براكين الشوق

22

#ينبوع_الحنان ٢٢

ذله يا قاسي محبتك

رمل ما تثبت عرفتك
ذلة يا ظالم محبتك
رمل ما تثبت عرفتك..
يضيع جدمه اليمشي بيك
يضيع عمرة اليمشي بيك
يا خسارة عمري بيك.
بعد لصدك اجيك

هم سهرت الليل مثلي
دوم تتمناني يمك
لو تنام وتنسى كلشي
صرنا ماضي ما يهمك
هيد يا كلبي هيد
اجوي بيك وما يفيد
شفادني تعبي عليك
شفادني سهري عليك

ضاعت سنيني الطويلة
وياك يالمتسوى منها
راح اظم باقي العمر
للدموع وللصبر

ــــــــــــــــــــــــــــــــــــــــ

بحضني تنحب بخوف
: رضا لا.. اخاف

وخرت منها و اني اكلب بوجهها وركبتها خاف تركت اثر و يحسون بينا و تصير مشاكل

بست راسها معتذر لحظة شيطاني و ضعفي

امسح بوجهي و طردتها كبل لا اغلط اكثر
الى ما لا رجعه..

رضا : طلعي برى منال اول مرة اتنازل عن شرفي مبادئي مليون مرة اكلج الليل مغري لتجيني
متوبين. تستاهلي السويته

تشهك و تغلط علي و تتحلف بيه تحجي لابوها

: طلعي برى كبل لا اكمل الي تركته الج

عدلت ملابسها ودكمت زيك دشداشتها
و هي ترجع تضفر شعرها بيد ترجف

: ما ازوجك بعد انت واحد متستحي سرسري

:مقبولة و حقج..

: و نسونجي.. واحد بلا ذمة و ضمير شرفك اني و عرضك

: طلعي منال واصل فول لا اطلع بيج هسة طريق ما منه رجعه.. روحي الله يستر على عرضج و لتجيني بعد بالليل اعتبريه هذا درس اتوبج من جيتج هاي...

تشهك نزعت نعلهة شمرته علي و غلطت

: ما تستحي مو امان طلعت بعد ولا احاجيك..

ركضت لزمتها و لويت ايدها

: عيديها وشمري علي نعالج اكسرها لأيدج
يلة ولي نامي لتجيني بالليل بعد شلون صلافه منج

واجهتني بعناد

: تضربني؟ هاي بدايتها مزوجنه بعد

كالت هذا وهي ايدها على خدها لان انطيتها راشدي...

راحت و جريت حسرة..

شسويت رضا خالك مأمنك عرضه وانت طلعت مو كفو شسويت

اعوذ بالله من وسوسة الشياطين..

جن هذا الليل مناوي يخلص طلعت منال تبجي اندك الباب هم رجعت هاي المرة ابسطها

بس، صوت دكة باب و ي همسة استغربت جيتها الي و كل معرفتي بيها كد سلام
خاف هاي،نورية اجت ترزلني منال حجت يمها
صحت