رواية أحبيني بلا عقد للكاتبة أديم الراشد ..

رواية احبيني بلا عقد للكاتبة أديم الراشد .. البارت السادس والاربعون

ـ
*. #البارت_ستة_واربعون👇💙*

وبعد ما خلصوا كان تميم تعبان ومواصل
ارتمى بتعب وهو يسحب جواله ويسوي المنبه وحطه وعلى طول دخل بنومه
اما ضي اللي جلست ما نامت وابتدت تحضر ملابسها وبعدها جلست على جوالها شافت الرقم اللي سجلته ومحادثات قامت بعيد وهي تفكر وبعدها ارسلت ( سلام عليكم .. انا تميم وش الموضوع اللي كنت تبيني فيه ضروري )
سكرت جوالها وهي خايفه بس تبي تعرف يمكن تساعد تميم بشي
جاها الرد سريع ( اخيرا رديت علي )
ضي وهي تحاول تقلد اسلوب تميم ( فكرت انه موضوع ممكن ينفعني لذلك تكلم بسرعه )
الشخص ( الموضوع لازم وجها لوجهه )
تورطت ضي ( تكلم هنا او انسى الموضوع)
الشخص ( تعرف احد بأسم حصه )
ضي قطبت حواجبها : مين حصه
وتوها بترد بس فز تميم برعب : يممه
صرخت ضي بفجعه وبعدها ركضت له : تميم وش فيك
وقف تميم واطرافه ترجف مسح جبينه بضيق : ولا شي كابوس
ضي : بسم لله خذ مويه
اخذ تميم المويه بضيق وجلس وهو يمسح جبينه فكرت ضي : مين حصه !
لف تميم بقوه: وش تبين فيها ؟
ضي : كنت تناديها بنومك
تميم : من جد ؟!
ضي بخوف : اييوه
تميم انسدح بتعب : امي
شهقت ضي وناظرها تميم: وش فيييك
ضي ( يعني هذا يعرف ام تميم) : هاه ولا سي بس مو تقول امك ما تدري عنها
تميم: مدري عنها ايه بس ما يمنع احلم بها
ضي رجعت تجلس : ايه زين
رجعت تجلس وهي تنتظر تميم ينام عشان تاخذ الجوال بس واضح انه ما رح ينام قررت انه تخليه بعد لاختبارات ووقفت وهي تاخذ الجوال بشويش وقفلته ورجعته بسرعه ورجعت تجلس انا تميم اللي كان يفكر بكابوسه الغريب •••€
عدت الايام بسرعه وتميم نسى هالكابوس وكمل في مشاكله المعتاده وانشغل مع ساميه اللي بتنتقل للقصيم وضي وتولين واختباراتهم
اما ضي اللي كانت مستانسه انها جالسه تختبر وتحل بتعبها هي وكان شي حلو بتفقده فالايام الجايه
تولين وسعود اللي منتظرين هالاختبارات تخلص عشان يتقدم سعود رسمي لتولين
هند وسحر اللي كانو يدورون اي خطه يطردون فيها ضي من بيت تميم
وخالد اللي كان شاد حيله مع ابو راكان ويدور له البيت ولا يدري ليش هو حاس انه المفروض هو يعتني فيهم •••€
قبل اخر يوم اختبار لضي المغرب دخل تميم البيت بعد ما لعب مع الوليد وعيال الحاره شاف تولين اللي مخلصه اختبارها وتنتظر النتيجه وهند اللي جالسه تتابع التي ڤي وهو يتجهه للمطبخ وهو متوقع ان ضي صحت من فتره عشان تذاكر اخذ كاس عصير واتجهه لغرفة ضي لكن تفاجئ انها نايمه دخل ونزل العصير وراح لها : ضيي وش صار يعني اخر يوم بتخربين كل شي يلا قومي تعدينا الوقت المحدد ( كان تميم محدد لها من بعد العصر تذاكر هي واذا ماعرفت يكمل معها بعد المغرب )
لكن ضي ماردت قرب تميم وهو يهزها: ضضييي
تكلمت ضي بصوت تعبان ومهلووك : هممم
تميم ما ركز : قومي يلا عشان تذاكرين
ضي : مقدر
تميم : ضي اتركي الكسل وقومي
تبدل صوت ضي ببكى : انا تعبانه
لف تميم وهو مابين يصدقها ويكذبها : وش فيك
ضي : بطني مره يوجعني احس بدووخه بس ارجف وارجع
تميم ناظرها بجد الا يشوف شكلها تعبان فعلا رفع راسها وهو يقيس حرارتها : من متى هالكلام
ضي توها بتتكلم الا فزت تركض الحمام ركض تميم وراها وهو يشوفها ترجع بتعب قرب وهو يسندها ويغسل وجهها كانت فعلا تعبانه ساعدها تغير ملابسها واخذها وهو يسدحها: وش صار فيك اكلتي شي تحسين بشي
ضي : لا ما اكلت شي احس بموت من التعب اللحقني تميم
توقع تميم انها سخونه عاديه نادى بصوت عالي :كريييمه
جت كريمه: نعم
تميم : اعطيني مويه وكمادات وشوية ثلج اسرعي
ركضت كريمه ورجع تميم وهو يمسح جبين ضي التعبانه وبعد شوي جات تولين وكريمه وابتداء تميم يخفف حرارتها وبعد فتره خفت حرارة ضي اللي بس كانت تبكي
تميم : ضي خلاص وقفي بكى الحين تنتهي الحراره ومعاد يوجعك بطنك
ضي : اقولك يوجعني مررره ما تفهم احس بدوخه واحس برجع وصلت لك المعلومه والا لا
تميم ابتسم : زين زيين وانا اقولك كلي هالمسكن وبترتاحين
اخذته ضي ورجعت وجلس تميم وهو يناظرها بهدوء تحركت ضي ببكى : بردانه وين اللحاف
تميم اخذ لحاف خفيف وحطه عليها ناظرته ضي بحزن : ياخي خلك انسان اقول بردانه هاذي وش تسوي
تولين ابتسمت : ضي ما يصير تلبسين حاجه ثقيله بترجع لك السخونه
ضي ماردت وهي ترجع تبكي ابتسمت تولين وطلعت ولف تميم لضي : ي ينت الحلال اقولك ما يصير انتي بردانه عشان الحراره اتعبتك بس شوي وترجعين عادي
ما ردت ضي وفكر تميم وبعدها قال : ضي اسمعيني فيه حل يمكن يفيدك بس ما يعجبك
ضي : وشو
تميم وهو مسكر عين ومفتح عين وبعد عنها : احضنك
ضي ناظرته بأستحقار : كلب وقح هذا اللي همك ياللي ما تستحي لك طيب شايفني تعبانه ولا لي حيل لكن صدقني بتندم
سحبت اللحاف وهي تتغطى ضحك تميم وهو يقول : طيب ازعجتيني بردانه بردانه
ضي : سكر فمك
قرب تميم وهو ياخذ لحاف ثقيل وحطه عليها بعد وجلس يقلب فالكتاب يحاول يختصره لها
•€€$
عند تولين اللي طلعت وجلست قالت هند : وش فيهم
تولين : ضي تعبانه وبعد ترجع وبطنها  يوجعها كانت عليها حراره بس نزلت
هند بخوف : وش السبب
تولين: مدري
جاء الوليد وسعد يركضون: وين بابا
تولين : وش فيكم
الوليد : عمو سعود يبغاه برا
هند بحده : مو عمك
لفو يناظرونها العيال بصدمه
تولين: روح قوله بابا جالس مع ضي تعبانه
هند : الوليد تعال هنا
تولين: شفيك عليه
هند سحبت الوليد : لا تكلم هالاشكال ويلا الغرفه
الوليد: مابي بلعب معاهم
هند : اقولك تحرك
بكى الوليد وراح سعد يقول لاسعود اللي قالته تولين وطلع تميم على صوت بكى الوليد : وش فيكم
هند : ولا شي
تميم : الوليد وش فيك
الوليد ركض لتميم: ماما ما تخليني اللعب مع سعد وعمو سعود
ناظرها تميم بحده : روح اللعب ماعليك
راح الوليد ركض وصرخت هند : تعصي ولدي علي
تميم : هننند اقصري صوتك وروحي لغرفتك
هند : ولدي ما يروح للهمج انا ربيته وكبرته عشان تعطيه اياهم بارده مبرده
قرب تميم وهو يهددها تهديد واضح : اسمعيني اذا ودك تجلسين مع ولدك اللي ربيتيه لمي لسانك وروحي لغرفتك وهالهمج خوال اخوانه توكلي على الله احسن لك
ناظرته هند بصدمه وتحركت وهي تبكي وقفت تولين: تميم وش سويت حرام علييييك هذا ولدها
تميم : اطلعي منها انتي هي تسوي كل ذا نكاله في ضي لكن لازم هالتصرفات ينحط لها حد هذا قهرها عشان اخوان ضي بكره وش بتسوي في عيالها
انسحب وترك تولين وراه كان تميم عنده امل ان في يوم من هالايام حياته مع ضي بتمشي مو عشان شي قد ماهو عشان مايبي يطلق ضي ويخسر سعود وابو سعود والحياه مع ضي ماهي سيئه لدرجة انه مايقدر يتحملها
جلس على اقرب كرسي واجهه بالغرفه وهو يراقب الوليد لللي يلعب مع سعد وسعود واقف معهم هو وخالد تحرك بضجر وطلع لهم
سعود : تميم وش فيها ضي
تميم: كانت مسخنه والحين الحمدلله من قالك
سعود : سعد من شوي ارسلته لك وقال انك مشغول مع ضي
تميم: لا هي احسن الحين
خالد: وش فيك على راسك الطير
تميم : ولا شي مصدع بس
سعود : ولا عشان هند ماتبي الوليد يلعب مع سعد
تميم لف : وهاذي من نقلها بعد
سعود : سعد قالي انها صرخت عليه ولا تبيه يلعب مع ولدها
تميم جلس بضيق : عجزت احصل لها تدبير مدري وش صاير لها انهبلت وقعدت
سعود : انا مدري اللي محرضها بس اتوقع في مشاكل بينهم
تميم : شوف ما اقوى من هند الا ضي واحنا ضعنا بالطوشه
سعود : والله انا هاذي الامور ما افهم فيها بس اقولك شي ضي مو عشانها اختى بس اللي يدوس لها على طرف انسى انها تشيلها من باله حتى لو سواه مجرد كلمه
تميم : وش اسوي بعد بنتظر اسبوعين زياده احاول فيها اسيطر على الوضع
خالد: وش عندك فالاسبوعين ؟!
تميم: اييه ما قلت لكم جات اوراق هند للعلاج برا واكيد بطلع معها ومدري ضي ترضا تروح او لا للحين ما كلمتها
سعود : لا عني انا اقولك بتروح
تميم: ليش حكمت ؟

#رواية_أحبيني_بلا_عقد..
لاتنسوووا التصوويت والتعليق على الرواية ...
تفاعلكم مع الرواية يهمنا ...