي الا دقايق واندق الباب فتحت وكان سعد اللي جاء ببتسامه لتميم: تميم كيفك
تميم ابتسم وهو يقول يسلم عليه: تمام وانت
سعد : حمدلله
ضي :سعد اللعب مع الوليد
سعد اخذ الوليدد وراحوا يلعبون وقربت ضي : وش فيك مرمي كذا
تميم : شكلي ما اخذت كفايتي من النوم وتعبان
ضي : ادخل نام جوا عن ازعاجهم
تميم : ايه بقوم
ضي : انا  بروح اريح بعد
وقف تميم بصعوبه : اخاف يصير للعيال شي
ضي : بقول لكريمه تنتبه لهم
تميم : زين
دخل تميم وانسدح بتعب وجات ضي وانسدحت بعد
لف تميم : ضي
ضي :هممممم
تميم : انا اسف على اللي صار البارح ادري ضايقتك وثقلت عليك
ضي : يوووه ي تميم ما صار شي عادي وكل الناس كذا يضيقون المهم يرتاحون ... وقالت بضحك: وبعدين لا تخاف في الاختبارات بجلس كل يوم اصيح والله يعينك
ضحك تميم : نتقبلك بكل صدر رحب
ضحكت ضي ولفت تناظر راسه : اوجعتك الضربه امس
تميم مد يده لمكان الضربه : شكل كل هالتعب منها الله يستر لا يكون سويتي مصيبه براسي
ضي ضحكت: محد قالك ما تقول انك جاي
تميم : وانا فاضي لك حزتها
ضي : عاد صار اللي صار
تميم: بس براڤو عليك ماعليكم خوف اجل
ابتسمت ضي وهي تتلحف : اكيد وش مفكر
سكتوا وبعدها قال تميم : غريبه ما اصريتي تعرفين وش صار
ضي : مالي حيل اسألك احتريك تقول
تميم: كنت ادري انك ما بطلتي لقافه
ضي : خف علينا ي محور الكون ترا ما همني لكن حق العشره
تميم: الله والعشره كلها اسبوعين
ضي اعتدلت وهي تتكف: انا انسانه وفيه اليوم عندي بدهر
دفها تميم بمزح: ي شيخه ما عمري شفت اكذب منك على وجهه الارض نامي بس
ضي : هييين بترجعك الايام
لفت وهي تتلحف وبعد فتره من السكوت وضي ودها تعرف بس كبريائها مانعها تفاجأت بتميم يقول : امس عرفت اني امي من 26 سنه ماهي امي
شهقت ضي ولفت تناظره: وشو
تميم : والادهى والامر قصة امي
ضي : تميم وش تخربط انت
تميم : يووه ي ضي قصص وقصص لو تسمعينها تقولين انك بفلم
ضي : يمه تميم تكلم عدل مو فاهمه شي
تميم اعتدل وهو يقول : من وانا صغير كنت ألاحظ فرق المعامله بيني وبين اخواني كانت تزعلني بس ارضى اذا شفتهم مبسوطين
كان ابوي دايم واقف بوجهي وضدي في كل شي في واب شي يدري اني برتاح فيه يقلبه علي نكد دراستي وجامعتي ووظيفتي وحتى زواجي وحياتي الخاصه بعد لو اني ما كنت اعاند وامشي برغبتي كان الحين انا ولا شي كان متسلط ويحب يبني نفسه على الناس وماكانت امي احسن منه فالتعامل كانت هي بعد قاسيه ومحطمه لكن مع ذا عمري ما تخيلت اني ممكن في يوم من الايام ادري ان امي مو امي ولا عمري تقبلت هالشي وامس عرفت ان .....حكى لها كل القصه بدون ما يتردد وماكان محتاج يشوف ملامحها لانه يدري بصدمتها
اما ضي اللي كانت تناظر بصدمه في تميم طلت في وجهه : تميم اكيد تمزح مستحيل يكون ذا شي موجود تميم شلون ابو يسوي كذا
ابتسم تميم بأسى : وعاد نفس الشي على ولدي وطبق نفس الموضوع وذبحه بحياته انا مدري وين الابوه فالموضوع
ضي كانت حاطه يدها على قلبها بصدمه عمرها ما توقعتها ناظرت وجهه تميم اللي ابتداء يتغير ما قدرت تعلق بشي كانت القصه بالنسبه لها فيلم ما يتصدق
تميم : مدري ليش كنت تنبشين ورا قصتي لكن هاذي هي قصتي مافيها ولا طرف سعيد
ضي حست بدوخه عمرها ما جاء في بالها ان هاذي قصته اللي مخبيها حزتها عرفت وش هي معاناة تميم بالحرف الواحد وكيف
رجعت لوراء بضيق وهي تحس بحزن على تميم اللي كان يناظر فراغ وتحرك وهو يهوي نفسه : هاذي هي القصه اتمنى ما تطلع لاي احد والمهم تولين بتجلس هنا شبه دائم حاولي تدخلين معها بجوها اكيد حاسه بضيق من زعل هند
ما ردت ضي اللي تحت الصدمه للحين اما تميم انسدح وهو يتلحف ويحاول يكبت كمية الضيق اللي بصدره والمشاعر المتضاربه
عم الهدوء على المكان ولا واحد فيهم قادر انه يتكلم او ينام وبعد عصف مشاعر قوي نام تميم وماكان نوم قد ماكان تعب وفتور وهد حيل اما ضي طار عنها النوم وجلست وهي تراقب تميم وبعدها وقفت بسرعه وطلعت ركضت للمستودع فتحته  وهي تدور هذاك الدولاب لكنها حصلته مفتوح ولا فيه اي شي تنهدت بخيبة امل ورجعت شافت تولين بالصاله : تولين ما نمتي
تولين: لا ما حس فيني نوم
ضي : وانا بعذ تعالي نتابع شي او نسوي شي
تولين نطت بفرح: نطبخ
ضي ناظرتها بذهول : لا لا انا مالي شغل بالطبخ نهائيا
تولين: بنسوي اي حلا يطلع معانا او كيك
ضي: بس انا معرف
تولين : شلون ما تعرفين !! يلا ماهي مشكله تعالي معي  ضي: يلا  بس خليني اقفل الباب على تميم وارجع لك
ركضت سكرت الباب وبعدها دخلت مع تولين المطبخ وابتداء التخبيص
والحوسه •••€
عند زياد اللي من اول ما صحى وسحر تزن عليه الا تبيه ياخذه لهند اخذ جواله بضيق وهو يدور لاسم تميم دق وهو ينتظر رد تميم لكن ما رد
زياد : سحر الرجال ما يرد اكيد نايم
سحر : الله يخليك اتصل مره ثانيه واخر مره
زياد: ي بنت الحلال بزعجه
سحر: عشاني ي زياد الله يخليك
تنهد بضييق ورجع يدق
اما عند تمييييم للي ازعجه الجوال لكنه فيه تعب مو مخليه حتى يقدر ياخذ حس بأحد دخل وكانت ضي اللي من سمعت الجوال وهي تركض بشويش اخذته بسرعه وهي تصمته لكن ضاقت لما شافت تميم يتحرك بضيق وهو يناظرها وقال بتعب : مين !
ضي قفلت الجوال وهي تتوجه له وترجع تلحفه : انت نام اذا صحيت ارجع دق له
ما قدر تميم يرد ابد ورجع يغط بدوامة نوووم مزيف طلعت ضي واخذت جوال تميم معاها وقفلت الباب •••€
زياد: قلت لك ما يرد اكيد نايم او مشغول
سحر: وش السوات طيب
زياد : انتظري اكيد بيرجع يدق
سحر : واذا ما دق واذا اصلا مايبينا نجي
زياد: سحررررر خلاص خلاااااص صار مالك هم الا تعقبين على تصرفات تميم انتهينا خلاص تميييم للمره المليون ما غلط ما غلط ولا تنسييين ان له الفضل بعد الله له يوم توفى ابوكم شالكم على كتوووفه ولا اشتكى وعشان غلط اختك اللي محت كل الثقه بينهم وراحت ولا حتى كلفت على نفسها تقولنا والحييين تحملينه كل الخطاء تدرين لو اني  مكانه اخذ ولدي ولا حتى التفت لها
قام وطلع وتركها وراه تكتفت ضيق وهي ماتدري ليييش ماهي قادره تتقبل تميم من بعد حادث هند ••••€
عند تولين اللي كانت تزين وجهه الكيك رفعت راسها تناظر ضي اللي دخلت وهي عافسه وجهها : وش فييك مالحقتي على الجوال وصحى تميم صح
ضي جلست : لا لحقت بس يعني ما صحى مره رجع نام
تولين : وش فيك طيب
ضي : ولا شي بس ما اداني اللي يتصل
تولين ضحكت: والله ي ضي بصراحه انتي انسانه عجيبه
ضي ابتسمت: ليش
تولين : مدري صراحه احسك بايعه الدنيا مو هامك احد حتى تميم
ضي : لا لا عادي بس كذا ما احب اكون جديه
قطع الكلام اتصال جوال تولين اللي ابتسمت اول ماشافت الاسم تركت الحلا بالثلاجه واخذ الجوال وهي ترد على ( سعود)
اما ضي اللي من طبيعها تحب تفتش فادخلت على جوال تميم كان فاضي مافيه اي شي يشد حتى ماله اي تواجد بمواقع التواصل  طلعت وراحت للواتس كان اغلبها خالد وسعود والمستشفى ومن بينها كان فيه رقم يرسل ويترجى تميم يرد عليه فيه موضوع استغربت ودخلت وهي تشوف تميم ما رد نهائي غير انه قال ( ماني فاضي لهالتفاهات )
طلعت جوالها بسرعه وهي تاخذ الرقم وصورت كل هالمحادثات وطلعت وراحت تشوف باقي الرسايل وشاف رساله لسعود يقول : (تميم وش صار في موضوعي مع اختك )
شهقت وهي ترجع فوق ماشافت اي كلمه تخص هالموضوع لكن شافت تميم راد عليه ( ان شاء الله ي سعود بتنحل ، عطني وقت بس)
ضي : وش دخل سعود في اخت تميم واخته مين بالظبط وليش الموضوع عند تميم عادي
رجعت تولين لها : ضي يلا عشان ننادي هند ونتقهوى
ضي سكرت الجوال : يلا روحي ناديها وانا اجيب الاغراض
راحت تولين وقابلها الوليد وسعد : احنا عطشانين
تولين : روحوا لكريمه
ركضوا للمطبخ وكملت تولين طريقها لغرفة هند دقت الباب وسمعت صوت هند : ادخل
دخلت بهدوء : هند تعالي القهوه

#رواية_أحبيني_بلا_عقد..

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
توقعتكم
متابعة + تصويت للفصل + تعليق