براكين الشوق

«٢»

#_♡براكين_الشوق♡٢.

أمّ لازم تجاهد  لأجل الاطفال
تشد عودها وتوكف مثل الرجال
أمّ بالشرف هي  مضرب الأمثال
منا الها  تحية  وحب و اجلال

بقلمي.
ــــــــــــــــــــــــــــــ

علي.

سندت اخوي و احمد راح صاح عمامي ركض عمي فضل و شال غيث و ركضوا بيه للمستشفى

ركضت لأمي بس كتلها كامت مدوهنه وهي ما تعرف شسوي  تمشي تتعثر لزمتها عمتي جمايل

جمايل
: وين تردين و انت حرمه بالعدة  اكيد عمامه يمه..

اسمع امي تنحب و تنوح...

: عوفيني جمايل وليدي بس لا مات. 

حاجيتها اسند امي..

: لا ما مات و الله عايش بس طلع منه دم هواي سبح بالدم..

جنت ابجي و رياد هنا حجه

: اي و الله يمه كلش سبح بالدم..

امي سمعت هيج و تخبلت تربعت بنص الهول تلطم و دك..

: يبوووووو الولد لحك ابوه يبووووو وليدي مات

طردتنا عمتي جمايل

:انتم تخبلوها علينا خايبة مابيه شي ابنج ممذور وكح لا تخافين هسة يطلع ما بيه شي..

اجت روز و جابت مي لأمي..

جريت الماي منها ما احبها كلش.

و ما اريدها تشرب امي مي

: جيبيه...

اباوع النسوان كامن يواسن امي و الي تهدأها الي تكلها اكيد ما بيه شي لا تخافين..

حضنتني و حضنت رياد..

: بس كلولي اخوكم فاقد لو جان صاحي خاف مات ولكم احجوا

رد رياد : ميت

تخبلت اني ظلت تكمش،شعرها

: راااح وليدي رادت تطلع لزمنها. النسوان

مرة صيحت عليها : تخبلتي اخذوه مستشفى تطلعين برة شسويلة ماهو. انتظري هسة يجيبوه

و هذا ابنج شفهمه شافه خربان كال ميت..

: خلني  وليدي غيث يمة غيوثي ...

هنا  باوعت لرياد
: هو مغمي عليه مو ميت ليش تكذب عيب امك فحطت من البجي يمة ماكو شي و الله

هسة يجي.  احلفج بداعتي اني علي الحنين..

دردمت عمتي جمايل
: اااح انوووب علي الحنين خوش مطلعيلك  لقب...

سمعتها عمتي طبعها مو حلو ما تستحي و تحب تسيطر عالوادم تكره  ابوية و يغارون منه لأن  اخوهم من الاب بس..

ساعة و اجوا كلي عمي فضل

: بويه علي سويلنا طريق للاستقبال