براكين الشوق

٥٨

#براكين_الشوق٥٨
#القواعد_الخمس

القاعدة الثالثة..

كلهن ساكنات انت فقط تاء التأنيث المتحركة
كتلها سهلة وهي ابد مو سهلة
اليرضى بفراكج ابد مو انسان

رضا...

متوتر كولش..  فأكو رحلة بسفينه لعدة بلدان كل بلد نبقى اسبوع بيه مدة الرحلة اربع اشهر
كلت لحالي  ارفه نفسي شباقي بالعمر
واظل بس ابجي اطلالي.. 
اريد انسى بس ما اكدر رغم اعيش حياتي وونستي بس اكو غصة داخلي

ابحرت السفينه..  التابعة لاحدى شركات سياحية

و اني منتجي على السياج اباوع للبحر والامواج
اتخيل رسمتها مطبوعة هنا
منال مثل موج بحر
كل شوي  تتقاذفني

ضحكة انثوية جذبت انتباهي التفتت
شفت امرأة  عربية
من لهجتها..  عرفتها تونسية

ظليت ادمدم وحدي برشا برشا.
التفتت مستغربة..

درت انطيتها ظهري مجاهل

لا عبالها زاحف لو اريد تنتبهلي
ورجعت احاجي الامواج..

واعاتب بيهن منال...

: فراكج صعب بس الاصعب علي رجوعي الج..  خليتيني بوضع
صعب منال...

مشتاقلج بس مكدر ارجع الج مكدر اذل روحي..

طلعت عودي من جنطته
واني اعزف و اغني

ممهتم للي تجمهر  و يشجع لو يصفق
بيهم يفهم شغني من العرب وبيهم اجانب بفضول يستمع لرطيني بالنسبة الهم رطين لغة ميعرفوها

ضيعتني وضاع كل عمري بصدودك

صدك لو كالوا يروحي المالة اول مالة تالي
الدنيا وانته حملت كلبي العذاب
الدنيا وانته ما نفع بيكم عتاب
خلص صبر الليالي الليالي
بعد شصبر يا غالي...

وانتهينا من ادينا و ضيعتني ضيعتني
وضاع كل عمري بصدودك
جنت اكولك وين شوكك
وين يا غالي وعودك..
وين كلمات المحبة الهودرن بينا الليالي
يلي اغلى الناس عندي يلربيت بفي دلالي.
و الله مو ع بال نفترك و الحب يضيع
انه اول من وفالك وانت اول من يبيع.

استمريت اغني ومن خلصوا انتبهت من دموعي الي غدرتني
على تصفيق جمهوري بالسفينة

ابتسمت و هزيت راسي الهم بعلامة شكرا
و رحت لكابينتي مهموم منهار..

وعد...
دخلت القفص جان يسدة علينا وتقرب و اختلفت الملامح لغضب

:  منو يخلصج مني امج مكفاها دمرت امي لا لحكتني على ابوية

باوعتله بصدمة.:  شتريد تسوي بس لا تخنكني واموت ترى غيث يسجنك و يعذبك بالسجن.
شغل جكارة مدري وين  جان ضامها هي والجداحة وهو يشرب ويباوعلي.