براكين الشوق

٢٦

براكين الشوق٢٦....

ما بية اجر النفس
و لا بيه انت تروح

طيفك قطاري عبر

و السجة هي الروح...

تعبني مشيك ولك.
و جدامي كلها جروح
يمته لوليفك تحن...
و روحك عليه تنوح
جرحك عدا الجرح
ليل بسهر مذبوح
زعلك علي صعب
وردة بغصنها تفوح..

راضي بعذابك واحن...

تستاهل انت انت... الروح روح..
و العين شط العرب سودة
و سيعه تهد الارواح
انه الهويتك من زغير.  اخ. انه الهويتك من زغر.

ـــــــــــــــــــــــــــــــــــــــــــــــــــ

رضااا
رضا..

:  شكو..
مديت راسي من باب البيتونة..
و من اشرتلي انزل. 

نزلت من السطح واني بيدي اداة نحت ع الخشب.. و تلبيه لأمي

: كافي يمة تعب روحك على خلك خشبات.  تعال اليوم مشفتك وليدي يا ضي عيوني..

جان حسين كاعد متجاهل موشح امي اليومي وهو يلعب بطرف خاشوك الاستكان وهو مدنك..

استغربت جمايل كاعد تخدمه و تضحك وياه الله يديم الصحبه بس خاف تالي بشك الهدوم..

كعدت و امي خلت كدامي كوب جاي و كعك...

: ما اشتهي يمة.  .. يراد اسبح بس متعاجز..

هسة تجي منال و دقق وراي شلون اوقات الصلاة...النوب تسويلي اوقات للسباحة..

ضحكت امي
: الله ينولك ياها حجيت وي اخوي كبل ليسافر هاي المرة سكت و بس كال يصير خير بلكت شوي رضخ..

وكعت الاستكانه من ايد حسين و كف وهو مرتبك...
و امي صرخت بيه

: لو محترك النوب ابوك شيفكني منه.

باستهزاء،و حسيت بصوته مرارة وهو يكللها

: هي ظلت على هاي سجينتج تاركتلي ذكرى بجسمي يمة فوزية..  لتضوجين بس حبيت اذكرج...

الم جوي الجسد يزول يمه.   صح يترك اثر بس الالم يزول..
بس تعاي لجروح الروح شيطيبها هي بلايا اثر بس وجعها يستمر يمة...

خلا و طلع رجع التفت علي....

: مبروك مقدما.. اذا خالي اقتنع اول المهنين انيى

ابتسمتله رغم شكد احسه بعيد عني رغم حاولت احتويه بس رفضني. 
و استمر كل نظرته لاخوته اولاد فوزية و بس...

طلعت جمايل : اشوف منال تريد جاي وكعك لو لا...

ابتسمت هاي منال و لا الكا فرصة نسولف و الله بالبصرة هواي احسن ببيتنا الطين و بجرفنا اماكن هواي ...