رواية أحبيني بلا عقد للكاتبة أديم الراشد ..

رواية أحبيني بلا عقد للكاتبة أديم الراشد .. البارت الثامن والثلاثون

ـ
*. #البارت_الثامن_والثلاثون👇💙*

ناظرتها هند بهدوء: مشكوره مابي
تولين : هند اسمعيني والله مالي ذنب والله امي هي اللي منعتني
هند : كنتي تقدرين تقولين لتميم
تولين : تميم ما سمع منا اصلا جلس تعبان شهرين فاقد الذاكره ولا يدري وبعدها اول ماتذكر اخذ اغراضه واختفى
هند : الله يخليك تولين خلاص
تولين بحزن : طيب تعالي القهوه
هند نزلت راسها وقربت تولين : تكفين هند انسي اللي صار وتعالي
هند : بسامحك عشان الوليد بس
تولين ابتسم وهي تحضنها : حبيبتي والله
ابتسمت هند وراحت مع تولين وجلسوا بالصاله ينتظرون ضي اللي جات معها القهوه وجلست ابتدت تصب لهم وهي بالها مع جوال تميم واللي فيه
تولين: ضي وش فيك
ضي :هاه ولا شي بس يعني قلقانه على تميم احسه بيتعب
تولين :ليش فيه شي يوجعه شي
ضي بأسلوب نرفز هند :ما ادري من امس وهو يشكي يحس نفسه تعبان اتوقع ان جو البيت شوي مسبب له اكتئاب
هند : وش تقصدين
ضي ببراءه: اقصد ان البيت صصغير والتهويه فيه قليله عشان كذا مكتوم مكتئب نفسي اقوله يفتح حوش نتوسع فيه
تولين كملت وهي ما تدري : اي صادقه نقوله بس يصحى
هند ناظرت ضي بحقد: والله هو عايش فيه من 5 سنين وما كتأب وهذا يدل ان فيه احد مفروض عليه ومسبب له اكتئاب
ضحكت ضي وهي فاهمه مقصد هند : اي وانتي صادقه والله وانا من خمس سنين اعرفه ويعرفني  واموره مستتبه وبخير واخلاقه عاليه حتى طول فترة الخطبه ي زينه لكن مدري وش صاير
هند : ههههههههههههه والله صراحه مدري وش اقولك يعني لو هو بخير ما  رجع زوجته الاولى لبيته
تكتف ضي وهي تناظره بقوة : قصدك ام الوليد
تولين حست بهند اللي بتنفجر وشافت الحرب بتقوم ووقفت بسرعه اول ما شافت تميم : هلا تميم تعال اجلس تو حطينا القهوه
جاء تميم اللي ما سمع شي من اللي صار وكان مسخن تقدم وجلس بجنب ضي وكان فيه مساحه بينهم يقدر تميم ينسدح فيها انسدح وهو يحط رراسه على رجول ضي ومد يده واخذ يدها وهو يحطها على جبينه : ضي شوفي فيني سخونه
شهقت ضي بخوف : تحترق تحترق
تميم ناظرها بفجعه : جد
ضحكت ضي وهي وهي تحوس شعره : مافيك شي بس تتدلع
تميم ناظرها بصدمه: من جدك
ضي: والله تميم مافيك حرارة
تميم :والله احس نفسي مسخن
ضي: انت جسديا مو مسخن
رفع تميم حواجبه وهو يناظرها وفهم قصدها بأنه نفسيا تعبان : وش اسوي طيب
ضي سندته يجلس وهي تهمس له : خلك مثل خمس سنين طافوا
اعتدل تميم اللي يناظرها بهدوء وبعدها انتبه لتوتر اللي فالجو وشاف نظرات هند لضي وضي لهند وتولين اللي تبتسم بغباء بينهم
تميم : فيه شي
هند وضي :لا
تميم رفع حواجبه بأستغراب :وين الوليد
هند : يلعب
ضي : يلعب مع سعد اخوي
تميم ابتسم بأستغراب من الدفع القوي بالكلام ناظر تولين وهو يسأل بعيونه ورفعت كتفها بمعنى :مدري
هند : تميم ابي اشوف سحر توديني لها
تميم :اود...
قطعت كلامه ضي : تميم ما معنا الا بكره وعلي اختبار ضروري تكون فيه
تميم : انتظري ضي ...اقدر واوديك وارجع بس مو تعب عليك
هند : لا
تميم: المشكله اني وراي تولين وضي وجامعتهم ليتك تكلمتي من قبل
هند : يعني ما انت موديني
تميم : تقدرين تنتظرين اسبوع واوديك من بدري
ابتسمت ضي ولفت هند بغضب: مشكور مابي منك شي
تميم : هند  هند ...وش فيها وش صاير
تولين : انا بكلم امي
انسحبت تولين وتركت ضي اللي جالسه ببتسامه غبيه
تميم: ضي وش فيه
ضي: ولا شي انت شفت مدري عنها
تميم : ضي مو علي قولي وش صاير
ضي تكتفت : والله سالفه تافه وهي ان ....قالت له كل الموقف وتميم يناظرها بذهول
تميم: ماشاء الله ما قصرتوا في بعض كل وحده لها عيار بلحال
ضحكت ضي : انا قلت الصدق واسال تولين بعد
تميم : وش تنتظرين مني يعني اقول الحين صرت انا زوج الضراير وكل وحده لها مكيده
ضي : هههههههههههههههه انا متنازله لضرتي ي زوجي
تميم بطرف عين : مو كنا طول فتره الخطوبه مرتاحين ليش ما نرتاح الحين
ضي وقفت وهي تضحك ونزلت تناظر تميم : حبيبي تميم شكلك نسيت كيف كانت راحة الخطوبه اذا تحب نقدر عيدها بس بتكون راحة الزواج
راحت وتركت تميم اللي مانسى كيف تزوجها والبلاوي اللي صارت في اسبوع ضحك وهو يستند على الكنبه: والله كدينا خير دام قاموا يتهاوشون علي يلا كنت مستغرب والله ان ماصار هوشه في اول يوم
تولين: تميم تكلم نفسك
ضحك تميم: تعالي قولي وش صار بينهم
تولين : والله ي اخوي خلني اقولك انك متزوج اثنين كل وحده راسها بسرائيل بكبرها
تميم: ليش
تولين:ههههههههه يبدو ان الغيره المسيطره وهند ترمي على ضي وضي ترمي دبل
تميم: يالله ومن اللي بداء
تولين : والله مافهمت السالفه اصلا كيف بدت مدري اذا ضي قالت لك
تميم : قالت قالت
تولين : والله هالضي عجيبه وهند عمري ما توقعتها تصير كذا
تميم :توقعي كل شي ممكن يطري لك المهم انا ارسلت لجامعتك خطاب لاختباارك عشان يصير عن بعد وانتظر ردهم
تولين: بيقبلون
تميم: اكيد بيقبلون اذا عرفوا ابوك
تولين تنهدت بضيق وتميم اللي رجع لنفس الدوامه اللي يحاول يطلع منها لكنه لف يقول: خليني اشوف هند وش وضعها
تولين :موفق
وقف تميم واتجهه لغرفة هند :هند
هند بعدت وهي تمسح دموعها: ماله داعي تقول شي وماله داعي اتعبك بقول بزياد يجي ياخذني
تميم جلس وهو متكتف وهند تتكلم وتتكلم بنفس كلامها ولما خلصت ناظرت تميم تنتظر منه رد لفت تميم :خلصتي
هند :وهذا انت ما تتغير
تميم ابتسم : تركتك تقولين اللي تبين واذا خلصتي خليني اقولك شغله ادري ان رغبتك في روحتك لسحر كانت ناتجه عن التتش اللي صار بينك انتي وضي واللي جدا كان تافهه وادري انك تقدرين تصبرين اسبوع وبعدها اوديك لذلك انسي لي ضي من الموضوع واسمعي تولين موجوده هنا مقدر اتركها ولا اقدر اخذها عشان كذا خليني ارتب امورها خلاص هالاسبوع وبيكون سلطان استقر فالقصيم وحزتها اقدر اخذ تولين لعنده وبعدها اوديك طيب
هند ناظرته بشرود وهي تدري انها غصب بتوافق عشانه وعشان نظرة عيونه اللي ما غيرتها السنين
صفق تميم بهدوء: معي !
هند : طيب
ابتسم تميم ووقف وهو ينزل يبوس راسها : ماله داعي بنت صغيره تخليك بذا التفكير
هند طاحت دمعتها : هالبنت اخذت اغلى ما املك
تنهد تميم وطلع وهو مايقدر حتى يعطيها كلمه تطمنها طلع وهو يدور جواله ما حصله ولف :تولين شفتي جوالي
تولين:مع ضي
تميم اخذ طريقه للغرفه ودخل لكنه رجع بسرعه من صراخ ضي : هييييييييه انا اللبس ي عديم الاحترام استح على وجهك وين مدرعم بيت ابوك هو
ناظر تميم في تولين اللي وقفت برعب وهو محرج ويضحك ضحكه غبيه ودخل وزداد صراخ ضي لكن تميم دخل وهو لاف لورا قرب وهو يسكر فمها غصب وسحب المنشفه وهو يغطيها فيها بدون ما يشوف شي : اسكتي تولين برا فضحتينا خليتي اللي ما يشتري يتفرج
ضي :وانت من قالك ادخل بدون ما تدق الباب
تميم : تخيلي بس اني ادق الباب على زوجتي
ضي : ماشاء الله تراك كنت تدقه وش معنى الحين ي زوجي
تميم : والله لو تولين تشوفني ادق الباب لينكشف كل شي
ضي : ي سلام وش فيها اذا دقيت الزوج على زوجته عاااار
تميم جلس وهو صاد : لا ي روحي بس الازواج الطبيعين مابينهم خصوصيه والباب مايندق الا للخصوصيه
ضي نست نفسها وهي تتكتف : نعم وليه مافيه خصوصيه وش رايك تدخل عليها وهي تلبس عشان تصير طبيعي
تميم ضحك بقوه وهي يناظرها بطرف عينه: ضي عيوني اللبسي احسن لك بالحمام هذا واحد اثنين تذكري اني معك بالغرفه وثلاثه الناس الطبيعين ي مختله كل شي بينهم حلال وحتى لو دخل عليها مفصخه فهمتي والا نشرح اكثر
ضي تفشلت وهي تسحب نفسها من الموقف واخذت ملابسها وراحت الحمام
ضحك تميم وهو يقول : وين جوالي
ماردت ضي اللي صفقت باب الحمام وقام تميم وهو يدور عليه وحصله وجلس وهو يشوف مكالمات زياد استغرب بس دق وهو ينتظره ••€

#رواية_أحبيني_بلا_عقد..

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
توقعتكم
متابعة + تصويت للفصل + تعليق