براكين الشوق

«9»

.#ينبوع_الحنان٩

طكني

ـــــــــــــــــــــــــــــــــ

غيث...

جنت يم جماعتي ورى منامت امي...و علي خفارة حراسة...طلعت بسكته.؟..

خوش شغل لكيت وياهم كرف فلوس... بس احتاج راس مال... و علي خوش مجمعله فلوس
بس اربح ارجع فلوسه...

اتفقت وي عون كبسله ... اسلمه المبلغ لذا بس ناموا طلعت... ركض....
جانت الساعة بالوحدة الا ربع

بقيت فترة يم الولد نخطط...و عون جان يشجعني.. هو وحمزة جرجير هذا حمزة ما يحجي بشغلة بس نبهوني ولد لا يقشمرني بحجة يجيبلي بنية و علاقه و يصور وميطلع وجهي.. لأن ممكن يبتزني.  

لذا جنت حذر منه...

  برجعتي للبيت لكيت بابنا الخارجي مفتوح و الهوا يلعب بيه ينسد وينفتح.  

استغربت بس لا حرامي فايتلنا اني سديتهن من طلعت. 

ركضت بخوف

اسمع صايح علي..  اهوو.شرجعه و النوب عايف البيبان مفتحه.. مبارك لو قافل باب الشارع..

شبيه بس لا حس بكت فلوسه و يعارك امي.. بهذا الوقت...خل ادخل لا يحسون.. واخلي الامور طبيعيه..
جان صايح بغرفة علي قوي و تكسر..
قفلت البيبان بساع...
واني ارجف... خاف عرف بالفلوس بس هذا فلوسة يم امي وهو جاي يعارك مرته..اووو شعلي

رحت غرفتي 
بسرعه بدلت لا يكعد رياد التنبل و ينتبهلي بملابس طلعه..

عكشت شعري....

صوت خواتي برى غرفته يبجن يكلله

: علي افتح الباب شبيك.

هنا طلعت افرك عيونيى..

: شصاير؟!

زهراء لزمت ايدي.
: الحك علي.... مدري شبيه. 

قبل لا افتح غرفه علي.. طلع يسحل مرته للمطبخ..

اريد الزمه دفعني

: وخر اليوم اغسل عار هاي.

.

: اذكر الله خوية شبيك توني كعدت على صوت صريخك... علي شبيك وضعك.. شنو تغسل عار يمعود شكو..