رواية أحبيني بلا عقد للكاتبة أديم الراشد ..

رواية #احبيني_بلا_عقد للكاتبة أديم الراشد .. البارت الخامس والخمسون

ـ
*. #البارت_خمس_وخمسون👇💙*

ضي صرخت: انت للي لا تنجن متى صرت كذا متى وصلت لهالحقاره تكلم اخت صاحبك متى عرفتها اصلا
سعود : اقصري صوتك وجع انا بس دقيت اطمنهم مابينا شي
ضي : سبحان الله وهالتوتر لييش
سعود : اعرفك خبله وبتتسرعين وتنكبين الدنيا
ضي : اسمعني ي سعود ما همني وش بينكم لكن ينتهي والا والله اقول لابوي وتميم وافضحكم
سعود : ضي وجع وش هالكلام
ضي تاكدت اول ما شافت سكوته بعدته وهي تنزل عبايتها : عشان كذا كنت ساكت لما طلعت سالفة زواجي من تميم
سعود : انكتمي ي ضي انا اذا سكت لاني اثق فيكم
ضي :وانا كنت اثق فيك لكن والله لو ما تخلي هالتحايل لتصير الدنيا فوق راسك
سعود : تهدديني !
ضي : سعود نعم خييييير انت راضي عن نفسك بهالشي رااااضي انت وش بيكون موقفك لو كنت مكان تميم هاه
سعود لف وجهه بسرعه وهو يمسح شعره : شوفي انتي مو فاهمه شي اصلا عشان كذا اسكتي ولا تكبرين الموضوع
ضي : فهمني !
سعود : قلت لك مو وقته اصبري اسبوعين وتفهمين
ضي : ماشاء الله باقي اصبر اسبوعين
سعود : ضي لا تنجنين خلاص وانا احرص على تميم منك
ضي : زيين زين يا سعود وتاكد ان لك يوم بيصير فيك كذا بالظبط
سعود : المهم اسكتي ولا تقولين لاحد وتخربين علي كل شي
ضي: وش اخرب ؟
سعود : ضيييييي خلاص  دخلت ام سعود : ضي يمه جيتي وش فيه تميم
ضي بعدت وهي تجلس : معاه ربو يمه وكل فتره يثور عليه
ام سعود : وكيفه الحين
ضي : حمدلله احسن يمه
جاء سعد : ضي ضي
ضي : نعم
سعد : شفتي ام الوليد
ضي : شفيها
سعد : من شوي اخذت شناط كثيييييره وجاء هذاك اخوها مدري ميين واخذها
شهقت ضي : تميم معها
سعد: لا حتى وليد مو معها
رجعت ضي لوراء بأستغراب واسرعت وهي تاخذ جوالها ودقت على كريمه وقالت لها كريمه للي صار انصدمت ضي وهي تناظر سعود بذهول
سعود : بنت وش فيك وش صار
ام سعود : ضي وش فيك
ضي خافت فعلا وسكرت وهي تدق على تولين اللي ما ردت وهي خايفه من ضي
سعود : ضي وش فيك
ضي: لا هند بتطلق
سعود : نعععم
ضي :ايه
سعود: تميم وينه
ضي : مدري
سعود : طيب روحي شوفيه
ضي كانت خايفه انه يقلب عليها هي بعد : يمكن يبي يرتاح
سعود : راحة ايش !! روحي شوفيه
اخذت ضي عبايتها ونزلت بسرعه وقفت قبال الباب ودقته بخوف فتحت كريمه
ضي: تميم موجود
كريمه : ايه في غرفة هند
ركضت ضي وقفت وهي تناظر تميم من طرف الباب بس حصلته هادي ومنسدح بجنب الوليد وساااااكن
انتظرت شوي تبي تشوف وش ممكن يسوي لكن كان هادي وكانه بينام انسحبت بهدوء ورجعت قابلها سعود: هاه وينه تميم
ضي : نايم
سعود : نايم؟!
ضي : ايه عادي شكله ما عرف عنها
سعود : زين ادخلي جوا ومثل ما وصيتك
دخلت ضي وطنشته اما سعود اللي بسرعه لف وراح لغرفة تولين دق الشباك وفتحت بخوف : وش صار معك
سعود : هدي هدي تميم ما عرف
تولين:وضي(!
سعود: ضي ماهي فاهمه شي وانا حرصت عليها تسكت وخلاص هاليومين بكلم تميم ونملك ونخلص وبعدين وش قصة هالحرمه اللي جات
تولين : مدري انا مو فاهمه شي تقول انها ام تميم وضي تعرف وتميم يعرف وانا ماني مستوعبه يعني السالفه مدري كيف تميم مو ولد امي او وش بالظبط بس ان تميم طاح بعد كلامها وانا ما حضرت وش صار بعدين لاني خفت ودخلت
سعود : طيب دريتي بهند ؟
تولين : شفيها !
سعود : شافها سعد طالعه وبشنط كثيره وشكلها مسافره بدون الوليد واخذها زياد ولما جات ضي تشوف تميم حصلته نايم شكلها طلعت بدون مايدري
لفت تولين بذهول وهي تناظره :من جدك!
سعود : شافها سعد
تولين : شلون كذا لا يكون عادت نفس حركتها وتركت تميم وولدها
سعود : والله مدري الله يستر بس
تولين : طيب انت روح وانا بروح اشوفه
سعود : زين يلا
طلع سعود وركضت تولين لتميم ••€
عند تميم اللي كان منسدح وهو يناظر الوليد بحزن وانكسار : مدري ي ولدي لو الدنيا تختبرنا في بعض في لحظه امي تجي وامك تروح وفيه لحظه ننحرم من بعض وفي لحظه ينقلب الكل ضدك وفي لحظه كل شي يصير معك اخ ي ولدي كان حظك مثل حظي
تنهد وهو يغمض عيونه بحزن اجبره ينام غصبا عليه
جات تولين وهي تشوف تميم نايم ومعاه الوليد استغربت وطلعت وهي خايفه يصير له شي
••€
اما هند اللي من يوم دقت على زياد وجاء اخذها وهي تبكي
زياد: ليش ي هند سويتي كذا ليش بعتي ولدك وزوجك
سحر: قلت لك انه ما يستاهل تعطينه اكبر من حجمه
زياد: سحر اذا ما عندك كلمه تنفع اسكتي
هند بحزن: مابي اي شي غير اني اتعالج وارجع لولدي
زياد بقهر: لو انك تبين ولدك ما تركتيه
هند: حرام عليك ي زياد لا تصير علي انت بعد
زياد: انت اقول الحق عذبتيه كثير كثيير ي هند
سحر: زياد خلاص
سكت زياد وكمل طريقه بعصبيه واضحه ••€
مر يومين كانت على تميم مثل الفراغ وكان ساكت والكل مستغرب سكوته ي يسولف مع الوليد او في غرفته وهادي
اما ضي اللي كانت خايفه من ان تميم زعل بس مو مره مهتمه لانها جمعته في امه ولا عاد بتشوفه
سعود اللي كان يحاول يرضي خالد ومن جهه ينتظر تميم يهداء ويكلمه
اما تولين اللي حزينه على وضع تميم ووضعها هي بعد
خالد كان زعلان من سعود لدرجه كبيره ومن جهه منشغل باله على تميم ومن جهه ثانيه رجع ابو راكان يستنجد فيه عشان يساعده في اشياء كثيره ما يعرفها بالقصيم
انا نجوى اللي كانت على تواصل بس تولين ومذهوله من كمية المصايب اللي تحذف على تميم هو مو شي جديد بس اكبر من المعتاد •••€
في بيت ابو سعود نزلت ضي للغداء وهي تناظر ابوها جلست وهي مو قادره تمد حتى يدها فزت على صوت سعود: ضي كلي وشبك
ابو سعود : وش فيك ي ضي مدي يدك
ضي غمضت بسرعه وقالت: يبه انا ابي اتطلق
فجرة ضي قنبلتها وسط ذهولهم وصدمتهم
سعود:هاه وش قلتي
ضي: انتم عارفين الوضع بيننا مافيه امل تميم سأل في كل مكان والكل قالوا مستحيل
سعود: الطلاق مو حل
ضي بنفعال: وش الحل برأيك هاه قولي فيه علاج فيه طب انا ماعندي مانع قولي فيه
سعود : للحين مافيه بس انتي ما تدرين عن الدنيا تطورت ضحكت ضي بأستهزاء: لين اموت واندفن ويطلع حل هاه
ابو سعود بشده: ماشاء الله بتطلقين وانتي مالك شهر متزوجه وكل هذا عشان كلام فاضي اقول تغدي واطلعي لغرفتك بس كلها كم يوم وترجعين بيت زوجك
لفت ضي بصدمه :وش بيت زوجي يبه انا مابي ارجع سمعتوني وما رح ارجع
قامت ضي وطلعت وناظر ابو سعود لام سعود : قومي عقلي بنتك لا اتصرف معها تصرف يزعلها
ام سعود:ان شاء الله
وقفت ام سعود وراحت ورا ضي اللي جلست قبال الشباك بحزن وضيق :ضي يمه حبيبتي اسمعيني انتي متوتره واعصابك مشدوده ماله داعي هالتفكير اصبري شوي وان شاء الله فيه حل
ضي : يمه خلاص هذا دليل ان زواجنا مستحيل مو كفايه تزوجنا غصب ورضينا والحين بنكمل غصب
ام سعود : يمه لا تقولين كذا اذا تميم مقصر معك قولي لي
ضي: مو مقصر بس انا مابي اكمل يمه مابي اتزوج اصلا
ام سعود : طيب انتظري شوي فتره بسيطه عشان محد يتكلم عليك ...

#رواية_أحبيني_بلا_عقد..
لاتنسوووا التصوويت والتعليق على الرواية ...
تفاعلكم مع الرواية يهمنا ...