رواية أحبيني بلا عقد للكاتبة أديم الراشد ..

#رواية_احبيني_بلا_عقد للكاتبة أديم الراشد .. البارت الثاني والسبعون

ـ
*. #البارت_اثنان_وسبعون👇💙*

هز راسه بضيق : وش تقول انت لا اشاره ولا شي اعقل بس
جلس وهو يتقلب بفراشه يبي يشيل هالطاري من راسه بس تكرار المواقف اثبته عليه غمض عيونه وهو يحاول يشتت نفسه •••€
عند ابو سلطان اللي كان جالس ينتظر ووقف لما شافهم جابو تميم المكتف : اووه وش الدنيا بك ي ولدي
تميم ناظره بهدوء :ننعم بالذمه والضمير
ابو سلطان:ههههههههههههههههههههه عجزت انا احاول افهمك ذمتك وضميرك ما توديك لمكان
تميم : اهم شي ما توديني لشر
ابو سلطان لف وهو يقول :عطو سلطان ولده ورجعوه لوظيفته
اخذ سلطان ماجد بحضنه وهو يناظر بترجي ابوه يترك تميم
ابو سلطان: سلطان اطلع
سلطان: يبه حرام عليك اللي تسويه
ابو سلطان لف لمرجان: اخذوا الولد
صرخ سلطان: لا  لا خلو ولدي وانت بكيفك
طلع سلطان وهو يناظر تميم اللي ابتسم وهو يجلس
ابو سلطان: من الاخير بقولك ارجع لرياض وترجع للوزاره وتشتغل فيها وتطلق هاللي متزوجها
تميم : وش بعد
ابو سلطان: من صالحك انك ماتستفزني
تميم :ما تبيني اترك امي بعد
ابو سلطان: امك راحت وطلبت الطلاق لكن تحلم بترجع وهي ذليله
ابتسم تميم ابتسامه عريضه : يعني لو قلت امي حصه وش بتسوي
اسود وجهه ابو سلطان وقال: حصه عايشه
تميم : ايه وش رايك مفاجاه حلوه صح
طاحت المفاتيح من يد ابو سلطان وهو يناظر تميم بقوه وصدمه : وينها !! وين حصلتها ؟ كييييييف لقيتها
تميم اللي كان جالس بهدوء : لا تفكر اني بسمح لك تتعذبها اكثر
تقدم ابو سلطان بخطوات ثقيله : دورت عليها كثير لفيييييييت الدنيا كلها ما لقيتها قالوا ماتت وينها ويييينها
سحب تميم وهو يوقفه عض تميم شفته بألم من وجع صدره وصرخ ابو سلطان : وينها يا تميم
انذهل تميم من ردة فعله الغريبه ورجفت يدينه بعد يده وهو يمسك صدره صرخ ابو سلطان وهو يضرب تميم لكمه على وجهه ونزف انفه لكن وقفهم الدق على الباب القوي فتحوا الباب الحراس لكن الشرطه حوطت كل المكان وجلس تميم بتعب ودخل حمد اللي ركض لتميم : انت بخير
تميم ابتسم لحمد : في وقتك ي حمد
ساعده حمد يوقف ولف لظابط وهو يأشر على سلطان : هذا هو
ابو سلطان اللي كان مصدوم من وجود حصه وزادت صدمته الهجوم تقدم الظابط وهو يحط الكلبش بيده ولا اعترض ابو سلطان اللي كان مو قادر يقول شي من صدمته وباله كله مع حصه
طلعوا وهم معهم كل رجال ابو سلطان وابو سلطان
حمد:ما تأخرت صح
تميم اخذ منديل يمسح انفه : لا لا بس وش صار معك
حمد : اخذت كل  الوثايق اللي معي هي فالشرطه طبعا معها اوراق هند وامر القبض عليه صدر من شوي
تميم نزل راسه بحزن: ما كان ودي اسوي كل ذا
حمد : هو اجبرك ماقصر عليك بأي سوء
مشوا وهم يلحقون ابو سلطان ( اللي حصل ان تميم من لما كان في المستشفى اللي توفت فيه هند اتصل بحمد اللي كان مراقب بسريه لابو سلطان واي شي ممكن يدينه يعطيه اياه تميم حمد محامي وطبعا اعطاه كل اوراق هند وكل شي حتى اوراق تزوير هوية تميم والوليد تهديد هند )
••••€
اما عند ضي اللي كانت مقهوره تحس بنفس القهر اللي تملكهم ليلة روحة راشد دخلت وشافت نوره جالسه مع سعد يلعبون ابتسمت وهي تدري انها تقاوم تقدمت وجلست : كيفكم
نوره: تمام كيفك انتي كيف تميم
ضي: حمدلله
سعد : ليش ما جبتي وليد
ضي : نايم وبعدين لعب معاك لين زهق خلاص بقوا بكره شي
سعد : بروح اجيب رسمتي تشوفينها وارسليها لتميم
ابتسمت ضي : اركض
راح سعد ونزلت راسها ضي بهدوء وقالت نوره: ضي وش وضعكم انتي وتميم
ضي: كيف يعني
نوره: للحين مصره على الطلاق
تنهدت ضي : مدري
نوره: ليش وش تغير
ضي : للحين ماني متاكده بنتظر شوي واشوف
دخل ابو سعود : سلام عليكم
الكل : وعليكم السلام
نوره: يبه وينك اشغلتنا عليك من الصبح مختفي
ابو سعود : كنت عند رجال وحلف علي اتغداء عنده وجوالي مافيه شحن
نوره: زين بالعافيه
لف ابو سعود على ضي : ضي كيفك
ضي :حمدلله يبه وانت
ابو سعود : حمدلله ... وش اخبار تميم
ضي : ابد اليوم دفنوا زوجته
ابو سعود : الله يرحمها ... وش ذا اللي بوجهك
ضي : ابد وانا رايحه نطت علي قطوه وجرحتني
ابو سعود : زين
الكل سكت وبعدها قال ابو سعود : للحين مصره على طلاقك
ضي تنهدت وهي تقول : ليش
ابو سعود : ابي اسالك لاخر مره وقرري وفكري بعقلك ترا تميم رجال والعيال ان شاء الله بتحصلون طريقه
ضي ارتخت بضيق : بفكر يبه
ابو سعود : خذي راحتك ••€$
في بيت تميم كانت حصه جالسه وهي ماهي متحمله وجود ام سلطان
ساميه : تحبون نتقهوى
حصه : لا تعبين نفسك انا بروح شكل تميم مطول
تولين : استريحي يا خاله مابيطول ان شاء الله
حصه سحبت جوالها وهي تدق على راشد اللي رد بضيق: هلا يمه
حصه : فاضي يمه
راشد: امريني
حصه : تعال خذني من بيت تميم ريان حطني وراح لدوام
راشد ( ليش يمه بتكبين على جروحي ملح لييش ) : ابشري مسافة الطريق
وقف وهو يسحب شماغه وطلع واتجهه لبيت تميم وهو يحاول يسابق الوقت وياخذ امه ويرجع من غير صدفه موجعه
وقف وهو يدق على امه وشافها طالع وبيدها سله نزل وهو يساعدها اخذها منها فتح شنطة السياره نزلها فيها واول ما سكرها طاحت عينه بعين ابو سعود اللي قست نظرته اول ما شافه ما قدر راشد انه يتحرك وصحى على صفقة الباب في وجهه انسحب وهو يركب سيارته بغضب ••€
اما ابو سعود اللي ما توقع شوفته رجع وهو متفاجئ على طول طرت له نوره اللي كانت جايه وراه بيروحون ياخذون اغراض من السوبر : يبه وش فيك واقف
ابو سعود : نسيت جوالي جيبيه
رجعت نوره وابو سعود مايدري كيف يطلع فتح الباب وشاف مافيه احد تقدم لسياره وجات نوره: يبه ما حصلته
ابو سعود : خلاص لقيته
ركبت نوره وابو سعود مايدري كيف جاء راشد لهنا ومن هاذي اللي اخذها من بيت تميم
•••€
في قسم الشرطه كان تميم وحمد وابو سلطان موجودين والظابط واقف وهو يشوف الوثايق وعينه على ابو سلطان : والله ما ندري كيف نبي نحمي الوطن واشكالكم تعبث فيه
ابو سلطان ما كان يرد وهو يناظر تميم بشده ومو مهتم في كل لللي صار
الظابط : ما اتوقع ان عندك اييي تبرير لكل هالاشياء
ابو سلطان تجاهله وهو يقول : كيف وصلت لحصه
تميم : اهتم بنفسك واترك حصه
ابو سلطان : لفيت الدنيا عليها ما حصلتها كيف حصلتها انت كيف
تميم : بسألك سؤال واحد بس وش استفدت من كل تخبيصك وش  يضرك لو كنت انسان سوي وعادل كيف رميت كل معاني الابوه من قلبك كيف تجبرت وطغيت كذا
وقف ابو سلطان وهو بصرخ: قول لحصه ان مردها لي لو الدنيا تخبيها في سابع ارض برجعها
الظابط : يا شرطي تعالو اخذوه لزنزانه
سحبو ابو سلطان وتميم جالس ...

#رواية_أحبيني_بلا_عقد..
..
انتهاء البـــــــــارت
..
لاتنسوووا التصوويت والتعليق على الرواية ...
تفاعلكم مع الرواية يهمنا ...