براكين الشوق

٦٨

#براكين_الشوق٦٨
«بين الطيف و الواقع»

.خطوتين وثلاثة وكبرت السكته
بس نوح الحمام ودمع الورود
خطوتين وثلاثة وكبرت السكته
رحت وانطفت ضحكاتي عالخدود...

ـــــــــــــــــــــــــــــــــــــــــــــــــــ

علي..

بعد ايام.....

واني باحد الجوامع صليت صلاة الحاجة

و راها طلعت واني اتصل بلي يوفرلي العلاجات..

رحت للمستشفى الاهلي.. واسال امكانية نقل مريضة.. و التكاليف مبيت الليلة شكد..

و بيدي تقاريرها عرضتها ع اطبائهم بين الي لازم اول تتحسن شوي لأن مدام اول نقل الها لمستشفى مو كلش بعيد مرت بذبحة صدرية و كانت معرضة للسكته..

اخذت العلاج ورجعت للمستشفى الحكومي

ما اسولفلكم الفورتات تاخرني فكمت كلة تكسيات و يعني مصرف ثاني..

لمن غيث كال استخدم سيارتي.
بس اليوم صبحت بعطل تركتها يتمعمر بيها واجيت اكمل مشواري ب تكسيات..

استلمت فلوس السيارة الي بعتها..
و خالي دز فلوس الدونم الي باعة.. و اني انتظر بس شوي تتحمل نقل. حتى انقلها لمستشفى اهلي.. بعد ما نقلتها قبل ثلاث ايام لحكومي. ثاني حسب نصيحة الطبيب لأجل قرب المسافة لأن ابمرض امي صارت الثواني محسوبة مو بس الدقائق...

بقيت انتظر شوي و اذنلي الطبيب اخو وليد صاحب غيث.. سلم علي..

: علي جبت الابر هاي ضروية... جدا وعندي الك بشارة..

انطيته العلاج. كلفني اكثر من ٥٠٠ الف.

: هاي الابر كولش زينه الكتلك عليها.. لا تخاف ابو حسين ان شاء الله خير..
ثلاث ابر من هاي يوميا... تحفز كريات الدم البيض بالانخفاض و همات.. شغلها شلون الصدمة كهربائية للقلب نضمن ميتوقف و حل مؤقت الى ان تتحسن

حتى تباشر عمليات القلب التكون ع ثلاث مراحل...
و راح هنا نضمن ميتجلط الدم بالجسم و يتخثر بالشراين بسبب هبوط الدورة الدموية نتيجة وضع الصمامات..

شوف اكولك.. هي مبدأيا بدت تستجاب للعلاج.
و الجهاز مناعي تراجع و دتنزل نسبة ارتفاع كريات دم بيض..
و بهاي الابر راح نستبشر خير هو ليش كوتلك خلي اقامتها بالحكومي بس علاجها خاص و كلة مستورد توفرلك فلوس الابر لان غالية جدا..

انت جايب ابر ليوم واحد تكلفتها ثلاث ابر كلفتك ٥٠٠ احسب احسابك يومية ثلاث ابر..

يعني افضلك تجيب لاسبوع كامل..

: كولشي اسوي لو احفر الكاع بس امي ترجع النا.
: ان شاء الله نتلاحكلها وبقت ارادة الله فوق الطب والجميع.