براكين الشوق

52

براكين_الشوق52
الحب الأوحد...

هلي و الجرح لاحكني بعشريني
هلي والدفنته بكلبي هموم تجويني
هلي والما حجيته جروح تاذيني..

علي 💔
ـــــــــــــــــــــــــــــ
غيث..
بس راحت امي تسوي عشا
اجواء البيت...
صوت دعاء بالتلفزيون و هدوء البيت..

رجعتني لقبل من امي تزهو ببيتها هذا.

و شكد جنت اني اباوع لبساطة الاكل و العيشة بعين ضيكة.
وردت استغني بساع..  وكعت نفسي بأمور بس يمكن مكتوب حتى انقذ براء الي متستاهل عضت الايد الي انمدت تنتشلها.

واكف بالممر رحت للمطبخ اباوع شمسوية امي من عشا ..
تمن ماش استغفرت الله الاكلة الي مكدرت احبها..

وادري تسويها اليوم ليش خاف لأن اني جوة و متريد اكل وياهم.

رحت صليت وراها دخلت للغرفة لكيت براء تبجي..

:  كومي صلي.

باوعتلي :  اي هسة..

كامت و صرخت تبجي

:  ما اكدر.

كسرت خاطري وحسيت بروحي اني نذل وصدك حجي امي وهي طفلة فعلا رغم اني هم مو ذاك العمر الجبير.

عود عشرين عمري حسيت تدريبات ضبط الغضب و النفس اني فاشل بيها والدليل الكدامي الي لعبت بيها لعب واذيتها.

بس لسه غاضب منها ومعصب واريد كون اشيلها فلقة هيج من اشوفها واذكر شلون غدرتني اذكر السنتين الي فاتن وقهرهن كون اكوتها خلاص.

بس ارجع اذكر حجي امي الي لأول مرة قررت اخذ حجيها

:  ما اضربج بعد بس بشرط تطيعيني و مشردين مني بعد
هزت راسها اي وهي تشهك

:  هاي هي تبت والله ما عرفتك انت غيث متوقعتك شرطي.
و بعد اذا تريد من باب البيت ما اطلع

:  ما اضربج بس  حتى ارجع ارضى عنج سايريني بكولشي

كعدت يمها واني اشوف شعرها المحلول لزمت الخصل
:  تحتاجين صالون و هاي قضايا النسوان تسويها..  تذكري منا ورايح انت متزوجة تسوين كولشي حتى زوجج يكون مرتاح
مشاكل مريد قيل وقال مريد ومسمعين بس الي.  و امي

شتحاول تخليج تنقليلها اموري سكته ترى متعرفين امي لوتيه كولش تجيج بالضحك و يا بنيتي يا بعد كلبي ومتحسين نفسج الا كاتة الاول والتالي الي بينا يبفى بينا امي ممنوع تكوليلها شي

باوعتلي بخوف نظرتها بينت هاي مجفصة يم امي

جريت حجايتي

: اهلاااااااا...  غردي شمجفصة

:  سولفتلها كولشي من اول ما عرفتك لمن تلاكينا بالمركز
.
:  انت ليش غبية يعني اني مقبلت اكول لكيتها بتهمة سرقة تدرين باجر من يضيع شي من اهلي حتكونين موضع الشك