براكين الشوق

١٧.

.
#

ينـــــــبـــــــــوع_الحـــــــنان17

يا صاحبي غلال دهري بهل وكت غلني
و برمح چتال بسويد الگلب غلني..

لا تحسبوني.   غدرت...  عن الغدر غلني
يا وسفتي الواعدوا ما يوم وفوا وعد..

طعنات گلبي فلا بحساب يحصن وعد
عددت لحني واردد ذكرياتي...  وعد...
يامن اغنيلك يوم الي غني...
#دارمي  اغنية ماضي فعلك
#، فؤاد سالم..
ــــــــــــــــــــــــــــــــــــ

♡علي.

حاجيت عمي الي هو و ولده يردون يركبون السيارات

: شصاير

باوعلي عمي فضل : علي مسار بالأنفجار.  ..

: شنووووو؟

: استشهد...

جانوا الجوارين والولد يتراكضون.. و رياد يتصل...

: بيا مستشفى جاي وياكم منو يكول الخبر صح

رياد : علي نقال مسار يم المرور  من اتصل عمي بيه...

جان انمار يمسح بوجهة و هو يبجي و عباس معصب يخابر جماعة مسار الي ما يرد والي مغلق و ما نعرف شصار..

رياد : احمد ماكو خو ما هم بالأنفجار

عباس : احمد راح لمكان الانفجار يشوف مسار وياهم لو بلكت مو وياهم اخوتي اندعوا اخوية مبيه شي...

جانوا مخبوصين ام احمد من سمعت بأبنها ماكو هم تخبلت...
: شوداه و خاف يصير انفجار ثاني يروح وليدي 

ام مسار مغمي عليها وامي . تصحيها

شفت زهراء ببدلتها و هي مغطية بس شعرها بالكب وجهها طالع رحت بساع ادخلها لبيت عمي

: لا طلعين ان شاء الله ماكو شي

جانت مو بوعيها ظليت محتار اروح وي الفزعوا لو منا اختي. 

اشرت لأمي

: يمة هي بحالة صدمة دربالج لا تطلع بالشارع..

اباوعلها عيونها موسعتهم ومبينة شاردة التفكير...

مسحت عيوني  دموعي الي نزلت على ابن عمي و اختي الما تهنت بعرسها..

همس : زهراء اسمعي . خوية اصحي..يمة لا تتخبل شلون. 

ظليت محتار الحك ولد عمي واخوتي لو ابقى

: علي لا تروح مو كلها تفزع لازم واحد يبقى...

باوعت لامي و اشرت : دربالج على زهرة اني رايح

جان صريخ و لطم النسوان والي تتصل بابنها اخوها زوجها اقاربها تطمن مو بالانفجار