رواية أحبيني بلا عقد للكاتبة أديم الراشد ..

البارت السادس عشر من رواية أحبيني بلا عقد للكاتبة أديم الراشد

ـ
*. #البارت_السادس_عشر👇💙*

عند ضي اللي كانت تبكي وهي حاضنه امها ونوره واقفه بهدوء وهي متوقعه اللي صار اصلا طول الوقت شاكه فيه هي وتميم لفت على صوت سعود : نوره اعطيني شنطة الاسعاف
قرب وهو يرفع امه : يمه حبيبتي تعالي معاي برا شوي خليني اضمد جروحها
ام سعود وهي تبكي :تكفى ي سعود لا تسوي لها شي ترا هي بزر ومظلومه
سعود باس راسها : يايمه انا عون لخواتي من كل شر حتى لو غلطوا انا بساعدهم يرجعون لا تخافين
جلست ام سعود وهي تبكي وجات نوره واعطته شنطة الاسعاف ودخل وسكر الباب اتجهه لها وجلس بجنبها وهو يرفع شعرها : وش اللي تبين تعرفينه من ورا تفتيشك هناك
ضي وهي ترجف : لما رحنا اشرف على الخادمه كنت اتمشى وحصلت الدولاب جاني فضول بشوف وش فيه وبعد ما ......إلى آخره.
سعود كان يسمعها وهو ينظف جرحها ناظرها بهدوء : شفتي وش جنيتي من افعالك
ضي :والله اسفه دخيلك سعود لاتخلي ابوي يزوجني له الله يخليك
سعود بهدو: ان شاء للله اقدر اقنعه
ضي بكت وهي تحضن سعود اللي كان خايف من هالحادثه واللي مخليه هادي انه هو بعد جالس يخون تميم ولايبي يسوي اي حركه تبعده عن تولين ••••€
اما تميم اللي طلع وهو ينتظر ابو سعود اللي جاء وهو مقطب وقف تميم واتجهه له :ابو سعود انا اسف على كل شي ادري اني ضيقت خاطرك لكن والله وغلاتة بصدري اني عمري ما ناظرت نظره سيئه ابدا وعرضكم وشرفكم عرضي انا بعد
سكت ابو سعود وصد قرب تميم وهو يبوس يده وراسه:انتم فضايلكم علي مالها حد واكون ابن حرام لو خنتكم انا طالب يد بنتك على سنة الله ورسوله
هدى ابو سعود : وانا عطيتك وبعد يومين الملكه والاسبوع الجاي الزواج
انصدم تميم وهو اللي كان متوقع انه بيحل الموضوع لككنه تورط
ابو سعود بحده: وش قلت
تميم ناظرت بفهاوه: اللي تبي
تحرك ابو سعود وترك تميم اللي رجع للبيت واتجهه لخالد :خالد
خالد ترك اللي بيده:وشو بعد
تميم جلس وهو يشرح له ناظره خالد بتناحه: تستهبل وش تقول انت
تميم :كنت احسب انه بيقول حصل خير وانتهى الموضوع
خالد رمى عليه الشاحن:ياااغبي وش اللي حصل خير الرجال انهى موضوعك من زمان
تميم :وش السوات
خالد : السوات انك بتتزوجها وغصب عليك
تميم: خالد دخيلك ساعدني
خالد: تستاهل خليك هذا التسرع تستاهل
تميم :خالد
خالد: محد بيساعدك الا سعود
تميم :وش تقول ي خبل اروح اقول خطبت اختك ومابيها
خالد: وش اسوي طيب اقبل وانتهى
تميم حط يده على راسه بصدمه وهو يحاول يستوعب اللي سواه ••••€
عند ابو سلطان اللي دخل على احد الرجال :طال عمرك عرفنا عند هند كل شي
ابو سلطان لف :وشو هات
اعطاه الاوراق وقف يناظرها ابو سلطان طلع وهو يدق على احد معارفه فالنفوس وهو يقول :لللي قلت لك جاهز
الرجل: ايه جاهز ي ابو سلطان وتحت امرك
ابو سلطان : ارسلها لي بسرعه
نزل ابو سلطان وهو يكلم الحارس :احجز لي للقصيم بسرعه
الحارس:ابشر •••€
عند ضي اللي ضمد جروحها سعود ونزل انسدحت وهي تلم نفسها على للسرير ببكى فتح الباب ابو سعود ومعاه سعود وامه ونوره وسعد
جلست برعب وهي تبكي تقدم ابو سعود : تجهزي لزواجك بعد اسبوع وبيكون هنا فالحاره
عمت الصدمه على الكل طلع ابو سعود وسعود وراه بصدمه وهو يحاول يقنعه لكن من يفهم انقلب البيت لعزاء وبكى وصراخ وقف سعود بصدمه وهو يحط يده على راسه اسرع لتميم وهو يدق الباب فتح خالد :سعود وش فيك
دخل سعود وهو يصرخ: تميم وش سويت ليش تسرعت ليش كنت بحل الموضوع وقولي وش بسوي الحين
تميم وقف بهدوء: الموضوع بسيط ي سعود
سعود :وش بسيط وش بسيط احد يتزوج  كذا وبظلم
تميم :انا اصلا كنت افكر اتزوج من هنا ولا بلاقي مثل اختك
سعود : تميم لا ترفع ظغطي ادري ان كل هالشغله مو في بالك
تميم :الحين صارت وانت مالك شغل انا بتزوج وانتهى
جلس سعود وهو ماسك راسه وخالد متكتف بهدوء وتميم اللي ما كان يقتنع بس لازم يقتنع والا بيفترق هو وسعود •••€
عند راكان اللي رجع لرياض دخل البيت بهدوء وهو حزين قابلته رويده :حمدلله على السلامه
راكان : الله يسلمك
رويده : فاتك وش صار
راكان : وش صار
رويده جلست وهي تحكي له وكانت صدمة راكان صدمتين وقف وركض لغرفة امه اللي كانت مريضه :يمه
نجوى ناظرت وعرفت انه عرف اشرت له يسكت لةن ماطاع رااكان :يمه وش صار وش اللي تقول رويده
ساميه بكت وهي تصد نجوى: راكان خلاص امي تعبانه
راكان :عشان كذا طردني خالي
نجوى بصدمه: كيف رحت لخالي
راكان ناظرها بهدوء :حصلته
وقفت نجوى وهي تصرخ: كيف لقيته وش قال لك
راكان بضيق :قال اطلعوا من حياتي وراجع لامك وخواتك
ارتفع صوت ساميه وهي تبكي وصدت نجوى وهي مقهوره وتبكي هي بعد
•••€
المغرب عند تميم اللي كان جالس هو وخالد قبال البيت بهدوء وهو يفكر بحل لمصيبته غمض بقوه لما كشح النور بوجهه رفع يده وهو يغطي النور ووقف خالد :تميم ابوك
وقف تميم وهو متكتف ويناظره نزل ابو سلطان بهيبته وتقدم لتميم اللي واقف ويناظر بنظره قويه قرب ورمى عليه ظرف مسكه خالد قبل لا يطيح
ابو سلطان: خذ هاذي اوراق المنكوب ولدك واتوقع ما تطلبني شي الحين
اخذ تميم الطرف وفتحه ابتسم لما شاف كل شي مجدول ومرتب ناظره بهدوء :زين انك سويت شي صح بحياتك رغم انه كان تحت التهديد بس ينحسب لك
ابو سلطان لف له: ناظرني زييين لا تستفزني والا ادفنك وادفن ولدك معك
ضحك تميم : وبأي طريقه بتسويها كالمعتاد ولا بطريقه ثانيه
تركه ابو سلطان وراح وتكلم خالد اللي كان مرعوب :انت ليش تحب تجيب المشاكل دامه عطاك الاوراق ابلع العافيه واسكت
تميم: ماهمني
خالد: طيب وش بتسوي
تميم :بروح اجيب الوليد
خالد: وهند ؟
تميم :مدري شسوي بهند
خالد: طيب اصبر لين تتزوج احسن
تميم بضيق : لا بروح اصلح بعض الامور وبشوف اذا قدرت اني احل مشكله بو سعود واشرح له
خالد؛ والله بيني وبينك يا تميم صاير تتخبط ولا تعرف راسك من رجولك
دخل تميم وترك خالد اللي هز راسه بأسى وجلس يكمل شاهيه
•••€
بعد يومين الااوضاع كانت هاديه فيها وسعود اللي يحاول يقنع ابوه بس ابوه رافض وضي اللي بس تبكي وندمانه على اللي سوته اما تميم اللي رتب مع زياد انه بيجي ويتفاهم مع هند اما في بيت ابو سلطان كان الوضع جدا متأزم تولين باقي محبوسه وام سلطان اللي صحت لنفسها وابتدت تهدد ابو سلطان بالطلاق
اما سلطان حالته كانت حاله كان يحاول يبرر لتميم انه مايدري ولا له خبر بس تميم مو راضي يسمع •••€
في حايل وصل تميم حايل نزل وهو يحاول يجمع ثقته بنفسه حط يده على جبينه يتفقد جرحه وابتسم بهدوء : جاي لك ي الوليد جاي لك
ركب التاكسي واتجهه لبيتهم وهو يناظر الاوراق اللي بيده وبعد 15 دقيقه وصصل نزل وشاف زياد واقف ومعاه الوليد ابتسم وقرب وهو يسلم على زياد نزل يناظر الوليد وهو يكافح دمعة الشوق اللي بعيونه مد يده وهو يرجف وقرب الوليد وهو يحضنه بخفه خاف انه يكسر ضلوعه من شوقه له كان الوليد خايف وماسك في طرف ثوب زياد ابتعد تميم شوي وقال بصوت يرجف :الوليد عرفتني يا حبيبي
ناظره الوليد بخوف وهو يحاول يتكلم باس تميم يده : انا بابا ي روحي
زياد حس انه الوليد خايف وجلس وهو يقول : الوليد مو قلت بابا مسافر هذا هو رجع وبيصير معك دايم
وقف تميم وراح لسياره اخذ الالعاب اللي جابها له ونزلها قباله وهو مبسوط : شوف وش جبت
ابتسم زياد :الله حلوووه قول شكرا ي بابا
الوليد فرح بالالعاب اخذها وهو يقول : شكرا ي باباز
حضنه تميم وهو يمسح الدمعه السريعه اللي طاحت من عيونه
زياد :تعال ندخل جوا
اخذ تميم الوليد بيده واخذ زياد الالعاب دخل تميم وهو فرحان فرحه مو طبيعيه بالوليد
جوا كانت سحر تواسي هند اللي من عرفت ان تميم ججاي وهي بس تبكي
سحر: ي بنت الناس تعوذي من ابليس ما تدرين يمكن ترجعون لبعض وماله داعي المشاكل
هند :ما اتوقع تميم يسامحني
سحر: قولي ان شاء للله شوفة الوليد تغفر وانتي بعد اللي سويتيه مو هين
هند :كنت ادافع عنه وعن حياته

#رواية_أحبيني_بلا_عقد

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

انتهاء البارت..
توقعتكم
متابعة + تصويت للبارت + تعليق