رواية أحبيني بلا عقد للكاتبة أديم الراشد ..

رواية احبيني بلا عقد للكاتبة أديم الراشد .. البارت الخامس والاربعون

ـ
*. #البارت_خمس_واربعون👇💙*

ضحكت ضي ضحكه استفزازيه : ولله ي عيني احنا طبيعين بس اسأل هند وش مناسبة كشختها
هند : وش حارك ي روحي والا تبيني مثلك مبهذله
ناظرتها ضي بضحكه : رسميا شر البلية ما يضحك
راحت لغرفتها وهي تقول : تميم ي ليت تشوف هالعمال ازعجوني عجزت اذاكر
تولين : ايه من جد عجزنا
تميم اللي كان يناظر هند بحزن على حالها اللي انكسرت من بعد كلام ضي وحس فيها
انسحبت هند وراحت وتميم باقي واقف تحرك بغضب وهو متجهه لغرفته : ضي
ضي : نعم
تميم سحبها : متى ناويه تعقلين وتتركين تمثيلك وجنانك ذا واستهزاءك
ضي : خييير وش سويت انا
تميم : كل اللي سويتيه ماسويتي شي وش ذا التصرفات قبال هند والكلام اللي ماله سنع
ضي : والله قلت لك هي اللي بدت وانا ما اسكت
تميم : منتظره مني اصدقك يعني
ضي:شوف اقولك شغله تريحك انا ما اكذب حتى لو غلطت ما اكذب ولا اني خايفه منك عشان اكذب هي اللي بدت هي تتحمل وتروح تعيش دور الحبيبه بعيد عني
تميم : لا والله وحضرتك وش تسوين
ضي ناظرته بهدوء وبعدها تقدمت وهي تحضنه مره ثانيه : عادي انا بعد احضن سعود كذا ي اخوي تميم
انسحبت بعد ما تركت ردها مثل الكف على وجهه تميم اللي فهم مقصدها زييين ناظرها لما جلست ومعها كتابها
تعدل وهو يحاول يضبط نفسه: جيبي الكتاب وتعالي
ماردت ضي اللي كملت وهي تحاول تذاكر تميم : ضي انا اتكلم
ضي : معليش والله مابي اتعبك واذا مسألة انك تذاكر لي تفسر على انه دور حبيبه فأنا مستغنيه وتذكر اني جلستي على هالكتاب اكبر دليل اني ادور اي شي يبعدني مايقربني
سكت تميم وهو يقول : براحتك
طلع وتركها وراح للعمال وقالهم يخففون الازعاج ورجع جلس بالصاله لكنه سمع دق الباب قام وشاف خالد : وااااااو هذا نورك ولا نور القمر
ضحك تميم : وش عندك
خالد: جاي ادور على واحد اذكر انه صديقي
تميم دفه بمزح وهو يطلع ويسكر الباب : اسكت ي شيخ
خالد: وش فيك
تميم : ابد زوج الضراير
ضحك خالد: تستاهل خلهم يطلعون نفسية 5 سنين من عينك
تميم : ياخي  والله احترت
خالد: وش تسوي الله يعينك
سكت تميم وهو يناظر بفراغ خبطه خالد بخفه: انا اقول ان اغلب المشاكل من ضي اسألني واعلمك هاذي نص الحاره مأدبتهم
ضحك تميم بخفه : يعني تقدر تقول انها ماتقدر تسكت عن حقها وعناااد عناد
خالد: بس يكون معها حق ولا
تميم : والله ماعدت ادري معها ولا مو معها
خالد: الموضوع غيره!!
تميم : استقعاد اكثر من كونه غيره
خالد: ربي وحده ينقذك من ضي واستقعادها
تميم: هو مو لي لهند
خالد: اتركهم كل وحده فيها كيد دبل الثانيه
تميم : بس مابي المشاكل
خالد: عاد انتهى مو بيدك...المهم اسمع
تميم: وشو
خالد: ابو راكان اليوم دق يسأل عنك يقول انك ما ترد عليه وانا قلت انك مشغول وقال يبي له بيت مرتب فالقصيم بيستقر هنا
لف تميم: من جدك
خالد: ايوه
تميم: ما ذكرت لي نجوى شي
خالد: من نجوى!!
تميم ضحك : اللي كسرت اصبعك
خالد: مو مهم المهم اني رحت اليوم شفت كم بيت حلوين بس شوية فلوس
تميم : مو مهم الفلوس متوفره خلاص ارسله مواصفاتها وانتهى
خالد سكت بهدوء وهو يقول : وبعدين اختك ما تقولك شي
تميم: ليه !
خالد: يعني تقول نجوى ليش ماقلت اختك
تميم: اختي من فتره ما كلمتها ونجوى يوميا تكلمني عشان كذا
خالد ابتسم : شكلها قريبه منك حيل
تميم : اوووه اقرب من العين
خالد : بسنك هي
تميم : لا اصغر بس سبحان اللي معطيها طيبة القلب وكبره
خالد ابتسم وهو يفكر لو عنده اهل ويكونون قريبين منه كذا
تميم : سعود وينه مختفي
خالد : مدري عنه
تميم: متهاوشين
خالد: لا بس مدري وينه
تميم: كأنك زعلان
خالد : شو يزعلني ي مسخووووط
تميم : حسيت
خالد: لا عاد تحس
جلسوا بضحك اول ماشافوا اطفال الحي تجمعوا على تميم وهم يسألونه اذا عنده ولد صدق ويبون يلعبون معاه ويبون يشترون من البقاله وكثير اشياء ابتسم تميم الي كان يجاوبهم بحب وقالهم انه الوليد نايم بكره يجون يلعبون معاه وبعدها لف : انا برجع البيت الاوضاع شوي متذبذبه اخاف يصير شي عكسي
خالد : زين الله يثبت اقدامك
ابتسم تميم ورجع دخل بهدووء وشاف البيت هادي جدا اتجهه لغرفة تولين دق الباب وشافها تذاكر: هاه كيف اختباراتك
تولين : كويسه
تميم : خلصتي طيب اراجع لك
تولين : باقي فصل
تميم : زين هاتي اراجع لك اللي ذاكرتيه
اعطته تولين وهي واثقه وابتداء يراجع لها وكانت جدا مذاكره ابتسم : زين موفقه كملي
تولين : وش صار مع ضي ذاكرت اسمعها تقول صعب
تميم : مدري ما مريت عليها
طلع واتجهه لغرفك هند دق الباب ودخل فتح النور وقالت: تميم قفل النور مابي الوليد يصحى
قفل النور وجاء جلس بجنبها : هند بكلمك بموضوع قومي
هند جلست وهي تمسح دموعها بدون ما يشوفها: نعم
تميم : هند مابيك تحطين عقلك بعقل ضي فالنهايه هي صغيره ولا تدري وش تقول انتي العاقله وتحمليها
هند : صغيييره !! هههههههههههههه ضحكتني هاذي تاكل بلد بلللد
تميم : هند بلاش الكلام اللي ماله داعي انا اتلكم بهدوء
هند : ههه اوجعك الكلام على بنت قلبك
تميم ناظرها بهدوء : قلت لك ماله  داعي هالحكي ، ايه يمكن غلطت لكن فالنهايه لو حاولتي تبنين معها علاقه كويسه بتعقل
هند : ومن قالك اني متلهفه ابني معها علاقه
تميم :انتي ليش حاقده عليها ، وش لللي تبينه عشان تهداء حروبك .
هند بقوة وهي تناظر عيونه : ابيك انت ، ابي زوجي ، ابي تميم حبيبي اللي واجهت معه كل شي ابي ابو ولدي
ناظرها تميم بحيره وهو يقول : وتبيني من مين بالظبط
هند : من ضي هي اللي اخذت قسمتي ونصيبي
تميم بهمس مكسور: ابعدي عن ضي ضي ما اخذت لك شي ولا تحاولين تجددين اشياء انتي الملامه فيها ضي ما اخذتني انتي اللي عطيتيها
هند : بس انا باخذ امانتي
تميم : هند اطلعي من كل ذا وتأكدي اني ماني لك حتى لو ما كنت لضي خلي بالك من ولدك ونفسك واتركي طرد السراب
هند : يوووه لهالدرجه نستك كل شي وخلتك قاسي
تميم : بطلي ترمين كل شي عليها ي هند بطلللي ، عالعموم اوراقك اليوم وصلت ووصل امر علاجك بالخارج خلال اسبوعين بنطلع
هند : بتروح معي؟!
تميم : كلنا بنروح
هند : كيف كلنا
تميم : الحاره كلها من يعني اهل البيت
هند : بتروح ضي
تميم : هند اتركي ضي في حالها وجهزي نفسك
طلع وتركها وهو يسمع صوتها المقهور الباكي هز راسه بضيق واتجهه لغرفة ضي لكنه وقف لما سمعها وهي تسب الماده : حسبي للله بس مو قادره استوعب شي منها وهالطعس كأنه ما صدق خبر ضرب الباب وطلعزاقل شي يقدر انه مسبب لي رعب عمى بعينه
استنى شوي وبعدها دخل و دخل يغير ملابسه وضي تناظره بهدوء رجع وانسدح وهو يتلحف وضي تناظره ( وجع اقل شي قول محتاجه مساعده )
تميم اللي كان يدري انها تتحلطم بس طنش سكر عيونه وهو يدري انها بتجي تطلبه يساعدها وحاولت ضي قد ما تقدر تذاكر بس ما نفع وقفت بهدوء وقربت بشويش وهي تطل عليه اذا نايم وشافته مسكر عيونه : نومة اهل الكهف ي متبلد وجع ماعنده ضمييير اقل شي طل شوف وش مسويه
رجعت تجلس وجلس تميم وهو يضحك: الشرهه والله على اللي يشيل همك
ضي لفت بصدمه: صاحي
تميم : جيبي الكتاب وتعالي يلا مافي وقت
ضي ناظرته بكبرياء : مابي
تميم : انتي بزر ! خلصيني يلا
ضي : قلت لك مابي
تميم : شوفي اذا قمت وجيت عندك ما بيحصل طيب
ضي تخصرت : بتطقني يعني؟
تميم : قد قلت لك ما اطق احسن لك تعالي
ضي بلعت ريقها وجات وهي تعطيه الكتاب اللي كان واضح فيه حوستها ابتداء معاناته معاها ولما قربوا يخلصون ووضح التعب في عيون تميم وقفته ضي : زعلت اليوم !؟
رفع راسه تميم يناظرها بأستغراب : يعني مره همك !
ضي بأحراج : صح اني مالي داعي بس يعني ما نسيت تعبك نعي وانت تساعدني اذاكر لو واحد ثاني كان خلاني اسقط المهم نفسه
تميم رفع حاجبه بهدوء : كلامك هذا ماله سنع ولا داعي والاعتذار ما يليق في ضي
انحرجت ضي اكثر : صدق يعني معليش
تميم : قلنا خلاص ويلا خلينا نخلص هالكم ورقه وتلحقين تنامين لك شوي
ابتسمت ضي ورجعت تكمل وبعد ما خلصوا كان تميم تعبان ومواصل ..

#رواية_أحبيني_بلا_عقد..
لاتنسوووا التصوويت والتعليق على الرواية ...
تفاعلكم مع الرواية يهمنا ...