رواية أحبيني بلا عقد للكاتبة أديم الراشد ..

#رواية_احبيني_بلا_عقد للكاتبة أديم الراشد .. البارت السبعون

ـ
*. #البارت_السبعون👇💙*

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

.
الا سمع شهقه لف وكانت الصدمه انها نجوى اللي بدون سابق انذار صفقت الباب على يد خالد اللي صرخ بكل  صوته ونجوى ما زالت تحاول تسكر الباب ومن الفجعه هربت وتركت خالد اللي طايح عند الباب وهو يتألم من يده اللي على طول بانت فيها الضربه
وقف وهو مقهور ويحاول يكتم صوته قبل لا ينتبه احد رفع يده يناظرها وكأنها بدت تخضر غمض وهو يدق رجله بالارض : هاذي ماهي مرتاحه الا اذا كسرت راسي
وقف وهو يضم يده بالألم وجهه اسود كان يدور بألم  ولا حس الا بسعود : خالد وينك تعال ننتظرك للغداء .. وش فيك
خالد: ولاشي جاي الحين
نزل سعود : اقول وش فيك وش حالة وجهك هاذي
خالد: ولا شي
سحب سعود يده اللي ضامها واتسعت عيونه: وش ذاااا
خالد لف وهو يمسح وجهه: ولا شي صكيت فالباب
سعود : وش ذا الباب اللي كاسر امها
خالد ناظره : انكسرت
سعود : ما تشوف انت وشلون صايره
خالد: زين تعال للغداء وبعدها اروح المستشفى
سعود : من سوا كذا
خالد: اقولك صكيت بالباب
سعود :كذاب
خالد لف بضيق: نجوى
سعود باستغراب :نجوى ؟؟مين نجوى
خالد : اللي كسرت اصبعي
سعود ناظره وبعدها انفجر ضحك وخالد يناظره بطرف عين سحب يده : خلص وتعال ولا احد يدري اذا سالوك قول الباب
انسحب خالد ودخل المجلس وقرب وهو يجلس بهدوء
تميم : وش فيك انت بعد
خالد: ولا شي صقعت بالباب واوجعني
ابو راكان : انتم لا يكون سارقين الغداء من يوم جيتوا اصابات
ابتسم خالد: والله مدري وش الذنب اللي ابتليت فيه
دخل سعود اللي كان كل مايشوف وجهه خالد يضحك وهم يناظرونه باستغراب •••€
اما عند نجوى اللي انهارت عند الباب وهي تناظر الغداء بصدمه وهالمرهرمن جد بكت جات تولين وركضت : نجوى وش فيك وش صاير
نجوى وهي تشهق بشويش : كسرت يد خالد
طالعتها تولين بصدمه : وشو !! كسرتيها ؟ شلووون ! متى ؟وش عرفك انه خالد ؟؟؟
نجوى بعدتها وهي تبكي : اعرفه اعرفففه واعرف حظي بعد
قامت وراحت للمجلس وهي تاكل بنفسها اما تولين اللي ضحكت بصدمه :  وش ذا النحاسه اللي تصيييير مره يد ومره اصبع
اخذت الغداء ودخلت تعطيه كريمه تحضره •••$
العصر في بيت تميم اللي دق الباب ودخل بهدوء قابلته ساميه : تميم معوض خير حبيبي في ام ولدك
هز راسه تميم بهدوء: الله يرحمها كيف سحر
ساميه : تعبانه حيل
تميم : الله يساعدها
ام سلطان : تميم
رفع تميم راسه على الصوت غمض وهو يلف لها : هلا
قربت ام سلطان وهي تسلم عليه وبكت حضنها تميم بهدوء وهو منحني : تعوذي من ابليس يمه وهدي
ام سلطان: انا اسفه على كل شي
تميم : راح اللي راح الله يسامح الجميع
ام سلطام ببكي : تكفى ي تميم سامحني من كل قلبك تكفى
تميم وقف وهو يمسح دموعها: لا تخافين انا ما عمري شلت في قلبي عليك
ابتعدت حصه وهي تمسح دموعها فعلا كان تميم حنون عليها رغم قسوتها
روييده : خالي وين الوليد
تميم تقدم : عند ضي وينها سحر !؟
رويده : جوا
تميم : وينها نجوى
تولين ابتسمت: نايمه
تميم اتجهه لغرفته :تولين جيبي لي مويه
تولين :ابشر
دخل وهو يفتش بالادراج عن مسكن لانه انهد حيله من الالم حصلها واخذ وجلس ينتظر المويه وجات تولين :تفضل
تميم اخذها وهو يشرب : صار شي مع سحر او هدت
تولين : يعني كانت منفعله وتبكي بس وش نسوي
مو مشكله نتحملها شوي بعد
تولين: كم بيجلسون
تميم : مدري على حسب
تولين: زوجها وين طيب
تميم : عند خالد
تولين ابتسمت لما تذكرت نجوى: مو مشكله
تميم: وش فيك تضحكين
تولين ما قدرت وانفجرت : يعني حزنت على خالد
تميم: ليش
تولين سكتت وهي تناظر وجهه يعرف او لا : يعني يده
تميم: وش دراك عن يده
خافت تولين : يعني يده
تميم : توليييييين انطقي
تولين :نجوى سكرت على يده لما جاب الغداء
وقف تميم بصدمه: وشو نجووى
تولين : هي مو قصدها عبالها راكان ولما ما شافته راكان انخرعت وسكرت
حط تميم يده على راسه : هاذي بتذبح الرجال مالها نيه تحل عنه
تولين؛ والله بالغلط
تميم سحب جواله : وانتي تضحكين مبسوطه
تولين: والله ي تميم هي ضايقه بعد وتبكي من اليوم
طنش تميم وهو ينتظر خالد يرد بس وقفه دخول ضي اللي كانت مبتسمه وهي حامله الوليد النايم: سلام
نزل تميم الجوال وهو مبتسم : اهلا
تقدم وهو بياخذ الوليد عنها نزل بهدوء وهو ياخذ الوليد اللي اوجعه بس ماهم تميم اللي نزله وهو مبتسم
وتولين تناظر شلون تغيرت ملامحه من بين العصبيه الى رضا وابتسامه والمشكله ان خالد ينادي على الجوال
ضي ببتسامه: جوالك
تميم ببتسامه غبيه : هاه اييي  اييه هلا هلا خالد
خالد: وش فيك تعبان فيك شي
تميم: لا بس ... غمض وهو يحاول يتذكر وش يبي منه : اها  ايه كيف يدك
خالد : تمام هذا انت بالمستشفى يجبرونها
تميم: ما تشوف شر واسفين على هالمجنونه ياخالد
خالد ابتسم : لا ما عليه عادي هي انفجعت بعد
تميم : وليش ما قلت لي
خالد: يعني مالها داعي
تميم : طيب انتبه على نفسك وانا اكلمك شوي
خالد:زين
سكر تميم جواله وهو يمسح عيونه ضي: شفيه خالد
تميم : ولا شي يده انكسرت
ضيي : لا تقول لييييش
تولين : تميم اذا متبي شي بطلع
تميم : لا لا روحي الله معك
طلعت تولين وهي مستغربه من شكل تميم وكلامه بس ابتسمت وهي تقول : الله يجمع شملهم
اما عند تميم اللي قال : تعالي اجلسي
ضي : بروح اسلم على ساميه والبنات واجي
تميم جلس بهدوء: زين
طلعت ضي واتجهت للبنات تسلم عليهم وشافت وحده غريبه ما بينهم وكانت ام سلطان تقدمت ساميه : ضي سلمي على امي
ناظرتها ضي بهدوء وتذكرت كلام تميم عنها ابتسمت وهي تسلم : اهلين نورتينا
ام سلطان بخجل من افعالها مع تميم : تسلمين
ضي : عن اذنكم بروح اشوف تميم
الكل : اذنك معك
لكن وقفهم صوت سحر وهي تصفق وتضحم: وااااو شرفت البطله شرفت صاحبة القلب الحنون كان ناقص الموقف شماتتك كان ناقصني شوفتك عشان تثبتين انك فرحانه بموت هند
ضي ناظرتها بهدوء وتحركت وتركتها لكن سحر اللي انفعلت وانقهرت ركضت بغضب وهي تنط على ضي  والكل صرخ وطاحت ضي وسحر فوقها وتضرب فيها
ركضت رويده : خالي اركض اركض
فز تميم وهو يوجعه صدره ركض معها على الصوت والصدمه كانت المنظر بسرعه اتجهه لهم وهو يبعد سحر عن ضي اللي كانت منصدمه اكثر من الكل
سحر وهي تصرخ وتضرب تميم بأنهيار : ما كفاك تكون بلحالك تشمت وجبت هالزفت معك كذا حفظ الوصيه ي دكتووور تمييم كذذذذا انا ما اقول غير حسبي لله عليييك انت وياها
دفها تميم لما فعلا اوجعته وعرق وابتداء يضيق نفسه غمض وهو يقول : لمي نفسك واطلعي برا اطلعي برا
لف وهو يأشر لتولين : اجمعي اغراضها واطلعيها برا قبل ألحقها اختها .. اخذ ضي المصدومه ودخل الغرفه وبسرعه اتجهه لدرج وهو ياخذ ادويته اخذها وجلس وهو ياخذ نفس قد ما يقدر مايبي يغمى عليه سحب جواله وهو يتصل على زياد اللي رد بسرعه: تميم هلا
تميم : تعال اخذ زوجتك ولا اشوفها طول حياتي والا بيكون هالموضوع سيء لابعد الحدود
زياد : تميم عسى خييييير وش صاير
تميم بغضب : وين الخير من يوم دخلت سحر حياتي اسمعني زياد انت ما قصرت ولك جميل علي لكن زوجتك تعدت حدودها عشان كذا تعال اخذها
غمض زياد بقهر من سحر اللي بدت تتخبط : انا اسف على اللي سوته سحر ومشكور على استضافتك لها وان شاء الله جاي وباخذها
تميم : انا اسف بس فعلها جدا شنيع
زياد : ماهي مشكله
سكر تميم وضي تناظر بصدمه لكل اللي صار وقف تميم واتجه لها وقبل يتكلم قالت ضي : وش ذا اللي اكلته
تميم :ولا شي اشوف وجهك وجعتك حيل
ضي بعدت يده : تميم وش الدواء اللي اخذته ...

#رواية_أحبيني_بلا_عقد..
..

#لطفا وليس امرا / لاتنسواااا متابعة صفحتي على الواتباد
#روايات _أديم_الراشد

.
انتهاء البـــــــــارت
..
لاتنسوووا التصوويت والتعليق على الرواية ...
تفاعلكم مع الرواية يهمنا ...