رواية أحبيني بلا عقد للكاتبة أديم الراشد ..

البارت السادس من رواية أحبيني بلا عقد للكاتبة أديم الراشد

ـ
#البارت_الـــســادس👇💙

لف ابو سلطان وشاف الحي كله مجتمعين والحراس بالقوه يرجعونهم وتقدم وقال : هالمحيط اللي حولك هم رهن تهديدي
جمد تميم اللي ناظر حوله وبعدها ضحك بغضب وقال: اللي ما تطول بيدك طول برجلك ي اللي عمرك ما صرت ابوي  ههههههههههههههههه
ارتد ابو سلطان بغضب لسياره ولف وهو يأشر بعصاته على تميم وصرخ: لا تنسى انك انت اللي اخترت
رفع تميم يده وهو يأشر له بمعنى ( مع السلامه )
وتحركت السيارات وعجز تميم يحصل عذر يبعد اللي صار من قبال اهل الحي
ابو مسعود : تميم ي ولدي وش ذا اللي صار من ذا
خالد ركض لتميم : تميم وش صار هذا وش يسوي عندك
سعود قرب برعب وهمس : هذا ابوك
لف تميم وهو يحاول يبتسم: عرضيه ي جماعه ما تنذكر والله
ابو سعود : اذا فيه شي وتحتاجنا ترانا جنبك
ابتسم تميم من قلبه : ما يحتاج ما يحتاج تسلمون
افترقوا الكل بعد ما دعموا تميم نفسيا ما عدا خالد وسعود اللي للحين الصدمه مربكتهم صحوا على صوت الخادمه اللي تطلب فلوسها اعاطها تميم ودخلوا ودخلو وراه خالد وسعود
خالد :تميم هذا ماجد المشرف صح او انا يتهيأ لي
تميم جلس وهو يفرك جبينه : ايييه هو
خالد : وليش قلت انه تطابق اسماء وانك مالك علاقه فيييه
تميم صرخ : لان مالي علاقه فيييييييه
سعود : وشلون وهو ابووووووك
تميم وقف وهو يصرخ بغضب : انا جيت هنا صح وقلت انا تمييييم المشرف في البطاقه بس وهذا شي منتهي لا تناقشوني فيييه
دخل تميم وصفق للباب ووقفوا خالد وسعود وهم مصدومين  كانو يعرفون القصه بس مايدون مين اهل تميم بالظبط
دق جوال سعود بمنبه الطياره وتنهد وهو يقول : خالد لا تتركه الا لما تفهم
خالد : وانت وين رايح بعد!!
سعود :عندي شغل فالرياض ومسافر
خالد: وش شغلك انت بعد لا تجننوني
سعود طلع وترك خالد اتجهه لبيتهم ودخل وهو مايبي يتكلم بس وقفه صوت ابوه : سعود
لف بهدوء :لبييه
ابو سعود : وش فيه تميم وش يبي هالرجال منه !
سعود : مدري ما قال شي بس مشكله قديمه
ام سعود : يا ساتر والله واضح انه مهوب هين
سعود : على الله المهم انا بروح الرياض في مؤتمر بحضره تبون شي
ام سعود : ي ربي من هالروحاتت ي سعود انتبه لنفسك يمه مالها ضروره
سعود نزل وهو يبوس راسها : يمه ما بطول بكره بالكثير وانا هنا
نوره: يعني اشوف انك لو تتركها احسن
سعود : لا لا لازم احضرها المهم بتأخر انا خلوني اروح ضييييييييي ضيييييي وين الشنطه
نزلت ضي اللي ابتدت تخاف من اللي صار هذا كله ننزللت بسرعه ومعها شنطة سعود مدتها بهدوء وركض سعد: ضي فاااااتك وش صار
ضي ناظرت له بهدوء: وش صار
ابتدا سعد يحكي وضي تفكر بكل شي صادفها الييييوم اما سعود طلع للمطار وهو صدمته قويه
عند تميم اللي دخل وهو يحوس بنفسه ومقهووور من كل شي حوله ( ليييه ي ربي ليييه كنت عايش كويس كنت مستقر ليشش طلعوا بوجهي من جديييد لييش )
جلس وهو يحس بتعب حيله مهدود من كل شي تذكر تهديد ابوه له بالناس وقف وهو يضرب الدولاب :اصلااااااا وش الجديد طول عمره عيونه على اللي احبهم ماله قصد الا يدمرني
حس بخالد اللي دخل :تميييم
لف تميم وهو معاد فيه حيل حتى يصرخ: نعم ي خالد نعععم وش تبي تقول انت بعد ايه انا تميم ماجد المشرف ولد ذاك الوزير وش اللي بيتغير ؟! خالد قرب بهدوء وجلس : يعني فيه سؤال محيرني
تميم :قول
خالد: دامك من هالناس وش اللي رماك هنا كان سافرت رحت لاي ديييره ليش عايش في هالاحياء
تميم : وانت بعد كذا تفكيرك ! خالد ناظرني زييين ي خالد تشوفني مستانس وانا من هالناس قووولي مستانس ههه لا واكيد لا ااااخ بس لو اقدر اشيل هالاسم وارميه بعييييييييد مابيييه مابيييه ابي اكون تميم البسيط مابي هاللي يصير كله مابيييه كفايه والله كفايه
خالد سكت : طيب ي تميم بس وش بتبرر للناس اللي برا
تميم : ما يحتاج ابرر ما دام عرف مكاني هو يبرر مع الايام
خالد: كيف بتسوي الحين ؟
تميم : بحاول اعيش واتجاهل والا عمره ما بيكون تمام
خالد : طيب كيف عرف مكانك
ضحك تميم :تتكلم عن وزير ي ابني يده طايله كل شي بيجيبه
خالد بتردد : دام كذا بتضطر انك تواجه كل الماضي ومنها هند
تميم : هند انتهت انتهت
خالد: طيب بسألك
تميم وهو يشد على راسه: بتقول وش اللي حصل ؟! خالد: ايه
تميم : انا مدري وش اللي حصل كان اخر شي غرفة الانعاش اشياء فارغه بعقلي ما اتذكرها مو عارف اللي اعرفه اني صحيييت وما حصلتها ولا حصلت ولدي قالولي انه مات وهي راحت غير هذا ما اعرف
خالد: يمكن ابوك سوا شي !
تميم : هههه وكل شي من تحت راسه
خالدء: وليه متحامل على هند
تميم : لان هند تركتني وهي حلفت إنها تتخطى كل شي معي كانت تدري بكل شي وتدري باللي ابوي بيسويه ومع ذلك وعدتني واخلفت
خالد : مدري وش اقول بس فيه سر كبير وراء هذا
تميم :مالي خلق اكشف اي شي خلاص انتهى كل شي ابي اعيش بلحالي احسن واحتمال كبييييير اطلع من هنا
خالد انهبل : معصي والله طلعه من هنا مافيه واذا اضطر الامر آنا نهدد بعد

تميم : وش تهدد فييه انا مو هامني اصلا لكن خايف عيلكم
خالد: من ايش!!!
تميم : ولا شي ولاشي المهم انا تعبت ابي اريح وانت بعد روح ارتاح
خالد جلس بهدوء وهو يراقب تميم اللي انسدح بتعب وواضح انه مايبي ينام
بس بيسكر الموضوع ••••€
عند سعود اللي استقل الطايره وهو مذهول للحين سحب جواله وهو للحين يحاول يستوعب او يحط عذر اللي صار ارسل رساله ( حبيبي انا بالطياره جاي الرياض وحشتيني حيل )
نزل جواله واستند وهو يفكر لكن شد انتباهه ضجه وكأن احد  مهم موجود طل براسه وكانت الصدمه انه ( ابو سلطان ) رجع سعود لمكانه بهدوء وهو مو مستوعب دقق بنظره على الحراس اللي لهم مكان وشاف كيف انه انسان مهم وراعي خير تنهد وهو يقول ( وش اللي طلع تميم من هالعيشه ي ترا وش اللي حده يوصل لهالمرحله )
ارتخى وهو يدري انه مهما فكر ما رح يطلع معاه شي •••€
عند ابو سلطان اللي كان معصصصب وهو يضغط على يده بقووه لف وهو يقول : عااارف
عارف : سم ي طويل العمر
ابو سلطان : اليوم ابيك تسوي لي بحث عن اهل الحي كله وعن عيشة تميم ابي اعرف كل شي تجيبه لي كله سامعني حتى ادق التفاصيل
عارف: ابشر طال عمرك
•••€
اما عند راكان اللي كان جالس عند ابوه : يبببه انا ابي اسافر مع العيال
ساميه: وين بتروووح
راكان : نتمشى يمه تمشيه داخليه ومنها نزور واحد من العيال تعبان
ابو راكان: ومتى راجعين
راكان: اسبوع ونرجع
ساميه: تروحون طياره سياره لا
راكان: وهذا اللي بيصير يمه
نجوى نزت: وش صاير
ساميه : بيسافر
نجوى: ويييين خذني معاك
ابو راكان : رايح مع اصحابه
نجوى: يوووه والله من زمان ما سافرت
ابو راكان بحده: وراك جامعه ولا ناسيه
نجوى بهدوء: لا ما نسيييت بس يعني زهقانه
ساميه: المهم لا تطول ورد علي وبلغني اذا وصلت طييب
راكان : ابشري يلا بروح اجهز شنطتي •••€ عند تولين اللي كانت زهقانه من البيت ومن تصرفات امها واختها وزوجة اخوها طلعت من غرفتها وصارت تتمشى بالبيت وطلعت فوق لجناح تميم ابتسمت بحب وفتحت الباب ودخلت كان على حطت يد تميم محد غير فيه شي كل شي موجود كل شي ابتسمت بحب لصورته المعلقه بالجدار قربت وهي تتأمل ملامحه: ان شاء الله يقدر سلطان يرجعك ان شاء الله مع اني خايفه من اي حقيقه ثانيه
جلست وهي تناظر كتبه ومذكراته وجهازه اللي مليان بالاوراق اللي عليها مهامه سحبت ورقه وشافته كاتب ( 8:30 موعد هند بالمستشفى )
وسحبت الثانيه وكانت ( العصر موعد مع الجمعيه الخيريه )
الثالثه ( زياره لدار  الايتام)
نزلتها وهي تبكي : يالله قد ايش كنت تحب الخييير ويالله قد ايش كنت تحب هند لكن وينها هننند ويييييييينها وانت وييين

#رواية_أحبيني_بلا_عٌقد

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
توقعتكم
متابعة + تصويت للفصل + تعليق