براكين الشوق

٣٧

#براكين_الشوق٣٧
الحب الأوحد.
ـــــــــــــــــــــــــ

ياخي مرت علي،سمرة

اويلاه
خفگ گلبي و حرت بامره اويلاه
و سحرني الاسمر بنظرة اويلاه
و جفاني و زاد تعذيبي اويلاه

يا شاطي البحر و اسراره
السفن تعشك البحارة
تمنيتج الي جارة اويلاه
جفيتي وزاد تعذيبي اويلاه

يا ريم الصحرا.. يا اسمر
يبـــــي يراوي حبيبه المر يالاسمر
بكذلتو المسچ و العنبر يا الاسمر
جفاني و زاد تعذيبي يالاسمر ــــــــــــــــ(الاغنية لهجة بصرية الاصلية  )

ــــــــــــــــــ

سولاف..

اجة رياد تولاه دفع

: ولك علي المرة حامل انت شبيك
مخبل ما تكولي شبيك..

لزمني خالتي بشة وماما سولاف و رياد الي تعلم السياقة من اشهر
صاح
: هاي جنها تنزف يلة شيل مرتك للمستشفى...

ورى معاناة...و الم كل الم يبدر مني ادعي على علي..

ماما منال لازم ايدي انطت فلوس بس حتى تفوت وياي للردهة

توقف النزف بس القابلة كالت
ولادة مبكرة واحتمال الطفل يموت..

بس الله سبحانه شاء ابقى مربوطة بعلي حتى لو  مقررة ننفصل..ارتبط وياه بطفل.

بشة

اباوع لسولاف عينها مورمة خطية

تون... و منظرها كولش مؤلم.

شفت منال بالممر خارج غرف الردهات
وهي.  ترزل علي..

منال : علي ليش هيج ابني ليش لك حرام تريدني اتبرى منك  هماتين،  ربي شنو ذنبي وهاي خلفتي استغفر الله واتوب اليه هاي عود انت الجبير لعد ما الوم اخوانك  .
لاااااا انت مو علي لاااااا لك شصاير شنو يوم القيامه حيصير حتنتهي الدنيا لك ربيتكم احسن تربية واحد يغتصب بنت وواحد يوميه يحب وحدة من بنات عمه وما يعرف شيريد عود استقر على ايات و هسة طلعلي سالفة الهجرة

و هسة انت ميت بيدين مغيسل والله عمي جميلة خوش تشتغل..

....علي استغفر ربك كبل لا اغضب  لك خالتك بشة كلتلي..
منتبهة عليك ما تقرا قرأن و كاطع صلاتك...

باوعلي علي بنظرة لوم..

غطيت وجهي،بطرف عباتي عزا منال ترحين تكوليلة كتلج... هسة لو كايلتلة تعرفين بية ليش تسمين مسميات

شكد عيب كشفتني و هسة يضوج مني

دخلت منال يم سولاف..

باوعلي علي

: خالة ليش فتانه مو عيب

خلا وراح. ظليت ادردم عليه.

:  وي..  شلون اسكت و تمشي غلط.