براكين الشوق

٢٧

#براكي_ الشوق_٢٧

تأخرت بالساعات عذرا

عيني.. عيني لا تعاشر البذات و الماله تالي
مثل اليلم من الماي يرد جفه خالي يا عيني.
بية بكثر ما بيك همي و شده بالي
وانت ادرى ما بالروح
حال اشوى من حال يا عيني

خلاني وكتي وياك ريشة بوسط ريح
لا تثبت ع كاع و لا تقبل تطيح يا عيني

ـــــــــــــــــــــــــــــــــــ

رضا....

افكار...

وسوسة شيطان...

لج اني يا منال تتركيني.  تغدرين بية..

مو كتلج يا منال الصار غصب عني. 

تردين اتركج لا والله.   .. سهلة منال.  

الا اخليج انت تسعين لزواجنا....

بيومها الشيطان وسوسلي..   معندي حل الا اجبرها تنجبر ترضخ للوااقع و ترضى بية

بس محسبت حساب... لبعيد...

كعد جليل يمي و خلا ايده على جتفي

اباوع شعره اشعث و بطرك الداخلية و صدره مطكع... 
هذا لوين يريد يوصل...وي ساقطاته...

: رضا.. شبيك خوية مهموم انت.   حتى دراسة ما اشوفك مهتم.

مكابل العود لو تعزف لحن لو تعزف لحن  لو تغني...

رضا: انت ما حاب حب حقيقي لذا حتى لو اشكيلك ما تحس بية..

: خوية الحب جروح و ألم خليني بعيد عنه. 

اعيش اليوم بيومه...

عبالك مجربته..  جربته و غدرتني و تركتني...

صفن جليل و غرغرت عيونه بالدموع...

ذب حسرة....

باوعتله...: جليل الغدر اذا كانت هي بكل قواها العقلية تغدرك تخونك البنية ماتت شسويلها متكلي حكمة ربك.واختبار الك..هي متركتك برضاها...
لا تخلي هذا يبعدك عن الله خليه دافع تتقرب من ربك..

باوعلي و همس : اخذها مني وهي كل حياتي..

كمت و كتله : ما يفيد الحجي وياك مدام منذر يعبي راسك بأفكار شيوعية  ضد ربك ودينك.

اتركني خوية اني و عودي و همي و كلاص الجاي....

ظليت اعزف لحن. 

تعال لحبك  انه
اشتاق
و ولشوفتك انه  اتمنى...

تعذبني ليال جفاك...
تلوعني واظل اهواك...
يالخدك ورد. 
ورد ورد..
ورد جنة...
لعيونك يهزني الشوك
اظل و شموع للملگه
يمر طيفك يناغيني
واصيحن حيل و بحرگة.
تعال اهواك مرمرنا
يالجيتك عيد النا...
تعذبني ليال جفاك
تلوعني. و اظل اهواك..