براكين الشوق

٥٤

.براكين_الشوق54
الحب الأوحد

من ثكل بية التعب
بس على روحي انتجيت 💔

# قبل يومين نقلا عن حالة واتس لرضا
ـــــــــــــــــــــــــــــــــــ

ايات...

وكع التلفون مني مكدرت الزمه بعد واني الرجفه مستحوذة علي
انهياراتي.. شلون كدر يعوفني ويروح شلون كدر يتخلى عني واحنا عشنا قصة حب من الطفولة حبيته...

شلون بهاي السهولة راح..

مكدر استوعب بس هو خلاص راح وتركني وراه منهارة وهسترية

مريضة و مهمومة.. راح خلاص

بس هاي العبارات ارددها

تركني وراح تخلى عني عافني واني وحيدة عافني و ما رأف بحبي اله..

شوي و دنكت على النقال واني من كل عقلي اذا اتصل بيه هسة حيجاوبني ...

غمضت عيني واني اسمع رنين الهاتف الاخر بالحزام المشمع الي
على الطاولة كدامي..

شهكة وراها غصة وتلحكها انهيار..

و رجعت ورى لـ كم شهر...

آيات: رياد ابو الشقة يريد الايجار اني تعبت الحياة هنا صعبة بالعراق على الاقل وسط ناسنا من تتأزم علينا الظروف اهلنا يشيلونه

باوعلي و حضني

: كولشي يكون بخير بس وثقي بيه راح تشوفين الأحلام تتحقق

تنرفزت
: بشنو تتحقق بشغلك عامل نفايات لو صبي بكوفي...

ولك انت دبلوم.. تشتغل كناس لو ويتر ؟
على الاقل ببلدنا منوصل لهيج مواصيل.. لو ظال ومشتغل بستوديو علاوي ولا ذلتنا هاي بالغرب.

: مقدم على ال un لسة مطلع اسمنا نصبر والله كريم..
تذكرت اتفاقي وي ماما منال اتململ حتى يحس ونرجع

بس هو جان مصر نبقى...

: اني تعبت..

حجيتها بصوت نبرة بجي

رجعت بالتدريج اعلي بصوتي لمن صارت الكلمة من منخفضة الى اعلى صوت
ولك تعبببببتتتتتت

بالبداية مجنت اعرف عمي يدزلنا
بس بعدين هو اعترفلي..

و نبهني اذا حجيت يم ماما منال عمي يساعدنا.. راح يسفرني العراق و ننفصل.
ادري مجرد يخوفني.. و ميجرأ فراقي.
هذا وقتها شعوري...

ظليت بين حانا ومانا..
رضختله و سكتت..

يمكن لو حاجية جا منعت ماما منال عمو مثل ما منعت علاوي الي جان يدز وفجأة اتصل كال
رياد ارجع اذا اظل ادزلك مترجع ومنريدك تبقى.

علاوي الحنين يمكن وقتها فكر الافضل يضغط على رياد حتى يرجعه لعقله بدل مجاي يجازف بينا بوسط بلد غرب.